Diosa' kiika; Génesis, Éxodo y El Nuevo Testamento

<div class="version vid535 iso6393cbi" data-vid="535" data-iso6393="cbi">
 <div class="book bkJHN">
 <div class="chapter ch15" data-usfm="JHN.15">
 <div class="label">15</div><div class="s">Jes&#250;s ura uva chi juu&#241;uu.</div><div class="p"> 1Jes&#250;s kayu pa' jindu tsandimi: Iya ura uva chi juu&#241;uuyu, tsenmala in Apaa uva chi washke' awakaamu ruku juu&#241;uuve. 2Ma ali uva puka ityu alleeba junmalaya yaa mandaapumuve, tsenmin puka imu alilanu bain daapu' mantsa'pupukemuve, kayu inutsu. 3&#209;ullaya yumaa demangasha'puu&#241;u deeve in pa&#241;u palaa demere' mitya. 4Iya naajuwa &#241;uiba ma bulu juuwashu, &#241;ui bain iba juntsaadei. Naajunga ma uva chi ali ya' chinu shu'nai'shu juntsaa uva nadinu jutyushu, naa &#241;ui bain juntsaa&#241;uu junu dejuve, inuren demi'nai'shu juntsaa.</div><div class="p"> 5Iya uva chi juu&#241;uunmala, &#241;ulla uva ali juu&#241;u deeve. Mun inu shupina&#241;u denanmala, i bain yaiba bulu jushu juntsaa, juntsalaya pure' puka kuwaki&#241;unguenu detsuve. Tsa' mitya ibaya tsanguenuu dejuve, tsaaren iban bulu jutyushu juntsaa, &#241;ulla tibanguenu dejutyuve. 6Mun inu shu'na&#241;u denai'shu juntsaa balejtu alleeba ju' daakaya' vee mujtu tyatyun tsainu detsuve. Tsai' de-ejke' kanmala te'kaya' &#241;inbaasha ju'kenu kevin tsainu detsuve. 7&#209;ulla ibaren bulu dejushu juntsaa, tsenmin in palaanu demeengue' naaju&#241;u bain tsangues jindetsushu juntsaa, ti pakenden&#241;u bain pa'dei, tsenmala tsainu tsuve. 8In Apa tsamantsaa katawanu tsuve, &#241;ulla cheeba ju' pure' puka kuwan tsa deke', ura uwain in disipulu deju' bain tsangue dekeewaashu juntsaa.</div><div class="p"> 9In Apa inu naa-i estyamu&#241;uba, i bain &#241;ullanu tsai estyamuyu; tsa' mitya iya &#241;ullanu naa-i estya&#241;u bain naa-uwanu bain tsai estyakutyan chunu kidei. 10Iya naa naakidei ti&#241;uba &#241;ulla meenguendetsushu juntsaa, iya &#241;ullanu naa-i estya&#241;u bain naa-uwanu bain tsai estyakutyan chunu detsuve, tsaju' i bain in Apa naati&#241;uba juntsanguenduya naa-uwanuba in Apachi tsaren estyakutyan chuyu. &#209;ui bain juntsaadei. 11&#209;ullanu entsandintsumiya iba bulu desundyatu, mika desundyasa ten&#241;undiyu tsandimi. 12&#209;ullanu entsanguidei tintsuyu: iya &#241;ullanu naa-i estyamuwaa&#241;uba, &#241;uitala bain veta' veta' juntsai estyadei. 13Ura' keranu chachillanu estyanchiren yala' mitya tuta'ba ma tutainui estyamunuya naa muba pullai estyan dejutyuve. 14&#209;ulla iya naakidei ti&#241;uba tsanguemu deeshu juntsaa, in keranu chachilla deeve. 15Entsa ajkesha ne &#241;ullanu taawasha kemu chachi deeve tiitinu jutyuyu, taawasha kemu chachillaya yalanu mandanguemu ruku tyee kemu&#241;u bain mijtuwa dee&#241;u' mitya. Challa iya &#241;ullanu in keranu chachilla deeve timiya, in Apa ti naajaa inu pamuwaa&#241;u bain kumuinchi tiba &#241;ullanu demijakaake' mityaa tsandintsuyu. 16&#209;ullaa inu mi'ke' katyuwa deeve; iyaa &#241;ullanu mi'ke' ka' puka imu cheeba deju&#241;u jun tsaa, pure' puka ide-ii ti' natintsunu mandanguemuyu, naa-uwanuba pu' tinbu puityumujchi. &#209;ulla tsa dekishu juntsaya, in Apa in mityaren &#241;ulla ti depa'&#241;uba tsanguikaanu tsuve. 17Entsaaya kidei tintsuyu: Mu bain veta' veta' estyadei.</div><div class="s">Ujcha lamula Cristo' disipululanutyutyanu dejuve.</div><div class="p"> 18Tsandenna ujcha lan chumu chachilla &#241;ullanu detyutya'ba inmalaya, yumaa ajke' inaa tyutyamuwa deeve pensanguidei. 19&#209;ulla ujcha lan chumu chachilla naaken chumu dee&#241;u bain tsanguemu deju&#241;uya, yala &#241;ullanu mika estyachu deeve, tsaa chachiitalaya estyamu de' mitya. Tsaanuren iya &#241;ullanu ujcha lamu chachilla' kejtsapalaren dete'lare' inu keranguemu chachi detire&#241;u' mityaa, yala &#241;ullanu tyutyamu deeve, &#241;ulla yumaa yala tsaa chachi dejutyu&#241;u' mitya. 20Iya kaspele &#241;ullanu naatimu&#241;uba juntsanu mandengakidei: manda-i' taawasha kemu chachiya yanu uudenguemunu pullaa jutyuve. Ura inuren firu' kenu bendaa nemuwa deeshu juntsaa, &#241;ullanu bain firu' kenu bendaa nenu detsuve; tsaaren in palaanu meedimuwa deeshu juntsaa, &#241;ulla' palaanu bain meedinu detsuve. 21Tsa' mitya &#241;ullanu bain juntsanguenu dejuve in mityaren, inu engu eemu rukunu kerajdetu' mitya. 22Iren engu ja' patyuwaa&#241;uya yala kuipa tajtuchu deeve, tsaaren challa, naati' ne yala' ujcha' mitya kuipajtuyu tinuba dejutyuve, i wain&#241;u' mitya. 23Mun inu tyutya' bain in Apanu bain tsaren tyutyantsuve. 24Iren muba ke' keewaatyunutsumi yalanu ke' keewaatyu&#241;uya, yala tichiba ujcha tajtuchu deeve, tsaaren tsaa dekatatun, inu bain, in Apanu bain detyutyave. 25Tsaaren entsaimiya, yala' lei kiikanu naajuinga: Iya tichiba kuipajtunun, inu detyutyave, #15.25 Salmos 35.19; 69.4 ti' pillashu, tsa' mityaa tsaive.</div><div class="p"> 26&#209;ullanu iya mandanguikenu juuwashu juntsa Balelamu, Dioschi naaju&#241;uba wainmu Esp&#237;ritu in Apa' junga fale' jamaa, naama ja' bain in mitya panu tsuve. 27Naa &#241;ui bain in mitya pamu deeve, umaa peepukenu uwanun &#241;ulla iba buluren nemuwa de' mitya.</div>
 </div>
 </div>
</div>

Jesús kayu pa' jindu tsandimi: Iya ura uva chi juuñuuyu, tsenmala in Apaa uva chi washke' awakaamu ruku juuñuuve. Ma ali uva puka ityu alleeba junmalaya yaa mandaapumuve, tsenmin puka imu alilanu bain daapu' mantsa'pupukemuve, kayu inutsu. Ñullaya yumaa demangasha'puuñu deeve in pañu palaa demere' mitya. Iya naajuwa ñuiba ma bulu juuwashu, ñui bain iba juntsaadei. Naajunga ma uva chi ali ya' chinu shu'nai'shu juntsaa uva nadinu jutyushu, naa ñui bain juntsaañuu junu dejuve, inuren demi'nai'shu juntsaa.
Iya uva chi juuñuunmala, ñulla uva ali juuñu deeve. Mun inu shupinañu denanmala, i bain yaiba bulu jushu juntsaa, juntsalaya pure' puka kuwakiñunguenu detsuve. Tsa' mitya ibaya tsanguenuu dejuve, tsaaren iban bulu jutyushu juntsaa, ñulla tibanguenu dejutyuve. Mun inu shu'nañu denai'shu juntsaa balejtu alleeba ju' daakaya' vee mujtu tyatyun tsainu detsuve. Tsai' de-ejke' kanmala te'kaya' ñinbaasha ju'kenu kevin tsainu detsuve. Ñulla ibaren bulu dejushu juntsaa, tsenmin in palaanu demeengue' naajuñu bain tsangues jindetsushu juntsaa, ti pakendenñu bain pa'dei, tsenmala tsainu tsuve. In Apa tsamantsaa katawanu tsuve, ñulla cheeba ju' pure' puka kuwan tsa deke', ura uwain in disipulu deju' bain tsangue dekeewaashu juntsaa.
In Apa inu naa-i estyamuñuba, i bain ñullanu tsai estyamuyu; tsa' mitya iya ñullanu naa-i estyañu bain naa-uwanu bain tsai estyakutyan chunu kidei. Iya naa naakidei tiñuba ñulla meenguendetsushu juntsaa, iya ñullanu naa-i estyañu bain naa-uwanu bain tsai estyakutyan chunu detsuve, tsaju' i bain in Apa naatiñuba juntsanguenduya naa-uwanuba in Apachi tsaren estyakutyan chuyu. Ñui bain juntsaadei. Ñullanu entsandintsumiya iba bulu desundyatu, mika desundyasa tenñundiyu tsandimi. Ñullanu entsanguidei tintsuyu: iya ñullanu naa-i estyamuwaañuba, ñuitala bain veta' veta' juntsai estyadei. Ura' keranu chachillanu estyanchiren yala' mitya tuta'ba ma tutainui estyamunuya naa muba pullai estyan dejutyuve. Ñulla iya naakidei tiñuba tsanguemu deeshu juntsaa, in keranu chachilla deeve. Entsa ajkesha ne ñullanu taawasha kemu chachi deeve tiitinu jutyuyu, taawasha kemu chachillaya yalanu mandanguemu ruku tyee kemuñu bain mijtuwa deeñu' mitya. Challa iya ñullanu in keranu chachilla deeve timiya, in Apa ti naajaa inu pamuwaañu bain kumuinchi tiba ñullanu demijakaake' mityaa tsandintsuyu. Ñullaa inu mi'ke' katyuwa deeve; iyaa ñullanu mi'ke' ka' puka imu cheeba dejuñu jun tsaa, pure' puka ide-ii ti' natintsunu mandanguemuyu, naa-uwanuba pu' tinbu puityumujchi. Ñulla tsa dekishu juntsaya, in Apa in mityaren ñulla ti depa'ñuba tsanguikaanu tsuve. Entsaaya kidei tintsuyu: Mu bain veta' veta' estyadei.

Tsandenna ujcha lan chumu chachilla ñullanu detyutya'ba inmalaya, yumaa ajke' inaa tyutyamuwa deeve pensanguidei. Ñulla ujcha lan chumu chachilla naaken chumu deeñu bain tsanguemu dejuñuya, yala ñullanu mika estyachu deeve, tsaa chachiitalaya estyamu de' mitya. Tsaanuren iya ñullanu ujcha lamu chachilla' kejtsapalaren dete'lare' inu keranguemu chachi detireñu' mityaa, yala ñullanu tyutyamu deeve, ñulla yumaa yala tsaa chachi dejutyuñu' mitya. Iya kaspele ñullanu naatimuñuba juntsanu mandengakidei: manda-i' taawasha kemu chachiya yanu uudenguemunu pullaa jutyuve. Ura inuren firu' kenu bendaa nemuwa deeshu juntsaa, ñullanu bain firu' kenu bendaa nenu detsuve; tsaaren in palaanu meedimuwa deeshu juntsaa, ñulla' palaanu bain meedinu detsuve. Tsa' mitya ñullanu bain juntsanguenu dejuve in mityaren, inu engu eemu rukunu kerajdetu' mitya. Iren engu ja' patyuwaañuya yala kuipa tajtuchu deeve, tsaaren challa, naati' ne yala' ujcha' mitya kuipajtuyu tinuba dejutyuve, i wainñu' mitya. Mun inu tyutya' bain in Apanu bain tsaren tyutyantsuve. Iren muba ke' keewaatyunutsumi yalanu ke' keewaatyuñuya, yala tichiba ujcha tajtuchu deeve, tsaaren tsaa dekatatun, inu bain, in Apanu bain detyutyave. Tsaaren entsaimiya, yala' lei kiikanu naajuinga: Iya tichiba kuipajtunun, inu detyutyave, ti' pillashu, tsa' mityaa tsaive.
Ñullanu iya mandanguikenu juuwashu juntsa Balelamu, Dioschi naajuñuba wainmu Espíritu in Apa' junga fale' jamaa, naama ja' bain in mitya panu tsuve. Naa ñui bain in mitya pamu deeve, umaa peepukenu uwanun ñulla iba buluren nemuwa de' mitya.

Listen to Juan 15