New Testament in Carrier, Southern (CA:caf:Carrier, Southern)

Yakʼusda bughunek: k’andit khunek neba lhaidinla

<div class="version vid537 iso6393caf" data-vid="537" data-iso6393="caf">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s">Sizi Nicodemus y&#250;lhni doo chah zeh whutanle huba 'uhoont'ah</div><div class="p"> 1'Ilhunuh dune Pharisee bulh dezulh, 'en 'ilhunuh Lizwif hubutsuh whudelhdzulh, 'en Nicodemus hiyulhni. 2'En 'ulh'ek 'et Sizi yughu ninya 'ink'ez ndi y&#250;lhni, &#8220;Rabbi, Yak'usda yulh 'int'ah dune, 'en zeh njan huwa '&#233;t'en tune' oot'en huba 'uhoont'ah. 'Et huwa soo t'ets'on&#237;nzun dune hoodulh'eh Yak'usda ts'ih ha&#237;nya, 'en inli ho' nint'ah.&#8221; 3'Et Sizi 'uy&#250;lhni, &#8220;Soo ts'ah'un na'a nyud&#250;sni, dune doo chah zeh whuzdli t'eh, 'et t'eh zeh nts'e Yak'usda 'en hubudayi cho unli whute'ilh.&#8221; 4'Et Nicodemus ndi y&#250;lhni, &#8220;Nts'e na'a suba 'ilhunuh dune tube ye'un uzulh, 'en doo chah 'uh&#243;oleh ho' dini? 'Aw whulh nat be'ama yuchan naooja 'ink'ez doo chah 'uh&#243;oleh gha&#237;t'ah!&#8221; y&#250;lhni. 5'Et Sizi ndi y&#250;lhni, &#8220;Soo ts'ah'un na'a nyud&#250;sni, dune too 'ink'ez Ndoni be chah whuzdli t'eh, 'et zeh nts'e dune Yak'usda dich'oh zeh hubudayi cho unli 'et 'aw dah&#243;oya gha&#237;t'ah. 6Ndun dune bugha whuzdli, 'en dune budune 'int'ah, 'ink'ez ndan Ndoni be whuzdli, 'en Ndoni budune 'int'ah. 7'Et nyud&#250;sni nuhwheni doo chah zeh h&#243;hle huba' hoont'ah. Khun teh 'et huwa mba h&#243;cha gunih! 8'Ants'ih nilhts'i delts'ulh li'hoont'ah. Nilhts'i dints'o 'et whunts'ih nts'ez de had&#233;lts'ut k'us nts'e dutelts'ulh 'aw t'&#233;oonuz&#237;nzun. 'Et whuz na'a zeh 'aw t'&#233;oon&#243;nzin gha&#237;t'ah nts'e na'a dune Ndoni be whuzdli,&#8221; y&#250;lhni. 9'Et Nicodemus ndi y&#250;lhni, &#8220;Et nts'e na'a 'uwhut&#233;t'ilh?&#8221; 10'Et Sizi ndi y&#250;lhni, &#8220;Et nyun Israel buts'u hainde whubodilh'eh inli, 'ink'ez nts'e na'a 'int'ah njan 'aw nyeni be t'&#233;oonuz&#237;nzun? 11Soo ts'ah'un na'a njan nyud&#250;sni, t'&#233;ts'on&#237;nzun ndet howu yats'ulhtuk 'ink'ez ts'ah'un na'a nuhwhuts'&#250;tni ndai ts'a'en 'ink'ez nuhwheni 'aw neghunek nuhwhuba 'alha' cha'&#237;t'ah. 12Ndi yun k'ut nts'oh tulih n&#233;'whut'en, 'et hubugha '&#250;n whudusni, 'et whunts'ih nuhwhuba '&#225;lha cha'h&#243;ot'ah nts'e na'a simba nduk yak'uz n&#233;'whut'en, 'et hubugha '&#250;n whudusni, 'et nuhwhuba 'alha 'uhot'e? 13'Aw 'ilhunuh dune nduk yak'uz whenya hoolah, 'aw 'ilhunuh zeh 'uja ndus de yak'uz ha&#237;nya. 'En 'int'ah yinkak dune ye' unli, 'en 'int'ah yak'uz whukeyah whuz'ai. 14'Uda 'aw dune chahah&#243;ot'ih 'et Moses 'en tl'ughus k'ed&#233;ltsi dibe' yudilhtsi inle, whuz na'a yinkak dune ye' dibe na'hid&#243;olhtsih huba 'uhoont'ah. 15'Et huwa ndunnah 'en bugha huba 'alha 'uhoont'ah, 'en 'aw dachatesa,#3:15 Njan ndach&#225;tesa ni, 'aw neyust'e ilah, nezul 'ink'ez ney&#233;gha gha yalhtuk ni ho 'utni. 'ilhuz wule wheni hukhutenalh. 16Yak'usda dalhcho 'i be ndi yun k'ut dune h&#250;buk'entsi', 'aw 'ilhunuh zeh buYe' 'en hubugha &#237;nilhti. 'En bugha ndan huba 'alha' yint'ah 'aw dachah&#250;tesa, 'ilhuz wheni hukhutena 'et huwa. 17'Aw dune ba nahuteyeh &#237;lah Yak'usda buYe' ndi yun k'uz yut&#233;lh'a. 'En bugha ndi yun k'ut whut'en 'en ts'iyannah hudoojih, 'et wheni ndi yun k'uz yut&#233;lh'a. 18Ndunnah huba '&#225;lha' yint'ah 'en 'aw huba nachahut&#233;syel. 'Et ndunnah 'aw huba '&#225;lha cha'y&#237;t'ah, 'en 'uda huba nah&#233;zya ho' hint'ah, 'aw Yak'usda buYe' boozi 'aw huba 'alha cha'y&#237;t'ah 'et huwa. 19'En 'int'ah be n&#233;'hoot'en unli ndi yun k'e&#237;nya. 'I 'aw 'i hikacha'n&#237;zun njan tsah&#243;lhgus yuh 'et 'o nus tinch'a 'uh&#250;t'ih, 'et huh&#243;ont'i. 'Et huwa huba nahooyeh. 20Ndunnah hoontsi' tune'h&#250;t'en, 'en ndi be wh&#233;t'en hits'u dutnik. 'Et huwa ndi be wh&#233;t'en, 'aw hits'un t&#243;oya gha&#237;t'ah, doo ka tink'us ne'h&#250;t'en 'et ts'et haoot&#233;lts'ulh 'et whuch'a. 21'Et whunts'ih ndan ts'ah'un na'a 'et'ilh, 'en ndi be wh&#233;t'en ts'un teyalh, 'et hoh ts'iyannah t'ehon&#243;zin, nts'oh tune'&#250;t'en, Yak'usda 'en bugha ne'ts'oot'en.&#8221;</div><div class="s">John dune too be ne'&#250;lh'en doo chah zeh Sizi yuba whud&#233;lhti</div><div class="p"> 22Njan hoh t&#250;ne' whust'en hukw'elh'az Sizi 'ink'ez yugha hoodul'eh Judea yun k'ut ts'ih wheh&#225;ndel. 'Et yugha hoodul'eh higha hud&#225;lts'i 'ink'ez dune too be' &#243;obalh'en. 23Hoh da zeh John 'en chah keyah Aenon huwh&#250;tni, keyah Salem huwh&#250;tni wheghah whuz'ai, 'et dune too be 'oobalh'en, 'et too lhai 'et huwa. Dune hits'u lhadulh 'ink'ez bulunah dune too be' binla. 24'Et John nk'&#225;cha tsak'echalhts'it 'et huwa. 25'Et hoh da John yugha hoodul'eh Lizwif bulh lhk'enahuditdzut Lizwif hube 'ut'en k'ah hukw'una'a lana'huldeh 'et huwa. 26'Et huwa John highu nindel 'ink'ez hiyoodulhkut, &#8220;Rabbi ndun dune 'ilhunuh ngha hoodul'eh, Jordan took'oh nyaz ts'ih, 'en dune hubulh ya&#237;lhtuk &#237;nle, 'aw 'et 'en dune too be '&#250;lh'en 'ink'ez ts'iyannah hits'&#250;n lhadulh,&#8221; hiy&#250;lhni. 27'Et John ndo b&#250;lhni, &#8220;Yak'usda yugha &#243;oni'ai t'eh zeh, 'et huwa 'aw 'ants'ih 'et hoonliyaz 'oot'e gha&#237;t'ah. 28Nuhwhenich'oh 'et whunts'ih daja dusni t'&#233;oon&#225;hzun, si 'aw Christ 'en ilah 'ust'ah, 'et whunts'ih 'ilhunuh yutsuh whus&#225;l'a, 'en 'ust'ah. 29'Et nduh&#243;ont'ah hoh, 'ilhunuh dune ts'eke yughusda, 'en 'at ut'i 'int'ah. 'Et hubuk'entsi' yuzih suyin 'ink'ez yughunek yooz&#233;lhts'ai whuz na'a tube yuba h&#243;ont'i. 'Et nuhwh&#250;dusni si chah whuz na'a tube cho hoon&#250;st'i.#3:29 Ndun dune 'at ut'i 'en Sizi Gri dult'ah, 'ink'ez buk'esi', 'en John dune too be 'ulh'en dult'ah ni ho 'utni. 30'O nus tube cho hid&#243;olhti 'ink'ez si hukw'elh'ih suba hod&#243;olhti, 'et whuz na'a 'uh&#243;t'e huba' hoont'ah. 31Ndun ndus de ha&#237;nya, 'en ts'iyannah hubugha ndoh 'int'ah 'ink'ez ndan yinkak ts'ih ha&#237;nya, 'en yinkak dune unli, 'et huwa ndi yun k'ut hoonli, 'i zeh highu yalhtuk. 'Et ndun yak'uz ha&#237;nya, 'en ts'iyannah hubugha ndoh 'int'ah. 32'Et ndet ndun whunalh'en 'ink'ez whud&#225;nts'o, 'et 'uyoon chah hub&#250;lhni, 'et whunts'ih daja hub&#250;lhni 'aw highunek cha&#237;lhcholh. 33'Et whunts'ih ndun yughunek ilhchoot daja ni, 'en 'utni ndun Yak'usda 'en buba 'alha' yint'ah, ni. 34Ndun 'en Yak'usda whusay&#225;lh'a, 'en 'ink'ez didut Ndoni be yudelhbun, 'et huwa Yak'usda bughunek zeh be y&#225;lhtuk. 35Yak'usda 'en buYe' yuk'entsi' 'et huwa ts'iyaintsuk k'&#250;ne' hool'en, 'et yugha &#243;oni'ai. 36'Et ndunnah ndan Yak'usda buYe' buba 'alha yint'ah, 'en 'ilhuz wheni be ts'&#250;khuna, 'i huyit'i, 'et whunts'ih ndunnah huba 'alha' cha'y&#237;t'ah, 'en 'aw honoolh'en gha&#237;t'ah, Yak'usda y&#233; hubulh h&#250;nilch'e 'ahoolhyez wheni buk'uz 'uzt&#233;t'ilh,&#8221; ni John.</div>
 </div>
 </div>
</div>

'Ilhunuh dune Pharisee bulh dezulh, 'en 'ilhunuh Lizwif hubutsuh whudelhdzulh, 'en Nicodemus hiyulhni. 'En 'ulh'ek 'et Sizi yughu ninya 'ink'ez ndi yúlhni, “Rabbi, Yak'usda yulh 'int'ah dune, 'en zeh njan huwa 'ét'en tune' oot'en huba 'uhoont'ah. 'Et huwa soo t'ets'onínzun dune hoodulh'eh Yak'usda ts'ih haínya, 'en inli ho' nint'ah.” 'Et Sizi 'uyúlhni, “Soo ts'ah'un na'a nyudúsni, dune doo chah zeh whuzdli t'eh, 'et t'eh zeh nts'e Yak'usda 'en hubudayi cho unli whute'ilh.” 'Et Nicodemus ndi yúlhni, “Nts'e na'a suba 'ilhunuh dune tube ye'un uzulh, 'en doo chah 'uhóoleh ho' dini? 'Aw whulh nat be'ama yuchan naooja 'ink'ez doo chah 'uhóoleh ghaít'ah!” yúlhni. 'Et Sizi ndi yúlhni, “Soo ts'ah'un na'a nyudúsni, dune too 'ink'ez Ndoni be chah whuzdli t'eh, 'et zeh nts'e dune Yak'usda dich'oh zeh hubudayi cho unli 'et 'aw dahóoya ghaít'ah. Ndun dune bugha whuzdli, 'en dune budune 'int'ah, 'ink'ez ndan Ndoni be whuzdli, 'en Ndoni budune 'int'ah. 'Et nyudúsni nuhwheni doo chah zeh hóhle huba' hoont'ah. Khun teh 'et huwa mba hócha gunih! 'Ants'ih nilhts'i delts'ulh li'hoont'ah. Nilhts'i dints'o 'et whunts'ih nts'ez de hadélts'ut k'us nts'e dutelts'ulh 'aw t'éoonuzínzun. 'Et whuz na'a zeh 'aw t'éoonónzin ghaít'ah nts'e na'a dune Ndoni be whuzdli,” yúlhni. 'Et Nicodemus ndi yúlhni, “Et nts'e na'a 'uwhutét'ilh?” 'Et Sizi ndi yúlhni, “Et nyun Israel buts'u hainde whubodilh'eh inli, 'ink'ez nts'e na'a 'int'ah njan 'aw nyeni be t'éoonuzínzun? Soo ts'ah'un na'a njan nyudúsni, t'éts'onínzun ndet howu yats'ulhtuk 'ink'ez ts'ah'un na'a nuhwhuts'útni ndai ts'a'en 'ink'ez nuhwheni 'aw neghunek nuhwhuba 'alha' cha'ít'ah. Ndi yun k'ut nts'oh tulih né'whut'en, 'et hubugha 'ún whudusni, 'et whunts'ih nuhwhuba 'álha cha'hóot'ah nts'e na'a simba nduk yak'uz né'whut'en, 'et hubugha 'ún whudusni, 'et nuhwhuba 'alha 'uhot'e? 'Aw 'ilhunuh dune nduk yak'uz whenya hoolah, 'aw 'ilhunuh zeh 'uja ndus de yak'uz haínya. 'En 'int'ah yinkak dune ye' unli, 'en 'int'ah yak'uz whukeyah whuz'ai. 'Uda 'aw dune chahahóot'ih 'et Moses 'en tl'ughus k'edéltsi dibe' yudilhtsi inle, whuz na'a yinkak dune ye' dibe na'hidóolhtsih huba 'uhoont'ah. 'Et huwa ndunnah 'en bugha huba 'alha 'uhoont'ah, 'en 'aw dachatesa, 'ilhuz wule wheni hukhutenalh. Yak'usda dalhcho 'i be ndi yun k'ut dune húbuk'entsi', 'aw 'ilhunuh zeh buYe' 'en hubugha ínilhti. 'En bugha ndan huba 'alha' yint'ah 'aw dachahútesa, 'ilhuz wheni hukhutena 'et huwa. 'Aw dune ba nahuteyeh ílah Yak'usda buYe' ndi yun k'uz yutélh'a. 'En bugha ndi yun k'ut whut'en 'en ts'iyannah hudoojih, 'et wheni ndi yun k'uz yutélh'a. Ndunnah huba 'álha' yint'ah 'en 'aw huba nachahutésyel. 'Et ndunnah 'aw huba 'álha cha'yít'ah, 'en 'uda huba nahézya ho' hint'ah, 'aw Yak'usda buYe' boozi 'aw huba 'alha cha'yít'ah 'et huwa. 'En 'int'ah be né'hoot'en unli ndi yun k'eínya. 'I 'aw 'i hikacha'nízun njan tsahólhgus yuh 'et 'o nus tinch'a 'uhút'ih, 'et huhóont'i. 'Et huwa huba nahooyeh. Ndunnah hoontsi' tune'hút'en, 'en ndi be whét'en hits'u dutnik. 'Et huwa ndi be whét'en, 'aw hits'un tóoya ghaít'ah, doo ka tink'us ne'hút'en 'et ts'et haootélts'ulh 'et whuch'a. 'Et whunts'ih ndan ts'ah'un na'a 'et'ilh, 'en ndi be whét'en ts'un teyalh, 'et hoh ts'iyannah t'ehonózin, nts'oh tune'út'en, Yak'usda 'en bugha ne'ts'oot'en.”

Njan hoh túne' whust'en hukw'elh'az Sizi 'ink'ez yugha hoodul'eh Judea yun k'ut ts'ih whehándel. 'Et yugha hoodul'eh higha hudálts'i 'ink'ez dune too be' óobalh'en. Hoh da zeh John 'en chah keyah Aenon huwhútni, keyah Salem huwhútni wheghah whuz'ai, 'et dune too be 'oobalh'en, 'et too lhai 'et huwa. Dune hits'u lhadulh 'ink'ez bulunah dune too be' binla. 'Et John nk'ácha tsak'echalhts'it 'et huwa. 'Et hoh da John yugha hoodul'eh Lizwif bulh lhk'enahuditdzut Lizwif hube 'ut'en k'ah hukw'una'a lana'huldeh 'et huwa. 'Et huwa John highu nindel 'ink'ez hiyoodulhkut, “Rabbi ndun dune 'ilhunuh ngha hoodul'eh, Jordan took'oh nyaz ts'ih, 'en dune hubulh yaílhtuk ínle, 'aw 'et 'en dune too be 'úlh'en 'ink'ez ts'iyannah hits'ún lhadulh,” hiyúlhni. 'Et John ndo búlhni, “Yak'usda yugha óoni'ai t'eh zeh, 'et huwa 'aw 'ants'ih 'et hoonliyaz 'oot'e ghaít'ah. Nuhwhenich'oh 'et whunts'ih daja dusni t'éoonáhzun, si 'aw Christ 'en ilah 'ust'ah, 'et whunts'ih 'ilhunuh yutsuh whusál'a, 'en 'ust'ah. 'Et nduhóont'ah hoh, 'ilhunuh dune ts'eke yughusda, 'en 'at ut'i 'int'ah. 'Et hubuk'entsi' yuzih suyin 'ink'ez yughunek yoozélhts'ai whuz na'a tube yuba hóont'i. 'Et nuhwhúdusni si chah whuz na'a tube cho hoonúst'i.'O nus tube cho hidóolhti 'ink'ez si hukw'elh'ih suba hodóolhti, 'et whuz na'a 'uhót'e huba' hoont'ah. Ndun ndus de haínya, 'en ts'iyannah hubugha ndoh 'int'ah 'ink'ez ndan yinkak ts'ih haínya, 'en yinkak dune unli, 'et huwa ndi yun k'ut hoonli, 'i zeh highu yalhtuk. 'Et ndun yak'uz haínya, 'en ts'iyannah hubugha ndoh 'int'ah. 'Et ndet ndun whunalh'en 'ink'ez whudánts'o, 'et 'uyoon chah hubúlhni, 'et whunts'ih daja hubúlhni 'aw highunek chaílhcholh. 'Et whunts'ih ndun yughunek ilhchoot daja ni, 'en 'utni ndun Yak'usda 'en buba 'alha' yint'ah, ni. Ndun 'en Yak'usda whusayálh'a, 'en 'ink'ez didut Ndoni be yudelhbun, 'et huwa Yak'usda bughunek zeh be yálhtuk. Yak'usda 'en buYe' yuk'entsi' 'et huwa ts'iyaintsuk k'úne' hool'en, 'et yugha óoni'ai. 'Et ndunnah ndan Yak'usda buYe' buba 'alha yint'ah, 'en 'ilhuz wheni be ts'úkhuna, 'i huyit'i, 'et whunts'ih ndunnah huba 'alha' cha'yít'ah, 'en 'aw honoolh'en ghaít'ah, Yak'usda yé hubulh húnilch'e 'ahoolhyez wheni buk'uz 'uztét'ilh,” ni John.

Listen to John 3