Traducción bíblica: Toba © Sociedad Bíblica de Argentina, 2012 Grabación de Toba ℗ 2017 Hosanna

Toba Qom - 2012 Edition (NT) Non Drama

Toba Qom - 2012 Edition (NT) Drama

<div class="version vid574 iso6393tob" data-vid="574" data-iso6393="tob">
 <div class="book bkACT">
 <div class="chapter ch10" data-usfm="ACT.10">
 <div class="label">10</div><div class="s1">So Pedro qataq so Cornelio</div><div class="p"> 1Qaq yem n&#7929;ecpi ye Cesarea, nache neta&#241;a so &#7929;ale le'enaxat Cornelio. Somaye lta'a na huataxanaq maye Roma le'ecpi, nache ilotague' som cien huataxanaqpi maye qa&#7929;amata'ac chegaqa'ague da Italia. 2Qaq se'eso &#7929;ale qataq 'enauac so llalaqpi &#7929;alaxaguet &#209;im Lo'onatac 'Enauacna qataq &#7929;o'oxoreetac &#209;imaye. Somaye nataqa'en &#7929;ataqta itauaatac na judiopi maye choxoraqpi qataq nache 'eetai' da nqouagaxaueetacot &#209;im Lo'onatac 'Enauacna. 3Qaq huo'o so na'a'q mashe dasheta a&#241;i nala', nache somaye huo'o so lauanaqchec: ila'aguet so lamaxashec piguem le'ec &#209;im Lo'onatac 'Enauacna da na&#7929;a'a ca hueta'a somaye, nache 'enapego', 'eeta': &#171;&#161;Cornelio!&#187;</div><div class="p"> 4Nache somaye &#7929;amato'ot se'eso namaxashec, qalaxaye &#7929;ataqta &#241;i'i. Nache inattac, 'eeta':</div><div class="p">&#8211;&#191;Negue'tca, 'am &#7928;ataxala'?</div><div class="p">Nache som namaxashec 'enapego' somaye, 'eeta':</div><div class="p">&#8211;&#209;im Lo'onatac 'Enauacna &#7929;ataqta &#7929;a&#7929;amaxareeta da 'anqouagaxaunaxac qataq dam 'artaunaxanaxac da 'autauaatac nam choxoraqpi da lhuenaxanaxa. 5Qaq huo'oi qome caua 'aramaxa'she dos &#7929;ale't da nqo'oora ye &#241;egaxasom le'enaxat Jope, da yaqto' &#7929;e'egueera'a &#241;i le'enaxat Sim&#243;n, da l&#7929;a le'enaxat Pedro. 6&#209;imaye neta&#241;a ye lma' &#241;i le'enaqteua Sim&#243;n, lo'oc lo'o, ye lma' neto'ot ye loigue aso auaxai. Qaq &#241;imaye qome 'am &#7929;a'axatem ca llec cam 'auo'ot.</div><div class="p"> 7Qaq co'ollaq jec so namaxashec piguem le'ec maye da'aqtaxaatac, nache so Cornelio i&#7929;axaneugalo soua dos soua lamaxa'she qataq so 'oonolec huataxanaq le'ec maye nataqa'en &#7929;o'oxoreetac &#209;im Lo'onatac 'Enauacna qataq &#7929;ataqta lpe'et. 8Nache &#7929;ataqta da'aqtaxaatrema soomaye 'enauac dam lauanaqchec. Ime, nache &#7929;amaxaregue da Jope.</div><div class="p"> 9Nache so l&#7929;a na'a'q co'ollaq mashe quete' soomaye, qaq mashe qanayeetaua'a ye Jope, nache so Pedro tasheguemo' ca n&#7929;ec l-laq da nqouagaxauen. Qaq mashe lai&#241;i se'eso na'a'q. 10Nache somaye &#7929;ataqta nomteguet na lqouaxa, nache huo'o da lyaxa da deque'e. Qalaxaye &#241;a qa&#7929;o'ottac so aloq, nache somaye huo'o so lauanaqchec. 11Ila'a na piguem da 'eeta'am da nauatoigui, nache &#7929;auaateguet so 'eeta'am na hualoq la&#7929;e lta'araic, qaico&#241;etta'a't naua cuatro ltelal da na&#7929;a&#241;a ana 'alhua. 12Qaq somaye, nache huetagui 'enauac na &#7929;otta'a't shigui&#7929;acpi: huo'o na cuatro naua lapia'ate, qataq na hualectapigui', qataq na ma&#7929;opi. 13Nache somaye hua'axa&#7929;a so na'aqtac 'eeta':</div><div class="p">&#8211;Pedro, 'anachaa&#241;i, 'auauo'o ca 'aualauat ne'enapi, nache qollec.</div><div class="p"> 14Nache so Pedro 'enapeco':</div><div class="p">&#8211;'A'i, 'am &#7928;ataxala', a&#7929;em &#7929;ataqta sa sauanapega da sachec ca qa&#7929;amata'ac nshepaxan da lataxac, huo'otaq cam sa qaishetapec da qanallec.</div><div class="p"> 15Qalaxaye se'eso nvil&#7929;axac qaltaq &#7929;e'eguelaxalec da, 'eeta':</div><div class="p">&#8211;Cam mashe qui'itta naqa'en &#209;im Lo'onatac 'Enauacna, camaye saishet da 'auamata'ac da nshepaxan da lataxac.</div><div class="p"> 16Qaq se'eso na'aqtac tres da qa&#7929;e'eguelaxalec, nache se'eso hualoq la&#7929;e maye qo&#7929;axatta'a't naua ltelal qaltaq &#7929;e'eguelaxague da piguem. 17Qaq co'ollaq &#241;a deuennataxaatac so Pedro da chaq 'eetec ca naigui se'eso lauanaqchec, nache mashe nvildeua'a ye lma' so Sim&#243;n soua &#7929;ale't maye lamaxa'she so Cornelio. 18Nache denataxaata'ape 'eetra': &#191;Nachena peta'a ne'ena na neta&#241;a ca &#7929;ale maye le'enaxat Pedro? 19Qaq so Pedro &#241;aq iuennatapega se'eso lauanaqchec, qalaxaye So Saqcha'a La'a&#241;axac &#209;im Qarataxala' 'enapego' somaye, 'eeta':</div><div class="p">&#8211;Huo'oi daua &#7929;ale't 'am nmittrapigui. 20Qo&#241;isheguem, 'aunotec, nache 'auca'ateguelo daamaye. Saishet da huo'o ca 'ectega, cha'aye daamaye maiche &#7929;amaxa'she.</div><div class="p"> 21Nache so Pedro huenotec, nache 'enapegalo se'esoua &#7929;ale't, 'eeta':</div><div class="p">&#8211;Nacha&#7929;em maye a&#7929;em qanmichiitaique. &#191;Negue't ca huo'omshe qauanaqui?</div><div class="p"> 22Nache soomaye 'ena'apo':</div><div class="p">&#8211;Qomi' lamaxa'she &#241;i huataxanaq lta'a, le'enaxat Cornelio. &#209;imaye no'on da lataxac qataq &#7929;ataqta &#7929;alaxaguet &#209;im Lo'onatac 'Enauacna. &#7928;oqo'oye 'enauac na judiopi &#7929;ataqta huo'o naq 'enec naqa'en qataq lauotaxat. Qaq huo'o so chegaqasheguem lamaxashec &#209;im Lo'onatac 'Enauacna 'enapega da 'am namaxasoxona, da yaqto' 'anqo'ona ye lma', nache &#241;imaye ishet da na'axa&#7929;axana cam 'ara'aqtaxanaxac.</div><div class="p"> 23Nache so Pedro ipa'axaareuo soomaye, nache lo'ochaqa't ca hueta'a somaye se'eso pe. Qaq so l&#7929;a na'a'q, nache so Pedro ca'ateguelo soomaye, nataqa'en huo'oi soua l&#7929;ata'ape nam &#7929;a'amaqten So Jes&#250;s maye neta&#241;a ye Jope.</div><div class="p"> 24Qaq so l&#7929;a na'a'q, nache qaivita ye n&#7929;ecpi ye Cesarea yem neta&#241;a so Cornelio deuataxaatac. Qataq 'enauac som maiche lauo' le'ecpi &#7929;alecta'aguet, qataq 'enauac nam nauochaxauapi maye icoyeguen co'ollaxa. 25Qaq so Pedro co'ollaq ivireua'a ca n&#7929;ec, nache so Cornelio ca'ata'aguet somaye, nache &#7929;a'aroto naua l-llectel cha'aye huo'o naq 'enec naqa'en. 26Qalaxaye so Pedro 'enapega somaye, 'eeta':</div><div class="p">&#8211;'Anachaa&#241;i, cha'aye a&#7929;em, nache 'am sheeta'am da choche a&#7929;em &#7929;ale.</div><div class="p"> 27Nache na'aqtaxaatague' somaye, nache so Pedro pa'auo, nache ilalec som &#7929;ataqta qalota shi&#7929;axauapi maye lapoota'a't. 28Nache so Pedro 'enapego' somayepi, 'eeta':</div><div class="p">&#8211;Qami' qaua&#7929;aa&#241;i da na judiopi &#7929;asouaxat da la'amqaanataxanaxac, nache &#7929;ataqta sa qa&#7929;asheneguet da &#7929;aleeguet ca sa lauo' le'ec, huo'otaq da choche pa'aigui ca lauo' camaye. Qalaxaye &#209;im Lo'onatac 'Enauacna a&#7929;em &#7929;apaxaguenec da saishet da huo'o ca samata'ac da nshepaxan da lataxac, huo'otaq sa qaisheteguet. 29Qaq &#7929;oqo'oye &#7929;ataqta qaica ca shega da &#241;anac co'ollaq a&#7929;em qau&#7929;axa&#241;i&#7929;a. Qaq &#7929;oqo'oye nagui a&#7929;em sauotaique da sa&#7929;aten da chaq 'eetec ca huo'omshe a&#7929;em qau&#7929;axa&#241;i&#7929;a.</div><div class="p"> 30Nache so Cornelio 'enapeco':</div><div class="p">&#8211;Nagui mashe ivi' naua cuatro na'axa'te da 'eeta'am nagui ye &#241;ichigui&#241;a a&#241;i nala' co'ollaq a&#7929;em soota'a na ima', &#241;eqouaqchettac qataq &#241;eqouagaxaueetac. Nache a&#7929;em nachaxana so &#7929;ale soua alogo &#7929;ataqta qashelectrapigui&#241;i da lapagaqa'. 31Nache somaye a&#7929;em 'enapega, 'eeta': &#171;Cornelio, &#209;im Lo'onatac 'Enauacna mashe hua'aqtega da 'anqouagaxaunaxac, qataq imeteetac 'enauac nam 'auo'otpi da 'autauaatac nam huo'o da lhuenaxanaxa. 32Qaq nagui 'auauo'o qome ca 'auamaxa ye n&#7929;ecpi ye Jope, da yaqto' &#7929;e'eguena'a &#241;i Sim&#243;n, da l&#7929;a le'enaxat Pedro. &#209;imaye hueta'a ye lma' &#241;i le'enaqteua Sim&#243;n, lo'oc lo'o. &#209;imaye neto'ot so loigue aso auaxai &#241;i lma'.&#187; 33Qaq &#7929;oqo'oye &#7929;ataqta sa sa&#7929;aloxonai' da 'am samaxasoxona. Qaq nagui no'on, cha'aye mashe 'anvi'. Qaq nagui qomi' souaqta'a ne'ena, qomi' lhuotte' da &#241;a'axa&#7929;axanaxa cam 'am &#7929;amaxalec &#209;im Lo'onatac 'Enauacna da qomi' 'aua'aqtaxanema, qataq qomi' sa&#7929;atenaqta da &#209;imaye qomi' imeteeta'ape ne'ena na'a'q.</div><div class="s1">Da la'aqtaxanaxac so Pedro co'ollaq hua&#241;a ye lma' so Cornelio</div><div class="p"> 34Hua&#241;a, nache so Pedro da'aqtaxan, 'eeta':</div><div class="p">&#8211;Nagui a&#7929;em sa&#7929;aten da &#209;im Lo'onatac 'Enauacna &#7929;oqta 'eesa da saishet da lca'atagui 'enauac na shi&#7929;axauapi. 35Chaqrata da &#209;imaye &#7929;ataqta &#7929;a&#7929;amaxareeta ca camachaqca nam &#7929;otta'a't shi&#7929;axauapi da huo'otaq &#7929;ataqta &#7929;alaxaguet &#209;imaye qataq &#7929;o'ot ca &#7929;a&#7929;amaqchigui&#241;i, saishet da &#7929;ectega cam chegaqa'ague. 36&#209;im Lo'onatac 'Enauacna namaxa co'ollaxa na Israel le'ecpi da la'aqtac, dam la'aqtac maye &#7929;o'ot da nlagaxayec, chegoqchigui So Jesucristo, Som Lca'aguishec qataq Lataxala' 'enauac na shi&#7929;axauapi. 37Qaq qami' mashe qaua&#7929;aa&#241;ita 'enauac dam hua&#241;a nam 'alhua Judea. 'Enauac de'era chegoqchigui&#241;a co'ollaxa ye 'alhua Galilea, co'ollaq so Juan imat da nachelaxaatac 38So Jes&#250;s maye Nazaret le'ec. Qaq &#209;im Lo'onatac 'Enauacna &#7929;anem co'ollaxa da la'a&#241;axac Somaye So Saqcha'a Na'a&#241;axac Qui'itta. Qaq &#209;imaye ye hueta'aguet So Jes&#250;s, nache Somaye nache 'eetai' naxa da &#7929;o'ottac na &#7929;a&#7929;amaqchigui&#241;i qataq nataren 'enauac nam huetalec da la'a&#241;axac so pa'aguenataxanaxaic. 39Qaq qomi', maye nacheqomi' sauanaqchigui 'enauac nam &#7929;o'otpi So Jes&#250;s co'ollaq Somaye coleetapeguelec ye 'alhua Judea, qataq ye n&#7929;ecpi ye Jerusal&#233;n. Nataqa'en sauanaqchigui co'ollaq qa&#7929;alauat qaiuaxaneguet so npe'enaxaqui. 40Qalaxaye &#209;im Lo'onatac 'Enauacna qaltaq nca'alaxatec Somaye co'ollaq mashe ivi't soua tres na'axa'te, nache qaltaq qomi' &#7929;achaxanegueta. 41Qaq Somaye saishet da imauec da nachaxana 'enauac na shi&#7929;axauapi, nacheqomaqta da &#241;auanaxai'. Cha'aye &#209;im Lo'onatac 'Enauacna qomi' lca'agui'she co'ollaxa, da yaqto' qomi' sa'axataq da qarauanaqchec. Qaq qomi' &#7929;ataqta qarquia'axaua Somaye qataq qan&#7929;omaxaua co'ollaq mashe qaltaq nca'alec qanqo&#7929;en. 42Nache Somaye qomi' &#7929;amaxaleguete da sa'aqtaxanaxam 'enauac na shi&#7929;axauapi, da sa'axataq da &#209;im Lo'onatac 'Enauacna &#7929;anagui Somaye da nacheso so nmit qome na lasouaxashetpi nam &#241;aq nca'altauecpi qataq nam mashe ileu. 43Nataqa'en soua hua'au' vi'iye 'enauac co'ollaxa som la'aqtaxanaxanecpi &#209;im Lo'onatac 'Enauacna &#7929;a'axatta'aguet So Jes&#250;s, da ca &#7929;a'amaqten Somaye, nache qa&#7929;apalaxat na lasouaxashetpi, chegoqchigui da la'a&#241;axac Somaye. Qaq 'oonolec Somaye chegoqchigui da ishet da seviraqa'a da saconaxaguet da lchoxonnataxanaxa &#209;im Lo'onatac 'Enauacna.</div><div class="s1">&#7928;aconeguet So Saqcha'a Na'a&#241;axac Qui'itta nam saq judiopi</div><div class="p"> 44Qaq &#241;a detaqtac so Pedro co'ollaq So Saqcha'a Na'a&#241;axac Qui'itta anac, nache tanguit 'enauac so na'axa&#7929;axaatega da la'aqtaxanaxac. 45Nache soua jud&#237;o lashe' maye nnaictagueto so Pedro, soomaye &#7929;ataqta huo'o da la'aalaqa' da So Saqcha'a Na'a&#241;axac Qui'itta nataqa'en ishet da qo&#7929;anem nam saishet da judiopi. 46Cha'aye souaxat da hua'aqtrega namayepi da detaqtegoiguilo naua na'aqtaqa maye sa qa&#7929;auanapegalo qataq &#7929;o'oxoreetac &#209;im Lo'onatac 'Enauacna. 47Nache so Pedro da'aqtaxanema soua nnaictagueto, 'eeta':</div><div class="p">&#8211;&#209;im Lo'onatac 'Enauacna namaq So Saqcha'a Na'a&#241;axac Qui'itta, yaqto' &#7929;aueca'aguet na shi&#7929;axauapi maye &#7929;aqa'a ca chegaqa'ague, 'ena'ama qomi' co'ollaxa da qomi' namaxalo maye qomi' jud&#237;o lashe'. Qaq nagui qaica ca ishet da npaxateguet nataqa'en da namayepi &#241;achelaxanaq.</div><div class="p"> 48Qaq co'ollaq da ime da la'aqtac de'era so Pedro, nache damaxasoxoolec da qanachelaxan somayepi, qa&#7929;achelaxanataxana da le'enaxat So Jesucristo. Ime, nache qanachoxoreetacot so Pedro da cara'ac huo'oi na'axa'te da hueta'aguet somayepi.</div>
 </div>
 </div>
</div>

Qaq yem nỹecpi ye Cesarea, nache netaña so ỹale le'enaxat Cornelio. Somaye lta'a na huataxanaq maye Roma le'ecpi, nache ilotague' som cien huataxanaqpi maye qaỹamata'ac chegaqa'ague da Italia. Qaq se'eso ỹale qataq 'enauac so llalaqpi ỹalaxaguet Ñim Lo'onatac 'Enauacna qataq ỹo'oxoreetac Ñimaye. Somaye nataqa'en ỹataqta itauaatac na judiopi maye choxoraqpi qataq nache 'eetai' da nqouagaxaueetacot Ñim Lo'onatac 'Enauacna. Qaq huo'o so na'a'q mashe dasheta añi nala', nache somaye huo'o so lauanaqchec: ila'aguet so lamaxashec piguem le'ec Ñim Lo'onatac 'Enauacna da naỹa'a ca hueta'a somaye, nache 'enapego', 'eeta': «¡Cornelio!»
Nache somaye ỹamato'ot se'eso namaxashec, qalaxaye ỹataqta ñi'i. Nache inattac, 'eeta':
–¿Negue'tca, 'am Ỹataxala'?
Nache som namaxashec 'enapego' somaye, 'eeta':
–Ñim Lo'onatac 'Enauacna ỹataqta ỹaỹamaxareeta da 'anqouagaxaunaxac qataq dam 'artaunaxanaxac da 'autauaatac nam choxoraqpi da lhuenaxanaxa. Qaq huo'oi qome caua 'aramaxa'she dos ỹale't da nqo'oora ye ñegaxasom le'enaxat Jope, da yaqto' ỹe'egueera'a ñi le'enaxat Simón, da lỹa le'enaxat Pedro. Ñimaye netaña ye lma' ñi le'enaqteua Simón, lo'oc lo'o, ye lma' neto'ot ye loigue aso auaxai. Qaq ñimaye qome 'am ỹa'axatem ca llec cam 'auo'ot.
Qaq co'ollaq jec so namaxashec piguem le'ec maye da'aqtaxaatac, nache so Cornelio iỹaxaneugalo soua dos soua lamaxa'she qataq so 'oonolec huataxanaq le'ec maye nataqa'en ỹo'oxoreetac Ñim Lo'onatac 'Enauacna qataq ỹataqta lpe'et. Nache ỹataqta da'aqtaxaatrema soomaye 'enauac dam lauanaqchec. Ime, nache ỹamaxaregue da Jope.
Nache so lỹa na'a'q co'ollaq mashe quete' soomaye, qaq mashe qanayeetaua'a ye Jope, nache so Pedro tasheguemo' ca nỹec l-laq da nqouagaxauen. Qaq mashe laiñi se'eso na'a'q. Nache somaye ỹataqta nomteguet na lqouaxa, nache huo'o da lyaxa da deque'e. Qalaxaye ña qaỹo'ottac so aloq, nache somaye huo'o so lauanaqchec. Ila'a na piguem da 'eeta'am da nauatoigui, nache ỹauaateguet so 'eeta'am na hualoq laỹe lta'araic, qaicoñetta'a't naua cuatro ltelal da naỹaña ana 'alhua. Qaq somaye, nache huetagui 'enauac na ỹotta'a't shiguiỹacpi: huo'o na cuatro naua lapia'ate, qataq na hualectapigui', qataq na maỹopi. Nache somaye hua'axaỹa so na'aqtac 'eeta':
–Pedro, 'anachaañi, 'auauo'o ca 'aualauat ne'enapi, nache qollec.
Nache so Pedro 'enapeco':
–'A'i, 'am Ỹataxala', aỹem ỹataqta sa sauanapega da sachec ca qaỹamata'ac nshepaxan da lataxac, huo'otaq cam sa qaishetapec da qanallec.
Qalaxaye se'eso nvilỹaxac qaltaq ỹe'eguelaxalec da, 'eeta':
–Cam mashe qui'itta naqa'en Ñim Lo'onatac 'Enauacna, camaye saishet da 'auamata'ac da nshepaxan da lataxac.
Qaq se'eso na'aqtac tres da qaỹe'eguelaxalec, nache se'eso hualoq laỹe maye qoỹaxatta'a't naua ltelal qaltaq ỹe'eguelaxague da piguem. Qaq co'ollaq ña deuennataxaatac so Pedro da chaq 'eetec ca naigui se'eso lauanaqchec, nache mashe nvildeua'a ye lma' so Simón soua ỹale't maye lamaxa'she so Cornelio. Nache denataxaata'ape 'eetra': ¿Nachena peta'a ne'ena na netaña ca ỹale maye le'enaxat Pedro? Qaq so Pedro ñaq iuennatapega se'eso lauanaqchec, qalaxaye So Saqcha'a La'añaxac Ñim Qarataxala' 'enapego' somaye, 'eeta':
–Huo'oi daua ỹale't 'am nmittrapigui. Qoñisheguem, 'aunotec, nache 'auca'ateguelo daamaye. Saishet da huo'o ca 'ectega, cha'aye daamaye maiche ỹamaxa'she.
Nache so Pedro huenotec, nache 'enapegalo se'esoua ỹale't, 'eeta':
–Nachaỹem maye aỹem qanmichiitaique. ¿Negue't ca huo'omshe qauanaqui?
Nache soomaye 'ena'apo':
–Qomi' lamaxa'she ñi huataxanaq lta'a, le'enaxat Cornelio. Ñimaye no'on da lataxac qataq ỹataqta ỹalaxaguet Ñim Lo'onatac 'Enauacna. Ỹoqo'oye 'enauac na judiopi ỹataqta huo'o naq 'enec naqa'en qataq lauotaxat. Qaq huo'o so chegaqasheguem lamaxashec Ñim Lo'onatac 'Enauacna 'enapega da 'am namaxasoxona, da yaqto' 'anqo'ona ye lma', nache ñimaye ishet da na'axaỹaxana cam 'ara'aqtaxanaxac.
Nache so Pedro ipa'axaareuo soomaye, nache lo'ochaqa't ca hueta'a somaye se'eso pe. Qaq so lỹa na'a'q, nache so Pedro ca'ateguelo soomaye, nataqa'en huo'oi soua lỹata'ape nam ỹa'amaqten So Jesús maye netaña ye Jope.
Qaq so lỹa na'a'q, nache qaivita ye nỹecpi ye Cesarea yem netaña so Cornelio deuataxaatac. Qataq 'enauac som maiche lauo' le'ecpi ỹalecta'aguet, qataq 'enauac nam nauochaxauapi maye icoyeguen co'ollaxa. Qaq so Pedro co'ollaq ivireua'a ca nỹec, nache so Cornelio ca'ata'aguet somaye, nache ỹa'aroto naua l-llectel cha'aye huo'o naq 'enec naqa'en. Qalaxaye so Pedro 'enapega somaye, 'eeta':
–'Anachaañi, cha'aye aỹem, nache 'am sheeta'am da choche aỹem ỹale.
Nache na'aqtaxaatague' somaye, nache so Pedro pa'auo, nache ilalec som ỹataqta qalota shiỹaxauapi maye lapoota'a't. Nache so Pedro 'enapego' somayepi, 'eeta':
–Qami' qauaỹaañi da na judiopi ỹasouaxat da la'amqaanataxanaxac, nache ỹataqta sa qaỹasheneguet da ỹaleeguet ca sa lauo' le'ec, huo'otaq da choche pa'aigui ca lauo' camaye. Qalaxaye Ñim Lo'onatac 'Enauacna aỹem ỹapaxaguenec da saishet da huo'o ca samata'ac da nshepaxan da lataxac, huo'otaq sa qaisheteguet. Qaq ỹoqo'oye ỹataqta qaica ca shega da ñanac co'ollaq aỹem qauỹaxañiỹa. Qaq ỹoqo'oye nagui aỹem sauotaique da saỹaten da chaq 'eetec ca huo'omshe aỹem qauỹaxañiỹa.
Nache so Cornelio 'enapeco':
–Nagui mashe ivi' naua cuatro na'axa'te da 'eeta'am nagui ye ñichiguiña añi nala' co'ollaq aỹem soota'a na ima', ñeqouaqchettac qataq ñeqouagaxaueetac. Nache aỹem nachaxana so ỹale soua alogo ỹataqta qashelectrapiguiñi da lapagaqa'. Nache somaye aỹem 'enapega, 'eeta': «Cornelio, Ñim Lo'onatac 'Enauacna mashe hua'aqtega da 'anqouagaxaunaxac, qataq imeteetac 'enauac nam 'auo'otpi da 'autauaatac nam huo'o da lhuenaxanaxa. Qaq nagui 'auauo'o qome ca 'auamaxa ye nỹecpi ye Jope, da yaqto' ỹe'eguena'a ñi Simón, da lỹa le'enaxat Pedro. Ñimaye hueta'a ye lma' ñi le'enaqteua Simón, lo'oc lo'o. Ñimaye neto'ot so loigue aso auaxai ñi lma'.» Qaq ỹoqo'oye ỹataqta sa saỹaloxonai' da 'am samaxasoxona. Qaq nagui no'on, cha'aye mashe 'anvi'. Qaq nagui qomi' souaqta'a ne'ena, qomi' lhuotte' da ña'axaỹaxanaxa cam 'am ỹamaxalec Ñim Lo'onatac 'Enauacna da qomi' 'aua'aqtaxanema, qataq qomi' saỹatenaqta da Ñimaye qomi' imeteeta'ape ne'ena na'a'q.

Huaña, nache so Pedro da'aqtaxan, 'eeta':
–Nagui aỹem saỹaten da Ñim Lo'onatac 'Enauacna ỹoqta 'eesa da saishet da lca'atagui 'enauac na shiỹaxauapi. Chaqrata da Ñimaye ỹataqta ỹaỹamaxareeta ca camachaqca nam ỹotta'a't shiỹaxauapi da huo'otaq ỹataqta ỹalaxaguet Ñimaye qataq ỹo'ot ca ỹaỹamaqchiguiñi, saishet da ỹectega cam chegaqa'ague. Ñim Lo'onatac 'Enauacna namaxa co'ollaxa na Israel le'ecpi da la'aqtac, dam la'aqtac maye ỹo'ot da nlagaxayec, chegoqchigui So Jesucristo, Som Lca'aguishec qataq Lataxala' 'enauac na shiỹaxauapi. Qaq qami' mashe qauaỹaañita 'enauac dam huaña nam 'alhua Judea. 'Enauac de'era chegoqchiguiña co'ollaxa ye 'alhua Galilea, co'ollaq so Juan imat da nachelaxaatac So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic. Qaq qomi', maye nacheqomi' sauanaqchigui 'enauac nam ỹo'otpi So Jesús co'ollaq Somaye coleetapeguelec ye 'alhua Judea, qataq ye nỹecpi ye Jerusalén. Nataqa'en sauanaqchigui co'ollaq qaỹalauat qaiuaxaneguet so npe'enaxaqui. Qalaxaye Ñim Lo'onatac 'Enauacna qaltaq nca'alaxatec Somaye co'ollaq mashe ivi't soua tres na'axa'te, nache qaltaq qomi' ỹachaxanegueta. Qaq Somaye saishet da imauec da nachaxana 'enauac na shiỹaxauapi, nacheqomaqta da ñauanaxai'. Cha'aye Ñim Lo'onatac 'Enauacna qomi' lca'agui'she co'ollaxa, da yaqto' qomi' sa'axataq da qarauanaqchec. Qaq qomi' ỹataqta qarquia'axaua Somaye qataq qanỹomaxaua co'ollaq mashe qaltaq nca'alec qanqoỹen. Nache Somaye qomi' ỹamaxaleguete da sa'aqtaxanaxam 'enauac na shiỹaxauapi, da sa'axataq da Ñim Lo'onatac 'Enauacna ỹanagui Somaye da nacheso so nmit qome na lasouaxashetpi nam ñaq nca'altauecpi qataq nam mashe ileu. Nataqa'en soua hua'au' vi'iye 'enauac co'ollaxa som la'aqtaxanaxanecpi Ñim Lo'onatac 'Enauacna ỹa'axatta'aguet So Jesús, da ca ỹa'amaqten Somaye, nache qaỹapalaxat na lasouaxashetpi, chegoqchigui da la'añaxac Somaye. Qaq 'oonolec Somaye chegoqchigui da ishet da seviraqa'a da saconaxaguet da lchoxonnataxanaxa Ñim Lo'onatac 'Enauacna.

Qaq ña detaqtac so Pedro co'ollaq So Saqcha'a Na'añaxac Qui'itta anac, nache tanguit 'enauac so na'axaỹaxaatega da la'aqtaxanaxac. Nache soua judío lashe' maye nnaictagueto so Pedro, soomaye ỹataqta huo'o da la'aalaqa' da So Saqcha'a Na'añaxac Qui'itta nataqa'en ishet da qoỹanem nam saishet da judiopi. Cha'aye souaxat da hua'aqtrega namayepi da detaqtegoiguilo naua na'aqtaqa maye sa qaỹauanapegalo qataq ỹo'oxoreetac Ñim Lo'onatac 'Enauacna. Nache so Pedro da'aqtaxanema soua nnaictagueto, 'eeta':
–Ñim Lo'onatac 'Enauacna namaq So Saqcha'a Na'añaxac Qui'itta, yaqto' ỹaueca'aguet na shiỹaxauapi maye ỹaqa'a ca chegaqa'ague, 'ena'ama qomi' co'ollaxa da qomi' namaxalo maye qomi' judío lashe'. Qaq nagui qaica ca ishet da npaxateguet nataqa'en da namayepi ñachelaxanaq.
Qaq co'ollaq da ime da la'aqtac de'era so Pedro, nache damaxasoxoolec da qanachelaxan somayepi, qaỹachelaxanataxana da le'enaxat So Jesucristo. Ime, nache qanachoxoreetacot so Pedro da cara'ac huo'oi na'axa'te da hueta'aguet somayepi.

Listen to Hechos 10