OT text: A tekst disi kmoto fu: Wortu fu Gado © Surinaams Bijbelgenootschap 2016  OT Audio: ℗ 2021 Hosanna NT Text: Sranan Tongo © 2002 Stichting Surinaams Bijbelgenootschap www.surinamebiblesociety.org/ NT Audio: ℗ 2007 Hosanna

Sranan Tongo - SURBS (Bible) Drama

<div class="version vid674 iso6393srn" data-vid="674" data-iso6393="srn">
 <div class="book bkMAT">
 <div class="chapter ch18" data-usfm="MAT.18">
 <div class="label">18</div><div class="s">Suma moro prenspari?</div><div class="r">Markus 9:33-37,42-48; Lukas 9:46-48; 17:1-2</div><div class="p"> 1A srefi momenti dati, den man fu Yesus kon aksi En taki: &#8220;Suma na a moro prenspari wan na mindri den sma di Gado e tiri?&#8221; #Luk 22:24</div><div class="p"> 2Ne Yesus kari wan pikin kon, A poti en tnapu na den mindri, 3dan A taki: &#8220;Fu tru Mi e taigi un taki: Efu un no kenki a fasi fa unu e prakseri &#232;n teki den maniri fu wan pikin, dan un no man tron wan sma di Gado e tiri. #Mrk 10:15; Luk 18:17 4A sma di abi sakafasi leki a pikin disi, na a moro prenspari wan na mindri den sma di Gado e tiri. 5A sma di opo en doro gi sowan pikin ini Mi nen, e opo en gi Mi. 6Ma a sma di e meki wan fu den pikinwan disi di e bribi ini Mi fadon ini sondu, mus luku bun! A bo moro bun gi en efu a ben sungu nanga wan bigi ston na en neki ini a moro dipi pisi fu a se.</div><div class="p"> 7Grontapu de fu sari fu den sani di e meki sma sondu. Sani o kon di wani meki sma sondu, ma a sma di e tyari den kon mus luku bun! 8So efu yu anu noso yu futu e meki yu sondu, kapu en puru dan yu trowe en gwe. A moro betre tak' yu malengri ma yu kisi a libi fu t&#234;go, dan tak' den trowe yu nanga tu anu noso tu futu go ini a faya di noiti e dede. #Mat 5:30 9&#200;n efu na yu ai e meki yu sondu, diki en puru dan yu trowe en gwe. A moro betre tak' yu kisi a libi fu t&#234;go nanga wan ai, dan tak' den fringi yu go nanga ala tu ai ini a faya fu hel. #Mat 5:29</div><div class="p"> 10Luku bun tak' un no si no wan fu den pikinwan disi leki noti. Mi e taigi un taki: Den engel fu den de ala ten na fesi fu Mi P'pa di de na heimel. 11Bika a Manpikin fu Libisma kon fu ferlusu den sma di lasi pasi.&#8221;#18:11 Wantu manuscript no abi vers 11. #Luk 19:10</div><div class="s">A agersitori fu a lasi skapu</div><div class="r">Lukas 15:3-7</div><div class="p"> 12&#8220;San un e prakseri fu a tori disi? Efu wan sma abi wan hondro skapu, dan a lasi wan fu den. San un denki tak' a o du? A sa libi den neigitenti-na-neigi (99) trawan ini den bergi pe den de, dan a e go suku a wan di lasi. 13Fu tru Mi e taigi un taki: Efu a feni en, a e breiti moro nanga a skapu dati dan nanga den neigitenti-na-neigi trawan di no ben lasi. 14We, na so un P'pa na heimel no wani tak' wan fu den pikinwan disi mus go lasi.&#8221;</div><div class="s">Te yu brada ini bribi sondu</div><div class="p"> 15Yesus taigi den moro fara taki: &#8220;Efu yu si tak' yu brada du wan sondu, go na en dan yu e sori en tapu en fowtu te yu nanga en wawan de. Efu a arki yu, yu meki tak' a e tan wan brada. #Luk 17:3 16Ma efu a no wani arki yu, dan yu mus teki wan noso tu sma leki kotoigi nanga yu. Bika wan sani tru, efu tu noso dri kotoigi taki tak' na so a de. #Deut 19:15 17Efu baka dati a no wani arki un ete, dan un mus taigi a gemeente. &#200;n efu a no wani arki srefi san a gemeente e taigi en, dan un mus si en leki wan sma di no sabi Gado, noso leki wan fu den man di e piki edemoni.&#8221;</div><div class="s">A makti di Yesus gi bribisma</div><div class="p"> 18&#8220;Fu tru Mi e taigi un taki: San un no wani fu psa na grontapu, Gado no o meki psa, &#232;n san un wani fu psa na grontapu, Gado o meki psa. #Mat 16:19; Yoh 20:23 19Mi e taigi un ete wan leisi taki: Efu dya na grontapu tu fu unu e agri fu begi gi a srefi sani, awinsi san, dan Mi P'pa na heimel sa gi unu san un aksi En. 20Bika pe tu noso dri sma di e bribi ini Mi kon makandra, drape Mi de na den mindri.&#8221;</div><div class="s">Omeni leisi wi mus gi trawan pardon</div><div class="p"> 21Dan Petrus kon aksi Yesus taki: &#8220;Masra, omeni leisi mi mus gi mi brada pardon te a du mi wan sani? #Luk 17:3-4 22Te nanga seibi leisi?&#8221; #Gen 4:24</div><div class="p">Yesus piki en taki: &#8220;Mi e taigi yu taki: A no seibi leisi nomo, ma seibitenti tron seibi leisi. 23Bika a fasi fa Gado e tiri den sma fu En, de leki wan kownu di seni kari ala den knekti fu en di ben mus pai en. 24Di a du dati, den tyari wan man kon di ben mus pai en tin dusun gowtumoni. 25Ma a man no ben man pai a paiman. Dat' meki a kownu teki a besroiti fu seri en nanga en frow, nanga den pikin fu en, nanga ala sani san a ben abi fu a kan kisi en moni baka. 26Ma a knekti fadon tapu en kindi, dan a begi a kownu taki: &#8216;Abi pasensi nanga mi. Mi o pai yu ala baka.&#8217; 27Ne a kownu kisi sari-ati nanga a man. A meki a gwe &#232;n a no ben abi fu pai a moni moro.</div><div class="p"> 28Ma di a man dati e gwe, a miti nanga wan tra knekti di ben mus pai en wan hondro kopromoni. A grabu en na en neki, dan a taigi en taki: &#8216;Gi mi a moni san yu mus pai mi.&#8217; 29Now a tra knekti fadon tapu en kindi, dan a begi en taki: &#8216;Abi pasensi nanga mi. Mi sa pai yu baka.&#8217; 30Ma a man di ben mus kisi a moni no ben wani. A tyari en go sroto, te leki a ben man pai a moni baka.</div><div class="p"> 31Di den tra knekti si san psa, a hati den. Dan den go ferteri a kownu. 32Ne a kownu seni kari a man, dan a taigi en taki: &#8216;Yu lagiman yu! Di yu begi mi tangitangi, mi taigi yu tak' yu no abi fu pai mi moro. 33Fu sanede yu no sari a tra man leki fa mi sari yu?&#8217; 34Ne a kownu ati bron nanga a man. A meki den grabu en, tyari gwe go strafu te leki a ben man pai ala a moni.&#8221;</div><div class="p"> 35Dan Yesus taigi den man fu En taki: &#8220;Na so Mi P'pa di de na heimel sa du nanga ibriwan fu unu, efu un no e gi trawan pardon nanga un heri ati.&#8221;</div>
 </div>
 </div>
</div>

A srefi momenti dati, den man fu Yesus kon aksi En taki: “Suma na a moro prenspari wan na mindri den sma di Gado e tiri?”
Ne Yesus kari wan pikin kon, A poti en tnapu na den mindri, dan A taki: “Fu tru Mi e taigi un taki: Efu un no kenki a fasi fa unu e prakseri èn teki den maniri fu wan pikin, dan un no man tron wan sma di Gado e tiri. A sma di abi sakafasi leki a pikin disi, na a moro prenspari wan na mindri den sma di Gado e tiri. A sma di opo en doro gi sowan pikin ini Mi nen, e opo en gi Mi. Ma a sma di e meki wan fu den pikinwan disi di e bribi ini Mi fadon ini sondu, mus luku bun! A bo moro bun gi en efu a ben sungu nanga wan bigi ston na en neki ini a moro dipi pisi fu a se.
Grontapu de fu sari fu den sani di e meki sma sondu. Sani o kon di wani meki sma sondu, ma a sma di e tyari den kon mus luku bun! So efu yu anu noso yu futu e meki yu sondu, kapu en puru dan yu trowe en gwe. A moro betre tak' yu malengri ma yu kisi a libi fu têgo, dan tak' den trowe yu nanga tu anu noso tu futu go ini a faya di noiti e dede. Èn efu na yu ai e meki yu sondu, diki en puru dan yu trowe en gwe. A moro betre tak' yu kisi a libi fu têgo nanga wan ai, dan tak' den fringi yu go nanga ala tu ai ini a faya fu hel.
Luku bun tak' un no si no wan fu den pikinwan disi leki noti. Mi e taigi un taki: Den engel fu den de ala ten na fesi fu Mi P'pa di de na heimel. Bika a Manpikin fu Libisma kon fu ferlusu den sma di lasi pasi.”


“San un e prakseri fu a tori disi? Efu wan sma abi wan hondro skapu, dan a lasi wan fu den. San un denki tak' a o du? A sa libi den neigitenti-na-neigi (99) trawan ini den bergi pe den de, dan a e go suku a wan di lasi. Fu tru Mi e taigi un taki: Efu a feni en, a e breiti moro nanga a skapu dati dan nanga den neigitenti-na-neigi trawan di no ben lasi. We, na so un P'pa na heimel no wani tak' wan fu den pikinwan disi mus go lasi.”

Yesus taigi den moro fara taki: “Efu yu si tak' yu brada du wan sondu, go na en dan yu e sori en tapu en fowtu te yu nanga en wawan de. Efu a arki yu, yu meki tak' a e tan wan brada. Ma efu a no wani arki yu, dan yu mus teki wan noso tu sma leki kotoigi nanga yu. Bika wan sani tru, efu tu noso dri kotoigi taki tak' na so a de. Efu baka dati a no wani arki un ete, dan un mus taigi a gemeente. Èn efu a no wani arki srefi san a gemeente e taigi en, dan un mus si en leki wan sma di no sabi Gado, noso leki wan fu den man di e piki edemoni.”

“Fu tru Mi e taigi un taki: San un no wani fu psa na grontapu, Gado no o meki psa, èn san un wani fu psa na grontapu, Gado o meki psa. Mi e taigi un ete wan leisi taki: Efu dya na grontapu tu fu unu e agri fu begi gi a srefi sani, awinsi san, dan Mi P'pa na heimel sa gi unu san un aksi En. Bika pe tu noso dri sma di e bribi ini Mi kon makandra, drape Mi de na den mindri.”

Dan Petrus kon aksi Yesus taki: “Masra, omeni leisi mi mus gi mi brada pardon te a du mi wan sani? Te nanga seibi leisi?”
Yesus piki en taki: “Mi e taigi yu taki: A no seibi leisi nomo, ma seibitenti tron seibi leisi. Bika a fasi fa Gado e tiri den sma fu En, de leki wan kownu di seni kari ala den knekti fu en di ben mus pai en. Di a du dati, den tyari wan man kon di ben mus pai en tin dusun gowtumoni. Ma a man no ben man pai a paiman. Dat' meki a kownu teki a besroiti fu seri en nanga en frow, nanga den pikin fu en, nanga ala sani san a ben abi fu a kan kisi en moni baka. Ma a knekti fadon tapu en kindi, dan a begi a kownu taki: ‘Abi pasensi nanga mi. Mi o pai yu ala baka.’ Ne a kownu kisi sari-ati nanga a man. A meki a gwe èn a no ben abi fu pai a moni moro.
Ma di a man dati e gwe, a miti nanga wan tra knekti di ben mus pai en wan hondro kopromoni. A grabu en na en neki, dan a taigi en taki: ‘Gi mi a moni san yu mus pai mi.’ Now a tra knekti fadon tapu en kindi, dan a begi en taki: ‘Abi pasensi nanga mi. Mi sa pai yu baka.’ Ma a man di ben mus kisi a moni no ben wani. A tyari en go sroto, te leki a ben man pai a moni baka.
Di den tra knekti si san psa, a hati den. Dan den go ferteri a kownu. Ne a kownu seni kari a man, dan a taigi en taki: ‘Yu lagiman yu! Di yu begi mi tangitangi, mi taigi yu tak' yu no abi fu pai mi moro. Fu sanede yu no sari a tra man leki fa mi sari yu?’ Ne a kownu ati bron nanga a man. A meki den grabu en, tyari gwe go strafu te leki a ben man pai ala a moni.”
Dan Yesus taigi den man fu En taki: “Na so Mi P'pa di de na heimel sa du nanga ibriwan fu unu, efu un no e gi trawan pardon nanga un heri ati.”

Listen to Mateus 18