OT text: A tekst disi kmoto fu: Wortu fu Gado © Surinaams Bijbelgenootschap 2016  OT Audio: ℗ 2021 Hosanna NT Text: Sranan Tongo © 2002 Stichting Surinaams Bijbelgenootschap www.surinamebiblesociety.org/ NT Audio: ℗ 2007 Hosanna

Sranan Tongo - SURBS (Bible) Drama

<div class="version vid674 iso6393srn" data-vid="674" data-iso6393="srn">
 <div class="book bkMAT">
 <div class="chapter ch22" data-usfm="MAT.22">
 <div class="label">22</div><div class="s">A agersitori fu wan bigi trow-oso</div><div class="r">Lukas 14:15-24</div><div class="p"> 1Dan Yesus bigin taki baka nanga den sma ini agersitori. A taigi den taki: 2&#8220;Un kan si a fasi fa Gado e tiri libisma, leki wan kownu di bo hori wan trow-oso gi en manpikin. 3A seni den knekti fu en go kari den sma di a ben aksi fu kon na a trow-oso, ma den sma no ben wani kon. 4So a seni tra knekti fu go taigi den sma taki: &#8216;Arki, a nyanyan klari. Mi srakti den kaw nanga den tra fatu meti. Ala sani seti kba. Un kon na a trow-oso!&#8217; 5Ma den sma no ben wani arki, &#232;n den go du den eigi sani: a wan go na en gron, a trawan go na en wenkri. 6Trawan fu den grabu den knekti, den fon den, dan den kiri den. 7Ne a kownu ati bron. A seni srudati fu go kiri den kiriman disi, &#232;n fu bron a foto fu den. 8Dan a taigi den knekti fu en taki: &#8216;Ala sani seti kba gi a trow-oso, ma den sma di ben mus kon no ben warti fu mi kari den. 9Un go na den uku fu den strati, dan un kari ala sma di un si drape fu kon na a trow-oso.&#8217; 10So den knekti go na den strati, &#232;n den tyari ala sma kon di den miti, bun wan nanga ogri wan. &#200;n den sma furu a presi pe a trow-oso ben hori.</div><div class="p"> 11Ma di a kownu kon inisei fu luku den sma di kon, en ai fadon tapu wan man di no ben weri krosi di fiti fu go na wan trow-oso. 12Dan a kownu aksi en taki: &#8216;Mi mati, fa yu du kon dya sondro tak' yu weri krosi di fiti fu go na wan trow-oso?&#8217; Ma a man no ben man piki en noti. 13Dan a kownu taigi den man fu en taki: &#8216;Tai en na en anu nanga en futu, dan un fringi en go na dorosei ini a dungru pe a sa krei &#232;n kaw en tifi.&#8217; &#8221; #Mat 8:12; 25:30; Luk 13:28 14Dan Yesus taigi den sma taki: &#8220;Gado e kari furu sma kon, ma A e teki wantu nomo.&#8221;</div><div class="s">A tori fu a edemoni</div><div class="r">Markus 12:13-17; Lukas 20:20-26</div><div class="p"> 15Dan den Fariseiman gwe go kruderi fa den bo man kisi Yesus fu A taki wan sani san no bun. 16So den seni wantu man di ben e teki leri fu den go na Yesus, makandra nanga wantu man fu Herodes. Den aksi Yesus taki: &#8220;Meister, wi sabi tak' Yu na wan man di no e kori sma, &#232;n Yu e leri unu a pasi fu Gado leki fa a de. Yu no abi bisi nanga san sma e taki fu Yu, &#232;n ala sma na a srefi gi Yu. 17Ma taigi unu: San Yu e prakseri fu a tori disi? A fiti fu pai edemoni na a grankownu fu den Romeinisma, efu no?&#8221;</div><div class="p"> 18Ma Yesus ben sabi tak' na kori den ben wani kori En. Dat' meki A taigi den taki: &#8220;Un hoigriman! Fu sanede un e pruberi fu tesi Mi? 19Sori Mi a moni san un mus pai.&#8221; Dan den sori Yesus a moni. 20A aksi den taki: &#8220;Suma fesi nanga suma nen de na en tapu?&#8221;</div><div class="p"> 21Den piki En taki: &#8220;A di fu a grankownu.&#8221;</div><div class="p">Ne Yesus piki den taki: &#8220;Dan un gi a grankownu san na fu en, &#232;n un gi Gado san na fu Gado.&#8221;</div><div class="p"> 22Di den man yere san Yesus taki, den ferwondru, dan den libi En &#232;n den gwe.</div><div class="s">Yesus nanga den Saduseiman</div><div class="r">Markus 12:18-27; Lukas 20:27-40</div><div class="p"> 23A srefi dei dati, wantu Saduseiman kon na Yesus. Den man disi no ben e bribi tak' dedesma o kon na libi baka. #Bosk 23:8 24Dan den taigi Yesus taki: &#8220;Meister, Moses ben leri unu tak' efu wan man dede sondro fu kisi pikin, dan en brada mus trow nanga a frow fu meki pikin gi en brada di dede. #Deut 25:5-6 25Now seibi brada ben de na un mindri. A fosiwan trow, &#232;n a dede. Fu di a no ben abi pikin, a libi en frow na baka gi en brada. 26Ma dan a srefi sani miti a di fu tu nanga a di fu dri brada te kon miti a di fu seibi. 27Te fu kba, a frow srefi kon dede. 28Te den dedesma o kon na libi baka, sortu wan fu den brada sa abi a frow disi leki en trow-uma? Bika den alamala ben trow nanga en.&#8221;</div><div class="p"> 29Yesus piki den taki: &#8220;Un fowtu srefsrefi! Bika un no sabi san skrifi ini a Santa Buku, &#232;n un no sabi a krakti fu Gado. 30Te den dedesma o kon na libi baka, den no sa trow nanga makandra. Bika den o de leki den engel na heimel. 31Un no leisi dan san Gado taigi unu fu a tori efu libisma o kon na libi baka? 32Gado ben taki: &#8216;Mi na a Gado fu Abraham, Isak, nanga Yakob.&#8217; So un e si tak' Gado a no Gado fu dedesma, ma fu sma di e libi.&#8221; #Ex 3:6</div><div class="p"> 33Ala den sma di yere san Yesus taki ben ferwondru srefsrefi fu a fasi fa A ben e gi leri.</div><div class="s">Den tu moro prenspari w&#232;t</div><div class="r">Markus 12:28-34</div><div class="p"> 34Di den Fariseiman yere tak' Yesus tapu a mofo fu den Saduseiman, den kon makandra. 35Dan wan fu den di ben sabi a w&#232;t bun, kon na Yesus fu tesi En. A aksi En taki: #Luk 10:25-28 36&#8220;Meister, sortu wan fu den w&#232;t na a moro prenspari wan?&#8221;</div><div class="p"> 37Yesus piki en taki: &#8220;Yu mus lobi Masra, yu Gado, nanga yu heri ati, nanga yu heri sili, &#232;n nanga yu heri ferstan. #Deut 6:5 38A dati na a fosi w&#232;t &#232;n na a moro prenspari wan. 39Ma wan trawan de di prenspari leki a fosiwan. A dati e taki: Yu mus lobi tra sma soleki fa yu lobi yusrefi. #Lev 19:18 40Ala sani san Moses nanga den profeiti leri unu, de ini den tu w&#232;t disi.&#8221;</div><div class="s">Suma na a Mesias?</div><div class="r">Markus 12:35-37; Lukas 20:41-44</div><div class="p"> 41Di den Fariseiman ben de makandra, Yesus aksi den taki: 42&#8220;San un e prakseri fu a Mesias? Suma pikin A de?&#8221;</div><div class="p">Den Fariseiman piki taki: &#8220;A de wan bakapikin fu David.&#8221;</div><div class="p"> 43Yesus taigi den taki: &#8220;Dan fa a Santa Yeye kan meki David kari En &#8216;Masra&#8217;? 44Bika David ben taki:</div><div class="q1">Masra Gado taigi mi Masra taki:</div><div class="q1">Kon sidon na Mi let'anu sei</div><div class="q1">te leki Mi poti den feyanti fu Yu</div><div class="q2">ondro Yu futu. #Ps 110:1</div><div class="m"> 45We, efu David kari a Mesias en Masra, dan fa A kan de en bakapikin dan?&#8221; 46No wan sma ben man piki En tapu a aksi disi. &#200;n sensi a dei dati no wan sma ben prefuru fu aksi En wan sani baka.</div>
 </div>
 </div>
</div>

Dan Yesus bigin taki baka nanga den sma ini agersitori. A taigi den taki: “Un kan si a fasi fa Gado e tiri libisma, leki wan kownu di bo hori wan trow-oso gi en manpikin. A seni den knekti fu en go kari den sma di a ben aksi fu kon na a trow-oso, ma den sma no ben wani kon. So a seni tra knekti fu go taigi den sma taki: ‘Arki, a nyanyan klari. Mi srakti den kaw nanga den tra fatu meti. Ala sani seti kba. Un kon na a trow-oso!’ Ma den sma no ben wani arki, èn den go du den eigi sani: a wan go na en gron, a trawan go na en wenkri. Trawan fu den grabu den knekti, den fon den, dan den kiri den. Ne a kownu ati bron. A seni srudati fu go kiri den kiriman disi, èn fu bron a foto fu den. Dan a taigi den knekti fu en taki: ‘Ala sani seti kba gi a trow-oso, ma den sma di ben mus kon no ben warti fu mi kari den. Un go na den uku fu den strati, dan un kari ala sma di un si drape fu kon na a trow-oso.’ So den knekti go na den strati, èn den tyari ala sma kon di den miti, bun wan nanga ogri wan. Èn den sma furu a presi pe a trow-oso ben hori.
Ma di a kownu kon inisei fu luku den sma di kon, en ai fadon tapu wan man di no ben weri krosi di fiti fu go na wan trow-oso. Dan a kownu aksi en taki: ‘Mi mati, fa yu du kon dya sondro tak' yu weri krosi di fiti fu go na wan trow-oso?’ Ma a man no ben man piki en noti. Dan a kownu taigi den man fu en taki: ‘Tai en na en anu nanga en futu, dan un fringi en go na dorosei ini a dungru pe a sa krei èn kaw en tifi.’ ” Dan Yesus taigi den sma taki: “Gado e kari furu sma kon, ma A e teki wantu nomo.”


Dan den Fariseiman gwe go kruderi fa den bo man kisi Yesus fu A taki wan sani san no bun. So den seni wantu man di ben e teki leri fu den go na Yesus, makandra nanga wantu man fu Herodes. Den aksi Yesus taki: “Meister, wi sabi tak' Yu na wan man di no e kori sma, èn Yu e leri unu a pasi fu Gado leki fa a de. Yu no abi bisi nanga san sma e taki fu Yu, èn ala sma na a srefi gi Yu. Ma taigi unu: San Yu e prakseri fu a tori disi? A fiti fu pai edemoni na a grankownu fu den Romeinisma, efu no?”
Ma Yesus ben sabi tak' na kori den ben wani kori En. Dat' meki A taigi den taki: “Un hoigriman! Fu sanede un e pruberi fu tesi Mi? Sori Mi a moni san un mus pai.” Dan den sori Yesus a moni. A aksi den taki: “Suma fesi nanga suma nen de na en tapu?”
Den piki En taki: “A di fu a grankownu.”
Ne Yesus piki den taki: “Dan un gi a grankownu san na fu en, èn un gi Gado san na fu Gado.”
Di den man yere san Yesus taki, den ferwondru, dan den libi En èn den gwe.


A srefi dei dati, wantu Saduseiman kon na Yesus. Den man disi no ben e bribi tak' dedesma o kon na libi baka. Dan den taigi Yesus taki: “Meister, Moses ben leri unu tak' efu wan man dede sondro fu kisi pikin, dan en brada mus trow nanga a frow fu meki pikin gi en brada di dede. Now seibi brada ben de na un mindri. A fosiwan trow, èn a dede. Fu di a no ben abi pikin, a libi en frow na baka gi en brada. Ma dan a srefi sani miti a di fu tu nanga a di fu dri brada te kon miti a di fu seibi. Te fu kba, a frow srefi kon dede. Te den dedesma o kon na libi baka, sortu wan fu den brada sa abi a frow disi leki en trow-uma? Bika den alamala ben trow nanga en.”
Yesus piki den taki: “Un fowtu srefsrefi! Bika un no sabi san skrifi ini a Santa Buku, èn un no sabi a krakti fu Gado. Te den dedesma o kon na libi baka, den no sa trow nanga makandra. Bika den o de leki den engel na heimel. Un no leisi dan san Gado taigi unu fu a tori efu libisma o kon na libi baka? Gado ben taki: ‘Mi na a Gado fu Abraham, Isak, nanga Yakob.’ So un e si tak' Gado a no Gado fu dedesma, ma fu sma di e libi.”
Ala den sma di yere san Yesus taki ben ferwondru srefsrefi fu a fasi fa A ben e gi leri.


Di den Fariseiman yere tak' Yesus tapu a mofo fu den Saduseiman, den kon makandra. Dan wan fu den di ben sabi a wèt bun, kon na Yesus fu tesi En. A aksi En taki: “Meister, sortu wan fu den wèt na a moro prenspari wan?”
Yesus piki en taki: “Yu mus lobi Masra, yu Gado, nanga yu heri ati, nanga yu heri sili, èn nanga yu heri ferstan. A dati na a fosi wèt èn na a moro prenspari wan. Ma wan trawan de di prenspari leki a fosiwan. A dati e taki: Yu mus lobi tra sma soleki fa yu lobi yusrefi. Ala sani san Moses nanga den profeiti leri unu, de ini den tu wèt disi.”


Di den Fariseiman ben de makandra, Yesus aksi den taki: “San un e prakseri fu a Mesias? Suma pikin A de?”
Den Fariseiman piki taki: “A de wan bakapikin fu David.”
Yesus taigi den taki: “Dan fa a Santa Yeye kan meki David kari En ‘Masra’? Bika David ben taki:
Masra Gado taigi mi Masra taki:
Kon sidon na Mi let'anu sei
te leki Mi poti den feyanti fu Yu
ondro Yu futu.
We, efu David kari a Mesias en Masra, dan fa A kan de en bakapikin dan?” No wan sma ben man piki En tapu a aksi disi. Èn sensi a dei dati no wan sma ben prefuru fu aksi En wan sani baka.

Listen to Mateus 22