Nahuatl, Norte de Oaxaca - 2006 Edition (NT) Drama

Nahuatl, Norte de Oaxaca - 2006 Edition (NT) Non- Drama

<div class="version vid712 iso6393nhy" data-vid="712" data-iso6393="nhy">
    <div class="book bkMAT">
        <div class="chapter ch11" data-usfm="MAT.11">
            <div class="label">11</div><div class="s"><span class="heading">In Juan Tlakuateekij okintitlanke omen imomachtijkawan inawak Jes&#250;s</span></div><div class="r"><span class="heading">(Lc. 7:18-35)</span></div><div class="p"><span class="content">  </span><span class="verse v1" data-usfm="MAT.11.1"><span class="label">1</span><span class="content">Nijkuak Jes&#250;s otlanke okinnajnawatij in majtlaktle iwan ome imomachtijkawan, ijkuak&#243;n oy&#225;j de ompa para tlamachtis iwan kitematiltis itlajtol in Dios itech pueblojtin de yon regi&#243;n.</span></span></div><div class="p"><span class="verse v1" data-usfm="MAT.11.1"><span class="content">  </span></span><span class="verse v2" data-usfm="MAT.11.2"><span class="label">2</span><span class="content">In Juan Tlakuateekij otzaktoka telpiloyan, iwan nijkuak okimatke tlan okichiwaya in Cristo Jes&#250;s, ijkuak&#243;n okintitlanke omen imomachtijkawan inawak Jes&#250;s. </span></span><span class="verse v3" data-usfm="MAT.11.3"><span class="label">3</span><span class="content">Iwan imomachtijkawan in Juan okitlajtlanijkej in Jes&#250;s:</span></span></div><div class="p"><span class="verse v3" data-usfm="MAT.11.3"><span class="content">&#8213;&#191;Yen tejwatzin tiCristo katlej Dios techilwijtiwitz kipia de witz o noso ok moneki tikchiaskej ma wiki?</span></span></div><div class="p"><span class="verse v3" data-usfm="MAT.11.3"><span class="content">  </span></span><span class="verse v4" data-usfm="MAT.11.4"><span class="label">4</span><span class="content">Jes&#250;s okinnankilij:</span></span></div><div class="p"><span class="verse v4" data-usfm="MAT.11.4"><span class="content">&#8213;Xiwian iwan xikilwikan in Juan nochi tlan namejwan ankitakej iwan ankikakej. </span></span><span class="verse v5" data-usfm="MAT.11.5"><span class="label">5</span><span class="content">Xikilwikan ke katlej mach otlachiayaj axan ya tlachiaj, in koxomej ya kuale nejnemij, katlej opalania innakayo yopajtikej de inkokolis, katlej mach otlakakiaj axan ya tlakakij, in mikkamej moyolkuij, iwan pobrestin kikakij in kuale tlajtole katlej temakixtia. </span></span><span class="verse v6" data-usfm="MAT.11.6"><span class="label">6</span><span class="content">Ma paki akin amo kipoloa itlaneltokalis nonawak.</span></span></div><div class="p"><span class="verse v6" data-usfm="MAT.11.6"><span class="content">  </span></span><span class="verse v7" data-usfm="MAT.11.7"><span class="label">7</span><span class="content">Nijkuak imomachtijkawan in Juan oyajkej, ijkuak&#243;n Jes&#250;s op&#233;j kintlapowia in tlakaj de yen Juan Tlakuateekij. Okinmilwij:</span></span></div><div class="p"><span class="verse v7" data-usfm="MAT.11.7"><span class="content">&#8213;&#191;Akin anyajkej ankitatoj ne kan tlawaki? &#191;Ankitatoj se tlakatl katlej itlaneltokalis kiitki in ejekatl no ken nijkuak in ejekatl kiitki se akatl? </span></span><span class="verse v8" data-usfm="MAT.11.8"><span class="label">8</span><span class="content">&#191;Akin kin&#233; ankitatoj? &#191;Ankitatoj se tlakatl katlej omotzotzoltiaya ika kuale itzotzol? Namejwan kuale ankimatij ke katlej kuale motzotzoltiaj katej ichan reytin. </span></span><span class="verse v9" data-usfm="MAT.11.9"><span class="label">9</span><span class="content">Pero, &#191;akin ankiskej ankitatoj? &#191;Se profeta? Melawak, yej okachi kipanawilia ke se profeta. </span></span><span class="verse v10" data-usfm="MAT.11.10"><span class="label">10</span><span class="content">In tiotlajkuilole tlapoa de yen Juan, kijta:</span></span></div><div class="q"><span class="verse v10" data-usfm="MAT.11.10"><span class="content">Nej niktitlani notlatematiltij moyakapan,</span></span></div><div class="q"><span class="verse v10" data-usfm="MAT.11.10"><span class="content">ma mitzyektlalili in ojtle.</span></span></div><div class="m"><span class="verse v10" data-usfm="MAT.11.10"><span class="content">  </span></span><span class="verse v11" data-usfm="MAT.11.11"><span class="label">11</span><span class="content">Ipan melajka namechilwia, ke asta axan mach onkaj nion se tlakatl katlej okachi kipanawilia in Juan Tlakuateekij. Pero akin okachi tzikitzin de itech ilwikak kan Dios tlanawatia yen okachi weyi ke Juan.</span></span></div><div class="p"><span class="verse v11" data-usfm="MAT.11.11"><span class="content">  </span></span><span class="verse v12" data-usfm="MAT.11.12"><span class="label">12</span><span class="content">&#8217;Desde ijkuak in Juan Tlakuateekij op&#233;j kitematiltia itlajtol in Dios iwan op&#233;j tlakuateekia, in tlakaj mochikawaj kinekij kalakiskej kan Dios tlanawatia. Iwan kalakij sanwel katlej melawak mochijchikawaj. </span></span><span class="verse v13" data-usfm="MAT.11.13"><span class="label">13</span><span class="content">Asta axan nochtin in profetajtin iwan tlanawatile de Mois&#233;s otlapojkej de Cristo asta ijkuak owalaj in Juan. </span></span><span class="verse v14" data-usfm="MAT.11.14"><span class="label">14</span><span class="content">Iwan tla namejwan ankinekij ankineltokaskej, Juan yen profeta El&#237;as katlej okipiaya de witz. </span></span><span class="verse v15" data-usfm="MAT.11.15"><span class="label">15</span><span class="content">Akin kipia itlakakilis, ma kikaki.</span></span></div><div class="p"><span class="verse v15" data-usfm="MAT.11.15"><span class="content">  </span></span><span class="verse v16" data-usfm="MAT.11.16"><span class="label">16</span><span class="content">&#8217;&#191;Tlan ika welis nikinkompararos in tlakaj de yin tiempo? Yejwan katej ken telpokamej katlej motlaliaj mawiltiaj itech tiankistle iwan kintzajtziliaj inmamigoswan, </span></span><span class="verse v17" data-usfm="MAT.11.17"><span class="label">17</span><span class="content">kinmilwiaj: &#8220;Mach ijk&#243;n nik anmawiltiaj. Tejwan otamechtlapichilijkej para ximijtotikan, pero mach anmijtotijkej. Otamechtlakuikilijkej se tlakuikale teyolkokoj, pero mach ankinekej anchokakej.&#8221; </span></span><span class="verse v18" data-usfm="MAT.11.18"><span class="label">18</span><span class="content">Pues, owalaj in Juan, katlej omosawaya (oayunaroaya) iwan mach itlaj vino okonia. Iwan namejwan ankijtojkej ke kipia se ejekatl mach kuale. </span></span><span class="verse v19" data-usfm="MAT.11.19"><span class="label">19</span><span class="content">Satepan oniwalaj Nej katlej onimochij nitlakatl, iwan nitlakua iwan nikoni. Iwan namejwan ankijtaj ke nitlakuani iwan nitlawanke, iwan ankijtaj inwan nimuika in tlajtlakolejkej iwan katlej tlakobraroaj ika impuestos. Pero nijkuak in Dios akaj kimaka tlalnamikilistle, kimomaka kuenta nik melawak tlan nikchiwa.</span></span></div><div class="s"><span class="heading">Pueblojtin katlej mach tetlakitakej</span></div><div class="r"><span class="heading">(Lc. 10:13-15)</span></div><div class="p"><span class="verse v19" data-usfm="MAT.11.19"><span class="content">  </span></span><span class="verse v20" data-usfm="MAT.11.20"><span class="label">20</span><span class="content">Tonses Jes&#250;s op&#233;j kinmistlakawia in tlakaj itech pueblojtin kan okinchij okachi miekej milagrostin, porke in yonmej tlakaj mach omoyolkuepayaj de intlajtlakol. Okijtoj:</span></span></div><div class="p"><span class="verse v20" data-usfm="MAT.11.20"><span class="content">  </span></span><span class="verse v21" data-usfm="MAT.11.21"><span class="label">21</span><span class="content">&#8213;&#161;Pobre de tej, pueblo de Coraz&#237;n! &#161;Pobre de tej, pueblo de Betsaida! Porke tla itech weyikan de Tiro iwan itech weyikan de Sid&#243;n kitanij in milagrostin katlej amejwan ya ankitakej, ya ke tiempo yeskia yomoyolkuepkej. Iwan motzotzoltianij de luto iwan motlikonexwianij, para kiteititianij nik yomoyolkuepkej de intlajtlakol. </span></span><span class="verse v22" data-usfm="MAT.11.22"><span class="label">22</span><span class="content">Pero Nej namechilwia, nik itech nek&#225;j tonale de tlaixkomakalistle (tlatzonmanalos), namejwan ankipiaskej okachi weyi tlajyowilistle ke in tlakaj de weyikan de Tiro iwan de Sid&#243;n. </span></span><span class="verse v23" data-usfm="MAT.11.23"><span class="label">23</span><span class="content">Iwan namejwan de pueblo de Capernaum, &#191;ankiyejyekoaj anyaskej ilwikak? &#161;Pues amo! Namejwan anyaskej asta tliko. Porke tla in tlakaj de weyikan de Sodoma kitanij in milagrostin katlej amejwan ya ankitakej, yon weyikan yeni asta axan. </span></span><span class="verse v24" data-usfm="MAT.11.24"><span class="label">24</span><span class="content">Pero Nej namechilwia, nik itech nek&#225;j tonale de tlaixkomakalistle (tlatzonmanalos), namejwan ankipiaskej okachi weyi tlajyowilistle ke nekatej tlakaj de regi&#243;n de Sodoma.</span></span></div><div class="s"><span class="heading">Xiwikikan nonawak iwan ximosewikan</span></div><div class="r"><span class="heading">(Lc. 10:21-22)</span></div><div class="p"><span class="verse v24" data-usfm="MAT.11.24"><span class="content">  </span></span><span class="verse v25" data-usfm="MAT.11.25"><span class="label">25</span><span class="content">Itech yon tonale, Jes&#250;s okijtoj:</span></span></div><div class="p"><span class="verse v25" data-usfm="MAT.11.25"><span class="content">&#8213;Nimitzonweyikixtia Papan, tejwatzin titlanawatia itech ilwikak iwan ixko yin tlaltikpak. Nimitzweyikixtia porke otikchij amo ma kimomakakan kuenta tlan kijta motlajtol katlej momachiliaj wel kimatij iwan momachiliaj wel kuale intzontekon, iwan otikinmajsikamatiltij in tlakaj katlej mach moweyinekij. </span></span><span class="verse v26" data-usfm="MAT.11.26"><span class="label">26</span><span class="content">Ijk&#243;n otikchij, Papan, porke ijk&#243;n otikmonekiltij.</span></span></div><div class="p"><span class="verse v26" data-usfm="MAT.11.26"><span class="content">  </span></span><span class="verse v27" data-usfm="MAT.11.27"><span class="label">27</span><span class="content">&#8217;NoPapan onechmaktilij nochi tlamantle. Iwan Nej niiKone mach akaj nechixmati, sino san yej noPapan nechixmati. Iwan mach akaj kixmati noPapan, sino san yen Nej niiKone nikixmati iwan noijki nekatej tlakaj katlej Nej nikneki ma kixmatikan noPapan. </span></span><span class="verse v28" data-usfm="MAT.11.28"><span class="label">28</span><span class="content">Xiwikikan nonawak, aminochtin namejwan katlej antekipanojtokej iwan antlamamajtokej itech tlajyowilistle de tlajtlakole, iwan Nej namechmakas nesewile. </span></span><span class="verse v29" data-usfm="MAT.11.29"><span class="label">29</span><span class="content">Xinechmokawilikan ma namechpalewi, iwan xinechmokawilikan ma namechmachti, porke Nej nipasensia iwan mach nimoweyinekke. Ijk&#243;n namejwan ankipiaskej nesewile ipan amoanima. </span></span><span class="verse v30" data-usfm="MAT.11.30"><span class="label">30</span><span class="content">Porke in tekitl katlej namechmaka mach tesotlaj. Iwan in tlamachtile katlej moneki xikchiwakan yon kej se tlamamale katlej mach etik.</span></span></div>
        </div>
    </div>
</div>

Nijkuak Jesús otlanke okinnajnawatij in majtlaktle iwan ome imomachtijkawan, ijkuakón oyáj de ompa para tlamachtis iwan kitematiltis itlajtol in Dios itech pueblojtin de yon región.
In Juan Tlakuateekij otzaktoka telpiloyan, iwan nijkuak okimatke tlan okichiwaya in Cristo Jesús, ijkuakón okintitlanke omen imomachtijkawan inawak Jesús. Iwan imomachtijkawan in Juan okitlajtlanijkej in Jesús:
―¿Yen tejwatzin tiCristo katlej Dios techilwijtiwitz kipia de witz o noso ok moneki tikchiaskej ma wiki?
Jesús okinnankilij:
―Xiwian iwan xikilwikan in Juan nochi tlan namejwan ankitakej iwan ankikakej. Xikilwikan ke katlej mach otlachiayaj axan ya tlachiaj, in koxomej ya kuale nejnemij, katlej opalania innakayo yopajtikej de inkokolis, katlej mach otlakakiaj axan ya tlakakij, in mikkamej moyolkuij, iwan pobrestin kikakij in kuale tlajtole katlej temakixtia. Ma paki akin amo kipoloa itlaneltokalis nonawak.
Nijkuak imomachtijkawan in Juan oyajkej, ijkuakón Jesús opéj kintlapowia in tlakaj de yen Juan Tlakuateekij. Okinmilwij:
―¿Akin anyajkej ankitatoj ne kan tlawaki? ¿Ankitatoj se tlakatl katlej itlaneltokalis kiitki in ejekatl no ken nijkuak in ejekatl kiitki se akatl? ¿Akin kiné ankitatoj? ¿Ankitatoj se tlakatl katlej omotzotzoltiaya ika kuale itzotzol? Namejwan kuale ankimatij ke katlej kuale motzotzoltiaj katej ichan reytin. Pero, ¿akin ankiskej ankitatoj? ¿Se profeta? Melawak, yej okachi kipanawilia ke se profeta. In tiotlajkuilole tlapoa de yen Juan, kijta:
Nej niktitlani notlatematiltij moyakapan,
ma mitzyektlalili in ojtle.
Ipan melajka namechilwia, ke asta axan mach onkaj nion se tlakatl katlej okachi kipanawilia in Juan Tlakuateekij. Pero akin okachi tzikitzin de itech ilwikak kan Dios tlanawatia yen okachi weyi ke Juan.
’Desde ijkuak in Juan Tlakuateekij opéj kitematiltia itlajtol in Dios iwan opéj tlakuateekia, in tlakaj mochikawaj kinekij kalakiskej kan Dios tlanawatia. Iwan kalakij sanwel katlej melawak mochijchikawaj. Asta axan nochtin in profetajtin iwan tlanawatile de Moisés otlapojkej de Cristo asta ijkuak owalaj in Juan. Iwan tla namejwan ankinekij ankineltokaskej, Juan yen profeta Elías katlej okipiaya de witz. Akin kipia itlakakilis, ma kikaki.
’¿Tlan ika welis nikinkompararos in tlakaj de yin tiempo? Yejwan katej ken telpokamej katlej motlaliaj mawiltiaj itech tiankistle iwan kintzajtziliaj inmamigoswan, kinmilwiaj: “Mach ijkón nik anmawiltiaj. Tejwan otamechtlapichilijkej para ximijtotikan, pero mach anmijtotijkej. Otamechtlakuikilijkej se tlakuikale teyolkokoj, pero mach ankinekej anchokakej.” Pues, owalaj in Juan, katlej omosawaya (oayunaroaya) iwan mach itlaj vino okonia. Iwan namejwan ankijtojkej ke kipia se ejekatl mach kuale. Satepan oniwalaj Nej katlej onimochij nitlakatl, iwan nitlakua iwan nikoni. Iwan namejwan ankijtaj ke nitlakuani iwan nitlawanke, iwan ankijtaj inwan nimuika in tlajtlakolejkej iwan katlej tlakobraroaj ika impuestos. Pero nijkuak in Dios akaj kimaka tlalnamikilistle, kimomaka kuenta nik melawak tlan nikchiwa.


Tonses Jesús opéj kinmistlakawia in tlakaj itech pueblojtin kan okinchij okachi miekej milagrostin, porke in yonmej tlakaj mach omoyolkuepayaj de intlajtlakol. Okijtoj:
―¡Pobre de tej, pueblo de Corazín! ¡Pobre de tej, pueblo de Betsaida! Porke tla itech weyikan de Tiro iwan itech weyikan de Sidón kitanij in milagrostin katlej amejwan ya ankitakej, ya ke tiempo yeskia yomoyolkuepkej. Iwan motzotzoltianij de luto iwan motlikonexwianij, para kiteititianij nik yomoyolkuepkej de intlajtlakol. Pero Nej namechilwia, nik itech nekáj tonale de tlaixkomakalistle (tlatzonmanalos), namejwan ankipiaskej okachi weyi tlajyowilistle ke in tlakaj de weyikan de Tiro iwan de Sidón. Iwan namejwan de pueblo de Capernaum, ¿ankiyejyekoaj anyaskej ilwikak? ¡Pues amo! Namejwan anyaskej asta tliko. Porke tla in tlakaj de weyikan de Sodoma kitanij in milagrostin katlej amejwan ya ankitakej, yon weyikan yeni asta axan. Pero Nej namechilwia, nik itech nekáj tonale de tlaixkomakalistle (tlatzonmanalos), namejwan ankipiaskej okachi weyi tlajyowilistle ke nekatej tlakaj de región de Sodoma.


Itech yon tonale, Jesús okijtoj:
―Nimitzonweyikixtia Papan, tejwatzin titlanawatia itech ilwikak iwan ixko yin tlaltikpak. Nimitzweyikixtia porke otikchij amo ma kimomakakan kuenta tlan kijta motlajtol katlej momachiliaj wel kimatij iwan momachiliaj wel kuale intzontekon, iwan otikinmajsikamatiltij in tlakaj katlej mach moweyinekij. Ijkón otikchij, Papan, porke ijkón otikmonekiltij.
’NoPapan onechmaktilij nochi tlamantle. Iwan Nej niiKone mach akaj nechixmati, sino san yej noPapan nechixmati. Iwan mach akaj kixmati noPapan, sino san yen Nej niiKone nikixmati iwan noijki nekatej tlakaj katlej Nej nikneki ma kixmatikan noPapan. Xiwikikan nonawak, aminochtin namejwan katlej antekipanojtokej iwan antlamamajtokej itech tlajyowilistle de tlajtlakole, iwan Nej namechmakas nesewile. Xinechmokawilikan ma namechpalewi, iwan xinechmokawilikan ma namechmachti, porke Nej nipasensia iwan mach nimoweyinekke. Ijkón namejwan ankipiaskej nesewile ipan amoanima. Porke in tekitl katlej namechmaka mach tesotlaj. Iwan in tlamachtile katlej moneki xikchiwakan yon kej se tlamamale katlej mach etik.

Listen to San Mateo 11