Bible without Deuterocanon in Nahuatl, Huasteca Central (MX:nch:Nahuatl, Huasteca Central )

Icamanal Toteco

<div class="version vid751 iso6393nch" data-vid="751" data-iso6393="nch">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">Jes&#250;s huan Zaqueo</div><div class="p"> 1Huan Jes&#250;s calajqui ipan altepet Jeric&#243;, pero san panotiquisato. 2Huan itztoya nopona se tacat cati itoca Zaqueo. Yaya eliyaya se tayacanquet cati tainamayaya impuesto huan quipixqui miyac tomi. 3Huan Zaqueo quichihuayaya campeca para quiitas Jes&#250;s, pero amo huelqui pampa itztoyaj miyaqui masehualme cati quiyahualojtoyaj, huan Zaqueo amo huejcapantic. 4Huajca Zaqueo motalo huan tayacanqui huan tejcoto ipan se cuahuit para huelis quiitas Jes&#250;s quema panos ojtipa. 5Huan quema Jes&#250;s ajsico nopona, ajcotachixqui ipan nopa cuahuit huan quiitac Zaqueo huan quiilhui:</div><div class="p">&#8213;Zaqueo, ximoisihuilti huan xitemo, pampa ama nimocahuas nepa mochaj.</div><div class="p"> 6Huajca nimantzi temoc, huan ica paquilisti quiseli Jes&#250;s ipan ichaj. 7Huan quema masehualme quiitaque cati panoc, pejque quiejelnamiquij Jes&#250;s pampa yajqui quipaxaloto se tacat cati tahuel tajtacolchihua. 8Huan teipa Zaqueo moquetzqui iniixpa nochi huan quiilhui Tohueyiteco:</div><div class="p">&#8213;Tohueyiteco, amantzi nimoyolpatatoc. Nipehuas niquinmacas tajco cati nijpiya ica inijuanti cati teicneltzitzi. Huan ica nochi cati niquincajcayajtoc huan niquinquixtili miyac tomi, niquincuepilis najpa imiyaca cati niquinquixtili.</div><div class="p"> 9Huan Jes&#250;s quinilhui nopa masehualme nopona:</div><div class="p">&#8213;Ama momaquixti ni tacat ten itajtacolhua pampa nechneltocac quej nojquiya Abraham nechneltocac. 10Na cati niMocuetqui Masehuali nihualajtoc ipan ni taltipacti para niquintemos huan niquinmaquixtis masehualme cati mocuapolojtoyaj ipan inintajtacolhua.</div><div class="s">Se teteco huan majtacti tetequipanohuani</div><div class="r">(Mt. 25:14-30)</div><div class="p"> 11Huan nopa masehualme nochi quicaquiyayaj. Huan Jes&#250;s quinilhui se tatenpohualisti pampa monechcahuiyaya Jerusal&#233;n, huan miyaqui masehualme moilhuiyayaj Toteco pehuasqu&#237;a tanahuatis nimantzi ipan ni taltipacti. 12Huan Jes&#250;s quiijto: &#8220;Se tacat cati itztoya ipan se familia ten tanahuatiani quisayaya para yas ipan seyoc tali cati huejca para quiselis tequiticayot para tanahuatis, huan teipa tacuepilisqu&#237;a. 13Huan achtohui quinnotzqui majtacti itequipanojcahua huan quinmacac sese imiyaca tomi quej se tacat quitanisqu&#237;a ipan eyi metzti ten tequit. Quinilhui ma tacohuaca huan ma tanamacaca para quitanilise m&#225;s tomi hasta yaya sempa hualas. 14Huan miyaqui masehualme nepa campa quisqui quicualancaitaque nopa tanahuatijquet huan quititanque se amatasencahuali campa ajsisqu&#237;a huan nopa amat quiijto: &#8216;Amo quema tijnequij ni tacat ma technahuatiqui nica.&#8217;</div><div class="p"> 15&#8220;Pero nopa tanahuatijquet quiseli itequiticayo para tanahuatis. Teipa quema tacuepili ipan ital quinnahuati ma mosentilica nopa tetequipanohuani cati quintominmacatoya para quimatis taya quitantoyaj ica itomi. 16Huan nopa tetequipanojquet cati achtohui monexti, quiilhui: &#8216;Noteco, ica nopa tomi cati techcahuilijtejqui ya nijtantoc majtacti huelta m&#225;s imiyaca tomi.&#8217; 17Huan iteco quiilhui: &#8216;Cualtitoc, tinocualtequipanojca. Temachti tiitztoya ica pilquentzi tomi cati nimitzmacac, huan ama nimitztalis xijnahuati majtacti altepeme.&#8217; 18Huan nopa ompa tetequipanojquet monexti huan quiilhui: &#8216;Noteco, ica nopa tomi cati techcahuilijtejqui, ya nijtantoc macuili hueltas m&#225;s imiyaca tomi.&#8217; 19Huan san se quiilhui nopa ompa tetequipanojquet, nojquiya quiilhui: &#8216;Nimitztalis xijnahuati macuili altepeme.&#8217;</div><div class="p"> 20&#8220;Huan seyoc itequipanojca hualajqui huan quiilhui: &#8216;Noteco, nica eltoc nopa tomi cati techmacac. Nicajojqui ipan se payo. 21Nimitzimacasiyaya sinta nijpolojtosqu&#237;a motomi ica tanamaquilisti, pampa nijmati chicahuac titanahuat&#237;a. Tijcui tomi cati amo tijtantoc huan tipixca campa amo titoctoc.&#8217; 22Huan iteco quiilhui: &#8216;Ta tifiero tetequipanojquet, nimitztajtolsencahuas ica cati ta mocamanal. Tijmatqui chicahuac nitanahuat&#237;a. Nijcui tomi cati amo nijtantoc huan nipixca campa amo nitoctoc. 23&#191;Para ten amo tijtali notomi ipan se banco para ma quitequihuicaj, huan quema nihualasqu&#237;a, nopa banco nechmacasqu&#237;a se quentzi itanca?&#8217;</div><div class="p"> 24&#8220;Huan nojquiya iteco quinilhui nopa masehualme cati ijcatoyaj nechca: &#8216;Xijquixtilica nopa tomi cati nijmacac, huan xijmacaca yaya cati quitanqui majtacti huelta.&#8217; 25Huan nopa masehualme quiilhuijque: &#8216;Toteco, yaya ya quipiya majtacti huelta itomi.&#8217;</div><div class="p"> 26&#8220;Pero ininteco quinilhui: &#8216;Nimechilhu&#237;a, nochi cati quitequihu&#237;aj cuali cati quipiyaj, niquinmacas m&#225;s, huan cati amo quitequihu&#237;aj cati quipiyaj, masque pilquentzi, niquinquixtilis nopa pilquentzi cati quipixtoyaj. 27Huan nocualancaitacahua cati amo quinequiyayaj ma niquinnahuatiqui, ama xiquinhualicaca huan xiquinmictica nica noixpa.&#8217; &#8221;</div><div class="s">Jes&#250;s calajqui altepet Jerusal&#233;n ipan burro</div><div class="r">(Mt. 21:1-11; Mr. 11:1-11; Jn. 12:12-19)</div><div class="p"> 28Quema Jes&#250;s quinilhuijtoya ni tatenpohualisti, sempa pejqui yahui ipan ojti para Jerusal&#233;n. 29Huan quema monechcahuiyaya altepeme Betfag&#233; huan Betania huan nopa tepet cati itoca Olivos, quintitanqui ome imomachtijcahua ipan se tequit, 30quinilhui:</div><div class="p">&#8213;Xiyaca nopa pilaltepetzi cati mocahua amoixmelac huan quema ancalaquise nepa anquipantise se pilburrojtzi ilpitoc cati ayemo aqui tejcotoc ipani. Xijtojtomaca huan techhualiquilica. 31Huan sinta amechtatzintoquilise para ten anquitojtomaj, xiquinilhuica: &#8216;Toteco quinequi quitequihuis.&#8217;</div><div class="p"> 32Huan nopa ome imomachtijcahua yajque huan nel&#237;a quipantijque nopa pilburrojtzi quej Jes&#250;s quinilhuijtoya. 33Huan quema quitojtomayayaj, iteco quintatzintoquili:</div><div class="p">&#8213;&#191;Para ten anquitojtomaj nopa pilburrojtzi?</div><div class="p"> 34Huan quiilhuijque:</div><div class="p">&#8213;Toteco quinequi quitequihuis.</div><div class="p"> 35Huan quihuicaque campa Jes&#250;s, huan ipani quitalilijque inintaque, huan Jes&#250;s ipan tejcoc. 36Huan miyaqui masehualme quisohuayayaj inintaque ipan ojti campa Jes&#250;s nejnemiyaya. 37Huan quema monechcahuijque campa itaixtemolis nopa tepet Olivos, nochi nopa miyaqui masehualme cati quitoquiliyayaj pejque quipaquilismacaj Toteco por nochi nopa tiochicahualnescayot cati quiitztoyaj Jes&#250;s quichihua. Huan ica paquilisti, 38inijuanti tahuejchihuayayaj huan quiijtohuayayaj:</div><div class="q">&#8220;&#161;Toteco Dios ma quitiochihua ni tanahuatijquet cati huala ipan itoca#19:38 Ica itequiticayo.!</div><div class="q">Oncas tasehuilisti ipan ilhuicacti.</div><div class="q">&#161;Ma tijhueyichihuaca Toteco Dios hasta tacaquistis ipan ilhuicac campa m&#225;s huejcapa!&#8221;</div><div class="p"> 39Huan sequij fariseos cati nejnemiyayaj ica nopa miyaqui masehualme quiilhuijque Jes&#250;s:</div><div class="p">&#8213;Tamachtijquet, xiquinajhua momomachtijcahua pampa quiijtohuaj tamanti cati amo quinamiqui.</div><div class="p"> 40Huan Jes&#250;s quinnanquili:</div><div class="p">&#8213;Nimechilhu&#237;a sinta nomomachtijcahua amo molinisqu&#237;aj para nechhueyitalisqu&#237;aj, huajca ni teme camanaltisqu&#237;aj huan nechhueyichihuasqu&#237;aj.</div><div class="p"> 41Huan quema Jes&#250;s monechcahui nepa Jerusal&#233;n, quitachili nopa altepet huan chocac por nopa masehualme cati nopona itztoyaj, 42huan quiijto: &#8220;AnJerusal&#233;n ehuani, sinta anquimachilijtosqu&#237;aj ten pano ama ni tonali, anhueltosqu&#237;aj anquipantisqu&#237;aj tasehuilisti. Pero tzactoc amoixteyol huan ya tanqui hora. 43Huajca se tonali amocualancaitacahua hualase huan amechyahualose huan amechojtzacuase para amo aqui huelis cholos. 44Huan quisosolose amoaltepe huan amechmictise nochi amojuanti cati anitztoque nica. Huan amo teno ten amoaltepe mocahuas quej eltoya, pampa amo antechchihuilijque cuenta quema na nimechpaxaloco.&#8221;</div><div class="s">Jes&#250;s quinquixti tanamacani tiopan calijtic</div><div class="r">(Mt. 21:12-17; Mr. 11:15-19; Jn. 2:13-22)</div><div class="p"> 45Huan Jes&#250;s calajqui ipan nopa hueyi israelita tiopamit huan pejqui quinquixt&#237;a nopa tanamacani cati itztoyaj calijtic. 46Huan quinilhui:</div><div class="p">&#8213;Ijcuilijtoc ipan Icamanal Toteco campa quiijtohua: &#8216;Nochaj eltoc nopa cali campa masehualme motatajtise ica Toteco.&#8217; Pero anquichijtoque campa anquintachtequil&#237;aj masehualme cati hualahuij.</div><div class="p"> 47Huan Jes&#250;s tamachti mojmosta ipan nopa hueyi tiopamit, pero nopa tayacanca totajtzitzi, huan tamachtiani ten itanahuatil Mois&#233;s, huan inijuanti cati quihuicayayaj tequit quinequiyayaj quimictise. 48Pero amo quimatiyayaj quenicatza quichihuase pampa nochi masehualme nel&#237;a quitacaquiliyayaj icamanal.</div>
 </div>
 </div>
</div>

Huan Jesús calajqui ipan altepet Jericó, pero san panotiquisato. Huan itztoya nopona se tacat cati itoca Zaqueo. Yaya eliyaya se tayacanquet cati tainamayaya impuesto huan quipixqui miyac tomi. Huan Zaqueo quichihuayaya campeca para quiitas Jesús, pero amo huelqui pampa itztoyaj miyaqui masehualme cati quiyahualojtoyaj, huan Zaqueo amo huejcapantic. Huajca Zaqueo motalo huan tayacanqui huan tejcoto ipan se cuahuit para huelis quiitas Jesús quema panos ojtipa. Huan quema Jesús ajsico nopona, ajcotachixqui ipan nopa cuahuit huan quiitac Zaqueo huan quiilhui:
―Zaqueo, ximoisihuilti huan xitemo, pampa ama nimocahuas nepa mochaj.
Huajca nimantzi temoc, huan ica paquilisti quiseli Jesús ipan ichaj. Huan quema masehualme quiitaque cati panoc, pejque quiejelnamiquij Jesús pampa yajqui quipaxaloto se tacat cati tahuel tajtacolchihua. Huan teipa Zaqueo moquetzqui iniixpa nochi huan quiilhui Tohueyiteco:
―Tohueyiteco, amantzi nimoyolpatatoc. Nipehuas niquinmacas tajco cati nijpiya ica inijuanti cati teicneltzitzi. Huan ica nochi cati niquincajcayajtoc huan niquinquixtili miyac tomi, niquincuepilis najpa imiyaca cati niquinquixtili.
Huan Jesús quinilhui nopa masehualme nopona:
―Ama momaquixti ni tacat ten itajtacolhua pampa nechneltocac quej nojquiya Abraham nechneltocac. Na cati niMocuetqui Masehuali nihualajtoc ipan ni taltipacti para niquintemos huan niquinmaquixtis masehualme cati mocuapolojtoyaj ipan inintajtacolhua.


Huan nopa masehualme nochi quicaquiyayaj. Huan Jesús quinilhui se tatenpohualisti pampa monechcahuiyaya Jerusalén, huan miyaqui masehualme moilhuiyayaj Toteco pehuasquía tanahuatis nimantzi ipan ni taltipacti. Huan Jesús quiijto: “Se tacat cati itztoya ipan se familia ten tanahuatiani quisayaya para yas ipan seyoc tali cati huejca para quiselis tequiticayot para tanahuatis, huan teipa tacuepilisquía. Huan achtohui quinnotzqui majtacti itequipanojcahua huan quinmacac sese imiyaca tomi quej se tacat quitanisquía ipan eyi metzti ten tequit. Quinilhui ma tacohuaca huan ma tanamacaca para quitanilise más tomi hasta yaya sempa hualas. Huan miyaqui masehualme nepa campa quisqui quicualancaitaque nopa tanahuatijquet huan quititanque se amatasencahuali campa ajsisquía huan nopa amat quiijto: ‘Amo quema tijnequij ni tacat ma technahuatiqui nica.’
“Pero nopa tanahuatijquet quiseli itequiticayo para tanahuatis. Teipa quema tacuepili ipan ital quinnahuati ma mosentilica nopa tetequipanohuani cati quintominmacatoya para quimatis taya quitantoyaj ica itomi. Huan nopa tetequipanojquet cati achtohui monexti, quiilhui: ‘Noteco, ica nopa tomi cati techcahuilijtejqui ya nijtantoc majtacti huelta más imiyaca tomi.’ Huan iteco quiilhui: ‘Cualtitoc, tinocualtequipanojca. Temachti tiitztoya ica pilquentzi tomi cati nimitzmacac, huan ama nimitztalis xijnahuati majtacti altepeme.’ Huan nopa ompa tetequipanojquet monexti huan quiilhui: ‘Noteco, ica nopa tomi cati techcahuilijtejqui, ya nijtantoc macuili hueltas más imiyaca tomi.’ Huan san se quiilhui nopa ompa tetequipanojquet, nojquiya quiilhui: ‘Nimitztalis xijnahuati macuili altepeme.’
“Huan seyoc itequipanojca hualajqui huan quiilhui: ‘Noteco, nica eltoc nopa tomi cati techmacac. Nicajojqui ipan se payo. Nimitzimacasiyaya sinta nijpolojtosquía motomi ica tanamaquilisti, pampa nijmati chicahuac titanahuatía. Tijcui tomi cati amo tijtantoc huan tipixca campa amo titoctoc.’ Huan iteco quiilhui: ‘Ta tifiero tetequipanojquet, nimitztajtolsencahuas ica cati ta mocamanal. Tijmatqui chicahuac nitanahuatía. Nijcui tomi cati amo nijtantoc huan nipixca campa amo nitoctoc. ¿Para ten amo tijtali notomi ipan se banco para ma quitequihuicaj, huan quema nihualasquía, nopa banco nechmacasquía se quentzi itanca?’
“Huan nojquiya iteco quinilhui nopa masehualme cati ijcatoyaj nechca: ‘Xijquixtilica nopa tomi cati nijmacac, huan xijmacaca yaya cati quitanqui majtacti huelta.’ Huan nopa masehualme quiilhuijque: ‘Toteco, yaya ya quipiya majtacti huelta itomi.’
“Pero ininteco quinilhui: ‘Nimechilhuía, nochi cati quitequihuíaj cuali cati quipiyaj, niquinmacas más, huan cati amo quitequihuíaj cati quipiyaj, masque pilquentzi, niquinquixtilis nopa pilquentzi cati quipixtoyaj. Huan nocualancaitacahua cati amo quinequiyayaj ma niquinnahuatiqui, ama xiquinhualicaca huan xiquinmictica nica noixpa.’ ”


Quema Jesús quinilhuijtoya ni tatenpohualisti, sempa pejqui yahui ipan ojti para Jerusalén. Huan quema monechcahuiyaya altepeme Betfagé huan Betania huan nopa tepet cati itoca Olivos, quintitanqui ome imomachtijcahua ipan se tequit, quinilhui:
―Xiyaca nopa pilaltepetzi cati mocahua amoixmelac huan quema ancalaquise nepa anquipantise se pilburrojtzi ilpitoc cati ayemo aqui tejcotoc ipani. Xijtojtomaca huan techhualiquilica. Huan sinta amechtatzintoquilise para ten anquitojtomaj, xiquinilhuica: ‘Toteco quinequi quitequihuis.’
Huan nopa ome imomachtijcahua yajque huan nelía quipantijque nopa pilburrojtzi quej Jesús quinilhuijtoya. Huan quema quitojtomayayaj, iteco quintatzintoquili:
―¿Para ten anquitojtomaj nopa pilburrojtzi?
Huan quiilhuijque:
―Toteco quinequi quitequihuis.
Huan quihuicaque campa Jesús, huan ipani quitalilijque inintaque, huan Jesús ipan tejcoc. Huan miyaqui masehualme quisohuayayaj inintaque ipan ojti campa Jesús nejnemiyaya. Huan quema monechcahuijque campa itaixtemolis nopa tepet Olivos, nochi nopa miyaqui masehualme cati quitoquiliyayaj pejque quipaquilismacaj Toteco por nochi nopa tiochicahualnescayot cati quiitztoyaj Jesús quichihua. Huan ica paquilisti, inijuanti tahuejchihuayayaj huan quiijtohuayayaj:
“¡Toteco Dios ma quitiochihua ni tanahuatijquet cati huala ipan itoca!
Oncas tasehuilisti ipan ilhuicacti.
¡Ma tijhueyichihuaca Toteco Dios hasta tacaquistis ipan ilhuicac campa más huejcapa!”
Huan sequij fariseos cati nejnemiyayaj ica nopa miyaqui masehualme quiilhuijque Jesús:
―Tamachtijquet, xiquinajhua momomachtijcahua pampa quiijtohuaj tamanti cati amo quinamiqui.
Huan Jesús quinnanquili:
―Nimechilhuía sinta nomomachtijcahua amo molinisquíaj para nechhueyitalisquíaj, huajca ni teme camanaltisquíaj huan nechhueyichihuasquíaj.
Huan quema Jesús monechcahui nepa Jerusalén, quitachili nopa altepet huan chocac por nopa masehualme cati nopona itztoyaj, huan quiijto: “AnJerusalén ehuani, sinta anquimachilijtosquíaj ten pano ama ni tonali, anhueltosquíaj anquipantisquíaj tasehuilisti. Pero tzactoc amoixteyol huan ya tanqui hora. Huajca se tonali amocualancaitacahua hualase huan amechyahualose huan amechojtzacuase para amo aqui huelis cholos. Huan quisosolose amoaltepe huan amechmictise nochi amojuanti cati anitztoque nica. Huan amo teno ten amoaltepe mocahuas quej eltoya, pampa amo antechchihuilijque cuenta quema na nimechpaxaloco.”


Huan Jesús calajqui ipan nopa hueyi israelita tiopamit huan pejqui quinquixtía nopa tanamacani cati itztoyaj calijtic. Huan quinilhui:
―Ijcuilijtoc ipan Icamanal Toteco campa quiijtohua: ‘Nochaj eltoc nopa cali campa masehualme motatajtise ica Toteco.’ Pero anquichijtoque campa anquintachtequilíaj masehualme cati hualahuij.
Huan Jesús tamachti mojmosta ipan nopa hueyi tiopamit, pero nopa tayacanca totajtzitzi, huan tamachtiani ten itanahuatil Moisés, huan inijuanti cati quihuicayayaj tequit quinequiyayaj quimictise. Pero amo quimatiyayaj quenicatza quichihuase pampa nochi masehualme nelía quitacaquiliyayaj icamanal.

Listen to LUCAS 19