Binumarien: Fúka Moodaanaki Kira Ufa Afaqínaasa Ufa (New Testament)

Fúka Moodaanaki Kira Ufa Afaqínaasa Ufa

<div class="version vid842 iso6393bjr" data-vid="842" data-iso6393="bjr">
 <div class="book bkROM">
 <div class="chapter ch1" data-usfm="ROM.1">
 <div class="label">1</div><div class="p"> 1Qinee Pauroosa Anutuna asauku mundirana Yisufa mara firiqai faiqisa maridaqa mina ainaina dadaaqimaruna faiqisa maridaqa. Anutufa qini maqasaa fasiqa Anutufa faiq&#237; aanaaseekinaana rusandeesamumasee nar&#237; amiqira fasaasa ufara qimannimiannee qimaqoosa maridaqa.</div><div class="p"> 2Mi amiqira fasaasa ufana naaru kambiqaaninnanara Anutufa ooqai uqanna nar&#237; tamummaqara fasiqauqa nar&#237; ookiqari qimannimisoofaqa quandafiqa faiq&#237; anaasee qimannimisee quandakiqa naaquqara akaraki quqaqoofa maridanoo. 3-4Mi amiqira fasaasa ufana nar&#237; amaaku nar&#237; asauku mundirana Yisunara maasa karaambaiqara qidanoo. Mifa Dafidinakiqari kambiqoonara maasa maqasaa fasiqee qidaqa. Anutufa nar&#237; firaa afeekannai kuqiranakinaana Yisuna mara findifumaseenoo minannai uqannifiqasoofaqa iriseeqa misa minara Anutuna amaaku innaarunaindaraafa naaquqarafee qidaqa. 5Yisuna minannai Anutufa qini amiqi amiqinoo qimannimira fasiqaikamambi maridana aiqama maqannaa naarama minisee Yisuna amiqira fasaasa ufa qimannimisainaqa iriseeqa mi mau fiqa Yisuna auqu uqeeraaqeera qiniara qimaqoosa maridaqa. 6Aiqama maqannaasara qidaqa inni Roomma maqannaasara faqa qidaqa Anutufa inniara nar&#237; asauku mundirana Yisunaindi kiaqeera qimaqoofa maridanoo.</div><div class="p"> 7Anutufa inni Roomma maqannaasa faqa naarameeqeenoo qini qiku qisauku kiaqeera qimaqoosa mariafaqa. Qinee Pauroosa minara iriseeqa inni akara rumannimaqaunafa maridanoo. Anutufa maasa qikoofa faqa nar&#237; asauku mundirana Yisuna maasa karaambaiqa faqa nar&#237; amiqi amiqira oosana faqa nar&#237; aundura asooarana faqa inni nimiani.</div><div class="s">Pauroofa Roomma maqannaasara Anutu finnai dufi dufi qidanoo.</div><div class="p"> 8Maa ufanannai inni qimannimiranara qianaura Anutuna asauku mundirana minannai qinee Pauroosa inni Roomma maqannaasara Anutu finnai dufi dufi qimamaqaidaqa. Aiqama maqannaasa innee Yisuna saqarikiranara irimarifaqa minara qinee Pauroosa innaaru qimamaqaidaqa dufi dufi qidaqa. 9Qinee aiqama kari maqee maqee inni Roomma maqannaasara iridaqa Anutufinnai maqee maqee innaaru qimarunnanara minara Anutufa iridanoo. Qinee qeeqa qimuqusa ookiqari qeeqa iriranannai Anutunara eedoo qira dadaaqira ainainiranakina maridaqa. Maridaqa nar&#237; amaaku amiqira fasaasa ufa faiq&#237; anaasee qimannimidaqa. Qinee inniara Roomma maqannaa faiq&#237; aanaaseera innaaru qidee qunanoo Anutufa kuqaa fee qiannoo. 10Qinee ooqaindari inni maqusai oonuree inni nindafarara irida marunnanara maqee Anutufa qini dadaaqinaqa inni maqusai oonu mariannanara minara faqa innaaru qidaqa.</div><div class="p"> 11Qinee firaaqoo inni nindafarara qidaqa innaarunaindaraa amiqi amiqirana moo inni naida nimianaqa innee Anutunaki afeekaikamafi mariaqeera iridaqa. 12Qinee minara maaqi qidaqa qinee faqa innee faqa nar&#237; dadaaqi nar&#237; dadaaqirara innee Yisuna saqarikirana faqa qinee faqa Yisuna saqarikirana faqa nar&#237; dadaaqi nar&#237; dadaaqiaqa.</div><div class="p"> 13Innee Roomma maqannaasa maa ufana iriaqa. Qinee inni maqusai moomoo kari firari mariafananoo moo ainaina rafaaqafinau. Qinee moomoo maqusanaasaki sia Yuda maqannaasaki nimariafanausa miqidaqa misakinaana oonu rarisameeqee Yisunaki quqeemarunausa inniki faqa ooqaindari miqianee qidaqa. 14Aamina maqannaa faqa irirana faqaasa faqa aikara foora daruqoofanoo maridanoo. Misa aiqama Yisunufa qimannimianaqa irifanoo mi aikana darirafa tatinoo qifaaqa aufadaannoo. 15Mi aikana tatiranara irisee qinee inni Roomma maqannaasa faqa Anutuna amiqira fasaasa ufa qimannimiraree qidaqa.</div><div class="s">Anutuna afeeka ufa asumu mariranaki quqannisee marifa.</div><div class="p"> 16Anutuna amiqira fasaasa ufa Anutufa faiq&#237; mareeqee asumu mariranaki quqeemari afeekafa maridanoo minannai Yuda maqannaa naaree aanaamuru mariasa innaaqiana irisee mi mau finausa Anutufa asumu mareeqee quqaannoo. Minara qinee mi amiqira fasaasa ufanaki qeeqa daundura firaaqoo mara quqaidaqa. 17Anutufa faiq&#237; anaasee aaqeemariasa nar&#237; namuqaaki mariasa sia naruseenoo mareeqeenoo nar&#237; aqoondikidanoo nar&#237; amiqira fasaasa ufa minara kooroo idanoo. Maasa Yisuna saqarikirana mifa kai Anutunara aqoondikirana nimidanoo. Ooqeenaa tamummaqara fasiqauqa akara minara maaqi qinoo maridanoo. Faiq&#237; anaasee Anutuna saqarikiranannai mina aqoondikinausa misa kai naaru naaru marirana mareefaranoo.</div><div class="s">Faiq&#237; faiqi mandoosana fannoo Anutufa nariranaki quqannisaidanoo.</div><div class="p"> 18Faiq&#237; anaasee mandainaina faqa kudimakirana faqa miqanda Anutuna anoona ufa rafaaqafifaqa sia irida maridaqa, minara Anutuna aanoo qirana narirafa inaarunaindari akooqoo misasaa qumu maridanoo. 19Maanara Anutufa misa naridanoo. Faiq&#237; faiqi Anutunara irimari ainainafa akooqoo maridanoo. Anutufa nar&#237; kai uqannifiqasoofanoo marifaqa sia irimariafanoo.</div><div class="p"> 20Ooqai Anutufa maa maqa maaqana auquqooqari mina kukeeqarana idaaqirana faqa mina naaru naaru marira afeeka faqa innaarunaindaraa andeeqara marirana faqa nar&#237; auqu quqoo ainainaki akooqoo marufa maridanoo. Faiq&#237; faiqi Anutufa auqu quqoo ainainaki qafamasee sia Anutunara irida fee qifaranoo. Miqi qimasaidaqa unna qimarifanoo Anutufa mi ufana sia iriannoo kaqi naruannoo. 21Misa Anutunara iridaqa sia minara dufi dufi qidaqa, kafaa sia mina auqu uqeeraidaqa. Misa quandaki n&#225;ri irirafa firaaqoo furufariranaki kai maridaqa misa nitikura fifau maridanoo asukuna kai qumbiqanoo maridanoo. 22Misa n&#225;riara irirana faqaasee qimasaida unna qimasaidaqa furufariranaki maridaqa. 23Misa Anutuna naaru naaru marira areenarana mafi quqasee Anutuna innaaruqirana faqa amooqirana faqa mafi quqasee fifau faiq&#237; faiqi amanauqirana faqa ufini amanauqirana faqa aandau amanauqirana faqa amuaqundari maqamau nimarina amanauqirana faqa marasee maasa Anutu fee qimasee minara innaaru qidaqa amooqidaqa.</div><div class="p"> 24Faiq&#237; misa n&#225;ri furufarirafa miqinoo firaafa marifanoo Anutufa misa mareeqeenoo nariqa nimuqusimari mandainainaki quqasaifaqa faiq&#237; narinni narinni ira ainainara nisaurira ainaina kai maraidaqa. 25Misa Anutuna anoona ufa mareeqee kaqinni quqaseeqa unna ufa mareeqee nifusaa quqasee minara kuqaa fee qidaqa. Naaru naaru amooqimaria Anutuna aiqama ainaina auqu quqoo Anutunara minnisee quandaki Anutufa auqu quqoo ainainara fifau ainainara innaaru qimasee maasa Anutu fee qimasee mi mau fidaqa.</div><div class="p"> 26Anutufa faiq&#237; anaasee n&#225;ri manda niranara qafamasaifanoo akooqaifanoo kaqi minaki nifeeqaidanoo. Minara aanaaseeuqa faqa n&#225;ri nifaaqmaaka minnisee andeeqara oosana minnisee narinni narinni oosana oosana manda marirana maraidaqa. 27Faiq&#237; miqi kai iqa n&#225;ri ninaaqmaaka faqa amiqira oosana minnisee nariara nariara ridaqa idara foora nitakuqidanoo. Faiq&#237; misa narinni narinni nisaurira ainaina maraseeqa mina akiaqara n&#225;ri nifaaqasaa aurirana aidafirana marasee aupuraidaqa.</div><div class="p"> 28-31Faiq&#237; anaasee Anutuna anoona ufara nikooqaifanoo Anutufa misa mareeqeenoo mandainainakina sia fuaqaa ira mandainainakina quqasaifaqa minaki fidaqa. Miqianara maa manda ainaina oosana oosanafa qumbiqaidanoo, manda oosana faqa, kaaqa ainainara rimarina faqa nariara nariara fidiaqaa imariana faqa nariara nariara rairai qirana faqa faiq&#237; kuqannarirana faqa nar&#237; afumau nar&#237; afumau irafa faqa n&#225;ri ueeqee nar&#237; ueeqee imariana faqa manda oosana oosana faqa nariara nariara munuqi miniqi imariana faqa misa Anutunara fidiaqaa imariana faqa kaukaata qimariana faqa n&#225;ri nifaaqa nimooqirana faqa nariara kai firaaqoo ufaq&#237; marina faqa maqee maqee mandoosanara randeemariana faqa n&#225;ri ninaukoo ufa rukiee mariana faqa sia n&#225;ri andeeqaramau firanara uriqararanee qimariasa, faqa nariqa qimannimira ufa rukiee mariana faqa sia n&#225;ri nikaqaafasaara amuqusirana faqa mi manda ainainnausaki fimariasa maridaqa. 32Anutufa minaki fimariasara kuqiranaki fimariaa maqi qida qifaqa iridaqa kaqi minaki fidaqa. Sia minakaifau miqidau firaa manda oosana marasee akaqausa mi mandainainaki dadaaqimariasara misara faqa eedoo qimaseeqa asasidaqa.</div>
 </div>
 </div>
</div>

Qinee Pauroosa Anutuna asauku mundirana Yisufa mara firiqai faiqisa maridaqa mina ainaina dadaaqimaruna faiqisa maridaqa. Anutufa qini maqasaa fasiqa Anutufa faiqí aanaaseekinaana rusandeesamumasee narí amiqira fasaasa ufara qimannimiannee qimaqoosa maridaqa.
Mi amiqira fasaasa ufana naaru kambiqaaninnanara Anutufa ooqai uqanna narí tamummaqara fasiqauqa narí ookiqari qimannimisoofaqa quandafiqa faiqí anaasee qimannimisee quandakiqa naaquqara akaraki quqaqoofa maridanoo. Mi amiqira fasaasa ufana narí amaaku narí asauku mundirana Yisunara maasa karaambaiqara qidanoo. Mifa Dafidinakiqari kambiqoonara maasa maqasaa fasiqee qidaqa. Anutufa narí firaa afeekannai kuqiranakinaana Yisuna mara findifumaseenoo minannai uqannifiqasoofaqa iriseeqa misa minara Anutuna amaaku innaarunaindaraafa naaquqarafee qidaqa. Yisuna minannai Anutufa qini amiqi amiqinoo qimannimira fasiqaikamambi maridana aiqama maqannaa naarama minisee Yisuna amiqira fasaasa ufa qimannimisainaqa iriseeqa mi mau fiqa Yisuna auqu uqeeraaqeera qiniara qimaqoosa maridaqa. Aiqama maqannaasara qidaqa inni Roomma maqannaasara faqa qidaqa Anutufa inniara narí asauku mundirana Yisunaindi kiaqeera qimaqoofa maridanoo.
Anutufa inni Roomma maqannaasa faqa naarameeqeenoo qini qiku qisauku kiaqeera qimaqoosa mariafaqa. Qinee Pauroosa minara iriseeqa inni akara rumannimaqaunafa maridanoo. Anutufa maasa qikoofa faqa narí asauku mundirana Yisuna maasa karaambaiqa faqa narí amiqi amiqira oosana faqa narí aundura asooarana faqa inni nimiani.

Maa ufanannai inni qimannimiranara qianaura Anutuna asauku mundirana minannai qinee Pauroosa inni Roomma maqannaasara Anutu finnai dufi dufi qimamaqaidaqa. Aiqama maqannaasa innee Yisuna saqarikiranara irimarifaqa minara qinee Pauroosa innaaru qimamaqaidaqa dufi dufi qidaqa. Qinee aiqama kari maqee maqee inni Roomma maqannaasara iridaqa Anutufinnai maqee maqee innaaru qimarunnanara minara Anutufa iridanoo. Qinee qeeqa qimuqusa ookiqari qeeqa iriranannai Anutunara eedoo qira dadaaqira ainainiranakina maridaqa. Maridaqa narí amaaku amiqira fasaasa ufa faiqí anaasee qimannimidaqa. Qinee inniara Roomma maqannaa faiqí aanaaseera innaaru qidee qunanoo Anutufa kuqaa fee qiannoo. Qinee ooqaindari inni maqusai oonuree inni nindafarara irida marunnanara maqee Anutufa qini dadaaqinaqa inni maqusai oonu mariannanara minara faqa innaaru qidaqa.
Qinee firaaqoo inni nindafarara qidaqa innaarunaindaraa amiqi amiqirana moo inni naida nimianaqa innee Anutunaki afeekaikamafi mariaqeera iridaqa. Qinee minara maaqi qidaqa qinee faqa innee faqa narí dadaaqi narí dadaaqirara innee Yisuna saqarikirana faqa qinee faqa Yisuna saqarikirana faqa narí dadaaqi narí dadaaqiaqa.
Innee Roomma maqannaasa maa ufana iriaqa. Qinee inni maqusai moomoo kari firari mariafananoo moo ainaina rafaaqafinau. Qinee moomoo maqusanaasaki sia Yuda maqannaasaki nimariafanausa miqidaqa misakinaana oonu rarisameeqee Yisunaki quqeemarunausa inniki faqa ooqaindari miqianee qidaqa. Aamina maqannaa faqa irirana faqaasa faqa aikara foora daruqoofanoo maridanoo. Misa aiqama Yisunufa qimannimianaqa irifanoo mi aikana darirafa tatinoo qifaaqa aufadaannoo. Mi aikana tatiranara irisee qinee inni Roomma maqannaasa faqa Anutuna amiqira fasaasa ufa qimannimiraree qidaqa.

Anutuna amiqira fasaasa ufa Anutufa faiqí mareeqee asumu mariranaki quqeemari afeekafa maridanoo minannai Yuda maqannaa naaree aanaamuru mariasa innaaqiana irisee mi mau finausa Anutufa asumu mareeqee quqaannoo. Minara qinee mi amiqira fasaasa ufanaki qeeqa daundura firaaqoo mara quqaidaqa. Anutufa faiqí anaasee aaqeemariasa narí namuqaaki mariasa sia naruseenoo mareeqeenoo narí aqoondikidanoo narí amiqira fasaasa ufa minara kooroo idanoo. Maasa Yisuna saqarikirana mifa kai Anutunara aqoondikirana nimidanoo. Ooqeenaa tamummaqara fasiqauqa akara minara maaqi qinoo maridanoo. Faiqí anaasee Anutuna saqarikiranannai mina aqoondikinausa misa kai naaru naaru marirana mareefaranoo.

Faiqí anaasee mandainaina faqa kudimakirana faqa miqanda Anutuna anoona ufa rafaaqafifaqa sia irida maridaqa, minara Anutuna aanoo qirana narirafa inaarunaindari akooqoo misasaa qumu maridanoo. Maanara Anutufa misa naridanoo. Faiqí faiqi Anutunara irimari ainainafa akooqoo maridanoo. Anutufa narí kai uqannifiqasoofanoo marifaqa sia irimariafanoo.
Ooqai Anutufa maa maqa maaqana auquqooqari mina kukeeqarana idaaqirana faqa mina naaru naaru marira afeeka faqa innaarunaindaraa andeeqara marirana faqa narí auqu quqoo ainainaki akooqoo marufa maridanoo. Faiqí faiqi Anutufa auqu quqoo ainainaki qafamasee sia Anutunara irida fee qifaranoo. Miqi qimasaidaqa unna qimarifanoo Anutufa mi ufana sia iriannoo kaqi naruannoo. Misa Anutunara iridaqa sia minara dufi dufi qidaqa, kafaa sia mina auqu uqeeraidaqa. Misa quandaki nári irirafa firaaqoo furufariranaki kai maridaqa misa nitikura fifau maridanoo asukuna kai qumbiqanoo maridanoo. Misa náriara irirana faqaasee qimasaida unna qimasaidaqa furufariranaki maridaqa. Misa Anutuna naaru naaru marira areenarana mafi quqasee Anutuna innaaruqirana faqa amooqirana faqa mafi quqasee fifau faiqí faiqi amanauqirana faqa ufini amanauqirana faqa aandau amanauqirana faqa amuaqundari maqamau nimarina amanauqirana faqa marasee maasa Anutu fee qimasee minara innaaru qidaqa amooqidaqa.
Faiqí misa nári furufarirafa miqinoo firaafa marifanoo Anutufa misa mareeqeenoo nariqa nimuqusimari mandainainaki quqasaifaqa faiqí narinni narinni ira ainainara nisaurira ainaina kai maraidaqa. Misa Anutuna anoona ufa mareeqee kaqinni quqaseeqa unna ufa mareeqee nifusaa quqasee minara kuqaa fee qidaqa. Naaru naaru amooqimaria Anutuna aiqama ainaina auqu quqoo Anutunara minnisee quandaki Anutufa auqu quqoo ainainara fifau ainainara innaaru qimasee maasa Anutu fee qimasee mi mau fidaqa.
Anutufa faiqí anaasee nári manda niranara qafamasaifanoo akooqaifanoo kaqi minaki nifeeqaidanoo. Minara aanaaseeuqa faqa nári nifaaqmaaka minnisee andeeqara oosana minnisee narinni narinni oosana oosana manda marirana maraidaqa. Faiqí miqi kai iqa nári ninaaqmaaka faqa amiqira oosana minnisee nariara nariara ridaqa idara foora nitakuqidanoo. Faiqí misa narinni narinni nisaurira ainaina maraseeqa mina akiaqara nári nifaaqasaa aurirana aidafirana marasee aupuraidaqa.
Faiqí anaasee Anutuna anoona ufara nikooqaifanoo Anutufa misa mareeqeenoo mandainainakina sia fuaqaa ira mandainainakina quqasaifaqa minaki fidaqa. Miqianara maa manda ainaina oosana oosanafa qumbiqaidanoo, manda oosana faqa, kaaqa ainainara rimarina faqa nariara nariara fidiaqaa imariana faqa nariara nariara rairai qirana faqa faiqí kuqannarirana faqa narí afumau narí afumau irafa faqa nári ueeqee narí ueeqee imariana faqa manda oosana oosana faqa nariara nariara munuqi miniqi imariana faqa misa Anutunara fidiaqaa imariana faqa kaukaata qimariana faqa nári nifaaqa nimooqirana faqa nariara kai firaaqoo ufaqí marina faqa maqee maqee mandoosanara randeemariana faqa nári ninaukoo ufa rukiee mariana faqa sia nári andeeqaramau firanara uriqararanee qimariasa, faqa nariqa qimannimira ufa rukiee mariana faqa sia nári nikaqaafasaara amuqusirana faqa mi manda ainainnausaki fimariasa maridaqa. Anutufa minaki fimariasara kuqiranaki fimariaa maqi qida qifaqa iridaqa kaqi minaki fidaqa. Sia minakaifau miqidau firaa manda oosana marasee akaqausa mi mandainainaki dadaaqimariasara misara faqa eedoo qimaseeqa asasidaqa.

Listen to Roomma 1