Texte de la Bible: Azumeina © Alliance Biblique du Tchad, 1999 Enregistrement du Nouveau Testament Azumeina ℗ 2012 Hosanna

Azumeina - 2012 Edition (NT) Drama

<div class="version vid855 iso6393mpg" data-vid="855" data-iso6393="mpg">
 <div class="book bkACT">
 <div class="chapter ch19" data-usfm="ACT.19">
 <div class="label">19</div><div class="s">Paul mi nga avo Efes</div><div class="p"> 1Kid&#8217;a Apolos nga kur Korente tua d&#8217;a, Paul nga mi tit yam yima akulona handaga ndatina. Mi mba kur Efes, mi fe suma hat suma ding&#226; a nga kua. 2Mi djobozi ala: Kid&#8217;a agi hagi gagazid&#8217;id&#8217;a, agi fagi Muzuk ma bei tchod&#8217;a ba na ko zu?</div><div class="p">Azi hulong dum ala: Hawa! Ami humumi nga zlad&#8217;a hi Muzuk ma bei tchod&#8217;a ba nid&#8217;a yami tu d&#8217;i.</div><div class="p"> 3Paul mi djobozi ala: Agi lagi ni batem mba lara ge?</div><div class="p">Azi dum ala: Ami lami ni batemba hi Jean-d&#8217;a.</div><div class="p"> 4Paul mi dazi ala: Jean mi le suma batemba ni kayamba azi mbut huruzi yam tcho mazid&#8217;a. Mi de mi Israel-l&#226; ala a he gagazid&#8217;a yam ma nga mi mba blogoma, nala, Jesus.</div><div class="p"> 5Kid&#8217;a azi hum zla ndatid&#8217;a, a lazi batemba ki simiy&#234; Salad&#8217;a Jesus. 6Kid&#8217;a Paul mi tin abom kazid&#8217;a, Muzuk ma bei tchod&#8217;a ba na mi mba kaziya. Azi nde de zlad&#8217;a ki vuna hi sumina teteng, a nga djok vun zlad&#8217;a hAlonid&#8217;a woi mi. 7Sum ndazina a ni d&#8217;igi dogo yam mb&#224; na.</div><div class="p"> 8Paul mi kal kur gong nga toka hi Juif-f&#238;d&#8217;a, mi nga mi de zlad&#8217;a bei mandar&#226; ba til&#226; hindi. Mi tchazi tuguyod&#8217;a, mi nga mi vazi ad&#8217;ud&#8217;a yam leud&#8217;a hAlonid&#8217;a. 9Wani suma ablaud&#8217;a a min he gagazid&#8217;a d&#8217;i, a nga las lovota hi Salad&#8217;id&#8217;a avok suma ablaud&#8217;a mi. Kayam ndata, mi nde woi adigaziya, mi yo suma hata woi adigaziya, mi tchi tuguyod&#8217;a kur gong nga hata hi Tiranus-sa. 10Mi le hina gak bizad&#8217;a mb&#224;. Hina wani, Juif-f&#226; kandjaf suma ding suma a nga kaka kur ambas sa Asi-d&#8217;ina pet, a hum zlad&#8217;a hi Salad&#8217;id&#8217;a.</div><div class="s">Skeva groma</div><div class="p"> 11Alona mi had&#8217;enga mi Paul, mi lahle suma ndandal suma kal papana. 12A nga yo baru mam mba set zumala ki baru d&#8217;a atamba, a nga tchuguzi yam suma tugud&#8217;eid&#8217;a. Tugud&#8217;eid&#8217;a teteng ti araziya, muzuk ma teteng ma tchona mi nde woi kuruzi mi.</div><div class="p"> 13Wani Juif suma ding&#226; a nga, ni suma d&#8217;uwe&#238;d&#8217;a. Azi ni suma a nga dik muzuk ma teteng ma tchona woina. Azi tazi ki yazi a nga yi simiy&#234; Jesus &#225; dik muzuk ma teteng ma tchona woi kur suma. A de mi muzuk ma teteng ma tchona ala: Ami hagi vuna ki simiy&#234; Jesus ma Paul nga mi tchum walama ala agi buzugugi woyo. 14Suma a le hina na ni kid&#8217;iziya, ni Skeva ma ngol ma ngat buzuna hi Juif-f&#238;na groma.</div><div class="p"> 15Muzuk ma tchona tu mi hulong dazi ala: An we Jesus, an we Paul mi, wani agi ni suma lara ge? 16Sama nga ki muzuk ma tcho m&#225;ma, mi lak ataziya, mi kal kazi pet. A buzuk ring&#226; woi kur az&#236; m&#225;ma ki gandilad&#8217;a ki mbuleina ataziya. 17Juif-f&#226; kandjaf suma ding suma a nga kaka kur Efes-s&#226; pet, a hum zla ndata, a le mandar&#226; ngola, a nga subur simiy&#234; Salad&#8217;a Jesus.</div><div class="p"> 18Ablaud&#8217;a aduk suma a he gagazid&#8217;ina a mba a de woi yam ahle suma azi lazina. 19Suma ding&#226; ablaud&#8217;a adigazi ni suma kuma ma mbuta. A tok mbaktum mazid&#8217;a, a ngalat tei avok suma pet. A ndum bege d&#8217;a a gus ki mbaktum ndatid&#8217;a, ni d&#8217;igi bege d&#8217;a hapa dudubud&#8217;a dok vahl na. 20Ni hina, zlad&#8217;a hi Salad&#8217;id&#8217;a nga d&#8217;i i avogovok kad&#8217;eng mamba.</div><div class="s">Siwel la avo Efes-sa</div><div class="p"> 21Bugol ahle ndazina, Paul mi djib&#8217;er kurum ala mba mi kal yam andaga d&#8217;a Maseduwan-nda ki d&#8217;a Akai-d&#8217;a &#225; i Jerusalem. Mi dala: Le an mbaza h&#238; ni, le ni nana p&#238;, an mba ni we Rom mi. 22Mi sun suma ndjunuma mb&#224;, nala Timote azi ki Eraste, &#225; i Maseduwan, wani mam tamba mi ar kaka yam andaga d&#8217;a Asi-d&#8217;a ndj&#246; tua.</div><div class="p"> 23Kur bur m&#225;ma tuguyo d&#8217;a ngola tchol yam lovota hi Salad&#8217;id&#8217;a. 24Kayam sama ding&#226; nga, simiy&#234;m ala Demetriyus ma yor kawei ma hapmina, ni ma min gong&#238;yo suma gurei suma hle tazi d&#8217;igi gonga halo d&#8217;a a yat ala Artemis-sa na ki kawei ma hapma. Mam ki suma a le sun ndatina a nga fe beged&#8217;a kua he&#238;. 25Mi tok ndroma ki suma sun mazid&#8217;a ki mamba tuna, mi dazi ala: Agi sumuna, agi wagiya, ni ki sun ndata ba, ei nga fei ki beged&#8217;a wana. 26Agi wagiya, agi humugi mi, ni kur Efes hol li, wani ar go kur ambas sa Asi-d&#8217;a pet, Paul m&#225;ma mi kal yam suma. Mi mbut hur suma k&#228; ngola, nga mi dazi ala: Alo ma suma lum kabozina nalona d&#8217;i. 27Wani ni sun meid&#8217;a hol ba, mba d&#8217;i b&#8217;lak kei d&#8217;i, wani gonga halo d&#8217;a ngol la Artemis sa suma Asi-na ki suma duniyad&#8217;a pet a nga kud&#8217;urota p&#238;, mba d&#8217;i mbut ni vama hawana.</div><div class="p"> 28Kid&#8217;a azi hum hina d&#8217;a, huruzi zal he&#238;, a tum sora akulo ala: Artemis sa Efes sa ngol la kal papad&#8217;a. 29Suma hur az&#236; ma ngol m&#225;ma pet a tum akulo, a zirik ring&#226; abo tazi tu. A i yo Gayus azi ki Aristarik suma Maseduwan-na, ni Paul ndrom suma tita, a izi avok suma ata yima luna. 30Paul mi min &#225; kal aduk suma ata yima luna mi, wani suma he gagazid&#8217;ina a d&#8217;elemu. 31Buniy&#244;m suma nglo suma avo Asi-na a ge sunda, a dum ala: Ar ang kal ata yima luna d&#8217;i. 32Suma ding&#226; a er ad&#8217;uzi akulo ki zla mazid&#8217;a vaziya, suma ding&#226; ki zla d&#8217;a dinga, suma a tum akulo. Suma ding&#226; ablaud&#8217;a adigazi a we nga vama azi tok kama d&#8217;i. 33Juif-f&#226; a tin Alezandre k&#228; avok suma. Kayam ndata, ablau suma a vumu. Alezandre mi lazi abomu, mi min &#225; vazi ad&#8217;u zla mamba. 34Wani kid&#8217;a azi wum ala ni ma Juif-f&#238;d&#8217;a, a er ad&#8217;uzi akulo gak go ki lera mb&#224; ala: Artemis sa Efes sa ngol la kal papad&#8217;a.</div><div class="p"> 35Ata yi m&#225;ma, ma b&#8217;ir mbaktum ma hur azinina, mi seng ablau suma. Mi dazi ala: Agi suma Efes-s&#226;, suma pet a wala az&#236; ma ngol ma Efes-s&#226; ni ma ngom gong nga ngola hi Artemis-sa ki vama hle tam d&#8217;igi ndat na ma mi nde&#239; k&#228; yam andagad&#8217;ina. 36Kayam ndata, sama ndak &#225; tchi tuguyod&#8217;a yam zla ndatina mi nga d&#8217;i. Djivid&#8217;a agi kagagi tchugot, agi lagi vama tcho atogo d&#8217;i. 37Agi mbagi ki sum ndazina ka h&#238;, azi ni suma a kul ahlena kur gong nga tuwal fileinid&#8217;a d&#8217;i, ni suma a las alo meid&#8217;ina d&#8217;uo mi. 38Le Demetriyus ki mam suma sunda a nga ki zlad&#8217;a yam sa ni, bur ma ka sariyad&#8217;a nga, suma ka sariyad&#8217;a a nga mi; ar azi i v&#228;d&#8217;u zla mazid&#8217;a avoroziya. 39Le agi nga ki zla d&#8217;a dinga ni, agi mba minit naduk tok ka b&#8217;ak zlad&#8217;a. 40Gagazi, a mba vei ki zlad&#8217;a kayam yal ma tchol inina. Ei nga ki vama ei mba dazizi yam tok ndatina d&#8217;i.</div><div class="p"> 41Kid&#8217;a mi de hina dad&#8217;a, mi ar suma toka a iya.</div>
 </div>
 </div>
</div>

Azumeina Bible © Alliance Biblique du Tchad, 1999.

Kid’a Apolos nga kur Korente tua d’a, Paul nga mi tit yam yima akulona handaga ndatina. Mi mba kur Efes, mi fe suma hat suma dingâ a nga kua. Mi djobozi ala: Kid’a agi hagi gagazid’id’a, agi fagi Muzuk ma bei tchod’a ba na ko zu?
Azi hulong dum ala: Hawa! Ami humumi nga zlad’a hi Muzuk ma bei tchod’a ba nid’a yami tu d’i.
Paul mi djobozi ala: Agi lagi ni batem mba lara ge?
Azi dum ala: Ami lami ni batemba hi Jean-d’a.
Paul mi dazi ala: Jean mi le suma batemba ni kayamba azi mbut huruzi yam tcho mazid’a. Mi de mi Israel-lâ ala a he gagazid’a yam ma nga mi mba blogoma, nala, Jesus.
Kid’a azi hum zla ndatid’a, a lazi batemba ki simiyê Salad’a Jesus. Kid’a Paul mi tin abom kazid’a, Muzuk ma bei tchod’a ba na mi mba kaziya. Azi nde de zlad’a ki vuna hi sumina teteng, a nga djok vun zlad’a hAlonid’a woi mi. Sum ndazina a ni d’igi dogo yam mbà na.
Paul mi kal kur gong nga toka hi Juif-fîd’a, mi nga mi de zlad’a bei mandarâ ba tilâ hindi. Mi tchazi tuguyod’a, mi nga mi vazi ad’ud’a yam leud’a hAlonid’a. Wani suma ablaud’a a min he gagazid’a d’i, a nga las lovota hi Salad’id’a avok suma ablaud’a mi. Kayam ndata, mi nde woi adigaziya, mi yo suma hata woi adigaziya, mi tchi tuguyod’a kur gong nga hata hi Tiranus-sa. Mi le hina gak bizad’a mbà. Hina wani, Juif-fâ kandjaf suma ding suma a nga kaka kur ambas sa Asi-d’ina pet, a hum zlad’a hi Salad’id’a.

Alona mi had’enga mi Paul, mi lahle suma ndandal suma kal papana. A nga yo baru mam mba set zumala ki baru d’a atamba, a nga tchuguzi yam suma tugud’eid’a. Tugud’eid’a teteng ti araziya, muzuk ma teteng ma tchona mi nde woi kuruzi mi.
Wani Juif suma dingâ a nga, ni suma d’uweîd’a. Azi ni suma a nga dik muzuk ma teteng ma tchona woina. Azi tazi ki yazi a nga yi simiyê Jesus á dik muzuk ma teteng ma tchona woi kur suma. A de mi muzuk ma teteng ma tchona ala: Ami hagi vuna ki simiyê Jesus ma Paul nga mi tchum walama ala agi buzugugi woyo. Suma a le hina na ni kid’iziya, ni Skeva ma ngol ma ngat buzuna hi Juif-fîna groma.
Muzuk ma tchona tu mi hulong dazi ala: An we Jesus, an we Paul mi, wani agi ni suma lara ge? Sama nga ki muzuk ma tcho máma, mi lak ataziya, mi kal kazi pet. A buzuk ringâ woi kur azì máma ki gandilad’a ki mbuleina ataziya. Juif-fâ kandjaf suma ding suma a nga kaka kur Efes-sâ pet, a hum zla ndata, a le mandarâ ngola, a nga subur simiyê Salad’a Jesus.
Ablaud’a aduk suma a he gagazid’ina a mba a de woi yam ahle suma azi lazina. Suma dingâ ablaud’a adigazi ni suma kuma ma mbuta. A tok mbaktum mazid’a, a ngalat tei avok suma pet. A ndum bege d’a a gus ki mbaktum ndatid’a, ni d’igi bege d’a hapa dudubud’a dok vahl na. Ni hina, zlad’a hi Salad’id’a nga d’i i avogovok kad’eng mamba.

Bugol ahle ndazina, Paul mi djib’er kurum ala mba mi kal yam andaga d’a Maseduwan-nda ki d’a Akai-d’a á i Jerusalem. Mi dala: Le an mbaza hî ni, le ni nana pî, an mba ni we Rom mi. Mi sun suma ndjunuma mbà, nala Timote azi ki Eraste, á i Maseduwan, wani mam tamba mi ar kaka yam andaga d’a Asi-d’a ndjö tua.
Kur bur máma tuguyo d’a ngola tchol yam lovota hi Salad’id’a. Kayam sama dingâ nga, simiyêm ala Demetriyus ma yor kawei ma hapmina, ni ma min gongîyo suma gurei suma hle tazi d’igi gonga halo d’a a yat ala Artemis-sa na ki kawei ma hapma. Mam ki suma a le sun ndatina a nga fe beged’a kua heî. Mi tok ndroma ki suma sun mazid’a ki mamba tuna, mi dazi ala: Agi sumuna, agi wagiya, ni ki sun ndata ba, ei nga fei ki beged’a wana. Agi wagiya, agi humugi mi, ni kur Efes hol li, wani ar go kur ambas sa Asi-d’a pet, Paul máma mi kal yam suma. Mi mbut hur suma kä ngola, nga mi dazi ala: Alo ma suma lum kabozina nalona d’i. Wani ni sun meid’a hol ba, mba d’i b’lak kei d’i, wani gonga halo d’a ngol la Artemis sa suma Asi-na ki suma duniyad’a pet a nga kud’urota pî, mba d’i mbut ni vama hawana.
Kid’a azi hum hina d’a, huruzi zal heî, a tum sora akulo ala: Artemis sa Efes sa ngol la kal papad’a. Suma hur azì ma ngol máma pet a tum akulo, a zirik ringâ abo tazi tu. A i yo Gayus azi ki Aristarik suma Maseduwan-na, ni Paul ndrom suma tita, a izi avok suma ata yima luna. Paul mi min á kal aduk suma ata yima luna mi, wani suma he gagazid’ina a d’elemu. Buniyôm suma nglo suma avo Asi-na a ge sunda, a dum ala: Ar ang kal ata yima luna d’i. Suma dingâ a er ad’uzi akulo ki zla mazid’a vaziya, suma dingâ ki zla d’a dinga, suma a tum akulo. Suma dingâ ablaud’a adigazi a we nga vama azi tok kama d’i. Juif-fâ a tin Alezandre kä avok suma. Kayam ndata, ablau suma a vumu. Alezandre mi lazi abomu, mi min á vazi ad’u zla mamba. Wani kid’a azi wum ala ni ma Juif-fîd’a, a er ad’uzi akulo gak go ki lera mbà ala: Artemis sa Efes sa ngol la kal papad’a.
Ata yi máma, ma b’ir mbaktum ma hur azinina, mi seng ablau suma. Mi dazi ala: Agi suma Efes-sâ, suma pet a wala azì ma ngol ma Efes-sâ ni ma ngom gong nga ngola hi Artemis-sa ki vama hle tam d’igi ndat na ma mi ndeï kä yam andagad’ina. Kayam ndata, sama ndak á tchi tuguyod’a yam zla ndatina mi nga d’i. Djivid’a agi kagagi tchugot, agi lagi vama tcho atogo d’i. Agi mbagi ki sum ndazina ka hî, azi ni suma a kul ahlena kur gong nga tuwal fileinid’a d’i, ni suma a las alo meid’ina d’uo mi. Le Demetriyus ki mam suma sunda a nga ki zlad’a yam sa ni, bur ma ka sariyad’a nga, suma ka sariyad’a a nga mi; ar azi i väd’u zla mazid’a avoroziya. Le agi nga ki zla d’a dinga ni, agi mba minit naduk tok ka b’ak zlad’a. Gagazi, a mba vei ki zlad’a kayam yal ma tchol inina. Ei nga ki vama ei mba dazizi yam tok ndatina d’i.
Kid’a mi de hina dad’a, mi ar suma toka a iya.

Listen to Sunda hi suma a sunuzinid’a 19