Texte de la Bible: Azumeina © Alliance Biblique du Tchad, 1999 Enregistrement du Nouveau Testament Azumeina ℗ 2012 Hosanna

Azumeina - 2012 Edition (NT) Drama

<div class="version vid855 iso6393mpg" data-vid="855" data-iso6393="mpg">
 <div class="book bkROM">
 <div class="chapter ch8" data-usfm="ROM.8">
 <div class="label">8</div><div class="s">Ari d&#8217;a zlapa ki Muzu&#8217;&#226; hAlonid&#8217;ina</div><div class="p"> 1Ki tchetchemba, suma a nga zlap tu ki Jesus Christ-s&#226;, sariya nga kazi d&#8217;i. 2Kayam gata hi Muzu&#8217;&#226; hAlonina d&#8217;a nga d&#8217;i he arid&#8217;a mi suma a zlap tu ki Jesus Christ-s&#238;d&#8217;a, ti bud&#8217;un ndei kur gata hi tchod&#8217;id&#8217;a ki gata hi matnid&#8217;a mi. 3Alona mi le vama gata hi Moise-sa ti ndak &#225; lum mbuo na, kayam hliwi ma tchona mi mbud&#8217;ut amange&#238;d&#8217;a. Kayam ndata, Alona mi ka sariyad&#8217;a yam tchod&#8217;a yam sa mei ma adjeuna ata yima mi sun&#239; Gorom ma mi hle tam dedege d&#8217;igi sama tchona na &#225; pat tchod&#8217;a woina. 4Hina, le ei nga tid&#8217;i bugol sa mei ma adjeuna d&#8217;uo wani le ei nga tid&#8217;i ni bugol Muzu&#8217;&#226; hAlonina ni, ei ndak &#225; lei vun ma djinda hi gatina memet kuriya. 5Kayam suma a nga tit bugol sa mazi ma adjeunina, a nga le ni minda hi sa mazi ma adjeunid&#8217;a, wani suma a nga tit bugol Muzu&#8217;&#226; hAlonina, a nga le ni min mamba mi. 6Suma a nga tit yam minda hi sa mazi ma adjeunid&#8217;ina a mba bo woyo, wani suma a nga tit yam minda hi Muzu&#8217;&#226; hAlonina a mba kak karid&#8217;a ki b&#8217;leng nga halasa mi. 7Suma a nga le minda hi sa mazi ma adjeunid&#8217;ina, ni suma djang&#251;na hAlonina. Azi nga ge yazi k&#228; ad&#8217;u gata hAlonid&#8217;a d&#8217;i, kayam azi ndak ki. 8Suma a nga tit yam minda hi sa mazi ma adjeunid&#8217;ina, Alona tam nga d&#8217;i lum djivid&#8217;a kazi d&#8217;i.</div><div class="p"> 9Wani le Muzu&#8217;&#226; hAlonina mi nga kaka kurugiya ni, agi nga tid&#8217;igi bugol minda hi sa magi ma adjeunid&#8217;a d&#8217;i, wani agi tid&#8217;igi ni yam minda hi Muzu&#8217;&#226; hAloninid&#8217;a. Le sana mi nga ki Muzu&#8217;&#226; hi Christ-s&#226; kurum mbuo ni, mam mi sa mama d&#8217;i. 10Le Christ mi nga kurugiya ni, hliwigi mi mit wa woi ata tchod&#8217;a, wani muzugagi nga karid&#8217;a, kayam Alona mi mbud&#8217;ugi suma d&#8217;ing&#234;r&#226; avoromu. 11Wani le Muzu&#8217;&#226; hAlona ma mi tchol Jesus akulo aduk suma matnina mi nga kaka kurugiya ni, Alo ma mi tchol Christ akulo aduk suma matnina mba mi hagi arid&#8217;a ata hliwigi ma matna ni yam Muzuk mam ma nga kaka kurugina mi.</div><div class="p"> 12Kayam ndata, b&#8217;oziyona, ei nga nad&#8217;u ad&#8217;enga hi sa mei ma adjeuna &#225; lei min mamba d&#8217;uo d&#8217;a. 13Le agi tid&#8217;igi ni bugol sa magi ma adjeuna ni, agi mba bogiya. Wani le agi tchagi sunda hi sa magi ma adjeunid&#8217;a woi yam ad&#8217;enga hi Muzu&#8217;&#226; hAloninid&#8217;a ni, agi mba kagagi karid&#8217;a. 14Kayam suma pet suma Muzu&#8217;&#226; hAlonina nga mi tagazi lovotina, azi nAlona groma. 15Kayam Muzuk ma Alona mi hagizina mi mbud&#8217;ugi ni magumeina d&#8217;i, n&#225; lagi mandar ruo mi, wani mi mbud&#8217;ugi Alona groma. Hina, yam ad&#8217;enga hi Muzuk mamid&#8217;a, ei nga yi Alona ala Aba, nala, Abunu. 16Muzu&#8217;&#226; hAlonina tamba nga mi le glang&#226;s&#226; kur muzugei ala ei nAlona groma. 17Ei nAlona groma. Hina wani, mba mi hei ahle suma djivi suma mi hle vunam kazi mi sum mamina zlapa tu ki Christ mi. Le ei nga fei ndaka zlapa ki Christ-zu ni, Alona mba mi suburi zlapa ki mam mi.</div><div class="s">Subur ra nga d&#8217;i mbad&#8217;a</div><div class="p"> 18An djib&#8217;er ala ndak mei d&#8217;a ki tchetchem wanda mba d&#8217;i ndjak ki subur ra Alona mba mi tageizi woid&#8217;a d&#8217;i. 19Kayam ahle suma pet suma Alona mi lazina a nga hat huruzi &#225; djup bur ma Alona mba mi tak groma woina. 20Kayam Alona mi tchuk ahle suma mi lazina pet k&#228; ad&#8217;u ad&#8217;enga hi vama hawa ya&#8217;&#238;d&#8217;a, wani nata min mazid&#8217;a d&#8217;i, nata minda hAlonid&#8217;a. Wani a tin huruzi ala 21bur tu Alona mba mi pat ahle suma mi lazina pet woi ad&#8217;u ad&#8217;enga hi ma b&#8217;lagazi ma vazi magombina, mba mi suburuzi ata yima mam mba mi but groma akulona mi. 22Kayam ei wei ala ki tchetchemba, ahle suma Alona mi lazina pet a nga zam taziya, a nga fe ndaka d&#8217;igi atcha d&#8217;a nga d&#8217;i fe ndaka &#225; vutid&#8217;a na. 23Ni kayam azi hol li, wani ei suma nga ki Muzu&#8217;&#226; hAlonina d&#8217;igi he d&#8217;a hawa d&#8217;a avoka hAlonid&#8217;a na na, ei nga zamei tei kuri krovo &#225; djubi pat ta Alona mba mi pad&#8217;e&#239; ei groma woi kur hliwid&#8217;a. 24Ni yam tin hur&#226; ba, ei fei ki suta. Wani le sana nga mi djup vama mi wuma ni, nga ni hur ma tinda d&#8217;i. Ni nge ba, mi djup vama mi wuma ge? 25Wani le ei nga djubi vama ei wum mbuo na ni, ei djubizi ni ki ve tad&#8217;a.</div><div class="p"> 26Hina mi, Muzu&#8217;&#226; hAlonina nga mi ndjuni kur amange&#238; meid&#8217;a. Kayam ei wei nga &#225; tchen Alona ata yat tuo, wani Muzu&#8217;&#226; tamba nga mi tchen Alona kei ki zam ta d&#8217;a sana mi ndak &#225; dat tei d&#8217;uo d&#8217;a. 27Alo ma mi we hur sumina, mi we djib&#8217;era hi Muzu&#8217;&#238;d&#8217;a, kayam Muzu&#8217;&#226; nga mi tchen Alona yam sum mama kur minda hAlonid&#8217;a.</div><div class="p"> 28Ei wei ala kur ahlena pet Alona nga mi le sun nda djivid&#8217;a yam suma a nga le kam suma mi yazi woi kur min mambina. 29Kayam suma Alona mi manazi avok deina, mi nga hurum avok &#225; mbud&#8217;uzi d&#8217;igi Goroma na, kayam Goroma mi ka&#8217;&#238; Ma avo&#8217;&#226; aduk b&#8217;oziyoma ablaud&#8217;a. 30Suma mi ngazi kurum avok deina, mi yaziya; suma mi yazina, mi mbud&#8217;uzi suma d&#8217;ing&#234;r&#226; avoromu; suma mi mbud&#8217;uzi d&#8217;ing&#234;r&#226;, mi suburuzi mi.</div><div class="s">O d&#8217;a ngola hAlonid&#8217;a</div><div class="p"> 31Ei mba dei nana yam zla ndata ge? Le Alona mi nga ki sed&#8217;eya ni, sama ndak &#225; kak djang&#251;na ki sed&#8217;ei ni nge ge? 32Mam ma mi d&#8217;el nga Goroma bei hed&#8217;a d&#8217;i, wani mi hum mbei &#225; matna kei pet, ni nana ba, mi mba mi hei ahlena pet zlapa ki Goroma d&#8217;uo ge? 33Sama mba mi kal yam suma Alona mi manazina ni nge ge? Sa nga d&#8217;i, kayam Alona mi mbud&#8217;uzi suma d&#8217;ing&#234;r&#226; avoromu. 34Sama ndak &#225; ka sariyad&#8217;a kazina ni nge ge? Sa nga d&#8217;i, kayam Jesus Christ mi mid&#8217;a, kal pet mi tchol akulo aduk suma matna, mi nga kaka ata Alona bigam mba ndjufa, nga mi tchen Alona kei mi. 35Sama ndak &#225; walei woi ki od&#8217;a hi Christ-sa ni nge ge? Ndaka, d&#8217;oze kid&#8217;e&#238; ira, d&#8217;oze djop vuna, d&#8217;oze meid&#8217;a, d&#8217;oze hohoud&#8217;a, d&#8217;oze bad&#8217;a, d&#8217;oze matna zu? 36D&#8217;igi mbaktumba hAlonid&#8217;a ti de na ala:</div><div class="q">Ni kayam ang ba, a nga tchami bur&#226; ki bur&#226;,</div><div class="q">a nga golomi d&#8217;igi tumiy&#244; suma a izi ata yima ngatina na.</div><div class="m"> 37Wani ei kuzi yam ahle ndazina pet ni kayam mam ma mi le od&#8217;a keina. 38Kayam an we tetet ala matna, d&#8217;oze arid&#8217;a, d&#8217;oze malaika suma teteng&#226;, d&#8217;oze suma te yam suma s&#228; akulona, d&#8217;oze vama tchetchema, d&#8217;oze vama nga mbana, d&#8217;oze ad&#8217;eng nga tetenga, 39d&#8217;oze ad&#8217;eng nga teteng nga s&#228; akulod&#8217;a, d&#8217;oze ad&#8217;eng nga teteng nga ad&#8217;u andagad&#8217;a k&#228; d&#8217;a, d&#8217;oze vama ding ma Alona mi lum ma mba ndak &#225; walei woi ki od&#8217;a hAlona d&#8217;a mi lat kei yam Jesus Christ Saleinid&#8217;a nga d&#8217;i.</div>
 </div>
 </div>
</div>

Azumeina Bible © Alliance Biblique du Tchad, 1999.

Ki tchetchemba, suma a nga zlap tu ki Jesus Christ-sâ, sariya nga kazi d’i. Kayam gata hi Muzu’â hAlonina d’a nga d’i he arid’a mi suma a zlap tu ki Jesus Christ-sîd’a, ti bud’un ndei kur gata hi tchod’id’a ki gata hi matnid’a mi. Alona mi le vama gata hi Moise-sa ti ndak á lum mbuo na, kayam hliwi ma tchona mi mbud’ut amangeîd’a. Kayam ndata, Alona mi ka sariyad’a yam tchod’a yam sa mei ma adjeuna ata yima mi sunï Gorom ma mi hle tam dedege d’igi sama tchona na á pat tchod’a woina. Hina, le ei nga tid’i bugol sa mei ma adjeuna d’uo wani le ei nga tid’i ni bugol Muzu’â hAlonina ni, ei ndak á lei vun ma djinda hi gatina memet kuriya. Kayam suma a nga tit bugol sa mazi ma adjeunina, a nga le ni minda hi sa mazi ma adjeunid’a, wani suma a nga tit bugol Muzu’â hAlonina, a nga le ni min mamba mi. Suma a nga tit yam minda hi sa mazi ma adjeunid’ina a mba bo woyo, wani suma a nga tit yam minda hi Muzu’â hAlonina a mba kak karid’a ki b’leng nga halasa mi. Suma a nga le minda hi sa mazi ma adjeunid’ina, ni suma djangûna hAlonina. Azi nga ge yazi kä ad’u gata hAlonid’a d’i, kayam azi ndak ki. Suma a nga tit yam minda hi sa mazi ma adjeunid’ina, Alona tam nga d’i lum djivid’a kazi d’i.
Wani le Muzu’â hAlonina mi nga kaka kurugiya ni, agi nga tid’igi bugol minda hi sa magi ma adjeunid’a d’i, wani agi tid’igi ni yam minda hi Muzu’â hAloninid’a. Le sana mi nga ki Muzu’â hi Christ-sâ kurum mbuo ni, mam mi sa mama d’i. Le Christ mi nga kurugiya ni, hliwigi mi mit wa woi ata tchod’a, wani muzugagi nga karid’a, kayam Alona mi mbud’ugi suma d’ingêrâ avoromu. Wani le Muzu’â hAlona ma mi tchol Jesus akulo aduk suma matnina mi nga kaka kurugiya ni, Alo ma mi tchol Christ akulo aduk suma matnina mba mi hagi arid’a ata hliwigi ma matna ni yam Muzuk mam ma nga kaka kurugina mi.
Kayam ndata, b’oziyona, ei nga nad’u ad’enga hi sa mei ma adjeuna á lei min mamba d’uo d’a. Le agi tid’igi ni bugol sa magi ma adjeuna ni, agi mba bogiya. Wani le agi tchagi sunda hi sa magi ma adjeunid’a woi yam ad’enga hi Muzu’â hAloninid’a ni, agi mba kagagi karid’a. Kayam suma pet suma Muzu’â hAlonina nga mi tagazi lovotina, azi nAlona groma. Kayam Muzuk ma Alona mi hagizina mi mbud’ugi ni magumeina d’i, ná lagi mandar ruo mi, wani mi mbud’ugi Alona groma. Hina, yam ad’enga hi Muzuk mamid’a, ei nga yi Alona ala Aba, nala, Abunu. Muzu’â hAlonina tamba nga mi le glangâsâ kur muzugei ala ei nAlona groma. Ei nAlona groma. Hina wani, mba mi hei ahle suma djivi suma mi hle vunam kazi mi sum mamina zlapa tu ki Christ mi. Le ei nga fei ndaka zlapa ki Christ-zu ni, Alona mba mi suburi zlapa ki mam mi.

An djib’er ala ndak mei d’a ki tchetchem wanda mba d’i ndjak ki subur ra Alona mba mi tageizi woid’a d’i. Kayam ahle suma pet suma Alona mi lazina a nga hat huruzi á djup bur ma Alona mba mi tak groma woina. Kayam Alona mi tchuk ahle suma mi lazina pet kä ad’u ad’enga hi vama hawa ya’îd’a, wani nata min mazid’a d’i, nata minda hAlonid’a. Wani a tin huruzi ala bur tu Alona mba mi pat ahle suma mi lazina pet woi ad’u ad’enga hi ma b’lagazi ma vazi magombina, mba mi suburuzi ata yima mam mba mi but groma akulona mi. Kayam ei wei ala ki tchetchemba, ahle suma Alona mi lazina pet a nga zam taziya, a nga fe ndaka d’igi atcha d’a nga d’i fe ndaka á vutid’a na. Ni kayam azi hol li, wani ei suma nga ki Muzu’â hAlonina d’igi he d’a hawa d’a avoka hAlonid’a na na, ei nga zamei tei kuri krovo á djubi pat ta Alona mba mi pad’eï ei groma woi kur hliwid’a. Ni yam tin hurâ ba, ei fei ki suta. Wani le sana nga mi djup vama mi wuma ni, nga ni hur ma tinda d’i. Ni nge ba, mi djup vama mi wuma ge? Wani le ei nga djubi vama ei wum mbuo na ni, ei djubizi ni ki ve tad’a.
Hina mi, Muzu’â hAlonina nga mi ndjuni kur amangeî meid’a. Kayam ei wei nga á tchen Alona ata yat tuo, wani Muzu’â tamba nga mi tchen Alona kei ki zam ta d’a sana mi ndak á dat tei d’uo d’a. Alo ma mi we hur sumina, mi we djib’era hi Muzu’îd’a, kayam Muzu’â nga mi tchen Alona yam sum mama kur minda hAlonid’a.
Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina. Kayam suma Alona mi manazi avok deina, mi nga hurum avok á mbud’uzi d’igi Goroma na, kayam Goroma mi ka’î Ma avo’â aduk b’oziyoma ablaud’a. Suma mi ngazi kurum avok deina, mi yaziya; suma mi yazina, mi mbud’uzi suma d’ingêrâ avoromu; suma mi mbud’uzi d’ingêrâ, mi suburuzi mi.

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge? Mam ma mi d’el nga Goroma bei hed’a d’i, wani mi hum mbei á matna kei pet, ni nana ba, mi mba mi hei ahlena pet zlapa ki Goroma d’uo ge? Sama mba mi kal yam suma Alona mi manazina ni nge ge? Sa nga d’i, kayam Alona mi mbud’uzi suma d’ingêrâ avoromu. Sama ndak á ka sariyad’a kazina ni nge ge? Sa nga d’i, kayam Jesus Christ mi mid’a, kal pet mi tchol akulo aduk suma matna, mi nga kaka ata Alona bigam mba ndjufa, nga mi tchen Alona kei mi. Sama ndak á walei woi ki od’a hi Christ-sa ni nge ge? Ndaka, d’oze kid’eî ira, d’oze djop vuna, d’oze meid’a, d’oze hohoud’a, d’oze bad’a, d’oze matna zu? D’igi mbaktumba hAlonid’a ti de na ala:
Ni kayam ang ba, a nga tchami burâ ki burâ,
a nga golomi d’igi tumiyô suma a izi ata yima ngatina na.
Wani ei kuzi yam ahle ndazina pet ni kayam mam ma mi le od’a keina. Kayam an we tetet ala matna, d’oze arid’a, d’oze malaika suma tetengâ, d’oze suma te yam suma sä akulona, d’oze vama tchetchema, d’oze vama nga mbana, d’oze ad’eng nga tetenga, d’oze ad’eng nga teteng nga sä akulod’a, d’oze ad’eng nga teteng nga ad’u andagad’a kä d’a, d’oze vama ding ma Alona mi lum ma mba ndak á walei woi ki od’a hAlona d’a mi lat kei yam Jesus Christ Saleinid’a nga d’i.

Listen to Romê-na 8