<div class="version vid860 iso6393kck" data-vid="860" data-iso6393="kck">
    <div class="book bkJHN">
        <div class="chapter chINTRO1" data-usfm="JHN.INTRO1">
            <div class="imt"><span class="content">ZIBISO NGEKWE LUKWALO IGOGU</span></div><div class="im"><span class="content">  </span><span class="it"><span class="content">Ndebo mbuya yakakwagwa ndi Johani</span></span><span class="content"> inolakidza Jesu ali Dama le Ndzimu nge kusingapele kose, iye &#8220;wakabe nthu, ngono katjilila pakati kwedu (Johani 1:14).&#8221; Se lukwalo nge kwago guleba, lukwalo igogu gwakakwagwa, kuti ndizo babali bago bagalemoyo kuti Jesu ndiye Ntjidzi, iye Nkololo we Ndzimu nenge kuti nge kugalamoyo munli kwabo bawane butjilo (Johani 20:31).</span></div><div class="ip"><span class="content">Shule kwe zibiso inolakidza kuti Jesu ndiye Dama le Ndzimu liyapo nge kusingapele kose, lukwalo igogu kwagunotangisa gotilakidza masazibgwe akasiyana siyana anolakidza kuti Jesu ndiye </span><span class="w"><span class="content">Kirisiti</span></span><span class="content">. Masazibgwe iyawo anotobegwa nge ndebeleko dzinotjenesa tjinozumbunugwa ndiwo. Lukwalo igogu aguswika ipapa goleba bamwe bathu sekwa bakagalamoyo muna Jesu, ngono bakabe batobeli babe, koga bamwe ibo bakan'nyanyayidza bakalamba kugalamoyo munli. Ndima 13-17 dzoleba nge bulefu ngekwe kubhatana kwa Jesu ne </span><span class="w"><span class="content">badiyiwa </span></span><span class="content"> babe mu busiku gwaakasungwa ndigo nenge matama aakababudza anobasimisa mu mangwanana e zhuba laakabambugwa ndilo. Ndima dze bupelo dzoleba ngekwe kusungwa ne kusekeswa kukwe ne kubambugwa kukwe ne kumuka kukwe mu bafi nenge sekwa akabe ezwilakidza ku badiyiwa babe shule kwe kumuka kukwe mu bafi.</span></div><div class="ip"><span class="content">  </span><span class="it"><span class="content">Johani</span></span><span class="content"> unokwala etshambilidza kwazo ngekwe tjipo tje butjilo gusingapele ndi Kirisiti, itjo tjipo tjinotangisa ngwenu kakale tjizha kuna ibabo banogalamoyo muna Jesu kuti ndiye zila nenge malebeswa nenge butjilo. Tjimwe tjinozwitjenesa kwazo kwazo ngekwa </span><span class="it"><span class="content">Johani</span></span><span class="content">, zwifano zwaanoshingisa zhuba ne zhuba ezwitola mu matjilo yedu e zhuba ne zhuba kutitendekela malebeswa e tjimeya, kunonga vula ne tjiwunga nenge tjedza nenge nlisi we pkhwizi ne pkhwizi dzidze nenge nzhambi ne zhambi dzawo.</span></div><div class="iot"><span class="content">Zwimu lukwalo igogu nge bufupi</span></div><div class="io1"><span class="content">Kutangisa 1:1-18</span></div><div class="io1"><span class="content">Johani we N'dubiki ne badiyiwa ba Jesu be kutanga 1:19-51</span></div><div class="io1"><span class="content">Kutumwa kwa Jesu mu bathu 2:1&#8212;12:50</span></div><div class="io1"><span class="content">Mazhuba e bupelo mu Jerusalema ne mu mituthu ipejo ne Jerusalema 13:1&#8212;9:42</span></div><div class="io1"><span class="content">Kumuka ne kuzwilakidza ku badiyiwa 20:1-31</span></div><div class="io1"><span class="content">Matama anopeleledza: Kuzwilakidza kakale mu Galili 21:1-25</span></div>
        </div>
    </div>
</div>

Kalanga Bible © Bible Society of Botswana, 2008, 2018.

ZIBISO NGEKWE LUKWALO IGOGU
Ndebo mbuya yakakwagwa ndi Johani inolakidza Jesu ali Dama le Ndzimu nge kusingapele kose, iye “wakabe nthu, ngono katjilila pakati kwedu (Johani 1:14).” Se lukwalo nge kwago guleba, lukwalo igogu gwakakwagwa, kuti ndizo babali bago bagalemoyo kuti Jesu ndiye Ntjidzi, iye Nkololo we Ndzimu nenge kuti nge kugalamoyo munli kwabo bawane butjilo (Johani 20:31).
Shule kwe zibiso inolakidza kuti Jesu ndiye Dama le Ndzimu liyapo nge kusingapele kose, lukwalo igogu kwagunotangisa gotilakidza masazibgwe akasiyana siyana anolakidza kuti Jesu ndiye Kirisiti. Masazibgwe iyawo anotobegwa nge ndebeleko dzinotjenesa tjinozumbunugwa ndiwo. Lukwalo igogu aguswika ipapa goleba bamwe bathu sekwa bakagalamoyo muna Jesu, ngono bakabe batobeli babe, koga bamwe ibo bakan'nyanyayidza bakalamba kugalamoyo munli. Ndima 13-17 dzoleba nge bulefu ngekwe kubhatana kwa Jesu ne badiyiwa babe mu busiku gwaakasungwa ndigo nenge matama aakababudza anobasimisa mu mangwanana e zhuba laakabambugwa ndilo. Ndima dze bupelo dzoleba ngekwe kusungwa ne kusekeswa kukwe ne kubambugwa kukwe ne kumuka kukwe mu bafi nenge sekwa akabe ezwilakidza ku badiyiwa babe shule kwe kumuka kukwe mu bafi.
Johani unokwala etshambilidza kwazo ngekwe tjipo tje butjilo gusingapele ndi Kirisiti, itjo tjipo tjinotangisa ngwenu kakale tjizha kuna ibabo banogalamoyo muna Jesu kuti ndiye zila nenge malebeswa nenge butjilo. Tjimwe tjinozwitjenesa kwazo kwazo ngekwa Johani, zwifano zwaanoshingisa zhuba ne zhuba ezwitola mu matjilo yedu e zhuba ne zhuba kutitendekela malebeswa e tjimeya, kunonga vula ne tjiwunga nenge tjedza nenge nlisi we pkhwizi ne pkhwizi dzidze nenge nzhambi ne zhambi dzawo.
Zwimu lukwalo igogu nge bufupi
Kutangisa 1:1-18
Johani we N'dubiki ne badiyiwa ba Jesu be kutanga 1:19-51
Kutumwa kwa Jesu mu bathu 2:1—12:50
Mazhuba e bupelo mu Jerusalema ne mu mituthu ipejo ne Jerusalema 13:1—9:42
Kumuka ne kuzwilakidza ku badiyiwa 20:1-31
Matama anopeleledza: Kuzwilakidza kakale mu Galili 21:1-25

Listen to Johani ZIBISO NGEKWE LUKWALO IGOGU