Iban - Today's Iban Version (NT)

<div class="version vid171 iso6393iba" data-vid="171" data-iso6393="iba">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Jesus Enggau Indu Orang Samaria</div><div class="p"> 1Lebuh Jesus nemu orang Parisi udah ninga Iya bulih mayuh agi murid ari John, lalu maptisa sida ( 2taja pen ukai Jesus Empu ke maptisa orang, tang sida murid Iya ti ngereja nya), 3Iya ninggalka menua Judea, lalu mulaika Diri baru ngagai menua Galili. 4#Luk 9.52; 17.11. Tang Iya enda tau enda nengah menua Samaria.</div><div class="p"> 5 # 
 P-kal 33.19; 48.22; Jos 24.32. Nya alai Iya datai ba sebuah nengeri ti dikumbai Saikar di menua Samaria, semak tanah ti udah diberi Jakop ngagai anak iya Josep. 6Telaga Jakop bisi dia, lalu Jesus, ke udah lelak bejalai, duduk semak telaga nya. Jam lebuh maya nya kira urung tengah hari.</div><div class="p"> 7Siku indu orang Samaria datai nyauk. Jesus lalu bejaku ngagai iya, &#8220;Beri Aku ngirup.&#8221; ( 8Nyadi sida murid Iya udah ke pasar, mansang meli pemakai.)</div><div class="p"> 9 # 
 Mat 10.5; Jhn 8.48; Esr 4.1-5; Neh 4.1-2. Indu orang Samaria nya lalu bejaku ngagai Iya, &#8220;Baka ni ku Nuan ke orang Judah, minta ai irup ari aku ke orang Samaria?&#8221; (Orang Judah enggai begulai enggau orang Samaria.)</div><div class="p"> 10 # 
 Jhn 7.37; Pem 21.6; 22.17. Jesus lalu nyaut iya, &#8220;Enti nuan nemu pemeri Allah Taala, lalu ngelala sapa ke nyebut ngagai nuan, &#8216;Beri Aku ngirup,&#8217; nuan tentu deka minta ari Iya, lalu Iya deka meri nuan ai ti idup.&#8221;#4.10 ai ti idup; Sekeda salin: ai ti meri pengidup</div><div class="p"> 11Indu nya bejaku, &#8220;Tuan, Nuan nadai beledi, lalu telaga nya dalam. Dini alai Nuan bulih ai ti idup nya? 12Kati Nuan besai agi ari aki kami Jakop, ke meri kami telaga tu, lalu iya, bala anak iya enggau jelu tupi sida bela ngirup ari telaga tu?&#8221;</div><div class="p"> 13Ku Jesus nyaut iya, &#8220;Semua orang ke ngirup ai tu, deka aus baru, 14#Jhn 6.35; 7.38. tang orang ke ngirup ai ti deka diberi Aku, enda agi aus. Ai ti deka diberi Aku deka nyadi, dalam sida, mata ai ti mansutka ai ti meri pengidup ti meruan belama iya.&#8221;</div><div class="p"> 15 # 
 Jhn 6.34. Ku indu nya bejaku ngagai Iya, &#8220;Tuan, beri aku ai nya, ngambika aku enda agi aus, lalu enda agi ibuh nyauk.&#8221;</div><div class="p"> 16Ku Jesus bejaku ngagai iya, &#8220;Alai nuan madahka laki nuan; udah nya pulai kitu baru.&#8221;</div><div class="p"> 17Indu nya lalu nyaut Iya, &#8220;Aku nadai laki.&#8221;</div><div class="p">Disaut Jesus, &#8220;Betul jaku nuan ke madahka diri nadai laki, 18#2 Raj 17.24; Hos 2.7. laban nuan lima kali udah belaki, lalu lelaki ke enggau nuan begulai diatu, ukai laki nuan. Betul jaku nuan.&#8221;</div><div class="p"> 19Indu nya lalu bejaku, &#8220;Tuan, diatu baru aku nemu nuan tu nabi. 20#U-dat 11.29; Jos 8.33; Luk 9.53. Aki ini kami nyembah Allah Taala ba bukit tu, tang kita ngumbai orang enda tau enda nyembah Allah Taala di Jerusalem.&#8221;</div><div class="p"> 21 # 
 Jhn 5.25; 16.2, 32; Mal 1.11. Jesus lalu bejaku ngagai iya, &#8220;Arapka Aku, Indu, maya deka datai alai orang nyembah Apai ukai ba bukit tu, tauka di Jerusalem. 22#2 Raj 17.28-41; Isa 2.3; Rom 9.4. Kita nyembah utai ti enda dikelala kita. Kami nyembah utai ti dikelala kami, laban pengelepas datai ari orang Judah. 23Tang maya deka datai, lalu endang udah datai diatu, alai orang ke amat nyembah Apai, deka nyembah Iya dalam Roh enggau pemendar, laban nya gaya orang ke dikedekaka Apai nyembah Iya. 24#Plp 3.3. Allah Taala endang Roh, lalu orang ke nyembah Iya enda tau enda nyembah Iya dalam Roh enggau pemendar.&#8221;</div><div class="p"> 25Ku indu nya bejaku ngagai Iya, &#8220;Aku nemu Messiah&#8221; (ke dikumbai Kristus) &#8220;deka datai. Lebuh Iya datai, Iya deka madahka semua utai ngagai kitai.&#8221;</div><div class="p"> 26 # 
 Jhn 8.24. Disaut Jesus, &#8220;Aku tu meh Iya, ke bejaku enggau nuan diatu.&#8221;</div><div class="p"> 27Lebuh maya nya sida murid Iya pen datai. Sida tekenyit ati meda Iya bejaku enggau indu nya. Tang nadai siku sida nanya indu nya, &#8220;Nama utai dipinta nuan?&#8221; tauka nanya Jesus, &#8220;Nama kebuah Nuan bejaku enggau iya?&#8221;</div><div class="p"> 28Indu nya lalu ninggalka tepayan#4.28 Sekeda Iban nyebut: tempayan ai iya, lalu pulai ngagai nengeri. Ku iya bejaku ngagai orang, 29#Jhn 7.26; Mat 12.23. &#8220;Aram kitai meda orang ke udah madah ngagai aku semua utai ti udah dikereja aku. Kada enda Iya nya Messiah.&#8221;#4.29 Tauka: Kristus 30Sida pansut ari nengeri nya, lalu mansang ngagai Jesus.</div><div class="p"> 31Lebuh utai nya benung nyadi, sida murid Iya mai Jesus makai, &#8220;Pengajar,#4.31 Hebrew: Rabbi aram makai!&#8221;</div><div class="p"> 32 # 
 Mat 4.4. Tang ku Iya bejaku ngagai sida, &#8220;Aku bisi pemakai ti enda ditemu kita.&#8221;</div><div class="p"> 33Sida murid lalu bejaku enggau pangan diri, &#8220;Nadai patut orang udah bisi meri iya pemakai.&#8221;</div><div class="p"> 34 # 
 Jhn 5.30; 6.38; 17.4. Ku Jesus bejaku ngagai sida, &#8220;Pemakai Aku nya ngereja peneka Iya ke ngirumka Aku, lalu nembuka pengawa Iya. 35#Luk 10.2; Mat 9.37. Ukai enda kita nyebut, &#8216;Empat bulan da agi, nya baru maya ngetau&#8217;? Tang Aku madah ngagai kita, perening kiba kanan ngelingi kita. Nya baru kita meda umai nyau mansau, sedia deka diketau. 36Orang ke ngetau diatu udah nerima gaji, lalu ngumpul buah ke pengidup ti meruan belama iya, ngambika orang ke nanam enggau orang ke ngetau deka sama rami gaga. 37#Jop 31.8; Mik 6.15. Tu ngamatka jaku siti, &#8216;Siku nanam, siku ngetau.&#8217; 38Aku ngasuh kita ngetau utai ti ukai ditanam kita. Orang bukai udah gawa, lalu kita bulih penguntung ari utai ti dikereja sida.&#8221;</div><div class="p"> 39Mayuh orang Samaria di nengeri nya arapka Iya, laban saksi indu nya, &#8220;Iya madahka semua utai ti udah dikereja aku.&#8221; 40Nya alai lebuh orang Samaria datai ngagai Iya, sida minta Iya diau enggau sida, lalu Iya diau dia dua hari.</div><div class="p"> 41Lalu mayuh agi orang arap ketegal jaku Iya. 42#1 Jhn 4.14; 2 Tim 1.10. Ku sida bejaku ngagai indu nya, &#8220;Kami arap, ukai laban jaku nuan, tang laban kami empu udah ninga, lalu kami nemu Iya amat Juruselamat dunya.&#8221;</div><div class="s">Jesus Ngeraika Siku Anak Pemesai</div><div class="p"> 43Lebuh Jesus udah diau dia dua hari, Iya lalu mupuk ari endur nya ngagai Galili 44#Mat 13.57; Mrk 6.4; Luk 4.24. (laban Jesus Empu udah madah, nabi endang enda dibasa orang di menua iya empu.) 45#Jhn 2.23. Lebuh Iya datai di Galili, orang di menua nya lalu nyambut penatai Iya, laban sida udah meda semua utai ti udah dikereja Iya di Jerusalem, laban sida empu udah datai ngagai Gawai nya.</div><div class="p"> 46 # 
 Jhn 2.1-11; Mat 8.5-10; Luk 7.2-10. Udah nya Iya pulai baru ngagai nengeri Kana, di menua Galili, alai Iya ti udah ngasuh ai bebali nyadi wain. Nyadi di Kapernaum bisi siku pemesai. Anak lelaki pemesai nya sakit. 47Lebuh iya ninga Jesus bisi udah datai ari Judea, iya mansang ngagai Jesus, minta Jesus datai lalu ngeraika anak iya, laban anak iya nyau ka mati. 48#Dan 4.2; Mrk 13.22; SKR 2.19; 4.30; Rom 15.19; Heb 2.4. Jesus lalu bejaku ngagai iya, &#8220;Enti kita enda meda kereja ajih enggau kereja ti nyelai, kita enggai arap.&#8221;</div><div class="p"> 49Pemesai nya lalu bejaku ngagai Iya, &#8220;Tuan, aram mupuk sebedau anak aku mati.&#8221;</div><div class="p"> 50Jesus lalu bejaku ngagai iya, &#8220;Mupuk meh nuan. Anak nuan deka idup!&#8221;</div><div class="p">Orang nya arapka jaku Jesus, lalu mupuk. 51Lebuh iya benung di rantau jalai, bala ulun iya ngambat iya, madahka anak iya idup.</div><div class="p"> 52Iya lalu nanyaka kemaya anak iya belinsur gerai. Sida lalu madah ngagai iya, &#8220;Pukul satu ngalih hari kemari. Nya maya pemedis nya nadai agi.&#8221; 53#SKR 11.14. Orang nya lalu nemu, nya meh maya Jesus madah ngagai iya, &#8220;Anak nuan deka idup.&#8221; Iya empu lalu arap, sama enggau sida sebilik.</div><div class="p"> 54 # 
 Jhn 2.11. Tu kereja ajih ti kedua ti dikereja Jesus udah bekau Iya ke pulai ari menua Judea ngagai menua Galili.</div>
 </div>
 </div>
</div>

Lebuh Jesus nemu orang Parisi udah ninga Iya bulih mayuh agi murid ari John, lalu maptisa sida ( taja pen ukai Jesus Empu ke maptisa orang, tang sida murid Iya ti ngereja nya), Iya ninggalka menua Judea, lalu mulaika Diri baru ngagai menua Galili. Tang Iya enda tau enda nengah menua Samaria.
Nya alai Iya datai ba sebuah nengeri ti dikumbai Saikar di menua Samaria, semak tanah ti udah diberi Jakop ngagai anak iya Josep. Telaga Jakop bisi dia, lalu Jesus, ke udah lelak bejalai, duduk semak telaga nya. Jam lebuh maya nya kira urung tengah hari.
Siku indu orang Samaria datai nyauk. Jesus lalu bejaku ngagai iya, “Beri Aku ngirup.” ( Nyadi sida murid Iya udah ke pasar, mansang meli pemakai.)
Indu orang Samaria nya lalu bejaku ngagai Iya, “Baka ni ku Nuan ke orang Judah, minta ai irup ari aku ke orang Samaria?” (Orang Judah enggai begulai enggau orang Samaria.)
Jesus lalu nyaut iya, “Enti nuan nemu pemeri Allah Taala, lalu ngelala sapa ke nyebut ngagai nuan, ‘Beri Aku ngirup,’ nuan tentu deka minta ari Iya, lalu Iya deka meri nuan ai ti idup.”
Indu nya bejaku, “Tuan, Nuan nadai beledi, lalu telaga nya dalam. Dini alai Nuan bulih ai ti idup nya? Kati Nuan besai agi ari aki kami Jakop, ke meri kami telaga tu, lalu iya, bala anak iya enggau jelu tupi sida bela ngirup ari telaga tu?”
Ku Jesus nyaut iya, “Semua orang ke ngirup ai tu, deka aus baru, tang orang ke ngirup ai ti deka diberi Aku, enda agi aus. Ai ti deka diberi Aku deka nyadi, dalam sida, mata ai ti mansutka ai ti meri pengidup ti meruan belama iya.”
Ku indu nya bejaku ngagai Iya, “Tuan, beri aku ai nya, ngambika aku enda agi aus, lalu enda agi ibuh nyauk.”
Ku Jesus bejaku ngagai iya, “Alai nuan madahka laki nuan; udah nya pulai kitu baru.”
Indu nya lalu nyaut Iya, “Aku nadai laki.”
Disaut Jesus, “Betul jaku nuan ke madahka diri nadai laki, laban nuan lima kali udah belaki, lalu lelaki ke enggau nuan begulai diatu, ukai laki nuan. Betul jaku nuan.”
Indu nya lalu bejaku, “Tuan, diatu baru aku nemu nuan tu nabi. Aki ini kami nyembah Allah Taala ba bukit tu, tang kita ngumbai orang enda tau enda nyembah Allah Taala di Jerusalem.”
Jesus lalu bejaku ngagai iya, “Arapka Aku, Indu, maya deka datai alai orang nyembah Apai ukai ba bukit tu, tauka di Jerusalem. Kita nyembah utai ti enda dikelala kita. Kami nyembah utai ti dikelala kami, laban pengelepas datai ari orang Judah. Tang maya deka datai, lalu endang udah datai diatu, alai orang ke amat nyembah Apai, deka nyembah Iya dalam Roh enggau pemendar, laban nya gaya orang ke dikedekaka Apai nyembah Iya. Allah Taala endang Roh, lalu orang ke nyembah Iya enda tau enda nyembah Iya dalam Roh enggau pemendar.”
Ku indu nya bejaku ngagai Iya, “Aku nemu Messiah” (ke dikumbai Kristus) “deka datai. Lebuh Iya datai, Iya deka madahka semua utai ngagai kitai.”
Disaut Jesus, “Aku tu meh Iya, ke bejaku enggau nuan diatu.”
Lebuh maya nya sida murid Iya pen datai. Sida tekenyit ati meda Iya bejaku enggau indu nya. Tang nadai siku sida nanya indu nya, “Nama utai dipinta nuan?” tauka nanya Jesus, “Nama kebuah Nuan bejaku enggau iya?”
Indu nya lalu ninggalka tepayan ai iya, lalu pulai ngagai nengeri. Ku iya bejaku ngagai orang, “Aram kitai meda orang ke udah madah ngagai aku semua utai ti udah dikereja aku. Kada enda Iya nya Messiah.” Sida pansut ari nengeri nya, lalu mansang ngagai Jesus.
Lebuh utai nya benung nyadi, sida murid Iya mai Jesus makai, “Pengajar, aram makai!”
Tang ku Iya bejaku ngagai sida, “Aku bisi pemakai ti enda ditemu kita.”
Sida murid lalu bejaku enggau pangan diri, “Nadai patut orang udah bisi meri iya pemakai.”
Ku Jesus bejaku ngagai sida, “Pemakai Aku nya ngereja peneka Iya ke ngirumka Aku, lalu nembuka pengawa Iya. Ukai enda kita nyebut, ‘Empat bulan da agi, nya baru maya ngetau’? Tang Aku madah ngagai kita, perening kiba kanan ngelingi kita. Nya baru kita meda umai nyau mansau, sedia deka diketau. Orang ke ngetau diatu udah nerima gaji, lalu ngumpul buah ke pengidup ti meruan belama iya, ngambika orang ke nanam enggau orang ke ngetau deka sama rami gaga. Tu ngamatka jaku siti, ‘Siku nanam, siku ngetau.’ Aku ngasuh kita ngetau utai ti ukai ditanam kita. Orang bukai udah gawa, lalu kita bulih penguntung ari utai ti dikereja sida.”
Mayuh orang Samaria di nengeri nya arapka Iya, laban saksi indu nya, “Iya madahka semua utai ti udah dikereja aku.” Nya alai lebuh orang Samaria datai ngagai Iya, sida minta Iya diau enggau sida, lalu Iya diau dia dua hari.
Lalu mayuh agi orang arap ketegal jaku Iya. Ku sida bejaku ngagai indu nya, “Kami arap, ukai laban jaku nuan, tang laban kami empu udah ninga, lalu kami nemu Iya amat Juruselamat dunya.”

Lebuh Jesus udah diau dia dua hari, Iya lalu mupuk ari endur nya ngagai Galili (laban Jesus Empu udah madah, nabi endang enda dibasa orang di menua iya empu.) Lebuh Iya datai di Galili, orang di menua nya lalu nyambut penatai Iya, laban sida udah meda semua utai ti udah dikereja Iya di Jerusalem, laban sida empu udah datai ngagai Gawai nya.
Udah nya Iya pulai baru ngagai nengeri Kana, di menua Galili, alai Iya ti udah ngasuh ai bebali nyadi wain. Nyadi di Kapernaum bisi siku pemesai. Anak lelaki pemesai nya sakit. Lebuh iya ninga Jesus bisi udah datai ari Judea, iya mansang ngagai Jesus, minta Jesus datai lalu ngeraika anak iya, laban anak iya nyau ka mati. Jesus lalu bejaku ngagai iya, “Enti kita enda meda kereja ajih enggau kereja ti nyelai, kita enggai arap.”
Pemesai nya lalu bejaku ngagai Iya, “Tuan, aram mupuk sebedau anak aku mati.”
Jesus lalu bejaku ngagai iya, “Mupuk meh nuan. Anak nuan deka idup!”
Orang nya arapka jaku Jesus, lalu mupuk. Lebuh iya benung di rantau jalai, bala ulun iya ngambat iya, madahka anak iya idup.
Iya lalu nanyaka kemaya anak iya belinsur gerai. Sida lalu madah ngagai iya, “Pukul satu ngalih hari kemari. Nya maya pemedis nya nadai agi.” Orang nya lalu nemu, nya meh maya Jesus madah ngagai iya, “Anak nuan deka idup.” Iya empu lalu arap, sama enggau sida sebilik.
Tu kereja ajih ti kedua ti dikereja Jesus udah bekau Iya ke pulai ari menua Judea ngagai menua Galili.

Слухаць John 4