Roviana - WBT Version (Non-Drama NT)

Roviana - WBT Version (Drama NT)

<div class="version vid1909 iso6393rug" data-vid="1909" data-iso6393="rug">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s1">Sala&#7753;ia Zisu sa Tie Podo Behuna</div><div class="p"> 1Sipu korapa ene la se Zisu, si dogoria Sa si keke tie sapu podo behuna. 2Ke nanasia ri Nana disaepeli si Asa, &#8220;Titisa, esei si sea ke podo behu sa tie sana? Nana sinea telena, ba sari na tiatamana?&#8221; gua si arini.</div><div class="p"> 3Meke ola&#7753;a la i Zisu si arini, &#8220;Lopu nana sinea, babe sari na sinea tadi na tiatamana si behu nia sa, ba pude ta dogoro sa &#7753;inira&#7753;ira te Tamasa pa nana tinoa. 4Sipu korapa rane sa popoa si mada taveti sari tinavete Tanisa pu garunu mae Nau si Arau, sina korapa nono mae sa bo&#7753;i, pana loke tie si boka tavetavete. 5Sipu korapa koa si Rau pa kasia popoa, si Arau tugo sa kalalasa tanisa kasia popoa.&#8221;#Mt 5:14; Zn 8:12</div><div class="p"> 6Sipu beto zama gua si Asa, si loro va bobosia Sa si keke vasi pepeso, meke tita la nia Sa pa matana sa tie. 7Meke tozi nia Sa sa tie behuna, &#8220;La mamu dalo pa Kopi Sailomi&#8221;, gunia Sa. Sa ginuana sa pozapoza Sailomi si &#8220;ta garunu&#8221;. Ke la dalo sa tie, meke tiqe dodogorae, ke pule nana.</div><div class="p"> 8Dogoria ri tura&#7753;ana meke arini pu hoke dogoria tepatepana, meke vari nanasi, &#8220;Lopu asa tu sa tie sapu hoke habotu tepatepa sia?&#8221;</div><div class="p"> 9Meke zama sari kaiqa tie, &#8220;Asa tugo,&#8221; gua. Ba kaiqa pule si zama, &#8220;Lokari, lopu asa, na do&#7753;odo&#7753;o gugua mo asa.&#8221; Ba zama la telena sa tie, &#8220;Arau mo si asa,&#8221; gua.</div><div class="p"> 10Ke nanasia rini si asa, &#8220;Vegugua meke boka dodogorae kamahire si goi?&#8221; gua si arini.</div><div class="p"> 11Meke ola&#7753;a la i sa si arini, &#8220;Keke tie pozana e Zisu, si loro va bobosia Sa si keke vasi pepeso, meke tita la nia Sa pa mataqu, meke zamau Sa pude la dalo pa kopi Sailomi. Ke la dalo si rau, meke dodogorae,&#8221; gua si asa.</div><div class="p"> 12Meke nanasia rini, &#8220;Avei si Asa?&#8221; &#8220;Lopu gilania rau,&#8221; gua si asa.</div><div class="s1">Hataia rina Parese Guguana sa Sinala&#7753;ana sa Tie Behu</div><div class="p"> 13Meke tura&#7753;a la nia rini koari na Parese sa tie sapu podo behuna hie. 14Na pa rane Sabati si loro va bobosia Zisu sa pepeso, meke sala&#7753;ia sa tie behuna. 15Gua ke nanasa pule ia rina Parese sa tie, sapu vegugua zo&#7753;azo&#7753;a tugo meke dodogorae si asa. Meke tozini sa si arini, &#8220;Va tita ni pepeso bobosona Sa sari na mataqu, meke la dalo pa kolo, meke boka dodogorae kamahire,&#8221; gua si asa.</div><div class="p"> 16Meke zama sari kaiqa rina Parese, &#8220;Lopu mae guana koe Tamasa sa tie hie, sina lopu kopu nia Sa sa rane Sabati.&#8221;</div><div class="p">Meke zama pule si kaiqa arini, &#8220;Ba sa tie sea lopu kote boka tavete tinavete variva magasadi gua asa.&#8221; Ke lopu boka variva egoi si arini.</div><div class="p"> 17Ke nanasa pulea pule rina Parese sa tie podo behuna, &#8220;Na sa guni nia goi sa tie sapu sala&#7753;i sari matamu?&#8221;</div><div class="p">Meke ola&#7753;a sa tie, &#8220;Na poropita tugo si Asa.&#8221;</div><div class="p"> 18Ba lopu va hinokaria rina koimata tadi na tie Ziu, sapu behuna si asa, meke kamahire si dodogorae, ke tioki tu rini sari karu tiatamana, 19meke nanasi rini, &#8220;Hie tugo sa tumia koreo sapu podo behuna? Vegugua meke boka dodogorae kamahire si asa?&#8221;</div><div class="p"> 20Meke ola&#7753;a sari karu tiatamana, &#8220;Gilania mami sapu asa tugo sa tumami, sapu podo behuna; 21ba lopu gilania gami gua meke boka dodogorae kamahire si asa, meke lopu gilania tugo gami sapu esei sala&#7753;ia si asa. Mu nanasia; na ele tie nomana si asa, boka tozini gamu mo sa telena!&#8221; 22Zama gua sari na tiatamana, sina na matagutu ni rini sari na koimata tadi na tie Ziu, sina ele variva ego nia rini, sapu be keke tie si va hinokaria, sapu e Zisu si sa Karisito, si kaqu ta hitu palae pa sinaqoqi, gua. 23Gua asa, ke zama mo sari karu tiatamana, &#8220;Ele tie nomana bisa, mi nanasia mo!&#8221; gua.</div><div class="p"> 24Meke tioko pule mae nia rini pa totoso vina rua sa tie sapu podo behuna, meke zama ia rini si asa, &#8220;Mamu zama va hinokara nia pa kenuna sa Tamasa! Gami si tumae nia sapu sa tie pu sala&#7753;igo si na tie sea,&#8221; gua si arini.</div><div class="p"> 25Meke ola&#7753;a sa tie, &#8220;Lopu gilania rau sapu na tie sea si Asa babe lokari. Ba keketo&#7753;a mo si gilania rau, sapu visoroihe na behuqu si rau, ba kamahire si dodogorae,&#8221; gua si asa.</div><div class="p"> 26&#8220;Na sa si tavete nigo Sa? Vegugua meke sala&#7753;i Sa sari matamu?&#8221; gunia rini si asa.</div><div class="p"> 27Meke ola&#7753;a la i sa, &#8220;Nake ele tozini gamu tu rau, ba lopu hiva va avosau gamu. Ba vegua ke hiva avoso pulea tu gamu sia? Gina gamu ba hiva disaepeli tugo tanisa?&#8221; gua si asa.</div><div class="p"> 28Meke zama &#7753;o&#7753;ovalia rini si asa, &#8220;Agoi si na disaepeli tanisa tie sana, ba gami sina disaepeli tu te Mosese. 29Gilania mami gami sapu zama soti koe Mosese sa Tamasa. Ba sa tie sana sapu e Zisu, si lopu hite gilania gami vasina mae guana,&#8221; gua si arini.</div><div class="p"> 30Meke ola&#7753;a sa tie, &#8220;Variva magasa hola sapu gua asa! Sapu lopu hite gilania gamu vasina mae guana si Asa, ba ele sala&#7753;i Sa sari mataqu! 31Gilania nada gita sapu lopu avosi Tamasa sari na tie seadi, ba arini mo pu va lavatia meke taveti sari Nana hiniva si va avosi Sa. 32Lopu hite ta avosae visoroihe, sapu ele va dodogorae ia ke tie, si keke tie sapu podo behuna. 33Ego, be lopu maena koe Tamasa sa tie hie, si lopu kaqu boka tavetia Sa si keketo&#7753;a,&#8221; gua si asa.</div><div class="p"> 34Meke ola&#7753;ia rini si asa, &#8220;Ta podomu pa sinea si goi, vea meke hiva va tumatumae tu koa gami si goi?&#8221; Meke hitu vura nia rini pa sinaqoqi si Asa.</div><div class="s1">Binehu pa Maqomaqo</div><div class="p"> 35Meke sipu avoso nia Zisu sapu hitu vura nia rini, gua, si la dogoria Sa si asa, meke nanasia Sa, &#8220;Vegua, va hinokaria tugo goi sa Tuna na Tie?&#8221;</div><div class="p"> 36Meke ola&#7753;a sa tie, &#8220;Ba&#7753;ara, esei si Asa, pude qu va hinokaria!&#8221;</div><div class="p"> 37Meke zama la koasa se Zisu, &#8220;Ele dogoria mo goi si Asa. Asa mo sapu korapa zama atu koa goi kamahire.&#8221;</div><div class="p"> 38Meke hoqa todo&#7753;o si asa pa kenuna Zisu meke vahesia sa, meke zama, &#8220;Ba&#7753;ara, va hinokara si rau.&#8221;</div><div class="p"> 39Meke zama se Zisu, &#8220;Na vinaripitui si mae nia Rau koasa kasia popoa hie, pude madi dodogorae sari na tie behu, meke saripu dodogoraedi si madi behu,&#8221; gua si Asa.</div><div class="p"> 40Meke kaiqa rina Parese saripu somana koa koa Sa vasina, si avosia sapu gua asa, ke nanasia rini si Asa, &#8220;Hinokara sapu gami si behu guni gami Goi, taga?&#8221;</div><div class="p"> 41Meke ola&#7753;i Zisu sarini, &#8220;Be behu si gamu, si loke mia sinea, ba sina dodogorae mia gua si gamu, ke korapa koa dia koa gamu sari mia sinea,&#8221; gua se Zisu.</div>
 </div>
 </div>
</div>

Sipu korapa ene la se Zisu, si dogoria Sa si keke tie sapu podo behuna. Ke nanasia ri Nana disaepeli si Asa, “Titisa, esei si sea ke podo behu sa tie sana? Nana sinea telena, ba sari na tiatamana?” gua si arini.
Meke olaṉa la i Zisu si arini, “Lopu nana sinea, babe sari na sinea tadi na tiatamana si behu nia sa, ba pude ta dogoro sa ṉiniraṉira te Tamasa pa nana tinoa. Sipu korapa rane sa popoa si mada taveti sari tinavete Tanisa pu garunu mae Nau si Arau, sina korapa nono mae sa boṉi, pana loke tie si boka tavetavete. Sipu korapa koa si Rau pa kasia popoa, si Arau tugo sa kalalasa tanisa kasia popoa.”
Sipu beto zama gua si Asa, si loro va bobosia Sa si keke vasi pepeso, meke tita la nia Sa pa matana sa tie. Meke tozi nia Sa sa tie behuna, “La mamu dalo pa Kopi Sailomi”, gunia Sa. Sa ginuana sa pozapoza Sailomi si “ta garunu”. Ke la dalo sa tie, meke tiqe dodogorae, ke pule nana.
Dogoria ri turaṉana meke arini pu hoke dogoria tepatepana, meke vari nanasi, “Lopu asa tu sa tie sapu hoke habotu tepatepa sia?”
Meke zama sari kaiqa tie, “Asa tugo,” gua. Ba kaiqa pule si zama, “Lokari, lopu asa, na doṉodoṉo gugua mo asa.” Ba zama la telena sa tie, “Arau mo si asa,” gua.
Ke nanasia rini si asa, “Vegugua meke boka dodogorae kamahire si goi?” gua si arini.
Meke olaṉa la i sa si arini, “Keke tie pozana e Zisu, si loro va bobosia Sa si keke vasi pepeso, meke tita la nia Sa pa mataqu, meke zamau Sa pude la dalo pa kopi Sailomi. Ke la dalo si rau, meke dodogorae,” gua si asa.
Meke nanasia rini, “Avei si Asa?” “Lopu gilania rau,” gua si asa.

Meke turaṉa la nia rini koari na Parese sa tie sapu podo behuna hie. Na pa rane Sabati si loro va bobosia Zisu sa pepeso, meke salaṉia sa tie behuna. Gua ke nanasa pule ia rina Parese sa tie, sapu vegugua zoṉazoṉa tugo meke dodogorae si asa. Meke tozini sa si arini, “Va tita ni pepeso bobosona Sa sari na mataqu, meke la dalo pa kolo, meke boka dodogorae kamahire,” gua si asa.
Meke zama sari kaiqa rina Parese, “Lopu mae guana koe Tamasa sa tie hie, sina lopu kopu nia Sa sa rane Sabati.”
Meke zama pule si kaiqa arini, “Ba sa tie sea lopu kote boka tavete tinavete variva magasadi gua asa.” Ke lopu boka variva egoi si arini.
Ke nanasa pulea pule rina Parese sa tie podo behuna, “Na sa guni nia goi sa tie sapu salaṉi sari matamu?”
Meke olaṉa sa tie, “Na poropita tugo si Asa.”
Ba lopu va hinokaria rina koimata tadi na tie Ziu, sapu behuna si asa, meke kamahire si dodogorae, ke tioki tu rini sari karu tiatamana, meke nanasi rini, “Hie tugo sa tumia koreo sapu podo behuna? Vegugua meke boka dodogorae kamahire si asa?”
Meke olaṉa sari karu tiatamana, “Gilania mami sapu asa tugo sa tumami, sapu podo behuna; ba lopu gilania gami gua meke boka dodogorae kamahire si asa, meke lopu gilania tugo gami sapu esei salaṉia si asa. Mu nanasia; na ele tie nomana si asa, boka tozini gamu mo sa telena!” Zama gua sari na tiatamana, sina na matagutu ni rini sari na koimata tadi na tie Ziu, sina ele variva ego nia rini, sapu be keke tie si va hinokaria, sapu e Zisu si sa Karisito, si kaqu ta hitu palae pa sinaqoqi, gua. Gua asa, ke zama mo sari karu tiatamana, “Ele tie nomana bisa, mi nanasia mo!” gua.
Meke tioko pule mae nia rini pa totoso vina rua sa tie sapu podo behuna, meke zama ia rini si asa, “Mamu zama va hinokara nia pa kenuna sa Tamasa! Gami si tumae nia sapu sa tie pu salaṉigo si na tie sea,” gua si arini.
Meke olaṉa sa tie, “Lopu gilania rau sapu na tie sea si Asa babe lokari. Ba keketoṉa mo si gilania rau, sapu visoroihe na behuqu si rau, ba kamahire si dodogorae,” gua si asa.
“Na sa si tavete nigo Sa? Vegugua meke salaṉi Sa sari matamu?” gunia rini si asa.
Meke olaṉa la i sa, “Nake ele tozini gamu tu rau, ba lopu hiva va avosau gamu. Ba vegua ke hiva avoso pulea tu gamu sia? Gina gamu ba hiva disaepeli tugo tanisa?” gua si asa.
Meke zama ṉoṉovalia rini si asa, “Agoi si na disaepeli tanisa tie sana, ba gami sina disaepeli tu te Mosese. Gilania mami gami sapu zama soti koe Mosese sa Tamasa. Ba sa tie sana sapu e Zisu, si lopu hite gilania gami vasina mae guana,” gua si arini.
Meke olaṉa sa tie, “Variva magasa hola sapu gua asa! Sapu lopu hite gilania gamu vasina mae guana si Asa, ba ele salaṉi Sa sari mataqu! Gilania nada gita sapu lopu avosi Tamasa sari na tie seadi, ba arini mo pu va lavatia meke taveti sari Nana hiniva si va avosi Sa. Lopu hite ta avosae visoroihe, sapu ele va dodogorae ia ke tie, si keke tie sapu podo behuna. Ego, be lopu maena koe Tamasa sa tie hie, si lopu kaqu boka tavetia Sa si keketoṉa,” gua si asa.
Meke olaṉia rini si asa, “Ta podomu pa sinea si goi, vea meke hiva va tumatumae tu koa gami si goi?” Meke hitu vura nia rini pa sinaqoqi si Asa.

Meke sipu avoso nia Zisu sapu hitu vura nia rini, gua, si la dogoria Sa si asa, meke nanasia Sa, “Vegua, va hinokaria tugo goi sa Tuna na Tie?”
Meke olaṉa sa tie, “Baṉara, esei si Asa, pude qu va hinokaria!”
Meke zama la koasa se Zisu, “Ele dogoria mo goi si Asa. Asa mo sapu korapa zama atu koa goi kamahire.”
Meke hoqa todoṉo si asa pa kenuna Zisu meke vahesia sa, meke zama, “Baṉara, va hinokara si rau.”
Meke zama se Zisu, “Na vinaripitui si mae nia Rau koasa kasia popoa hie, pude madi dodogorae sari na tie behu, meke saripu dodogoraedi si madi behu,” gua si Asa.
Meke kaiqa rina Parese saripu somana koa koa Sa vasina, si avosia sapu gua asa, ke nanasia rini si Asa, “Hinokara sapu gami si behu guni gami Goi, taga?”
Meke olaṉi Zisu sarini, “Be behu si gamu, si loke mia sinea, ba sina dodogorae mia gua si gamu, ke korapa koa dia koa gamu sari mia sinea,” gua se Zisu.

Слухаць Zone 9