<div class="version vid1957 iso6393hat" data-vid="1957" data-iso6393="hat">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">(Liv Konmansman an)</span></div><div class="ip"><span class="content">Premye liv Labib la pote non li vre. Li rakonte konmansman tout bagay: ki jan Bondye te kreye sy&#232;l la ak lat&#232; a ansanm ak tou sa ki ladan yo, ki jan peche ak soufrans konmanse sou lat&#232; ak ki jan Bondye li menm s&#242;ti pou boule ak moun. Depi tout tan, moun te kw&#232; chak peyi te gen bondye pa yo ak lespri pa yo y'ap s&#232;vi. Liv Konmansman an f&#232; konnen se yon s&#232;l Bondye a ki genyen pou tout moun. Li la depi tout tan, epi l'ap toujou la. Bondye sa a mete moun li kreye yo jeran tout bagay sou lat&#232;. Depi yo f&#232; volonte l, depi yo pa vire do ba li, l'ap ba yo jwisans lavi. Liv la rakonte nou ki jan moun te pito f&#232; volonte pa yo pase pou yo te f&#232; volonte Bondye. Men, atout moun te f&#232; sa, Bondye pou t&#232;t pa l te s&#242;ti pou l delivre yo anba peche ak tout konsekans peche a.</span></div><div class="ip"><span class="content">Nou ka separe liv la f&#232; de p&#242;syon: Premye p&#242;syon an pi kout (chapit 1&#8212;11). Nou jwenn ladan l istwa depi l&#232; Bondye t'ap kreye tout bagay, ki jan peche ak soufrans antre nan lavi moun, istwa premye zans&#232;t tout moun sou lat&#232; depi Adan rive Noye, istwa gwo inondasyon an ak istwa gwo f&#242; won Bab&#232;l la.</span></div><div class="ip"><span class="content">Dezy&#232;m p&#242;syon an ki pran nan chapit 12&#8212;50 bay istwa konmansman p&#232;p Izray&#232;l la depi Abraram, Izarak ak Jak&#242;b. Se Jak&#242;b sa a yo vin rele Izray&#232;l. Li f&#232; douz pitit gason. Se yo menm ki bay douz branch fanmi p&#232;p Izray&#232;l la. Apre sa, liv la f&#232; nou konnen sa ki rive Joz&#232;f, yonn nan pitit Jak&#242;b yo, ki jan Jak&#242;b ak tout fanmi l yo f&#232; al chwe nan peyi Lejip.</span></div><div class="ip"><span class="content">Nan tout istwa sa yo nou w&#232; plan travay Bondye a konmanse ap devlope. Se li menm k'ap f&#232;, se li menm k'ap jije, se li menm k'ap pini moun k'ap f&#232; sa ki mal. Men, se li menm tou k'ap louvri chemen pou p&#232;p li a, l'ap pran men yo, l'ap ede yo, l'ap dirije lavi yo depi yo renmen l, depi yo koute l.</span></div><div class="ip"><span class="content">Konsa, istwa a konmanse ak Bondye ki kreye sy&#232;l la ak lat&#232; a, li fini av&#232;k Bondye ank&#242; ki pwom&#232;t li p'ap janm lage p&#232;p li a.</span></div><div class="iot"><span class="content">Men plan liv la</span></div><div class="io1"><span class="content">1. Bondye kreye tout bagay, li kreye moun (1&#8212;2)</span></div><div class="io1"><span class="content">2. Peche ak soufrans par&#232;t sou lat&#232; (3)</span></div><div class="io1"><span class="content">3. Depi Adan rive Noye (4&#8212;5)</span></div><div class="io1"><span class="content">4. Noye ak gwo inondasyon an (6&#8212;10)</span></div><div class="io1"><span class="content">5. Gwo f&#242; won Bab&#232;l la (11.1-9)</span></div><div class="io1"><span class="content">6. Depi S&#232;m, pitit Noye a, rive Abraram (11.10-32)</span></div><div class="io1"><span class="content">7. Zans&#232;t p&#232;p Izray&#232;l la: Abraram, Izarak ak Jak&#242;b (12&#8212;35)</span></div><div class="io1"><span class="content">8. Pitit Ezayi, fr&#232; Jak&#242;b la (36)</span></div><div class="io1"><span class="content">9. Demele Joz&#232;f ak fr&#232; l yo (37&#8212;45)</span></div><div class="io1"><span class="content">10. Fanmi Izray&#232;l la nan peyi Lejip (46&#8212;50)</span></div>
        </div>
    </div>
</div>

Haitian Creole DC Bible © Societé Biblique Haïtienne, 1998.

(Liv Konmansman an)
Premye liv Labib la pote non li vre. Li rakonte konmansman tout bagay: ki jan Bondye te kreye syèl la ak latè a ansanm ak tou sa ki ladan yo, ki jan peche ak soufrans konmanse sou latè ak ki jan Bondye li menm sòti pou boule ak moun. Depi tout tan, moun te kwè chak peyi te gen bondye pa yo ak lespri pa yo y'ap sèvi. Liv Konmansman an fè konnen se yon sèl Bondye a ki genyen pou tout moun. Li la depi tout tan, epi l'ap toujou la. Bondye sa a mete moun li kreye yo jeran tout bagay sou latè. Depi yo fè volonte l, depi yo pa vire do ba li, l'ap ba yo jwisans lavi. Liv la rakonte nou ki jan moun te pito fè volonte pa yo pase pou yo te fè volonte Bondye. Men, atout moun te fè sa, Bondye pou tèt pa l te sòti pou l delivre yo anba peche ak tout konsekans peche a.
Nou ka separe liv la fè de pòsyon: Premye pòsyon an pi kout (chapit 1—11). Nou jwenn ladan l istwa depi lè Bondye t'ap kreye tout bagay, ki jan peche ak soufrans antre nan lavi moun, istwa premye zansèt tout moun sou latè depi Adan rive Noye, istwa gwo inondasyon an ak istwa gwo fò won Babèl la.
Dezyèm pòsyon an ki pran nan chapit 12—50 bay istwa konmansman pèp Izrayèl la depi Abraram, Izarak ak Jakòb. Se Jakòb sa a yo vin rele Izrayèl. Li fè douz pitit gason. Se yo menm ki bay douz branch fanmi pèp Izrayèl la. Apre sa, liv la fè nou konnen sa ki rive Jozèf, yonn nan pitit Jakòb yo, ki jan Jakòb ak tout fanmi l yo fè al chwe nan peyi Lejip.
Nan tout istwa sa yo nou wè plan travay Bondye a konmanse ap devlope. Se li menm k'ap fè, se li menm k'ap jije, se li menm k'ap pini moun k'ap fè sa ki mal. Men, se li menm tou k'ap louvri chemen pou pèp li a, l'ap pran men yo, l'ap ede yo, l'ap dirije lavi yo depi yo renmen l, depi yo koute l.
Konsa, istwa a konmanse ak Bondye ki kreye syèl la ak latè a, li fini avèk Bondye ankò ki pwomèt li p'ap janm lage pèp li a.
Men plan liv la
1. Bondye kreye tout bagay, li kreye moun (1—2)
2. Peche ak soufrans parèt sou latè (3)
3. Depi Adan rive Noye (4—5)
4. Noye ak gwo inondasyon an (6—10)
5. Gwo fò won Babèl la (11.1-9)
6. Depi Sèm, pitit Noye a, rive Abraram (11.10-32)
7. Zansèt pèp Izrayèl la: Abraram, Izarak ak Jakòb (12—35)
8. Pitit Ezayi, frè Jakòb la (36)
9. Demele Jozèf ak frè l yo (37—45)
10. Fanmi Izrayèl la nan peyi Lejip (46—50)

Слухаць Jenèz (Liv Konmansman an)