If you have would like a copy of this version please contact info@davarpartners.org

Lango Old Testament

<div class="version vid1974 iso6393laj" data-vid="1974" data-iso6393="laj">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s1">Abram opokere gin i Lot</div><div class="p"> 1Abram te ya i Miciri gin i cege kede jami lu&#331; a rik tye ba&#331;e me wot i Negeb; Lot da&#331; onwo&#331;o tye karacel kede.</div><div class="p"> 2I kare-nono onwo&#331;o Abram do&#331; olony atek i dok, kede ryal, kede jabu da&#331;, 3En obedo medde iwottere kun ya i Negeb, dak i Betel, kan ame en rik ko&#331; ogeo guro iye kema mere, ame tye i akina Betel kede Ai, 4kan ame en rik ko&#331; ocano iye keno me lam con. Abram te kwayo Rwot kuno. 5Lot ame onwo&#331;o woto karacel Abram; rik onwo&#331;o da&#331; tye i lim akwo ado&#331;o kede atino mege karacel kede kema da&#331; apol ata. 6Lobo rik do&#331; onwo&#331;o mom romogi kwat ka gin aryo lu&#331; obedo karacel pien gin lu&#331; rik limgi bup meicel a mom rommigi bedo karacel. 7Okwa-lim Abram kede okwa-lim a Lot onwo&#331;o do&#331; da meicel. I kare-nono onwo&#331;o jo Kanaan kede jo Periji en ame obedo i lobo-nono.</div><div class="p"> 8Mannono omio Abram okobbi Lot ni, &#8220;Mom amito ni daa moro bed tye i akinawa kede i akina okwatwa, pien wan lu&#331; obedo jo me ot acel. 9Lobo mom gire tye omoo ata ame myero iyer moro iye? Wan myero do&#331; opokere oko; ka ce yin iyero ni idok tutu&#331; cam an abino dok gira tutu&#331; cem, aco ka yin iyero dok tutu&#331; cem, an abino dok tutu&#331; cam.&#8221; 10#Age. 2.10Lot te ti&#331;o wa&#331;e malo niyo lobo lu&#331; ame ceggi i kulo Jordan, en te neno ni pii opo&#331; iye lu&#331; aber meicel tuno anaka i Joar kun calo bala poto a Rwot, ame calli lobo me Miciri. Man otimere ame Rwot mom ru ojwero Codom kede Gomora. 11Lot te do&#331; yero gire kene lobo lu&#331; ame ceggi i kulo Jordan, en te wot oko tu&#331; kide; gin te pokere oko kengi kengi. 12Abram odo&#331; i lobo me Kanaan, ento Lot obedo i akina boma lu&#331; ame ceggi i kulo Jordan, eka dok te kobo kema mere tuno naka Codoma. 13Jo me Codoma rik onwo&#331;o jo areco, balgi rik dwo&#331; okato kare i nyim Rwot.</div><div class="p"> 14A do&#331; Abram opokere oko kede Lot, Rwot okobbe ni, &#8220;Ti&#331; wa&#331;i malo i&#331;i&#331;io piny naka kan ame wa&#331;i twero gik iye kun icu&#331; i kakari-nono, nen tu&#331; anyarodi kede tu&#331; anyarolum, tu&#331; kide kede tu&#331; to; 15#Tic 7.5pien lobo ame inenonono lu&#331; abino miyo oko ba&#331;i kede ba&#331; ikwai atwal. 16Abino miyo ikwai bedo apol bala apua me lobo; me wek kwano ikwai mom twerre ba&#331; &#331;attoro bala kwano apua me lobo. 17Ko&#331; i ya iwot ilo&#331; lobo-ni, inen borrere kede laccere, pien abino miyo oko ba&#331;i.&#8221; 18Pi mannono Abram te kobo kema mere, dak oko naka i &#331;et kworo me Mamre ame ceggi kede Kebron. En dok te cano keno me miyo lam ba&#331; Rwot kuno.</div>
 </div>
 </div>
</div>

Lango Bible © United Bible Societies, 1978, 2019.

Abram te ya i Miciri gin i cege kede jami luŋ a rik tye baŋe me wot i Negeb; Lot daŋ onwoŋo tye karacel kede.
I kare-nono onwoŋo Abram doŋ olony atek i dok, kede ryal, kede jabu daŋ, En obedo medde iwottere kun ya i Negeb, dak i Betel, kan ame en rik koŋ ogeo guro iye kema mere, ame tye i akina Betel kede Ai, kan ame en rik koŋ ocano iye keno me lam con. Abram te kwayo Rwot kuno. Lot ame onwoŋo woto karacel Abram; rik onwoŋo daŋ tye i lim akwo adoŋo kede atino mege karacel kede kema daŋ apol ata. Lobo rik doŋ onwoŋo mom romogi kwat ka gin aryo luŋ obedo karacel pien gin luŋ rik limgi bup meicel a mom rommigi bedo karacel. Okwa-lim Abram kede okwa-lim a Lot onwoŋo doŋ da meicel. I kare-nono onwoŋo jo Kanaan kede jo Periji en ame obedo i lobo-nono.
Mannono omio Abram okobbi Lot ni, “Mom amito ni daa moro bed tye i akinawa kede i akina okwatwa, pien wan luŋ obedo jo me ot acel. Lobo mom gire tye omoo ata ame myero iyer moro iye? Wan myero doŋ opokere oko; ka ce yin iyero ni idok tutuŋ cam an abino dok gira tutuŋ cem, aco ka yin iyero dok tutuŋ cem, an abino dok tutuŋ cam.” Lot te tiŋo waŋe malo niyo lobo luŋ ame ceggi i kulo Jordan, en te neno ni pii opoŋ iye luŋ aber meicel tuno anaka i Joar kun calo bala poto a Rwot, ame calli lobo me Miciri. Man otimere ame Rwot mom ru ojwero Codom kede Gomora. Lot te doŋ yero gire kene lobo luŋ ame ceggi i kulo Jordan, en te wot oko tuŋ kide; gin te pokere oko kengi kengi. Abram odoŋ i lobo me Kanaan, ento Lot obedo i akina boma luŋ ame ceggi i kulo Jordan, eka dok te kobo kema mere tuno naka Codoma. Jo me Codoma rik onwoŋo jo areco, balgi rik dwoŋ okato kare i nyim Rwot.
A doŋ Abram opokere oko kede Lot, Rwot okobbe ni, “Tiŋ waŋi malo iŋiŋio piny naka kan ame waŋi twero gik iye kun icuŋ i kakari-nono, nen tuŋ anyarodi kede tuŋ anyarolum, tuŋ kide kede tuŋ to; pien lobo ame inenonono luŋ abino miyo oko baŋi kede baŋ ikwai atwal. Abino miyo ikwai bedo apol bala apua me lobo; me wek kwano ikwai mom twerre baŋ ŋattoro bala kwano apua me lobo. Koŋ i ya iwot iloŋ lobo-ni, inen borrere kede laccere, pien abino miyo oko baŋi.” Pi mannono Abram te kobo kema mere, dak oko naka i ŋet kworo me Mamre ame ceggi kede Kebron. En dok te cano keno me miyo lam baŋ Rwot kuno.

Слухаць Agege 13