Kandozi - 2010 Edition (NT)

<div class="version vid213 iso6393cbu" data-vid="213" data-iso6393="cbu">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s">Mishat, yuwaa Isus kungoo vinoom tinarangu anoo kamanchintspa</div><div class="p"> 1Kan&#225;gash kuseeramchuni, anush tsimbun maayaruni, zar tuchpashu tputs kizaa izuuru yamapi &#225;tu tputsee zapan yambirangiya. 2Ashiriya, an tputs Isusoo wanir kuruzurangu, Isusootstam yambirangiya; iyaatstam, Isusootsini wipunasheetsini yambirangitamta. Tputsee zapan yambirangu, 3vinoo kawatsirangiya. Kawatskachu, Isussha wanir wipaa kamanku, Isusoo, vin kawatseenllpa; t&#225;rangiya. 4Isussha: Ataa, &#191;mayaamsha nuwaa &#225;tsha? Wand pishtakiya nuwaanaatsi y&#225;mandamaama. Nuw zari nda tatsamooriya, t&#225;rangiya. 5Itaru, wanirsha kizaptatin tsiyatkusin, Ipari siyaa kamachtakchu, waa kuk payungtsa; ngatintspa; t&#225;yaru kasarangiya. 6-7Anush murits minam matayaru taarangiya. Anoo uru iy Uta&#225;shuchini kungupat maacheetsi yaramaam payutarini. Patumbchee kachuteeruni, muritsaam kapungu tintarini; zameetpaparee arat, tatsitamaam waritarangiya minamtashu. Ashiri Isussha muchchuree: Kung tipayarus, muritsush minam matayaru tatsiteerus ksangints; t&#225;rangiya. Ayu t&#225;yarusin, tatsitaranganaya. 8Ashirucha, tputs kungoo ashpiri tatsiteersin, Isussha: Na, tipayarus, ksutamapaneem y&#225;singints; t&#225;rangiya. Ayu t&#225;yarusin, tipayarusin, ksutamapaneem y&#225;siranganaya. 9Ksutamapansha nda kungoo k&#225;charangiya. Itaru, vinoo k&#225;charangiya. Nda kungoo yasarangu, mapiyrangiya. Itaru, m'chachushtisin yasarangana. Uwsha ksutamapansha vinoo kis wayaru, kizpur wanasirimash k&#225;charangiya. 10Punirustayaru, tputspa tsiyatarangiya yuw kizaa yamapi, t&#225;rangu anpata. &#191;Tamaru shiy ashiksha? yungpaktishcha shiya, t&#225;rangu. Tputs uru wanasirimsheetsima y&#225;skana. Sheersin, tputssha tazazaramchusin, yuttamsha y&#225;skana. Itaru, shiy nda ashiksha. Shiysha zapish wanasirimshee y&#225;siksha, punirustaku, t&#225;rangiya kizaa yamaku anootsi.</div><div class="p"> 11An watach Isus kizpur ashimaam chtarangiya. Ashirangu anumun tputssha Isusoo wizpurini natstarangana. Anumuntamani iy Isus wipunashini, Apanllparee Wipaya. &#191;Tamarima ashka? atuni, Isusoo pakich mangoonarangani.</div><div class="p"> 12Ashiriya, shambatshish iwapayaru, Isuspasha yaktap Kap&#225;rn&#225;wap naatarangani. Kuseeramchuni, anush pakich taarangani. Isuspat, Isuspat wanir, zoonllpat, iyaptatam Isus wipunashini, aship anush taarangani.</div><div class="p">Ashiri yuwaa Isus kizpur ashirangu anoo kamaneena.</div><div class="s">Mishat, yuwaa Isus Apanllish pang' tputsee nambarangu anoo kamanchintspa</div><div class="r">(Matiwa 21.12-13; M&#225;rkosa 11.15-17; Lukasa 19.45-46)</div><div class="p"> 13Isus kungoo vinoom tinarangu anumunsha Irusarinap naatarangiya. Iy wipunashini naparangtamaniya. Isus iyaa Uta&#225;shucheetsini shambatshishini yuwaa Ijiptoo tsap shitungarangana anoo zar itupshingamaam naataranginiya.#2.13 Iy Uta&#225;shuchini uru Irusarinap shambatamaam shaniytariniya, watam Apanll sir&#250;tari zitaminarineetsini itutsiranguwa. Masach kaneesich yakchu, uru shaniytariniya; minush masach shaniy, minush masach shaniy ashtariniya.</div><div class="p"> 14Ashiriya, Isus Apanllish pang' pshtuyaramchu, napku, anushsha maachi zapan mirkatush tamapari ashiru paxanxanxtangat ashiranganaya. Anush wakara taaru, misha opeej taaru, misha makookoo chinuz taaru, misha kurikpan tputs misanung kuxinataranll ashirangana. 15Itaru, Isussha anoo pakeeru, kizpur tsiyantayaru, sukaa pzkoosheem tinayaru, anpa pzkoombarangiya. Wakaraatstam, opeejaatstam, maachee ichinguru tashitungarangiya. Maacheetsi pzkoota, misaatssha kata shitar ashirangiya. Kurikeetssha psinangata shitar ashirangiya. &#161;Maya! ichinguru tashitungarangiya. 16Makookoo paxanxamapaneetssha: Maachee ichinguru y&#225;yarus naangints; shtungangints. &#191;Mayaamsha Aparshi pang' paxanxshisheem &#237;naksa? t&#225;yaru, tputsee tashitungarangiya. 17Anoo pakeeruni, Isus Waparee kuk uru payukcha, t&#225;rangini, watam Apanll wirkar anootstam sir&#250; wasina kamaniranguwa. Apanll kuk ateeja waanaatsi wipa;</div><div class="q1">Pangimandaritish wamin tsiyanis nuwaa kasichiya,#2.17 Nishuri yuwartatam Salmo 69.9 &#225;tu atitamta.</div><div class="m">t&#225;rangiya Apanlli. Ashirupa Isus anuritam tuminurangiya.</div><div class="p"> 18Ashirucha, Uta&#225;shuchsha urkari: Isusoo, &#191;chak shiyaa kamachtaranganlla? t&#225;rangasha. Apanllee wizpuriri iyaam y&#225;mandanda. Ashkachush shiyaa watsta t&#225;cheezini, ndambari, t&#225;rangana kuraka. 19Isussha kukoo kamapshiru nllitaritaa tsiyatarangu, Nee, Apanllee ta&#225;rashi saana siy kapeetkachus, nuwaanasha tuchip zari yusur tuchiyzachina, t&#225;rangu, 20kuraksha: &#191;Tamaree shiy ashchish? Masach 45 tarawaztayarusin, nee panguranganawa. &#191;Shinashtaja nee tuchpanand zar panguchish? t&#225;ranganaya. T&#225;yarusin, kasaranganaya. 21Itaru, Isus Apanllee pang' nda, t&#225;rangiya; waanaatsi wanuts, t&#225;rangiya, watam Apanllee ta&#225;rash, t&#225;ranguwa. 22Iysha natumasana mamarparangitamaniya. Itaru, zapishsha Isusoo pacharamchusin, zar tuchpash yusur t&#225;meeru, mangeetsini p'tseeranguni, Isusoo kuk izuurisha mangoonarangshiniya. Apanlleetstam kuk yandama mangoonarangtamaniya.</div><div class="p"> 23Ashirucha, anush shambatshish tputs zapan shaniyarsin, Isussha wizpuririnee y&#225;mandarangu, tputssha anoo parangusin, mangoonamana mangoonaranganaya. 24Itaru, Isussha tputsimun mang' nda taturangiya; waanaatsi nda kanasarangiya. Isus tputsee mang' ichinguru yasarangiya. 25Nduntaa tputs kamanku, itaru Isus tputsee mang' natstarangiya. Kizpur yasarangiya.</div><div class="p">Ashiri yuwaa Isus Apanllish pang' tputsee nambarangu anoo kamaneena.</div>
 </div>
 </div>
</div>

Kanágash kuseeramchuni, anush tsimbun maayaruni, zar tuchpashu tputs kizaa izuuru yamapi átu tputsee zapan yambirangiya. Ashiriya, an tputs Isusoo wanir kuruzurangu, Isusootstam yambirangiya; iyaatstam, Isusootsini wipunasheetsini yambirangitamta. Tputsee zapan yambirangu, vinoo kawatsirangiya. Kawatskachu, Isussha wanir wipaa kamanku, Isusoo, vin kawatseenllpa; tárangiya. Isussha: Ataa, ¿mayaamsha nuwaa átsha? Wand pishtakiya nuwaanaatsi yámandamaama. Nuw zari nda tatsamooriya, tárangiya. Itaru, wanirsha kizaptatin tsiyatkusin, Ipari siyaa kamachtakchu, waa kuk payungtsa; ngatintspa; táyaru kasarangiya. Anush murits minam matayaru taarangiya. Anoo uru iy Utaáshuchini kungupat maacheetsi yaramaam payutarini. Patumbchee kachuteeruni, muritsaam kapungu tintarini; zameetpaparee arat, tatsitamaam waritarangiya minamtashu. Ashiri Isussha muchchuree: Kung tipayarus, muritsush minam matayaru tatsiteerus ksangints; tárangiya. Ayu táyarusin, tatsitaranganaya. Ashirucha, tputs kungoo ashpiri tatsiteersin, Isussha: Na, tipayarus, ksutamapaneem yásingints; tárangiya. Ayu táyarusin, tipayarusin, ksutamapaneem yásiranganaya. Ksutamapansha nda kungoo kácharangiya. Itaru, vinoo kácharangiya. Nda kungoo yasarangu, mapiyrangiya. Itaru, m'chachushtisin yasarangana. Uwsha ksutamapansha vinoo kis wayaru, kizpur wanasirimash kácharangiya. Punirustayaru, tputspa tsiyatarangiya yuw kizaa yamapi, tárangu anpata. ¿Tamaru shiy ashiksha? yungpaktishcha shiya, tárangu. Tputs uru wanasirimsheetsima yáskana. Sheersin, tputssha tazazaramchusin, yuttamsha yáskana. Itaru, shiy nda ashiksha. Shiysha zapish wanasirimshee yásiksha, punirustaku, tárangiya kizaa yamaku anootsi.
An watach Isus kizpur ashimaam chtarangiya. Ashirangu anumun tputssha Isusoo wizpurini natstarangana. Anumuntamani iy Isus wipunashini, Apanllparee Wipaya. ¿Tamarima ashka? atuni, Isusoo pakich mangoonarangani.
Ashiriya, shambatshish iwapayaru, Isuspasha yaktap Kapárnáwap naatarangani. Kuseeramchuni, anush pakich taarangani. Isuspat, Isuspat wanir, zoonllpat, iyaptatam Isus wipunashini, aship anush taarangani.
Ashiri yuwaa Isus kizpur ashirangu anoo kamaneena.


Isus kungoo vinoom tinarangu anumunsha Irusarinap naatarangiya. Iy wipunashini naparangtamaniya. Isus iyaa Utaáshucheetsini shambatshishini yuwaa Ijiptoo tsap shitungarangana anoo zar itupshingamaam naataranginiya.
Ashiriya, Isus Apanllish pang' pshtuyaramchu, napku, anushsha maachi zapan mirkatush tamapari ashiru paxanxanxtangat ashiranganaya. Anush wakara taaru, misha opeej taaru, misha makookoo chinuz taaru, misha kurikpan tputs misanung kuxinataranll ashirangana. Itaru, Isussha anoo pakeeru, kizpur tsiyantayaru, sukaa pzkoosheem tinayaru, anpa pzkoombarangiya. Wakaraatstam, opeejaatstam, maachee ichinguru tashitungarangiya. Maacheetsi pzkoota, misaatssha kata shitar ashirangiya. Kurikeetssha psinangata shitar ashirangiya. ¡Maya! ichinguru tashitungarangiya. Makookoo paxanxamapaneetssha: Maachee ichinguru yáyarus naangints; shtungangints. ¿Mayaamsha Aparshi pang' paxanxshisheem ínaksa? táyaru, tputsee tashitungarangiya. Anoo pakeeruni, Isus Waparee kuk uru payukcha, tárangini, watam Apanll wirkar anootstam sirú wasina kamaniranguwa. Apanll kuk ateeja waanaatsi wipa;
Pangimandaritish wamin tsiyanis nuwaa kasichiya,
tárangiya Apanlli. Ashirupa Isus anuritam tuminurangiya.
Ashirucha, Utaáshuchsha urkari: Isusoo, ¿chak shiyaa kamachtaranganlla? tárangasha. Apanllee wizpuriri iyaam yámandanda. Ashkachush shiyaa watsta tácheezini, ndambari, tárangana kuraka. Isussha kukoo kamapshiru nllitaritaa tsiyatarangu, Nee, Apanllee taárashi saana siy kapeetkachus, nuwaanasha tuchip zari yusur tuchiyzachina, tárangu, kuraksha: ¿Tamaree shiy ashchish? Masach 45 tarawaztayarusin, nee panguranganawa. ¿Shinashtaja nee tuchpanand zar panguchish? táranganaya. Táyarusin, kasaranganaya. Itaru, Isus Apanllee pang' nda, tárangiya; waanaatsi wanuts, tárangiya, watam Apanllee taárash, táranguwa. Iysha natumasana mamarparangitamaniya. Itaru, zapishsha Isusoo pacharamchusin, zar tuchpash yusur támeeru, mangeetsini p'tseeranguni, Isusoo kuk izuurisha mangoonarangshiniya. Apanlleetstam kuk yandama mangoonarangtamaniya.
Ashirucha, anush shambatshish tputs zapan shaniyarsin, Isussha wizpuririnee yámandarangu, tputssha anoo parangusin, mangoonamana mangoonaranganaya. Itaru, Isussha tputsimun mang' nda taturangiya; waanaatsi nda kanasarangiya. Isus tputsee mang' ichinguru yasarangiya. Nduntaa tputs kamanku, itaru Isus tputsee mang' natstarangiya. Kizpur yasarangiya.
Ashiri yuwaa Isus Apanllish pang' tputsee nambarangu anoo kamaneena.

Слухаць Wangarini 2