Lumasaaba - 2008 BSU (NT) Drama

<div class="version vid2183 iso6393myx" data-vid="2183" data-iso6393="myx">
 <div class="book bkJHN">
 <div class="chapter ch8" data-usfm="JHN.8">
 <div class="label">8</div><div class="s1">Umukhasi isi bawaamba nga ayeyana</div><div class="p"> 1Nga buli mutweela welileyo ingo weewe, Yesu waatsya khu lukiingi lululaangibwa Zeyituni. 2Khu shifukhu shisheelakho nga antsye ashiili mamilimili, Yesu welayo mu Lisaayilo Likhulu. Babaandu boosi beetsa is'ali, naye wekhala aasi warakikha khu baleekela. 3Baaroni be Kamakaambila ka Musa atweela ni Bafarisaayo beetsa nga bareera umukhasi, isi bawaamba nga akhola bye buyeyani. Baamwiimisa akari mu baandu, 4kila bareeba Yesu bari, &#8220;Umuleekeli, umukhasi yuno bamuwaambiile khu bweene nga alikho akhola bye buyeyani. 5#Lev 20.10; Maka 22.22-24Khuulondekhana ni kamakaambila keefwe, Musa akhulakila ari bakhasi nga bano bari khwakha khubakhupa kamabaale baafwa. Ne iwe shino ushilomakho uri shiina?&#8221; 6Baaloma shino nga bakhakilisa Yesu busa, bari nio baamisilekho ilomo iye khuumuwabila isi baawuli. Ne Yesu wenama aasi waarona ni lulwaala lweewe. 7Ne ni beloosela khuumutsuntsumilisa, waakangamukha waabaloma ari, &#8220;Khayo uyo yeesi khus'inywe ukhaakholatsakakho shishonako ta, abe niye umukiboole khumukhupa libaale.&#8221; 8Yesu wenama luundi, waarona khwiloba ni lulwaala lweewe. 9Babaandu ni bawulila shino, barakikha khumolokha busa mbola sha mutweela tweela, khurakikha ni babafuura bukhulu. Khukhwoolisa Yesu n'aarama yenyene n'umukhasi nga ashimikha ibweeni weewe. 10Kila Yesu akaangamukha, waareeba umukhasi ari, &#8220;Batsana bali eena? Mbaawo ukhukhaliile kumusaango ta?&#8221;</div><div class="p"> 11Umukhasi welamo ari, &#8220;Umukasya, imbaawo ta.&#8221;</div><div class="p">Yesu waamuloma ari, &#8220;Ni nase s'ikhukhalila kumusaango ta. N'utsye, ne ukheelakho wonaka luundi ta.&#8221;</div><div class="s1">Yesu niye buwaanga bwe shiibala</div><div class="p"> 12 # 
 Mat 5.14; Yok 9.5 Lwanyuma Yesu waalomela babaandu ari, &#8220;Ise niye buwaanga bwe shiibala. Umuundu yeesi uwunondelela ise, aliba ni buwaanga bubureera buulamu, naluundi s'alikyendela mu shiilima ta.&#8221;</div><div class="p"> 13 # 
 Yok 5.31
 Bafarisaayo bamulomela bari, &#8220;Ari ulikho wiruuya wamweene khu bwoowo. Byeesi uloma si bili bya &#331;ali ta.&#8221;</div><div class="p"> 14Yesu waabeelamo ari, &#8220;Abe nakhaba nga nikanikha khu samweene, byeesi inoma bili bya &#331;ali. Khulwekhuuba samweene namanya esi naama, naluundi esi indikho ntsya. Ne inywe simwamanya esi naama namwe esi indikho intsya taawe. 15Inywe mukhala kumusaango khulondekhana ni intsibirisa iye babaandu. Ne ise s'ikhalila umuundu yeesi kumusaango ta. 16Ne akhaba nga nakhalile kumusaango, khukhalawo khwase khuba khwa &#331;ali, khulwekhuuba ise s'ikhalawo senyene ta, imba ndi ni Paapa uwandumana ise. 17#Maka 19.15Ni mu makaambila keenywe sharonebwa shiri nga bujulisi bwe babaandu babili bwawaambakaane, shokesana shiri byeesi bakanikha bili bya &#331;ali. 18Ise samweene nikanikhakho, ni Paapa uyo uwanduma naye akanikha bibimaambakho.&#8221;</div><div class="p"> 19Kila bamureeba bari, &#8220;Paapa woowo ali waheena?&#8221;</div><div class="p">Yesu wabeelamo ari, &#8220;Inywe simwayiimanya ise ta. Ni Paapa wase naye simwamumanya ta. Muba nga mumwamanya ise, khali ni Paapa naye mwamumanya.&#8221;</div><div class="p"> 20Bilomo bino Yesu abilomela ambi n'isanduukhu iye libikhilo lye Lisaayilo Likhulu, nga alikho aleekela babaandu. Ne s'abawo na mutweela uwakana khumuwaamba ari bamubowe ta, khulwekhuuba abe isaawa yeewe ishiili khukhwoola ta.</div><div class="s">Isi indikho intsya, simunyala mwetsayo ta</div><div class="p"> 21Lwanyuma Yesu waabaloma luundi ari, &#8220;Ise ikhaatsye. Mulimeentsa ne simulinyoola taawe. Mukhaafiile mu byoonako byeenywe. Isi ise ndi khuutsya, inywe simunyala mweetsayo ta.&#8221;</div><div class="p"> 22Kila Bayudaaya bereeba bari, &#8220;Shiina kila aloma ari, &#8216;Isi ise ndi khuutsya, inywe simunyala mwetsayo ta?&#8217; Ali khuutsya khukhwiyira namwe, amanyisa shiina?&#8221;</div><div class="p"> 23Wabeelamo ari, &#8220;Inywe muli khu shiibala aasi, ne ise naama mu ngaaki. Inywe muli be mu shiibala muno, ne ise s'indi uwe mu shiibala muno ta. 24Shino shishikilile nabalomela ndi mulifwiila mu byoonako byeenywe. Mu&#331;ali mulifwiila mu byoonako byeenywe, akhali nga mwafukiiliile muri, &#8216;Ise niye uli nga n'indi.&#8217; &#8221; 25Baamureeba bari, &#8220;Ne iwe naanu?&#8221;</div><div class="p">Naye Yesu waabeelamo ari, &#8220;Ise ndi nga ni mbalomeele khukhwaama makiboole. 26Ise ndi ni bibiindu bikali bye khubakanikhakho, naluundi ndi ni bikali bibikila nabakhalila kumusaango. Ne shonyene ndi uwandumana ise, umweene ali uwe bwa &#331;ali. Ni nase imboolela babaandu be mu shiibala ibyo byeesi nawulila khukhwaama khu niye.&#8221;</div><div class="p"> 27Ne babaandu sibaamanya bari Yesu aba alikho akanikha khu bya Paapa weewe ta.</div><div class="p"> 28Yesu waababoolela ari, &#8220;Ni mulimala khusuunga Umwaana w'Omuundu, abweene awo mulimanya muri ise niye umweene uyo. Naluundi mulishimanya muri imbaawo sheesi ikhola mu bunyala bwase ta. Ne akhali inoma ibyo byeesi Paapa andekeela khuloma. 29Uyo uwandumana ise ali ni nase. Shiwayindekha senyene ta, khulwekhuuba buli busheele ise ikhola bibimwikhoyesa niye.&#8221;</div><div class="p"> 30Babaandu bakali babawulila Yesu nga aloma bibiindu bino, bamufukiililamo.</div><div class="s1">Bwa&#331;ali bulibakangulula khuuba be lukoosi</div><div class="p"> 31Abweene awo Yesu waalomela Bayudaaya babamufukiililamo ari, &#8220;Singa mulondelela khuleekela khwase, ilala kane mube baleekelwa baase, 32ni nanywe mulimanya bwa &#331;ali. Ni bwa &#331;ali ubwo bulibakangulula inywe mube bakangulule.&#8221;</div><div class="p"> 33 # 
 Mat 3.9; Luka 3.8 Bamukobolamo bari, &#8220;Ifwe khuli babetsukhulu ba Iburayimu. Sikhwabatsakakho bakulwa b'omuundu yeesi ta. Ari ukhulomela uryeena uri khuliba baakangulule khukhwaama mu bubowe?&#8221;</div><div class="p"> 34Yesu wabeelamo ari, &#8220;Ilala, imbaboolela mu&#331;ali ndi, buli muundu yeesi ukhola shishonako, aba umukulwa uwe shishonako. 35Umukulwa s'amenya muungo biilo ni biilo ta. Ne umwaana uwe mu ntsu amenya muungo biilo ni biilo. 36Ne nashiryo, noola umwaana abakangulula inywe khuuba balekhuule, mulibeela ilala bakangulule. 37Namanyile nga muli babetsukhulu ba Iburayimu, ne muweentsa khukhuntsira ise, khulwekhuuba simufukiilisa byeesi ise indeekela ta. 38Ise inganikha khu byeesi Paapa wase amala khukhuntsokesanisa. Ne inywe mukhola byeesi paapa wenywe amala khubaboolela.&#8221;</div><div class="p"> 39Bamukobolamo bari, &#8220;Iburayimu niye paapa weefwe.&#8221;</div><div class="p">Yesu naye wabeelamo ari, &#8220;Muba mumuuli babaana ba Iburayimu, khali mukhola buraambi nibwo butweela nga bweesi Iburayimu akhola. 40Ne nga ni shibonekha, muweentsa khukhuntsira ise, ate ise ndi umuundu ubaboolela bya &#331;ali byeesi nawulila khukhwaama isi Wele. Iburayimu s'akholakho shishiindu nga inywe sheesi mukhola shino ta. 41Inywe mulikho mukhola sheesi paapa wenywe amala khukhola.&#8221;</div><div class="p">Balomela Yesu bari, &#8220;Ifwe sikhwasaalikha khukhwaama mu buyeyani ta. Wele umweene niye Paapa weefwe.&#8221;</div><div class="p"> 42Yesu wabakobolamo ari, &#8220;Iba nga Wele niye Paapa wenywe umweene, khali mungana ise. Khulwekhuuba ise naama isi Wele, bona ari indi ano. Ise shineetsa khulwe bunyala bubwase samweene ta, ne khurusakho ndi Wele andumana. 43Khulwa shiina kila mukharekeeresa mwamanya byeesi ise inoma? Shishireera shino shiri ndi simunyala mwekhalilikha mwarekeeresa buurume bwase ta. 44Inywe muli babaana ba Sitaani! Uyo niye paapa wenywe, naluundi mukana khuumenya khulondekhana ni sheesi paapa wenywe akana. Khukhwaama makiboole, paapa wenywe ali umwiiri, naluundi s'akana bwa &#331;ali ta. Khulwekhuuba paapa wenywe s'alimo bwa &#331;ali ta. N'aloma bye bubeeyi aba wakholile shishiindu shishiili shiisaalikhana isi niye. Khulwekhuuba niye ali umubeeyi, naluundi ali paapawe uwe bubeeyi. 45Shishikila mwalekha khukhufukiilila ise, bari khulwekhuuba ise inganikha bya &#331;ali. 46Naanu khus'inywe unyala wantsuntsumilisa ise ari indi ni shishonako? Ne noola inoma bya &#331;ali, khulwashiina mukhabifukiilila? 47Umuundu uwama isi Wele arekeeresa bilomo bya Wele. Ne ilomo ikila inywe mwalekha khurekeeresa ta, ili ndi simuli ba Wele ta.&#8221;</div><div class="s1">Yesu ni Iburayimu</div><div class="p"> 48Bayudaaya baloma bari, &#8220;Ifwe sikhubeele batuufu khuloma khuri uli Umusamariya, naluundi ulikho shisaambwa?&#8221;</div><div class="p"> 49Yesu wabeelamo ari, &#8220;Ise s'indikho shisaambwa ta. Ise niisamo Paapa wase shiriifwa. Ne inywe muumbirisamo ise tsimoni. 50Ise s'imeentsa shiriifwa shishase ta. Ne iliwo ushiweentsa, naluundi niye ukhala kimisaango. 51Ilala, ilala imbaboolela ndi, umuundu yeesi uwaamba shilomo shase, s'alifwa ta.&#8221;</div><div class="p"> 52Kila Bayudaaya baloma bari, &#8220;Ari khwashihandalasile nga ulikho shisaambwa! Iburayimu wafwa, ni ba&#331;oosi nabo baafwa, ne iwe ari uloma uri umuundu yeesi uwaamba shilomo shoowo s'alifwa ta? 53Kuuka weefwe Iburayimu wafwa. Wambaasa uri iwe umufuura niye? Ni ba&#331;oosi nabo baafwa. Iwe wilaanga khuuba naanu?&#8221;</div><div class="p"> 54Yesu waaloma ari, &#8220;Iba nga bari nifumisa samweene, khukhwifumisa khwase khali khwandibeele khwa busa; ne Paapa wase niye uwufumisa ise. Niye mutweela isi inywe muloma muri ali Wele weenywe. 55Inywe simwamumanya ta, ne ise namumanya. Imba nga ulomile ndi sinamumanya ta, khali nase imbeele umubeeyi, nga inywe ni muli babeeyi. Ne ise namumanya naluundi intsiililila khu byeesi aloma. 56Kuuka wenywe Iburayimu ekhoya khubona ari abona bifukhu bye khukhwiitsa khwase. Ilala abibona, naluundi wekhoya.&#8221;</div><div class="p"> 57Bayudaaya bamuloma bari, &#8220;Iwe ushiili khwoolesa ni kimiiko kye bukhulu kamakhumi karaano ta, unyala uryeena waloma uri waabona khu Iburayimu?&#8221;</div><div class="p"> 58Yesu wiloosela ari, &#8220;Ilala, ilala imbaboolela ndi, Iburayimu nga ashiili khusaalikha ta, ise nga indiwo.&#8221;</div><div class="p"> 59Ni abweene awo babukula kamabaale bari bamukhupe, ne Yesu webisa, waarura mu Lisaayilo Likhulu, waatsya.</div>
 </div>
 </div>
</div>

The Bible in Lumasaaba © Bible Society of Uganda, 2016. 

Nga buli mutweela welileyo ingo weewe, Yesu waatsya khu lukiingi lululaangibwa Zeyituni. Khu shifukhu shisheelakho nga antsye ashiili mamilimili, Yesu welayo mu Lisaayilo Likhulu. Babaandu boosi beetsa is'ali, naye wekhala aasi warakikha khu baleekela. Baaroni be Kamakaambila ka Musa atweela ni Bafarisaayo beetsa nga bareera umukhasi, isi bawaamba nga akhola bye buyeyani. Baamwiimisa akari mu baandu, kila bareeba Yesu bari, “Umuleekeli, umukhasi yuno bamuwaambiile khu bweene nga alikho akhola bye buyeyani. Khuulondekhana ni kamakaambila keefwe, Musa akhulakila ari bakhasi nga bano bari khwakha khubakhupa kamabaale baafwa. Ne iwe shino ushilomakho uri shiina?” Baaloma shino nga bakhakilisa Yesu busa, bari nio baamisilekho ilomo iye khuumuwabila isi baawuli. Ne Yesu wenama aasi waarona ni lulwaala lweewe. Ne ni beloosela khuumutsuntsumilisa, waakangamukha waabaloma ari, “Khayo uyo yeesi khus'inywe ukhaakholatsakakho shishonako ta, abe niye umukiboole khumukhupa libaale.” Yesu wenama luundi, waarona khwiloba ni lulwaala lweewe. Babaandu ni bawulila shino, barakikha khumolokha busa mbola sha mutweela tweela, khurakikha ni babafuura bukhulu. Khukhwoolisa Yesu n'aarama yenyene n'umukhasi nga ashimikha ibweeni weewe. Kila Yesu akaangamukha, waareeba umukhasi ari, “Batsana bali eena? Mbaawo ukhukhaliile kumusaango ta?”
Umukhasi welamo ari, “Umukasya, imbaawo ta.”
Yesu waamuloma ari, “Ni nase s'ikhukhalila kumusaango ta. N'utsye, ne ukheelakho wonaka luundi ta.”

Lwanyuma Yesu waalomela babaandu ari, “Ise niye buwaanga bwe shiibala. Umuundu yeesi uwunondelela ise, aliba ni buwaanga bubureera buulamu, naluundi s'alikyendela mu shiilima ta.”
Bafarisaayo bamulomela bari, “Ari ulikho wiruuya wamweene khu bwoowo. Byeesi uloma si bili bya ŋali ta.”
Yesu waabeelamo ari, “Abe nakhaba nga nikanikha khu samweene, byeesi inoma bili bya ŋali. Khulwekhuuba samweene namanya esi naama, naluundi esi indikho ntsya. Ne inywe simwamanya esi naama namwe esi indikho intsya taawe. Inywe mukhala kumusaango khulondekhana ni intsibirisa iye babaandu. Ne ise s'ikhalila umuundu yeesi kumusaango ta. Ne akhaba nga nakhalile kumusaango, khukhalawo khwase khuba khwa ŋali, khulwekhuuba ise s'ikhalawo senyene ta, imba ndi ni Paapa uwandumana ise. Ni mu makaambila keenywe sharonebwa shiri nga bujulisi bwe babaandu babili bwawaambakaane, shokesana shiri byeesi bakanikha bili bya ŋali. Ise samweene nikanikhakho, ni Paapa uyo uwanduma naye akanikha bibimaambakho.”
Kila bamureeba bari, “Paapa woowo ali waheena?”
Yesu wabeelamo ari, “Inywe simwayiimanya ise ta. Ni Paapa wase naye simwamumanya ta. Muba nga mumwamanya ise, khali ni Paapa naye mwamumanya.”
Bilomo bino Yesu abilomela ambi n'isanduukhu iye libikhilo lye Lisaayilo Likhulu, nga alikho aleekela babaandu. Ne s'abawo na mutweela uwakana khumuwaamba ari bamubowe ta, khulwekhuuba abe isaawa yeewe ishiili khukhwoola ta.

Lwanyuma Yesu waabaloma luundi ari, “Ise ikhaatsye. Mulimeentsa ne simulinyoola taawe. Mukhaafiile mu byoonako byeenywe. Isi ise ndi khuutsya, inywe simunyala mweetsayo ta.”
Kila Bayudaaya bereeba bari, “Shiina kila aloma ari, ‘Isi ise ndi khuutsya, inywe simunyala mwetsayo ta?’ Ali khuutsya khukhwiyira namwe, amanyisa shiina?”
Wabeelamo ari, “Inywe muli khu shiibala aasi, ne ise naama mu ngaaki. Inywe muli be mu shiibala muno, ne ise s'indi uwe mu shiibala muno ta. Shino shishikilile nabalomela ndi mulifwiila mu byoonako byeenywe. Muŋali mulifwiila mu byoonako byeenywe, akhali nga mwafukiiliile muri, ‘Ise niye uli nga n'indi.’ ” Baamureeba bari, “Ne iwe naanu?”
Naye Yesu waabeelamo ari, “Ise ndi nga ni mbalomeele khukhwaama makiboole. Ise ndi ni bibiindu bikali bye khubakanikhakho, naluundi ndi ni bikali bibikila nabakhalila kumusaango. Ne shonyene ndi uwandumana ise, umweene ali uwe bwa ŋali. Ni nase imboolela babaandu be mu shiibala ibyo byeesi nawulila khukhwaama khu niye.”
Ne babaandu sibaamanya bari Yesu aba alikho akanikha khu bya Paapa weewe ta.
Yesu waababoolela ari, “Ni mulimala khusuunga Umwaana w'Omuundu, abweene awo mulimanya muri ise niye umweene uyo. Naluundi mulishimanya muri imbaawo sheesi ikhola mu bunyala bwase ta. Ne akhali inoma ibyo byeesi Paapa andekeela khuloma. Uyo uwandumana ise ali ni nase. Shiwayindekha senyene ta, khulwekhuuba buli busheele ise ikhola bibimwikhoyesa niye.”
Babaandu bakali babawulila Yesu nga aloma bibiindu bino, bamufukiililamo.

Abweene awo Yesu waalomela Bayudaaya babamufukiililamo ari, “Singa mulondelela khuleekela khwase, ilala kane mube baleekelwa baase, ni nanywe mulimanya bwa ŋali. Ni bwa ŋali ubwo bulibakangulula inywe mube bakangulule.”
Bamukobolamo bari, “Ifwe khuli babetsukhulu ba Iburayimu. Sikhwabatsakakho bakulwa b'omuundu yeesi ta. Ari ukhulomela uryeena uri khuliba baakangulule khukhwaama mu bubowe?”
Yesu wabeelamo ari, “Ilala, imbaboolela muŋali ndi, buli muundu yeesi ukhola shishonako, aba umukulwa uwe shishonako. Umukulwa s'amenya muungo biilo ni biilo ta. Ne umwaana uwe mu ntsu amenya muungo biilo ni biilo. Ne nashiryo, noola umwaana abakangulula inywe khuuba balekhuule, mulibeela ilala bakangulule. Namanyile nga muli babetsukhulu ba Iburayimu, ne muweentsa khukhuntsira ise, khulwekhuuba simufukiilisa byeesi ise indeekela ta. Ise inganikha khu byeesi Paapa wase amala khukhuntsokesanisa. Ne inywe mukhola byeesi paapa wenywe amala khubaboolela.”
Bamukobolamo bari, “Iburayimu niye paapa weefwe.”
Yesu naye wabeelamo ari, “Muba mumuuli babaana ba Iburayimu, khali mukhola buraambi nibwo butweela nga bweesi Iburayimu akhola. Ne nga ni shibonekha, muweentsa khukhuntsira ise, ate ise ndi umuundu ubaboolela bya ŋali byeesi nawulila khukhwaama isi Wele. Iburayimu s'akholakho shishiindu nga inywe sheesi mukhola shino ta. Inywe mulikho mukhola sheesi paapa wenywe amala khukhola.”
Balomela Yesu bari, “Ifwe sikhwasaalikha khukhwaama mu buyeyani ta. Wele umweene niye Paapa weefwe.”
Yesu wabakobolamo ari, “Iba nga Wele niye Paapa wenywe umweene, khali mungana ise. Khulwekhuuba ise naama isi Wele, bona ari indi ano. Ise shineetsa khulwe bunyala bubwase samweene ta, ne khurusakho ndi Wele andumana. Khulwa shiina kila mukharekeeresa mwamanya byeesi ise inoma? Shishireera shino shiri ndi simunyala mwekhalilikha mwarekeeresa buurume bwase ta. Inywe muli babaana ba Sitaani! Uyo niye paapa wenywe, naluundi mukana khuumenya khulondekhana ni sheesi paapa wenywe akana. Khukhwaama makiboole, paapa wenywe ali umwiiri, naluundi s'akana bwa ŋali ta. Khulwekhuuba paapa wenywe s'alimo bwa ŋali ta. N'aloma bye bubeeyi aba wakholile shishiindu shishiili shiisaalikhana isi niye. Khulwekhuuba niye ali umubeeyi, naluundi ali paapawe uwe bubeeyi. Shishikila mwalekha khukhufukiilila ise, bari khulwekhuuba ise inganikha bya ŋali. Naanu khus'inywe unyala wantsuntsumilisa ise ari indi ni shishonako? Ne noola inoma bya ŋali, khulwashiina mukhabifukiilila? Umuundu uwama isi Wele arekeeresa bilomo bya Wele. Ne ilomo ikila inywe mwalekha khurekeeresa ta, ili ndi simuli ba Wele ta.”

Bayudaaya baloma bari, “Ifwe sikhubeele batuufu khuloma khuri uli Umusamariya, naluundi ulikho shisaambwa?”
Yesu wabeelamo ari, “Ise s'indikho shisaambwa ta. Ise niisamo Paapa wase shiriifwa. Ne inywe muumbirisamo ise tsimoni. Ise s'imeentsa shiriifwa shishase ta. Ne iliwo ushiweentsa, naluundi niye ukhala kimisaango. Ilala, ilala imbaboolela ndi, umuundu yeesi uwaamba shilomo shase, s'alifwa ta.”
Kila Bayudaaya baloma bari, “Ari khwashihandalasile nga ulikho shisaambwa! Iburayimu wafwa, ni baŋoosi nabo baafwa, ne iwe ari uloma uri umuundu yeesi uwaamba shilomo shoowo s'alifwa ta? Kuuka weefwe Iburayimu wafwa. Wambaasa uri iwe umufuura niye? Ni baŋoosi nabo baafwa. Iwe wilaanga khuuba naanu?”
Yesu waaloma ari, “Iba nga bari nifumisa samweene, khukhwifumisa khwase khali khwandibeele khwa busa; ne Paapa wase niye uwufumisa ise. Niye mutweela isi inywe muloma muri ali Wele weenywe. Inywe simwamumanya ta, ne ise namumanya. Imba nga ulomile ndi sinamumanya ta, khali nase imbeele umubeeyi, nga inywe ni muli babeeyi. Ne ise namumanya naluundi intsiililila khu byeesi aloma. Kuuka wenywe Iburayimu ekhoya khubona ari abona bifukhu bye khukhwiitsa khwase. Ilala abibona, naluundi wekhoya.”
Bayudaaya bamuloma bari, “Iwe ushiili khwoolesa ni kimiiko kye bukhulu kamakhumi karaano ta, unyala uryeena waloma uri waabona khu Iburayimu?”
Yesu wiloosela ari, “Ilala, ilala imbaboolela ndi, Iburayimu nga ashiili khusaalikha ta, ise nga indiwo.”
Ni abweene awo babukula kamabaale bari bamukhupe, ne Yesu webisa, waarura mu Lisaayilo Likhulu, waatsya.

Слухаць Yokana 8