<div class="version vid2186 iso6393adh" data-vid="2186" data-iso6393="adh">
 <div class="book bkACT">
 <div class="chapter ch2" data-usfm="ACT.2">
 <div class="label">2</div><div class="s">Bino pa Cuny Male&#331;</div><div class="p"> 1 # 
 Jolevi 23:15-21; Cik 16:9-11 Munyo ndelo ma Pentekost otundo, jom'oyeyo jocokere kanyacel i ot. 2Gikenyo derino owok i polo m'ocalo koyo ma kudho, to po&#331;o ot gipi m'onwa&#331;o jontie iye. 3Aka joneno gima cale lew mac m'otiakere; dhano je lew mac no ogeyo. 4Cuny Male&#331; opo&#331; kwo&#331; jo to jocako luwo dhodhok m'opokere, paka Cuny Male&#331; omiyo jo luwo.</div><div class="p"> 5I Yerusalem onwa&#331;o nitie Joyuda ma jomaro Were ma jowok i thenge je ma piny. 6Munyo jowinjo derino no, lwak ji jocokere kanyacel; joje jouro, rupiri kisi dhano owinjo joluwo dhodhok pere won. 7I dhier kodi i uro jopenjo ni, &#8220;Ji ma joluwo ni je ki Jogalili? 8To nedi ma kisi dhano je kwo&#331; wan winjo joluwo dhodhok mawan won? 9Jomegi kwo&#331; wan jowok Pathia, Mediya kodi Elam; Mesopotamia, Yuda kodi Kapadosia; Ponto kodi Asia, 10Firigiya gi Pamfilia, Misir kodi adec ma Libia cegin gi Sireno; jomegi kwo&#331; wan jowok Roma; 11Joyuda kodi joma bu Were ma jowire i dini pa Joyuda, jomegi kwo&#331; wan jowok Kirete kodi piny pa Jowarabu ma wajoje wawinjo joluwo dhodhok mawan kwo&#331; gigipiny madongo ma Were otimo.&#8221; 12I dhier madwo&#331; gi uro, jomena penjirok wegi kendi gin ni, &#8220;Gime dwo&#331; mere a&#331;o?&#8221; 13To joman jonyero jom'oyeyo, munyo jowaco ni, &#8220;Ji me jomer ayin!&#8221;</div><div class="s">Luwo pa Petero</div><div class="p"> 14Petero ocungo gi jomoor apar g'acel to luwo ri lwak ji gi derino madwo&#331; ama: Ji ma Yuda jowotan gi wijoje ma wibedo Yerusalem, cik win ithi win awaci riwin thenethene ma gime. 15Jome jok'omer gi vini paka wiparo; pama nyaka sawa adek won m'odikin. 16Kucel, me a gima jatuci wac Were Yowel cango oluwo kwo&#331;e.</div><div class="q1"> 17 # 
 Yowel 3:1-5
 Were waco ni, me a gima bino timere i ndelo macowe:</div><div class="q1">Abino konjo Cuny paran kwo&#331; ji je;</div><div class="q1">wot win gi nyigi win jobino tuco wac Were,</div><div class="q1">nyithindho mewin mayac ma soye jobino limo menyirok,</div><div class="q1">aka jom'oti i dier win jobino leko lek.</div><div class="q1"> 18Ey, kwo&#331; &#331;ecin paran, cwo gi mon, kodi &#331;ecin</div><div class="q1">abino konjo Cuny paran i ndelo no,</div><div class="q1">aka jobino tuco wac paran.</div><div class="q1"> 19Abino timo gir'aura i hongo malo</div><div class="q1">kodi ranyuth m'omore i piny,</div><div class="q1">remo kodi mac kodi yiro m'otwere bino bedo;</div><div class="q1"> 20Wa&#331;ce&#331; bino lokere macol</div><div class="q1">aka dwe bino bokere pa remo,</div><div class="q1">mafodi ndelo pa Rwoth madwo&#331; m'oasere k'otundo.</div><div class="q1"> 21Aka bino bedo ni nyatoro je m'olwo&#331; nyingi Rwoth bino both.</div><div class="p"> 22Win Joisiraili, ciki win ithi win wiwinji gime: Yesu Janazareth onwa&#331;o obedo dhano ma Were oyero ni wotim gir'aura, kodi gidhier kodi ranyuth m'omore i dier win; aka wiwegi wi&#331;eyo gime, rupiri otimere bongi win won ka. 23#Mat 27:35; Mar 15:24; Luk 23:33; Yoh 19:18Were, i mito pere gi rieko pere, onwa&#331;o otieko yiko con nike bino ketho Yesu me i cingi win; am'omiyo wineko go munyo wiketho ji mareco to joguro go kwo&#331; musalaba. 24#Mat 28:5,6; Mar 16:6; Luk 24:5To Were ocerino go kwo&#331; jom'otho; okwanyo go woko i litho ma tho, rupiri onwa&#331;o kinyalere nike tho wotwey go. 25#Zab 16:8-11Kole Daudi cango oluwo kwo&#331;e ama:</div><div class="q1">Aneno Rwoth i wa&#331;an hongo je,</div><div class="q1">rupiri go nitie yuracuc paran &#331;ey akir'ayengere.</div><div class="q1"> 26Am'omiyo cunyan osangala,</div><div class="q1">aka kisangala opo&#331; i wac paran.</div><div class="q1">Aka delkwo&#331;an bende bino bedo gi geno madwo&#331;.</div><div class="q1"> 27Rupiri ikibino weyo cunyan i piny pa jom'otho.</div><div class="q1">Odoko ikibino weyo Male&#331; perin wotopi woko.</div><div class="q1"> 28Itieko nyuthan royo ma kwo,</div><div class="q1">aka bedo perin kabutan bino po&#331;o kisangala i cunyan.</div><div class="p"> 29Wutmera, weyi awaci riwin kamaler kwo&#331; kwari wan Daudi, m'otho t'iyiko, aka kaliel pere fodi nigi wan kiri konon me. 30#Zab 132:11; 2 Sam 7:12-13Go oyido obedo jatuci wac Were, aka o&#331;eyo cikirok ma Were otimo gine: Were okwo&#331;ere nike bino ketho nyakwar Daudi acel wolunji kom ma dhum pere. 31Daudi oneno gima Were oyido kidho timo, am'omiyo oluwo kwo&#331; cerino pa Kristo munyo waco ni,</div><div class="q1">K'owey go i piny pa jom'otho,</div><div class="q1">aka delkwo&#331;e k'otopi.</div><div class="p"> 32Were ocerino Yesu me kwo&#331; jom'otho; aka wajoje wabedo jokony i wac me. 33Otiek ti&#331;o go malo yuracuc pa Were aka onyo walimo bonge Cuny Male&#331; paka Bamere ociko; aka gim'onyo pama wineno aka odoko wiwinjo me, obedo mic pere ma go okonjo kwo&#331; wan. 34#Zab 110:1Kole Daudi won k'okidho malo i polo, to owaco ni,</div><div class="q1">Rwoth owaco ri Rwoth paran ni,</div><div class="q1">Bedi yuracuc paran</div><div class="q1"> 35cuka anoloki jokwor perin</div><div class="q1">paka kasik m'ijeng'iye tiendin.</div><div class="p"> 36Am'omiyo ji ma Isiraili, joripo &#331;eyo adieri ni manago Yesu, ma wiguro kwo&#331; musalaba, ama Were oloko Rwoth kodi Kristo!</div><div class="p"> 37Munyo jowinjo gime, cuny jo oramo jo swa, to jopenjo Petero kodi jomoor man ni, &#8220;Wutmin wan wanotim a&#331;o?&#8221; 38Petero odwoko jo ni, &#8220;&#330;uti win reco mewin, obatisa win i nyingi Yesu Kristo, wocwaki reco mewin, aka wibino limo mic ma Cuny Male&#331;. 39Kole cikirok me obedo riwin kodi nyithindho mewin kodi ji je ma jonitie bor, ji je ma Were lwo&#331;o bonge.&#8221; 40Petero oluwo rijo aka oruma jo gi wac man madit munyo medo jo miseni ni, &#8220;Bothi win kwo&#331; ndir ma pama m'opo&#331; gi reco me!&#8221; 41Ameno ji mathoth ma joyeyo mikwenda pere obatisa jo; ji ma romo gana adek jomedere i kweth pajo i ndelo no. 42Aka jocwire kwo&#331; fonji pa jomoor munyo jobedo i kweth acel, i cemo kodi i kwayo. 43Lworo opo&#331; i cuny kisi dhano, aka jomoor jotimo gir'aura kodi ranyuth madit. 44#Tim 4:32-35Jom'oyeyo je jobedo kanyacel aka jotimo gimoro je kanyacel. 45Aka jotana gigipiny kodi lim pajo, to jopoko gim'owok'iye i dier gin paka kisi dhano oyenyo. 46Bin kisi ndelo jokidho romo kanyacel i Ot pa Were, odoko jocemo kanyacel i udi pajo gi kisangala kodi cuny jo maber, 47munyo jopako Were aka ji je oyido jofoyo jo. Ameno Rwoth omedo welo pajo gi jom'oyido ibotho jo kisi ndelo.</div>
 </div>
 </div>
</div>

Dhopadhola DC Bible © Bible Society of Uganda, 2018.

Munyo ndelo ma Pentekost otundo, jom'oyeyo jocokere kanyacel i ot. Gikenyo derino owok i polo m'ocalo koyo ma kudho, to poŋo ot gipi m'onwaŋo jontie iye. Aka joneno gima cale lew mac m'otiakere; dhano je lew mac no ogeyo. Cuny Maleŋ opoŋ kwoŋ jo to jocako luwo dhodhok m'opokere, paka Cuny Maleŋ omiyo jo luwo.
I Yerusalem onwaŋo nitie Joyuda ma jomaro Were ma jowok i thenge je ma piny. Munyo jowinjo derino no, lwak ji jocokere kanyacel; joje jouro, rupiri kisi dhano owinjo joluwo dhodhok pere won. I dhier kodi i uro jopenjo ni, “Ji ma joluwo ni je ki Jogalili? To nedi ma kisi dhano je kwoŋ wan winjo joluwo dhodhok mawan won? Jomegi kwoŋ wan jowok Pathia, Mediya kodi Elam; Mesopotamia, Yuda kodi Kapadosia; Ponto kodi Asia, Firigiya gi Pamfilia, Misir kodi adec ma Libia cegin gi Sireno; jomegi kwoŋ wan jowok Roma; Joyuda kodi joma bu Were ma jowire i dini pa Joyuda, jomegi kwoŋ wan jowok Kirete kodi piny pa Jowarabu ma wajoje wawinjo joluwo dhodhok mawan kwoŋ gigipiny madongo ma Were otimo.” I dhier madwoŋ gi uro, jomena penjirok wegi kendi gin ni, “Gime dwoŋ mere aŋo?” To joman jonyero jom'oyeyo, munyo jowaco ni, “Ji me jomer ayin!”

Petero ocungo gi jomoor apar g'acel to luwo ri lwak ji gi derino madwoŋ ama: Ji ma Yuda jowotan gi wijoje ma wibedo Yerusalem, cik win ithi win awaci riwin thenethene ma gime. Jome jok'omer gi vini paka wiparo; pama nyaka sawa adek won m'odikin. Kucel, me a gima jatuci wac Were Yowel cango oluwo kwoŋe.
Were waco ni, me a gima bino timere i ndelo macowe:
Abino konjo Cuny paran kwoŋ ji je;
wot win gi nyigi win jobino tuco wac Were,
nyithindho mewin mayac ma soye jobino limo menyirok,
aka jom'oti i dier win jobino leko lek.
Ey, kwoŋ ŋecin paran, cwo gi mon, kodi ŋecin
abino konjo Cuny paran i ndelo no,
aka jobino tuco wac paran.
Abino timo gir'aura i hongo malo
kodi ranyuth m'omore i piny,
remo kodi mac kodi yiro m'otwere bino bedo;
Waŋceŋ bino lokere macol
aka dwe bino bokere pa remo,
mafodi ndelo pa Rwoth madwoŋ m'oasere k'otundo.
Aka bino bedo ni nyatoro je m'olwoŋ nyingi Rwoth bino both.
Win Joisiraili, ciki win ithi win wiwinji gime: Yesu Janazareth onwaŋo obedo dhano ma Were oyero ni wotim gir'aura, kodi gidhier kodi ranyuth m'omore i dier win; aka wiwegi wiŋeyo gime, rupiri otimere bongi win won ka. Were, i mito pere gi rieko pere, onwaŋo otieko yiko con nike bino ketho Yesu me i cingi win; am'omiyo wineko go munyo wiketho ji mareco to joguro go kwoŋ musalaba. To Were ocerino go kwoŋ jom'otho; okwanyo go woko i litho ma tho, rupiri onwaŋo kinyalere nike tho wotwey go. Kole Daudi cango oluwo kwoŋe ama:
Aneno Rwoth i waŋan hongo je,
rupiri go nitie yuracuc paran ŋey akir'ayengere.
Am'omiyo cunyan osangala,
aka kisangala opoŋ i wac paran.
Aka delkwoŋan bende bino bedo gi geno madwoŋ.
Rupiri ikibino weyo cunyan i piny pa jom'otho.
Odoko ikibino weyo Maleŋ perin wotopi woko.
Itieko nyuthan royo ma kwo,
aka bedo perin kabutan bino poŋo kisangala i cunyan.
Wutmera, weyi awaci riwin kamaler kwoŋ kwari wan Daudi, m'otho t'iyiko, aka kaliel pere fodi nigi wan kiri konon me. Go oyido obedo jatuci wac Were, aka oŋeyo cikirok ma Were otimo gine: Were okwoŋere nike bino ketho nyakwar Daudi acel wolunji kom ma dhum pere. Daudi oneno gima Were oyido kidho timo, am'omiyo oluwo kwoŋ cerino pa Kristo munyo waco ni,
K'owey go i piny pa jom'otho,
aka delkwoŋe k'otopi.
Were ocerino Yesu me kwoŋ jom'otho; aka wajoje wabedo jokony i wac me. Otiek tiŋo go malo yuracuc pa Were aka onyo walimo bonge Cuny Maleŋ paka Bamere ociko; aka gim'onyo pama wineno aka odoko wiwinjo me, obedo mic pere ma go okonjo kwoŋ wan. Kole Daudi won k'okidho malo i polo, to owaco ni,
Rwoth owaco ri Rwoth paran ni,
Bedi yuracuc paran
cuka anoloki jokwor perin
paka kasik m'ijeng'iye tiendin.
Am'omiyo ji ma Isiraili, joripo ŋeyo adieri ni manago Yesu, ma wiguro kwoŋ musalaba, ama Were oloko Rwoth kodi Kristo!
Munyo jowinjo gime, cuny jo oramo jo swa, to jopenjo Petero kodi jomoor man ni, “Wutmin wan wanotim aŋo?” Petero odwoko jo ni, “Ŋuti win reco mewin, obatisa win i nyingi Yesu Kristo, wocwaki reco mewin, aka wibino limo mic ma Cuny Maleŋ. Kole cikirok me obedo riwin kodi nyithindho mewin kodi ji je ma jonitie bor, ji je ma Were lwoŋo bonge.” Petero oluwo rijo aka oruma jo gi wac man madit munyo medo jo miseni ni, “Bothi win kwoŋ ndir ma pama m'opoŋ gi reco me!” Ameno ji mathoth ma joyeyo mikwenda pere obatisa jo; ji ma romo gana adek jomedere i kweth pajo i ndelo no. Aka jocwire kwoŋ fonji pa jomoor munyo jobedo i kweth acel, i cemo kodi i kwayo. Lworo opoŋ i cuny kisi dhano, aka jomoor jotimo gir'aura kodi ranyuth madit. Jom'oyeyo je jobedo kanyacel aka jotimo gimoro je kanyacel. Aka jotana gigipiny kodi lim pajo, to jopoko gim'owok'iye i dier gin paka kisi dhano oyenyo. Bin kisi ndelo jokidho romo kanyacel i Ot pa Were, odoko jocemo kanyacel i udi pajo gi kisangala kodi cuny jo maber, munyo jopako Were aka ji je oyido jofoyo jo. Ameno Rwoth omedo welo pajo gi jom'oyido ibotho jo kisi ndelo.

Слухаць Tim pa Jomoor 2