Koorete - BSE (NT) Drama

<div class="version vid3178 iso6393kqy" data-vid="3178" data-iso6393="kqy">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s">Bal'a maaddhi yeluttecha adey beedosa</div><div class="p"> 1Yesuusay oge garichine bal'a maaddhi yeluttecha bidzi ade e beedo. 2E erusichoshiti &lt;&lt;Laaxo! Ha adey bal'a maaddhi yeluttoronike cubbo hantasi oonena? Esa yella adiyara indowarani esuwara?&gt;&gt; yeydi u oycco. 3Yesuusani &lt;&lt;Wonto hantay esuna addaa bentorosa baaka esa yella geritani maaqqe esi hanto cubbona maaquwasso. 4Wonta e yesune tamba ansasi woosso hanteko&#160;taa e worguse.#9:4 taa e worguse yeydi birchuttase Grike nuunana shon'a lagiti &lt;&lt;Nuu e worguse&gt;&gt; hidiko u hine. &#160;Ooneni essaanna hantese danda'uwa qamako yoonesa. 5Ha saha gara yesine tani ha sahase fo'eko&gt;&gt; yeydi e hido.</div><div class="p"> 6Ye e geede cuche yekke sahaa cutti cuchuna saha timussi ye urqana ye ade aafe e tissho. 7Ye bal'a &lt;&lt;Handi Selihoome eelaa shohuttuwa!&gt;&gt; yeydi e hido. Siloome hidi hiyoy anxuttase yeydi hiyoko e maaqicha. Hinne ye adey handi shohutti beesine yoodo.</div><div class="p"> 8Dooditani maaqqe buro abako e shi'usune beedechaashitini &lt;&lt;Ha axi hade utti e shi'usune nu beecho axe maaquwaye?&gt;&gt; yeydi u hido. 9Bidzi bidziti &lt;&lt;Eewa esako&gt;&gt; hidi u hido. Feditini assi &lt;&lt;Esa e bishesha baaka esa maaquwasso!&gt;&gt; hidi u hido. Esimay &lt;&lt;Tambako&gt;&gt; hidi e hido.</div><div class="p"> 10Axitini &lt;&lt;Hinne ne aafey waanidi beyese dandadho?&gt;&gt; hidi u oycco.</div><div class="p"> 11Ye adeni &lt;&lt;Yesuusa sunge adeko saha timussi ye urqana ta aafe tisshi &lt;Handi Siloome eelaa shohuttuwa&gt; hidi e hineko handi shohutti ta beedo&gt;&gt; yeydi e hido. 12Usini &lt;&lt;Hinne ay ye axi yese?&gt;&gt; hidi u oycco. Esini &lt;&lt;Aya e yesesa tani eruwasso&gt;&gt; hidi e hido.</div><div class="p"> 13Ye e geede axiti ye bal'a maaqichine loolla ade Farasaxiti buro u aando. 14Yesuusay saha urqa mati ye ade aafe e loolusso wontay sanbatako e maaqicha. 15Hinne Farasaxiti ye ade &lt;&lt;Waakidini beyese ne dandadho?&gt;&gt; hidi u oycco.</div><div class="p">Ye adeni &lt;&lt;Ta aafe urqana e tisshineko shoti hay ta beedo&gt;&gt; hidi e hido.</div><div class="p"> 16Yenniyani Farasaxitaafa bidzi bidziti &lt;&lt;Ha axi sanbatase wogay otesesa be kakkuwa gisha Wontokofa maaquwasso&gt;&gt; hidi u hido. Feditini assi &lt;&lt;Hine cubbache maaqe axi ha e bisha micushe hantita waydi hantese e danda'e?&gt;&gt; yeydi u hido. Ye esuna u giddaaka shahoy gello.</div><div class="p"> 17Ye e gisha ye bal'a maaqicha ade &lt;&lt;Ha ne aafey beyorosa mata ade gisha am neni ohe?&gt;&gt; hidi assi u oycco. Esini &lt;&lt;Kaayaxuko&gt;&gt; hidi e hido. 18Ayhuda afana maagiti esa yella gerita xheydi waydi bal'a e maaqichonikiyara e beedonikiyara be oycoro makko bal'a e maaqichosha &lt;&lt;Aadeko&gt;&gt; hidi hiye u inxhadho. 19Usini &lt;&lt;Ha esi hi yeliya? Aafe bal'a maaddhiko e yelutto yeydiya hiine? Hinne hatte waydi beyese e dandadho?&gt;&gt; hidi u oycco.</div><div class="p"> 20E geritini &lt;&lt;Ha esi nu yele e maaqenikiyara bal'a maaddhi e yeluttonikiyara erako nu ere. 21Hatte waysi e beedosaara ooney esa loolusosaara eruwanxhiko. Esi beese uuxhako, beese be qinose zeerako e zeere. Esa hinuse oycuwayte&gt;&gt; yeydi u hido. 22Esa yella geriti esume yeydi u hidosi Ayhuda afana maagita be jhassho gishako e maaqicha. U jhasshichoshini &lt;&lt; &lt;Yesuusay Mesiheko&gt; yeydi hinesi yesa'ayko nu Bhikkilo Zawaafa goodako nu goode&gt;&gt; hidi u hidecho gishako. 23Hinne yella geriti &lt;&lt;Esi beese uuxhako, esa oycuwayte&gt;&gt; hidi u hidosi.</div><div class="p"> 24Ye e gisha ye bal'a maaqicha axe assi hanke beeko xheydi &lt;&lt;Neni neese &lt;Meddha Wontoppa&gt; hidi caadhi aade zeeruwa#9:24 &lt;Meddha Wontoppa&gt; hidi caadhi aade zeeruwa yeydi birchuttasi Grike nuunana &lt;&lt;Wontose kuxa inguwa&gt;&gt; yeydi hinesako e maaqicha. Yeydi hiyey &lt;&lt;Caadhi aade zeeruwa&gt;&gt; hidi hiyeko.. Ha axi cubbache maaqenike nuni erako nu ere&gt;&gt; hidi u hido.</div><div class="p"> 25Ye adey &lt;&lt;Cubbache esi maaqe esi maaqe dheebe tani eruwasso. Ta eresi bidzi basuko. Ye esini bal'a ta maaqicha, hatte hay beyaka ta yese&gt;&gt; hidi e hido.</div><div class="p"> 26Usini &lt;&lt;Am neese e hanto? Waakisiwu ne aafey beyoronike e mato?&gt;&gt; hidi u oycco. 27Esini &lt;&lt;Burochi ta otinne siye hi dheeddechoshi. Hinne assi abasuwa sekke siyese hi worge? E bade maaqesuwa hiineni?&gt;&gt; hidi e hido.</div><div class="p"> 28Usini &lt;&lt;Nenko neese e badey, nuni nuuse Muse badeko. 29Wontoy Muse zeerusonikeko nuni ere. Ha Yesuusa hissoosi ayafa e maaqesa eruwanxhiko&gt;&gt; hidi hissine e gara u huullo.</div><div class="p"> 30Ye adeni &lt;&lt; &lt;Ha axi ayafa e maaqenike eruwanxhiko nuni&gt; yeydi hiidosi micushako e micushe. Hinuni yeydi hiwayte baaka ta aafema loolusasi esako. 31Wontoy cubbachituse e siwwasa erako nu ere. Wontoy biya kuxesusaara be maxoke hantesusaarako e siine. 32Ha sahay meddhuttowafa ayti bal'a maaddhi yeluttecha axe loolusa axuko yesa yeydi hiyutti eruwasso. 33Ha axi Wontokofa maaqe dheeddako aban hantese danda'uwadiko e yecha&gt;&gt; yeydi e hido.</div><div class="p"> 34Usini &lt;&lt;Neni cubbache maaddhi yeluttese axi numba erusesuwa neyneni?&gt;&gt; yeydi hissine Bhikkilo Zawafa wude esa u kesso.</div><div class="s">Wonto ogese bal'a maaqeesiti gisha</div><div class="p"> 35Ye bal'a maaqicha ade be Bhikkilo Zawafa u kessosa Yesuusay e siido. Esani degessi &lt;&lt;Axi yele hidi hiyuttase aadexa ne aadexe?&gt;&gt; yeydi e oycco. 36Ye adeni &lt;&lt;Laaxo! Esa ta aadexoronike esi oonewa?&gt;&gt; hidi sekke e mato. 37Yesuusani &lt;&lt;Hade buro ne beedechoshako ha niya zeerusesini esako&gt;&gt; yeydi e hido. 38Ye adeni &lt;&lt;Laaxo! Niya aadexako ta aadexe&gt;&gt; yeydi hissine e disso. 39Yesuusani &lt;&lt;Beewadechashiti beyoronike beya yechashiti bal'a u maaqoronike yaa'esuko ha saha gara ta yoodo&gt;&gt; yeydi e hido.</div><div class="p"> 40Ye woggani Yesuusa da'aa yecha bidzi bidzi Farasaxiti &lt;&lt;Hinne nunini bal'a?&gt;&gt; yeydi u oycco. 41Yesuusani &lt;&lt;Bal'a maaddhessakoma cubbache maaquwadiko hi yecha. Hattema &lt;Beyako nu yese&gt; yeydi hiine gisha cubbache maaqisineko yaha hi atte&gt;&gt; yeydi e mato.</div>
 </div>
 </div>
</div>

Yesuusay oge garichine bal'a maaddhi yeluttecha bidzi ade e beedo. E erusichoshiti <<Laaxo! Ha adey bal'a maaddhi yeluttoronike cubbo hantasi oonena? Esa yella adiyara indowarani esuwara?>> yeydi u oycco. Yesuusani <<Wonto hantay esuna addaa bentorosa baaka esa yella geritani maaqqe esi hanto cubbona maaquwasso. Wonta e yesune tamba ansasi woosso hanteko taa e worguse.  Ooneni essaanna hantese danda'uwa qamako yoonesa. Ha saha gara yesine tani ha sahase fo'eko>> yeydi e hido.
Ye e geede cuche yekke sahaa cutti cuchuna saha timussi ye urqana ye ade aafe e tissho. Ye bal'a <<Handi Selihoome eelaa shohuttuwa!>> yeydi e hido. Siloome hidi hiyoy anxuttase yeydi hiyoko e maaqicha. Hinne ye adey handi shohutti beesine yoodo.
Dooditani maaqqe buro abako e shi'usune beedechaashitini <<Ha axi hade utti e shi'usune nu beecho axe maaquwaye?>> yeydi u hido. Bidzi bidziti <<Eewa esako>> hidi u hido. Feditini assi <<Esa e bishesha baaka esa maaquwasso!>> hidi u hido. Esimay <<Tambako>> hidi e hido.
Axitini <<Hinne ne aafey waanidi beyese dandadho?>> hidi u oycco.
Ye adeni <<Yesuusa sunge adeko saha timussi ye urqana ta aafe tisshi <Handi Siloome eelaa shohuttuwa> hidi e hineko handi shohutti ta beedo>> yeydi e hido. Usini <<Hinne ay ye axi yese?>> hidi u oycco. Esini <<Aya e yesesa tani eruwasso>> hidi e hido.
Ye e geede axiti ye bal'a maaqichine loolla ade Farasaxiti buro u aando. Yesuusay saha urqa mati ye ade aafe e loolusso wontay sanbatako e maaqicha. Hinne Farasaxiti ye ade <<Waakidini beyese ne dandadho?>> hidi u oycco.
Ye adeni <<Ta aafe urqana e tisshineko shoti hay ta beedo>> hidi e hido.
Yenniyani Farasaxitaafa bidzi bidziti <<Ha axi sanbatase wogay otesesa be kakkuwa gisha Wontokofa maaquwasso>> hidi u hido. Feditini assi <<Hine cubbache maaqe axi ha e bisha micushe hantita waydi hantese e danda'e?>> yeydi u hido. Ye esuna u giddaaka shahoy gello.
Ye e gisha ye bal'a maaqicha ade <<Ha ne aafey beyorosa mata ade gisha am neni ohe?>> hidi assi u oycco. Esini <<Kaayaxuko>> hidi e hido. Ayhuda afana maagiti esa yella gerita xheydi waydi bal'a e maaqichonikiyara e beedonikiyara be oycoro makko bal'a e maaqichosha <<Aadeko>> hidi hiye u inxhadho. Usini <<Ha esi hi yeliya? Aafe bal'a maaddhiko e yelutto yeydiya hiine? Hinne hatte waydi beyese e dandadho?>> hidi u oycco.
E geritini <<Ha esi nu yele e maaqenikiyara bal'a maaddhi e yeluttonikiyara erako nu ere. Hatte waysi e beedosaara ooney esa loolusosaara eruwanxhiko. Esi beese uuxhako, beese be qinose zeerako e zeere. Esa hinuse oycuwayte>> yeydi u hido. Esa yella geriti esume yeydi u hidosi Ayhuda afana maagita be jhassho gishako e maaqicha. U jhasshichoshini << <Yesuusay Mesiheko> yeydi hinesi yesa'ayko nu Bhikkilo Zawaafa goodako nu goode>> hidi u hidecho gishako. Hinne yella geriti <<Esi beese uuxhako, esa oycuwayte>> hidi u hidosi.
Ye e gisha ye bal'a maaqicha axe assi hanke beeko xheydi <<Neni neese <Meddha Wontoppa> hidi caadhi aade zeeruwa. Ha axi cubbache maaqenike nuni erako nu ere>> hidi u hido.
Ye adey <<Cubbache esi maaqe esi maaqe dheebe tani eruwasso. Ta eresi bidzi basuko. Ye esini bal'a ta maaqicha, hatte hay beyaka ta yese>> hidi e hido.
Usini <<Am neese e hanto? Waakisiwu ne aafey beyoronike e mato?>> hidi u oycco. Esini <<Burochi ta otinne siye hi dheeddechoshi. Hinne assi abasuwa sekke siyese hi worge? E bade maaqesuwa hiineni?>> hidi e hido.
Usini <<Nenko neese e badey, nuni nuuse Muse badeko. Wontoy Muse zeerusonikeko nuni ere. Ha Yesuusa hissoosi ayafa e maaqesa eruwanxhiko>> hidi hissine e gara u huullo.
Ye adeni << <Ha axi ayafa e maaqenike eruwanxhiko nuni> yeydi hiidosi micushako e micushe. Hinuni yeydi hiwayte baaka ta aafema loolusasi esako. Wontoy cubbachituse e siwwasa erako nu ere. Wontoy biya kuxesusaara be maxoke hantesusaarako e siine. Ha sahay meddhuttowafa ayti bal'a maaddhi yeluttecha axe loolusa axuko yesa yeydi hiyutti eruwasso. Ha axi Wontokofa maaqe dheeddako aban hantese danda'uwadiko e yecha>> yeydi e hido.
Usini <<Neni cubbache maaddhi yeluttese axi numba erusesuwa neyneni?>> yeydi hissine Bhikkilo Zawafa wude esa u kesso.

Ye bal'a maaqicha ade be Bhikkilo Zawafa u kessosa Yesuusay e siido. Esani degessi <<Axi yele hidi hiyuttase aadexa ne aadexe?>> yeydi e oycco. Ye adeni <<Laaxo! Esa ta aadexoronike esi oonewa?>> hidi sekke e mato. Yesuusani <<Hade buro ne beedechoshako ha niya zeerusesini esako>> yeydi e hido. Ye adeni <<Laaxo! Niya aadexako ta aadexe>> yeydi hissine e disso. Yesuusani <<Beewadechashiti beyoronike beya yechashiti bal'a u maaqoronike yaa'esuko ha saha gara ta yoodo>> yeydi e hido.
Ye woggani Yesuusa da'aa yecha bidzi bidzi Farasaxiti <<Hinne nunini bal'a?>> yeydi u oycco. Yesuusani <<Bal'a maaddhessakoma cubbache maaquwadiko hi yecha. Hattema <Beyako nu yese> yeydi hiine gisha cubbache maaqisineko yaha hi atte>> yeydi e mato.

Слухаць Yohanise 9