Bible translation: Sidama © Bible Society of Ethiopia, 2017 Recording of the New Testament ℗ 2020 Hosanna

Sidama - 2017 BSE (NT) Non Drama

Sidama - 2017 BSE (NT) Drama

<div class="version vid3204 iso6393sid" data-vid="3204" data-iso6393="sid">
 <div class="book bkACT">
 <div class="chapter ch6" data-usfm="ACT.6">
 <div class="label">6</div><div class="s">LAMALA KAA'LAASINE DOORRI</div><div class="p"> 1Shiima yanna gedensaanni ammanaanote kiiro ledde ledde batidhuta, Giriikete afiinni coyidhanno Ayihudooti Yihudu gobbara ilantinorira gunguntu. Gunguntinohu, barru barrunkunni beenkanni kaa'lo galte shii'rino meentira iilla hoogginohuraati. 2Kunnira tonaa lamenti soqqamaasine ammanaano baala gamba assite, &#171;Sagale beehate yine Maganu qaale kula agura dihasiissannonke. 3Kunnira roduuwa'ya, Qullaawu Ayyaaninna egenno noonsare lamala manna ki'ne giddonni doorre. Insa kunni loosira worreemmo. 4Ninke kayinni huuccattotenna Maganu qaale kulate jaanteemmo&#187; yitu.</div><div class="p"> 5Kuni coyi wo'manka hagiirsiiseennansa, Qullaawu Ayyaani wo'minonsare Isxifaanoosi, Filiphoosi, Phirokoroosi, Niqarooni, Ximooni, Pherimeeni, Ayihudootu amma'na widira higinoha Antsookiyunniha Niqolawoosi doortu.</div><div class="p"> 6Konne manna doorte soqqamaasinete albaanni uurrissu. Soqqamaasineno huuccatto assite, anga aanaho wortunsa.</div><div class="p"> 7Kunni garinni Maganu qaali lede lede hala'lino daafira, Yerusaalamete ammanaanote kiiro lowo geeshsha batidhu. Lowo geeshsha batinyu qeesootino ammana adhitu.</div><div class="s">KAA'LAASINCHU ISXIFAANOOSI AMADAMA</div><div class="p"> 8Isxifaanoosira eltonna wolqa wo'miteennasi mannu mereero dhaggenna maalale loosi. 9Hatte yannara, wolaphote xaadi mini mannaati yinanniri, Qereenunna Alekisaanderiyu manni, Kiliqiyunna Issiyunni daggannori mitu mitu ka'e Isxifaanoosi ledo yekkeerantu. 10Isxifaanoosi coyi'ranni noo hayyo uyinosi Ayyaana gibburono iso kayinni ittisa didandiitino. 11Hatte yannara, &#171;Kuni manchi Musenna Magano xonanna macciishshinoommo&#187; yitannore kaphu naqaashshe hirte wortu. 12Kunni garinni manna, geerranna Seeru rosiisaano kakkayissu. Isxifaanoosino haadhe abbite songote albira shiqishshu. 13Kapho naqqassannoreno haadhe abbitu. Kapho naqqassannorino, &#171;Kuni manchi Qullaawa Minenna Seera xona diaguranno. 14Qoleno, &#8249;Naaziretete Yesuusi konne Qullaawa Mine diiganno; Muse uyino Seerano soorranno&#8250; yee coyi'ranna macciishshinoommo&#187; yitu. 15Hatte yannara hakko songote gamba yee noo manni baalu Isxifaanoosi seekke la"anno woyite albisi sokkaasinenniha lawanno.</div>
 </div>
 </div>
</div>

Shiima yanna gedensaanni ammanaanote kiiro ledde ledde batidhuta, Giriikete afiinni coyidhanno Ayihudooti Yihudu gobbara ilantinorira gunguntu. Gunguntinohu, barru barrunkunni beenkanni kaa'lo galte shii'rino meentira iilla hoogginohuraati. Kunnira tonaa lamenti soqqamaasine ammanaano baala gamba assite, «Sagale beehate yine Maganu qaale kula agura dihasiissannonke. Kunnira roduuwa'ya, Qullaawu Ayyaaninna egenno noonsare lamala manna ki'ne giddonni doorre. Insa kunni loosira worreemmo. Ninke kayinni huuccattotenna Maganu qaale kulate jaanteemmo» yitu.
Kuni coyi wo'manka hagiirsiiseennansa, Qullaawu Ayyaani wo'minonsare Isxifaanoosi, Filiphoosi, Phirokoroosi, Niqarooni, Ximooni, Pherimeeni, Ayihudootu amma'na widira higinoha Antsookiyunniha Niqolawoosi doortu.
Konne manna doorte soqqamaasinete albaanni uurrissu. Soqqamaasineno huuccatto assite, anga aanaho wortunsa.
Kunni garinni Maganu qaali lede lede hala'lino daafira, Yerusaalamete ammanaanote kiiro lowo geeshsha batidhu. Lowo geeshsha batinyu qeesootino ammana adhitu.

Isxifaanoosira eltonna wolqa wo'miteennasi mannu mereero dhaggenna maalale loosi. Hatte yannara, wolaphote xaadi mini mannaati yinanniri, Qereenunna Alekisaanderiyu manni, Kiliqiyunna Issiyunni daggannori mitu mitu ka'e Isxifaanoosi ledo yekkeerantu. Isxifaanoosi coyi'ranni noo hayyo uyinosi Ayyaana gibburono iso kayinni ittisa didandiitino. Hatte yannara, «Kuni manchi Musenna Magano xonanna macciishshinoommo» yitannore kaphu naqaashshe hirte wortu. Kunni garinni manna, geerranna Seeru rosiisaano kakkayissu. Isxifaanoosino haadhe abbite songote albira shiqishshu. Kapho naqqassannoreno haadhe abbitu. Kapho naqqassannorino, «Kuni manchi Qullaawa Minenna Seera xona diaguranno. Qoleno, ‹Naaziretete Yesuusi konne Qullaawa Mine diiganno; Muse uyino Seerano soorranno› yee coyi'ranna macciishshinoommo» yitu. Hatte yannara hakko songote gamba yee noo manni baalu Isxifaanoosi seekke la"anno woyite albisi sokkaasinenniha lawanno.

Слухаць SOQQAMAASINETE LOOSO 6