Riang

<div class="version vid3263 iso6393ril" data-vid="3263" data-iso6393="ril">
 <div class="book bkMRK">
 <div class="chapter ch4" data-usfm="MRK.4">
 <div class="label">4</div><div class="s">Mony pung taek lawng pakz seu maalz</div><div class="r">(Matthe 13:1-9, Lukas 8:4-8)</div><div class="p"> 1Yesuhz mial sawnz aez keuh nahz thaengz seu laehz a waar nawngz, ihz keui truz cu Hnhz heungz baaiz. Hnhz bawnz kut moh tuhz ceun luang, aez ceun luang ne yaan waar nawngz teur nyaenz, wungz ihz keui samz naeh lang pukz. 2Meuz diz, Yesuhz lao plaez keuh nahz mony pung taek daz,</div><div class="p"> 3&#8220;Teuk ngarz raez! Ihz hawkz lan pakz seu maalz. 4Meuz hnhz pakz ne, cakz ceu teur ka keui klaez kaai reung dengz, simz keui truz seutz suamz. 5Cakz ceu teur ka samz klaez kaai reu aangz heungz, keu tehz lany, liang lae truz luat, kawp daz keu tehz ne nam truh. 6Beuk seu ngihz a wa kawcz, teungz ne wiatz hawngz, kawp daz rias nam truh. 7Cakz ceu teur ka samz klaez peur lah ruk seur keutz, meuz seur keutz keui mawh raw truz, riat teungz keuh rae nam caang plaehz. 8Cakz ceu teur ka an klaez kaai keu tehz rak samz, liang lae truz, mawh truz, penz teungz truz, samz plaehz truz waiz kawlz pun, tualz kawlz pun, peur ya pun an kaai hnhz peuk seumz.&#8221;</div><div class="p"> 9Yesuhz daz, &#8220;Ihz maang keu tiakz keui, aez hnhz ngarz.&#8221;</div><div class="s">Kawp naehz Yesuhz bawnz lao mony pung taek?</div><div class="r">(Matthe 13:10-17, Lukas 8:9-10)</div><div class="p"> 10Meuz Yesuhz naeh taw daehz ne, teu paez Hnhz seu kawlz aarz boh ihz lan tawiz Hnhz keui maanyz ti loz mony pung taek. 11Yesuhz daz keuh nahz, &#8220;Phraz Pen Caoh a wa aez pehz mas lawng an truh an trawng prih Daehz. Ta ihz nam yum Ohz keui samz, Ohz bawnz leh mony pung taek sawnz aez keuh nahz. 12Kawp ceun diz,</div><div class="q1">&#8216;Keuh yawt boh kaw nam awlz,</div><div class="q1">teuk ngarz boh kaw nam loz phawmz.</div><div class="q1">Beuk nam naeh ceun diz,</div><div class="q1">keuh ngaz seuk weur cu Phraz Pen Caoh rae,</div><div class="q2">Hnhz kaw ngaz plawiz aez reung dengz kawi keuh.&#8217;&#8221;#Isaiah 6:9-10</div><div class="s">Ti loz mony pung taek</div><div class="r">(Matthe 13:18-23, Lukas 8:11-15)</div><div class="p"> 13Yesuhz daz thaengz, &#8220;Beuk pehz nam loz phawmz mony pung taek an ni, ngaz cih seu naez loz phawmz mony pung taek tang meoz? 14Ihz pakz seu maalz ne naeh ihz rawz plaez ihz nahz mony reu ma Phraz. 15Cakz ceu an klaez kaai reung dengz ne daz, ihz an a wa ngarz mony reu ma Phraz ne Satan truz leh thengz luat. 16Cakz ceu an klaez kaai keu tehz reu aangz heungz ne daz ihz an a wa ngarz mony reu ma Phraz ne seuz phawmz saanyz rap luat boh kaw 17rias nam kut truh rae, moh taw teur co pan, kawp mony reu ma Phraz, meuz keuh talz reung dengz peur teuk boh reung dengz ihz pae suamz ne keuh nam yum leui. 18Cakz ceu an klaez peur lah ruk seur keutz samz naeh ceun ihz a wa ngarz traz, 19keuiz daz, keuh kawcz phawmz ta daehz klawhz seu ngihz, phawmz takz tawiz ron khamz cez cim, phawmz takz tawiz tang ceu tang meoz keui pae suamz mony reu ma Phraz rae nam caang plaehz. 20Cakz ceu an klaez kaai keu tehz rak samz naeh ceun ihz an a wa ngarz mony reu ma Phraz rae seuz phawmz saanyz rap luat, keuh plaehz waiz kawlz pun, tualz kawlz pun, peur ya pun.&#8221;</div><div class="s">Piat dupz ngal ngawiz</div><div class="r">(Lukas 8:16-18)</div><div class="p"> 21Yesuhz siupz lao thaengz, &#8220;Yaeh nam leh piat dupz ngal ngawiz, nam anz kaw nam mok tuhz keutz kuz. Ihz mok kaai ti tam ngal ngawiz ne leun, aez ihz paw awlz lan an thaangz. 22Phrihz phrahz klawhz meoz an unz keui, Phraz Pen Caoh ngaz leh plaez. Phrihz phrahz klawhz meoz an seun tapz keui, Phraz Pen Caoh ngaz cih aez lae saang raang. 23Ihz maang keu tiakz seum teuk ngarz keui, aez hnhz ngarz.&#8221;</div><div class="p"> 24Yesuhz lao keuh thaengz, &#8220;Teuk ngarz rak rak, an pehz ngarz. Yeung teuk ngarz rak, Phraz Pen Caoh yeung aez loz phawmz rak leuz lak an diz.#4:24 Pehz tuang aez ihz nahz ceun nae kaw, pehz ngaz bawnz ceun diz, bawnz leuz lawk an diz. 25Ihz an teuk ngarz traz Ohz sawnz ne Ohz ngaz aez keuh loz phawmz leuz. Keuiz daz ihz an nam teuk ngarz Ohz ne, Ohz ngaz leh thengz tang an keuh loz phawmz teur nyaenz.&#8221;</div><div class="s">Mony pung taek lawng cakz ceu prae truz</div><div class="p"> 26Yesuhz siupz lao thaengz, &#8220;Prih Phraz Pen Caoh naeh ceun ihz pakz seu maalz tuhz keu tehz ne. 27Meuz hnhz yaetz yaetz rawi rawi boh seuk ngih teuk bimz, cakz ceu an diz kaw liang lae truz, mawh truz. Hnhz nam mas teungz naeh ceun nae. 28Keu tehz ne cih aez teungz mawh, plaehz truz daehz ne. Seun teungz cakz ceu ne liang penz teungz, waaiz an diz penz seum kawr, waaiz an diz penz cakz kuhz neuk tuhz seum kawr. 29Beuk phraeoz kraao hnhz sinz, ihz kaw leh keun caan woc leh boh.&#8221;</div><div class="s">Mony pung taek cakz Mustart</div><div class="r">(Matthe 13:31-32, Lukas 13:18-19)</div><div class="p"> 30Yesuhz siupz lao thaengz, &#8220;Neuz lak diz, ngaz leh mony pung taek naehz lao plaez prih Phraz Pen Caoh a? Ngaz leh naehz neungz plaez prih Phraz Pen Caoh a? 31Naeh ceun cakz mustart, kyehz lak cakz tang meoz. 32Keuiz daz, beuk a wa peuk seumz lae truz penz teungz, teungz mawh lak teungz seu tuhz seu lahz, kaakz kaw mawh baaiz, simz keui truz cih haanz tawz eupz hnhz.&#8221;</div><div class="p"> 33Yesuhz leh mony pung taek paw keunyz sawnz aez keuh nahz, seu keuh loz phawmz bawnz. 34Hnhz sawnz aez peuk naeh kaw, cao mony pung taek klawhz laehz. Meuz Hnhz naeh kawmz teu paez Daehz keui pan, Hnhz krai plaez keuh nahz hacz aamz.</div><div class="s">Yesuhz cih aez kurz longz deukz</div><div class="r">(Matthe 8:23-27, Lukas 8:22-25)</div><div class="p"> 35Meuz teuk borz ne Yesuhz daz teu paez Daehz keui nahz, &#8220;Han! Ehz lo lan thaz tui omz lah.&#8221; 36Teu paez keui kaw praasz lae thaz wungz ihz, cur cu Yesuhz kaai ceun luang, tumz lo lan tawiz Hnhz. Ceun luang ihz kaw lan tawiz. 37Meuz ceun diz, penz truz kurz longz, seuk mar omz thanz paw lukz laakz sapz tuhz ceun luang, omz paw ngaz neuk. 38Yesuhz samz yaetz reuk ngeut boh kaai tangz thaz titz ceun luang ne, teu paez Hnhz keui peun rawi Hnhz raak daz, &#8220;Tahz Sra! Ehz ngaz leucz omz, nam yawt ehz leui haz?&#8221;</div><div class="p"> 39Hnhz kaw rawi ceng lao kurz longz boh omz ne nahz, &#8220;Moh pras pras&#8221;. Kurz longz kaw a wa deukz lan, rim keu diz kaw plaangz lan. 40Yesuhz maanyz keuh, &#8220;Cih naehz pehz doz baaiz thanz teur ni a? Cih naehz pehz maat maang reung dengz yum a?&#8221;</div><div class="p"> 41Keuh kaw doz baaiz, teur daz daehz nahz, &#8220;Hnhz an ni naeh yaeh ez? Kurz boh omz kaw teuk ngarz mony Hnhz.&#8221;</div>
 </div>
 </div>
</div>

Yesuhz mial sawnz aez keuh nahz thaengz seu laehz a waar nawngz, ihz keui truz cu Hnhz heungz baaiz. Hnhz bawnz kut moh tuhz ceun luang, aez ceun luang ne yaan waar nawngz teur nyaenz, wungz ihz keui samz naeh lang pukz. Meuz diz, Yesuhz lao plaez keuh nahz mony pung taek daz,
“Teuk ngarz raez! Ihz hawkz lan pakz seu maalz. Meuz hnhz pakz ne, cakz ceu teur ka keui klaez kaai reung dengz, simz keui truz seutz suamz. Cakz ceu teur ka samz klaez kaai reu aangz heungz, keu tehz lany, liang lae truz luat, kawp daz keu tehz ne nam truh. Beuk seu ngihz a wa kawcz, teungz ne wiatz hawngz, kawp daz rias nam truh. Cakz ceu teur ka samz klaez peur lah ruk seur keutz, meuz seur keutz keui mawh raw truz, riat teungz keuh rae nam caang plaehz. Cakz ceu teur ka an klaez kaai keu tehz rak samz, liang lae truz, mawh truz, penz teungz truz, samz plaehz truz waiz kawlz pun, tualz kawlz pun, peur ya pun an kaai hnhz peuk seumz.”
Yesuhz daz, “Ihz maang keu tiakz keui, aez hnhz ngarz.”


Meuz Yesuhz naeh taw daehz ne, teu paez Hnhz seu kawlz aarz boh ihz lan tawiz Hnhz keui maanyz ti loz mony pung taek. Yesuhz daz keuh nahz, “Phraz Pen Caoh a wa aez pehz mas lawng an truh an trawng prih Daehz. Ta ihz nam yum Ohz keui samz, Ohz bawnz leh mony pung taek sawnz aez keuh nahz. Kawp ceun diz,
‘Keuh yawt boh kaw nam awlz,
teuk ngarz boh kaw nam loz phawmz.
Beuk nam naeh ceun diz,
keuh ngaz seuk weur cu Phraz Pen Caoh rae,
Hnhz kaw ngaz plawiz aez reung dengz kawi keuh.’”


Yesuhz daz thaengz, “Beuk pehz nam loz phawmz mony pung taek an ni, ngaz cih seu naez loz phawmz mony pung taek tang meoz? Ihz pakz seu maalz ne naeh ihz rawz plaez ihz nahz mony reu ma Phraz. Cakz ceu an klaez kaai reung dengz ne daz, ihz an a wa ngarz mony reu ma Phraz ne Satan truz leh thengz luat. Cakz ceu an klaez kaai keu tehz reu aangz heungz ne daz ihz an a wa ngarz mony reu ma Phraz ne seuz phawmz saanyz rap luat boh kaw rias nam kut truh rae, moh taw teur co pan, kawp mony reu ma Phraz, meuz keuh talz reung dengz peur teuk boh reung dengz ihz pae suamz ne keuh nam yum leui. Cakz ceu an klaez peur lah ruk seur keutz samz naeh ceun ihz a wa ngarz traz, keuiz daz, keuh kawcz phawmz ta daehz klawhz seu ngihz, phawmz takz tawiz ron khamz cez cim, phawmz takz tawiz tang ceu tang meoz keui pae suamz mony reu ma Phraz rae nam caang plaehz. Cakz ceu an klaez kaai keu tehz rak samz naeh ceun ihz an a wa ngarz mony reu ma Phraz rae seuz phawmz saanyz rap luat, keuh plaehz waiz kawlz pun, tualz kawlz pun, peur ya pun.”


Yesuhz siupz lao thaengz, “Yaeh nam leh piat dupz ngal ngawiz, nam anz kaw nam mok tuhz keutz kuz. Ihz mok kaai ti tam ngal ngawiz ne leun, aez ihz paw awlz lan an thaangz. Phrihz phrahz klawhz meoz an unz keui, Phraz Pen Caoh ngaz leh plaez. Phrihz phrahz klawhz meoz an seun tapz keui, Phraz Pen Caoh ngaz cih aez lae saang raang. Ihz maang keu tiakz seum teuk ngarz keui, aez hnhz ngarz.”
Yesuhz lao keuh thaengz, “Teuk ngarz rak rak, an pehz ngarz. Yeung teuk ngarz rak, Phraz Pen Caoh yeung aez loz phawmz rak leuz lak an diz. Ihz an teuk ngarz traz Ohz sawnz ne Ohz ngaz aez keuh loz phawmz leuz. Keuiz daz ihz an nam teuk ngarz Ohz ne, Ohz ngaz leh thengz tang an keuh loz phawmz teur nyaenz.”

Yesuhz siupz lao thaengz, “Prih Phraz Pen Caoh naeh ceun ihz pakz seu maalz tuhz keu tehz ne. Meuz hnhz yaetz yaetz rawi rawi boh seuk ngih teuk bimz, cakz ceu an diz kaw liang lae truz, mawh truz. Hnhz nam mas teungz naeh ceun nae. Keu tehz ne cih aez teungz mawh, plaehz truz daehz ne. Seun teungz cakz ceu ne liang penz teungz, waaiz an diz penz seum kawr, waaiz an diz penz cakz kuhz neuk tuhz seum kawr. Beuk phraeoz kraao hnhz sinz, ihz kaw leh keun caan woc leh boh.”


Yesuhz siupz lao thaengz, “Neuz lak diz, ngaz leh mony pung taek naehz lao plaez prih Phraz Pen Caoh a? Ngaz leh naehz neungz plaez prih Phraz Pen Caoh a? Naeh ceun cakz mustart, kyehz lak cakz tang meoz. Keuiz daz, beuk a wa peuk seumz lae truz penz teungz, teungz mawh lak teungz seu tuhz seu lahz, kaakz kaw mawh baaiz, simz keui truz cih haanz tawz eupz hnhz.”
Yesuhz leh mony pung taek paw keunyz sawnz aez keuh nahz, seu keuh loz phawmz bawnz. Hnhz sawnz aez peuk naeh kaw, cao mony pung taek klawhz laehz. Meuz Hnhz naeh kawmz teu paez Daehz keui pan, Hnhz krai plaez keuh nahz hacz aamz.


Meuz teuk borz ne Yesuhz daz teu paez Daehz keui nahz, “Han! Ehz lo lan thaz tui omz lah.” Teu paez keui kaw praasz lae thaz wungz ihz, cur cu Yesuhz kaai ceun luang, tumz lo lan tawiz Hnhz. Ceun luang ihz kaw lan tawiz. Meuz ceun diz, penz truz kurz longz, seuk mar omz thanz paw lukz laakz sapz tuhz ceun luang, omz paw ngaz neuk. Yesuhz samz yaetz reuk ngeut boh kaai tangz thaz titz ceun luang ne, teu paez Hnhz keui peun rawi Hnhz raak daz, “Tahz Sra! Ehz ngaz leucz omz, nam yawt ehz leui haz?”
Hnhz kaw rawi ceng lao kurz longz boh omz ne nahz, “Moh pras pras”. Kurz longz kaw a wa deukz lan, rim keu diz kaw plaangz lan. Yesuhz maanyz keuh, “Cih naehz pehz doz baaiz thanz teur ni a? Cih naehz pehz maat maang reung dengz yum a?”
Keuh kaw doz baaiz, teur daz daehz nahz, “Hnhz an ni naeh yaeh ez? Kurz boh omz kaw teuk ngarz mony Hnhz.”

Слухаць Markus 4