Kinyaturu - 2010 BST (NT) Drama

<div class="version vid3369 iso6393rim" data-vid="3369" data-iso6393="rim">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Uf&#235;tyo Wamwa Yesu</div><div class="r">(Mat 28:1-10; Mrk 16:1-18; Yoh 20:1-20)</div><div class="p"> 1&#203;gweeso itiku ra mwandyo ra Ijumaa, diu chili veeso v&#235;gaenda umb&#235;l&#235;lo vakweti makuta n&#235;enyankie ija naar&#235; veeso vayaning'aniyaa. 2Na v&#235;gahanga igwe rafingirwa kue na mb&#235;l&#235;lo. 3&#203;gweeso naar&#235; vahungia mung&#235; vinaona mw&#235;&#235;r&#235;. 4Naar&#235; k&#235;&#235; vatak&#235;&#235;te na ukhani wasuu, rava, antu vav&#235;&#235; v&#235;ga&#235;m&#235;ka fif&#235; inao vayaite masaa n&#235; ufimp&#235;naino. 5Naar&#235; k&#235;&#235; vaoghofete na uhunam&#235;a masyu ao faka fang'e, antu vasaa v&#235;gavakhan&#235;a, &#8220;Asik&#235; n&#235; nyenye mumufenja n&#235; mufanga gwa akuyi? 6Atifo hafai waf&#235;tya. Kumbukwi mwino ar&#235; mwino wamukhan&#235;a nyenye, naar&#235; mwinao uGalilaya. 7Mwana wa Muntu unoneye afunywe um&#235;khono antu n&#235; anya mahutye, na umukhoma, na itiku ra gatatu uguf&#235;tya.&#8221; 8Na veeso v&#235;gakumbukwa nkhani yakwe, na 9v&#235;gasuka ufuma umb&#235;l&#235;lo v&#235;gavakhan&#235;a iyii nyoong'e atumami ikumi na umwedu na vang&#235;ja voong'e. 10Na ar&#235; Maria Magidalena, na Yoana, na Maria nyinya wamwa Yakobo, nan&#235; akhema vang&#235;ja naar&#235; vihongie inao, Vasaa v&#235;gavakhan&#235;a atumami sayu ya mantu asaa. 11&#203;gweeso nkhani &#235;y&#235;&#235; &#235;gagighea kun&#235; veeso mwino ya ufutu, na vinavahuv&#235;a. [ 12&#203;gweeso Fetero agauka agaenda udurie faka umb&#235;l&#235;lo mweeso agatuna fang'e na agaona sanda ntufu n&#235;&#235;find&#235;ywe. Mweeso agasuka ukhaya kunu utak&#235;&#235;te asaa n&#235;adw&#235;&#235;ra.]</div><div class="s">Muh&#235;njo wa Uenda Emau</div><div class="r">(Mat 16:12-13)</div><div class="p"> 13Na itiku &#235;r&#235;ro &#235;r&#235;ro antu vav&#235;&#235; mukhat&#235; ao ar&#235; vinj&#235; ugijiji g&#235;mwedu rina rayo Emau, maili mufungate ufuma uYerusalemu, 14na ar&#235; var&#235;gh&#235;&#235;tiye veeso gwa veeso sayu a mantu asaa oong'e n&#235;adw&#235;&#235;ra. 15Naar&#235; k&#235;&#235; var&#235;gh&#235;&#235;tiye na ugiw&#235;ya, Yesu mughonjo agahumbea fif&#235;, mweeso agagihonga inao. 16&#203;gweeso miho ao ar&#235; akumbiwe vatamumanye mweeso. 17Na mweeso agavakhan&#235;a &#8220;Murigh&#235;&#235;t&#235;ye ntuni na kunu mwendenda?&#8221; Na v&#235;ga&#235;m&#235;ka, v&#235;garunda masyu ao varavie gwa uvai. 18Na umwedu mukhat&#235; ao rina rakwe Kiliopa, agamusucha, &#8220;Veve wiyene umughenyi uYerusalemu n&#235;utimanyie mantu n&#235;atendeka hafo matiku ayai?&#8221; 19Na mweeso agavasucha, &#8220;Mantu ik&#235;&#235;?&#8221; Na veeso v&#235;gamukhan&#235;a, &#8220;Mantu amwa Yesu wa u Nasareti, naar&#235; munyag&#235;daghu n&#235; munya udaho wa utenda mantu n&#235; makuu na us&#235;ya usonge a Muungu na antu voong'e, 20na mwino makuhani viitu n&#235; ak&#252;&#252; na atawala vamufunyiye aramuwe ikuya, na umukhoma mweeso. 21&#203;gweeso sese ar&#235; gughemet&#235; mwino mweeso ujie ukhomoa Isiraeli. Nha, nan&#235; gwareka ayai oong'e r&#235;o itiku ra gatatu ufuma fata mantu ayai atendeka. 22Na kang&#235; akhema v&#235;k&#235;tunga va iburi riitu vaguoghofiya sese. Veeso veendie diu chili umb&#235;l&#235;lo na vinawoona mw&#235;&#235;r&#235; wakwe. 23Na v&#235;gasuka v&#235;gahanya mwino veeso vaona mambibii a malaika, n&#235; wakhan&#235;a mwino chu mufanga. 24Na vang&#235;ja g&#235;buri riitu v&#235;gaenda umb&#235;l&#235;lo, v&#235;gaona viuy&#235; mwino akhema avoo ar&#235; vahanyiye; &#235;gweeso mweeso vinamwoona.&#8221; 25Na agavakhan&#235;a, &#8220;Anju mw&#235; antu n&#235; afutu, na nkho ndiito ya uhuv&#235;a oong'e n&#235; atanantiywe na anyag&#235;daghu! 26Ar&#235; itimunoneye Kiristo uhanga makhas&#235;ko ayai na uing&#235;a guu &#252;k&#252;&#252; wakwena?&#8221; 27Mweeso agaandiya ufuma itabu yamwa Musa na anyag&#235;daghu voong'e agavadonea maand&#235;ko oong'e n&#235;&#235;mughookee mweeso mughonjo. 28Veeso v&#235;gahumbea fif&#235; a gejiji gas&#235;k&#235; naar&#235; viinj&#235;, mweeso agagitenda mwino ungufenja ufwaiya usonge. 29Veeso v&#235;gamuum&#235;ya v&#235;umw&#235;&#235;ra, &#8220;Ikha ginanyu gusoko mp&#235;nd&#235; itungwee na yuva rooka uharia.&#8221; Uvii agak&#235;a mung'&#235; agagikha inao.</div><div class="s">Mal&#235;wa Amp&#235;nd&#235;</div><div class="p"> 30Naar&#235; mweeso ugumesa itamb&#235;&#235;mwedu inao, agahoa mukaate na agauforya na agavaghania, na agavafa. 31Na miho ao igaba&#235;ka na v&#235;gamumanya, na mweeso agaura usonge a miho ao. 32V&#235;gagikhan&#235;a veeso gwa, &#8220;Nkho yiitu inaaka mung'e naar&#235; wigh&#235;&#235;tiye ginao unj&#235;a, na agakunukw&#235;ra Maand&#235;ko?&#8221;</div><div class="s">Usuka uYerusalemu</div><div class="p"> 33Na v&#235;gauka ikhondo &#235;r&#235;ro &#235;r&#235;ro, usuka uYerusalemu. 34Na v&#235;gavahanga as&#235;ywi avoo ikumi na umwedu vihangw&#235;&#235;ye itamb&#235;&#235;mwedu na vasaa naar&#235; vitamb&#235;r&#235;mwedu inao v&#235;uhanya, &#8220;M&#252;k&#252;&#252; waf&#235;tya tut&#235;, wamudw&#235;&#235;ra Simioni!&#8221; 35Na veeso v&#235;gavakhan&#235;a nkhani &#235;y&#235;o ya unj&#235;a, na mwino mweeso wimanyisiye kun&#235; veeso naar&#235; uguaghan&#235;a mukate.</div><div class="s">Yesu Waadw&#235;&#235;ra As&#235;ywi Vakwe</div><div class="r">(Mat 28:16-20; Mrk 16:14-18; Yoh 20:19-23; Nte 1:6-8)</div><div class="p"> 36Naar&#235; k&#235;&#235; vaigh&#235;&#235;tiye nkhani iyii, Yesu mughonjo aga&#235;meka mukhat&#235; ao na agavakhan&#235;a, &#8220;Maj&#235;ghana ikhae nanyee.&#8221; 37&#203;gweeso veeso v&#235;gakhakhata na uoghofa, na v&#235;gaghema ur&#235; vaona mwimimi. 38Na mweeso agavakhanea, &#8220;Asik&#235; n&#235; nyee mulwa, na asik&#235; n&#235; mwina ntenga unkhoo yanyu? 39Ravi m&#235;khono ane na m&#235;ghuu ane, n&#235; nene mughonjo, nkwatangi nene na mwoone, gusoko nkhoo &#235;tikweti mw&#235;&#235;r&#235; na makufa mwino chu nyenye mukengee n&#235; m&#235;kweti.&#8221; 40Naar&#235; wadaha urigh&#235;&#235;tya uyii mweeso agavaragh&#235;a m&#235;khono akwe nan&#235; m&#235;ghuu akwe. 41Uvii naar&#235; k&#235;&#235; vatihuv&#235;e gwa uyanjo, na utaka, mweeso agavaw&#235;ya, &#8220;Mukweti itu mpa r&#235;mwedu ra ulia hafaina?&#8221; 42V&#235;gamufa gag&#235;fande gasompa n&#235; gaat&#235;kie, 43na mweeso agagahoa na ulia usonge ao.</div><div class="s">Nyenye Mw&#235; Vamasudanga Vane</div><div class="p"> 44Na mweeso agavakhan&#235;a, &#8220;Yasii nkhani yane ninamukhan&#235;e naar&#235; k&#235;&#235; ginanyu, mwino mug&#235;ntu n&#235;g&#235;and&#235;kiwe kun&#235; nene mus&#235;ria yamwa Musa na anyag&#235;dagu na usaburi anoneye akhondeke.&#8221; 45Na mweeso hafo agavakunukwera mahaa ao vadahe umanya maand&#235;ko. 46Na mweeso agavakhan&#235;a uyii yiand&#235;kiwe, mwino chu Kiristo unoneye ukhaswa na uf&#235;tya itiku ra gatatu ufuma gwa akuyi, na 47vii ufei na uheywa wa mahutye ugutanatiwa gwa rina rakwe undughu uyoong'e, uand&#235;ya uYerusalemu. 48Nyenye mw&#235; vamasudanga a mantu ayai. 49Na ravi, nene ngumwetea iraghano ramwa Tata unto anyu, &#235;gweeso ikhai umujini, faka kun&#235; mujie ufewa udaho n&#235; ufumie unto.</div><div class="s">Unat&#235;a Girunde</div><div class="p"> 50Na mweeso agavatongera faka uBetania, na agahumbua m&#235;khono akwe agavaforya. 51Naar&#235; waaforya agarakanuka inao, na agahowa uende girunde. 52Na veeso v&#235;gasuka uYerusalemu na uyanjo &#252;k&#252;&#252;, 53na v&#235;gafwagh&#235;re ugikhaa uhekalu v&#235;umukurya Muungu.</div>
 </div>
 </div>
</div>

 Kirimi New Testament © Bible Society of Tanzania, 2008.

Ëgweeso itiku ra mwandyo ra Ijumaa, diu chili veeso vëgaenda umbëlëlo vakweti makuta nëenyankie ija naarë veeso vayaning'aniyaa. Na vëgahanga igwe rafingirwa kue na mbëlëlo. Ëgweeso naarë vahungia mungë vinaona mwëërë. Naarë këë vatakëëte na ukhani wasuu, rava, antu vavëë vëgaëmëka fifë inao vayaite masaa në ufimpënaino. Naarë këë vaoghofete na uhunamëa masyu ao faka fang'e, antu vasaa vëgavakhanëa, “Asikë në nyenye mumufenja në mufanga gwa akuyi? Atifo hafai wafëtya. Kumbukwi mwino arë mwino wamukhanëa nyenye, naarë mwinao uGalilaya. Mwana wa Muntu unoneye afunywe umëkhono antu në anya mahutye, na umukhoma, na itiku ra gatatu ugufëtya.” Na veeso vëgakumbukwa nkhani yakwe, na vëgasuka ufuma umbëlëlo vëgavakhanëa iyii nyoong'e atumami ikumi na umwedu na vangëja voong'e. Na arë Maria Magidalena, na Yoana, na Maria nyinya wamwa Yakobo, nanë akhema vangëja naarë vihongie inao, Vasaa vëgavakhanëa atumami sayu ya mantu asaa. Ëgweeso nkhani ëyëë ëgagighea kunë veeso mwino ya ufutu, na vinavahuvëa. [ Ëgweeso Fetero agauka agaenda udurie faka umbëlëlo mweeso agatuna fang'e na agaona sanda ntufu nëëfindëywe. Mweeso agasuka ukhaya kunu utakëëte asaa nëadwëëra.]


Na itiku ërëro ërëro antu vavëë mukhatë ao arë vinjë ugijiji gëmwedu rina rayo Emau, maili mufungate ufuma uYerusalemu, na arë varëghëëtiye veeso gwa veeso sayu a mantu asaa oong'e nëadwëëra. Naarë këë varëghëëtiye na ugiwëya, Yesu mughonjo agahumbea fifë, mweeso agagihonga inao. Ëgweeso miho ao arë akumbiwe vatamumanye mweeso. Na mweeso agavakhanëa “Murighëëtëye ntuni na kunu mwendenda?” Na vëgaëmëka, vëgarunda masyu ao varavie gwa uvai. Na umwedu mukhatë ao rina rakwe Kiliopa, agamusucha, “Veve wiyene umughenyi uYerusalemu nëutimanyie mantu nëatendeka hafo matiku ayai?” Na mweeso agavasucha, “Mantu ikëë?” Na veeso vëgamukhanëa, “Mantu amwa Yesu wa u Nasareti, naarë munyagëdaghu në munya udaho wa utenda mantu në makuu na usëya usonge a Muungu na antu voong'e, na mwino makuhani viitu në aküü na atawala vamufunyiye aramuwe ikuya, na umukhoma mweeso. Ëgweeso sese arë gughemetë mwino mweeso ujie ukhomoa Isiraeli. Nha, nanë gwareka ayai oong'e rëo itiku ra gatatu ufuma fata mantu ayai atendeka. Na kangë akhema vëkëtunga va iburi riitu vaguoghofiya sese. Veeso veendie diu chili umbëlëlo na vinawoona mwëërë wakwe. Na vëgasuka vëgahanya mwino veeso vaona mambibii a malaika, në wakhanëa mwino chu mufanga. Na vangëja gëburi riitu vëgaenda umbëlëlo, vëgaona viuyë mwino akhema avoo arë vahanyiye; ëgweeso mweeso vinamwoona.” Na agavakhanëa, “Anju mwë antu në afutu, na nkho ndiito ya uhuvëa oong'e në atanantiywe na anyagëdaghu! Arë itimunoneye Kiristo uhanga makhasëko ayai na uingëa guu üküü wakwena?” Mweeso agaandiya ufuma itabu yamwa Musa na anyagëdaghu voong'e agavadonea maandëko oong'e nëëmughookee mweeso mughonjo. Veeso vëgahumbea fifë a gejiji gasëkë naarë viinjë, mweeso agagitenda mwino ungufenja ufwaiya usonge. Veeso vëgamuumëya vëumwëëra, “Ikha ginanyu gusoko mpëndë itungwee na yuva rooka uharia.” Uvii agakëa mung'ë agagikha inao.

Naarë mweeso ugumesa itambëëmwedu inao, agahoa mukaate na agauforya na agavaghania, na agavafa. Na miho ao igabaëka na vëgamumanya, na mweeso agaura usonge a miho ao. Vëgagikhanëa veeso gwa, “Nkho yiitu inaaka mung'e naarë wighëëtiye ginao unjëa, na agakunukwëra Maandëko?”

Na vëgauka ikhondo ërëro ërëro, usuka uYerusalemu. Na vëgavahanga asëywi avoo ikumi na umwedu vihangwëëye itambëëmwedu na vasaa naarë vitambërëmwedu inao vëuhanya, “Müküü wafëtya tutë, wamudwëëra Simioni!” Na veeso vëgavakhanëa nkhani ëyëo ya unjëa, na mwino mweeso wimanyisiye kunë veeso naarë uguaghanëa mukate.


Naarë këë vaighëëtiye nkhani iyii, Yesu mughonjo agaëmeka mukhatë ao na agavakhanëa, “Majëghana ikhae nanyee.” Ëgweeso veeso vëgakhakhata na uoghofa, na vëgaghema urë vaona mwimimi. Na mweeso agavakhanea, “Asikë në nyee mulwa, na asikë në mwina ntenga unkhoo yanyu? Ravi mëkhono ane na mëghuu ane, në nene mughonjo, nkwatangi nene na mwoone, gusoko nkhoo ëtikweti mwëërë na makufa mwino chu nyenye mukengee në mëkweti.” Naarë wadaha urighëëtya uyii mweeso agavaraghëa mëkhono akwe nanë mëghuu akwe. Uvii naarë këë vatihuvëe gwa uyanjo, na utaka, mweeso agavawëya, “Mukweti itu mpa rëmwedu ra ulia hafaina?” Vëgamufa gagëfande gasompa në gaatëkie, na mweeso agagahoa na ulia usonge ao.

Na mweeso agavakhanëa, “Yasii nkhani yane ninamukhanëe naarë këë ginanyu, mwino mugëntu nëgëandëkiwe kunë nene musëria yamwa Musa na anyagëdagu na usaburi anoneye akhondeke.” Na mweeso hafo agavakunukwera mahaa ao vadahe umanya maandëko. Na mweeso agavakhanëa uyii yiandëkiwe, mwino chu Kiristo unoneye ukhaswa na ufëtya itiku ra gatatu ufuma gwa akuyi, na vii ufei na uheywa wa mahutye ugutanatiwa gwa rina rakwe undughu uyoong'e, uandëya uYerusalemu. Nyenye mwë vamasudanga a mantu ayai. Na ravi, nene ngumwetea iraghano ramwa Tata unto anyu, ëgweeso ikhai umujini, faka kunë mujie ufewa udaho në ufumie unto.

Na mweeso agavatongera faka uBetania, na agahumbua mëkhono akwe agavaforya. Naarë waaforya agarakanuka inao, na agahowa uende girunde. Na veeso vëgasuka uYerusalemu na uyanjo üküü, na vëgafwaghëre ugikhaa uhekalu vëumukurya Muungu.

Слухаць Luka 24