Kinyaturu - 2010 BST (NT) Drama

<div class="version vid3369 iso6393rim" data-vid="3369" data-iso6393="rim">
 <div class="book bkMAT">
 <div class="chapter ch17" data-usfm="MAT.17">
 <div class="label">17</div><div class="s">Yesu uguf&#235;uka ikeru</div><div class="r">(Mrk 9:2-13; Luk 9:28-36)</div><div class="p"> 1N&#235;naa matiku mutandatu ak&#235;ra, Yesu agavahora Fetero, Yakobo nan&#235; Yohana muunakwe, agenda inaawe veeso atufu gunto a g&#235;tanto g&#235;rifu. 2Kuuko, n&#235;naa v&#235;muraraavie, agaf&#235;uka ikeru, usyu wakwe ugaf&#235;mp&#235;na mwino yuva na masaa akwe &#235;gatenda meru mwino weru. 3Musa nan&#235; Eliya v&#235;gavadw&#235;&#235;ra v&#235;goor&#235;gh&#235;tya na mweeso. 4Faafo Fetero agamw&#235;&#235;ra Yesu, &#8220;M&#252;k&#252;&#252;, uu vija ino n&#235;chuu gw&#235;afaa! N&#235;wayanja nene ngujenga nkhango itatu: &#235;mwe ako, &#235;mwe amwa Musa na &#235;mwe amwa Eliya.&#8221; 5N&#235;naa &#235;k&#235;&#235; ugur&#235;gh&#235;tya uvii, irunde ryeru r&#235;gavakun&#235;k&#235;a, na ruri ugategheeyeka ufuma mu irunde r&#235;s&#235;&#235;: &#8220;Uyuu un&#235; Mwanan&#235; muyanjwi n&#235;nayanjisiwe na mweeso, mutegheeyi mweeso.&#8221; 6As&#235;ywi n&#235;naa vategheeya uvii v&#235;gagwa wuumbama, v&#235;googhofa ino. 7Yesu agaveendea, agavatenia, agahanya, &#8220;Im&#235;ki, mutaoghofee!&#8221; 8N&#235;naavahumbua miho awe vinoonaa muntu, &#235;gweeso Yesu imwenedu.</div><div class="p"> 9Uvii, n&#235;naaveutununta ug&#235;tanto, Yesu agav&#235;&#235;ra: &#8220;Mutamukhan&#235;e muntu mantu n&#235;mwayoonaa faka Mwaamuntu n&#235;ikw&#235; waf&#235;tiwa ufuma gwa akuyi.&#8221; 10As&#235;ywi vakwe v&#235;gamuw&#235;&#235;ya, &#8220;Njuu chuu as&#235;yi va Seria v&#235;uhanya at&#235;&#235; inoneye tanju Eliya aje?&#8221; 11Yesu agavasucha, &#8220;Tut&#235;, Eliya ujie ughondan&#235;ya mantu oong'e. 12&#203;gweeso nene ngumw&#235;&#235;ra nyenye, Eliya wadahie ujaa veesonoo v&#235;gad&#235;a umumanya, &#235;gweeso v&#235;gamutenda mwino veesoo naav&#235;anj&#235;te. Mwaamuntu ugukhasiwa uvii uvii mu m&#235;khono awe.&#8221; 13Faafo as&#235;ywi vasaa v&#235;gamanya mwino naauguvakhan&#235;a sayu amwa Yohana Mubadisi.</div><div class="s">Yesu ugumuforya mung'&#235;nya n&#235;una g&#235;nyonyinyonyi</div><div class="r">(Mrk 9:14-29; Luk 9:37-43a)</div><div class="p"> 14N&#235;naavakhuv&#235;a kang&#235; na mwirundo wasuu wa antu, muntu umwe agamwendea Yesu, agamutungam&#235;a, 15agahanya, &#8220;M&#252;k&#252;&#252;, mwoon&#235;e uvavi mwanan&#235; gusoko ugugwaa g&#235;twe, kang&#235; ugukhas&#235;kaa ino: m&#235;h&#235;njo minge mweeso ugugw&#235;a mumoto nan&#235; mumaj&#235;. 16Nene ngamweeta kun&#235; as&#235;ywi vako &#235;gweeso v&#235;gatumba umuforya.&#8221; 17Yesu agasucha, &#8220;Nyee ufafo n&#235;utina uhuv&#235;i, n&#235;uyaghee! Ngikhaa nanyee faka nanee? Ngumughim&#235;&#235;ya nyee faka nanee? Mundetei mung'&#235;nya wasuu afaa.&#8221; 18Uvii, Yesu agag&#235;kenea g&#235;nyonyinyonyi g&#235;s&#235;&#235;, gyesonoo g&#235;gamudua, na mung'&#235;nya wasuu agafora itungo &#235;r&#235;&#235;ro &#235;r&#235;&#235;ro. 19As&#235;ywi v&#235;gamwendea Yesu n&#235;naa mweeso imwenedu, v&#235;gamuw&#235;&#235;ya, &#8220;Gusokok&#235; n&#235;sese gwinadaha ug&#235;duya g&#235;nyonyinyonyi g&#235;s&#235;&#235;?&#8221; 20Yesu agavasucha, &#8220;Gusoko a uhuv&#235;i wanyu unyui. Nene ngumw&#235;&#235;ra tut&#235;, n&#235;sa gutufu muteenda mwina uhuv&#235;i mwino mbeyu a iharadali muudaha ug&#235;khan&#235;a g&#235;tanto &#235;k&#235;&#235;: &#8216;Hegha afaa wende afoo,&#8217; gyeesonoo ginj&#235;. Gutie intu mbanduv&#235; n&#235;r&#235;utumb&#235;ka kun&#235; nyee. 21G&#235;nyonyinyonyi n&#235; g&#235;mwino &#235;k&#235;&#235; g&#235;tiudaha uheywa &#235;gweeso gwa marombi na ufunga.&#8221;</div><div class="s">Yesu ugur&#235;gh&#235;tya kang&#235; sayu a ikuya nan&#235; uf&#235;tyo wakwe</div><div class="r">(Mrk 9:30-32; Luk 9:43b-45)</div><div class="p"> 22N&#235;naa v&#235;&#235;mumuh&#235;njo ukoo uGalilaya, Yesu agav&#235;&#235;ra, &#8220;MwaaMuntu ugutendewa mum&#235;khono a antu. 23V&#235;umuuragha, &#235;gweeso itiku ra gatatu uguf&#235;tya.&#8221; As&#235;ywi v&#235;gaona uvavi ino.</div><div class="s">Ur&#235;fa hela ya kot&#235; a Hekalu</div><div class="p"> 24Veeso nar&#235; vafika u Kaferinauma, anya ukhombosya koti a saka a hekalu a itiku, v&#235;gamwendea Fetero v&#235;gahanya, &#8220;Mus&#235;yi wanyu ugur&#235;faa kootina?&#8221; 25Fetero agamusucha, &#8220;Nhaa, ugur&#235;faa.&#8221; Uvii, Fetero n&#235;naawing&#235;a mu nyumba, ak&#235;&#235; ainar&#235;gh&#235;tya mbesa ukhani, Yesu agamw&#235;&#235;ya, &#8220;Simoni, veve ugoona wur&#235;? Atemi va mu ur&#235;mi v&#235;uhaangw&#235;yaa usuru namba kodi ufuma kun&#235; vaanyu? Ufuma kun&#235; ang'&#235;nya vawe namba ufuma gwa antu n&#235; aghenyi?&#8221; 26Fetero agasucha, &#8220;Ufuma gwa antu vang&#235;ja.&#8221; Yesu agamw&#235;&#235;ra, &#8220;Ar&#235;, uvii, ang'&#235;nya v&#235;tifo mur&#235;s&#235;&#235;. 27Uvii, gusoko gweke uvahurisya veeso, enda girambo na ghum&#235;a ndoana, na hora somba a mwandyo n&#235;ugum&#235;kwatya. Veve bambanua moomo winj&#235; uhanga hela a saka a hekalu a itiku r&#235;mwedu. Hora &#235;s&#235;&#235; na vafe veeso gusoko ane na gusoko mughonjo.&#8221;</div>
 </div>
 </div>
</div>

 Kirimi New Testament © Bible Society of Tanzania, 2008.

Nënaa matiku mutandatu akëra, Yesu agavahora Fetero, Yakobo nanë Yohana muunakwe, agenda inaawe veeso atufu gunto a gëtanto gërifu. Kuuko, nënaa vëmuraraavie, agafëuka ikeru, usyu wakwe ugafëmpëna mwino yuva na masaa akwe ëgatenda meru mwino weru. Musa nanë Eliya vëgavadwëëra vëgoorëghëtya na mweeso. Faafo Fetero agamwëëra Yesu, “Müküü, uu vija ino nëchuu gwëafaa! Nëwayanja nene ngujenga nkhango itatu: ëmwe ako, ëmwe amwa Musa na ëmwe amwa Eliya.” Nënaa ëkëë ugurëghëtya uvii, irunde ryeru rëgavakunëkëa, na ruri ugategheeyeka ufuma mu irunde rësëë: “Uyuu unë Mwananë muyanjwi nënayanjisiwe na mweeso, mutegheeyi mweeso.” Asëywi nënaa vategheeya uvii vëgagwa wuumbama, vëgooghofa ino. Yesu agaveendea, agavatenia, agahanya, “Imëki, mutaoghofee!” Nënaavahumbua miho awe vinoonaa muntu, ëgweeso Yesu imwenedu.
Uvii, nënaaveutununta ugëtanto, Yesu agavëëra: “Mutamukhanëe muntu mantu nëmwayoonaa faka Mwaamuntu nëikwë wafëtiwa ufuma gwa akuyi.” Asëywi vakwe vëgamuwëëya, “Njuu chuu asëyi va Seria vëuhanya atëë inoneye tanju Eliya aje?” Yesu agavasucha, “Tutë, Eliya ujie ughondanëya mantu oong'e. Ëgweeso nene ngumwëëra nyenye, Eliya wadahie ujaa veesonoo vëgadëa umumanya, ëgweeso vëgamutenda mwino veesoo naavëanjëte. Mwaamuntu ugukhasiwa uvii uvii mu mëkhono awe.” Faafo asëywi vasaa vëgamanya mwino naauguvakhanëa sayu amwa Yohana Mubadisi.


Nënaavakhuvëa kangë na mwirundo wasuu wa antu, muntu umwe agamwendea Yesu, agamutungamëa, agahanya, “Müküü, mwoonëe uvavi mwananë gusoko ugugwaa gëtwe, kangë ugukhasëkaa ino: mëhënjo minge mweeso ugugwëa mumoto nanë mumajë. Nene ngamweeta kunë asëywi vako ëgweeso vëgatumba umuforya.” Yesu agasucha, “Nyee ufafo nëutina uhuvëi, nëuyaghee! Ngikhaa nanyee faka nanee? Ngumughimëëya nyee faka nanee? Mundetei mung'ënya wasuu afaa.” Uvii, Yesu agagëkenea gënyonyinyonyi gësëë, gyesonoo gëgamudua, na mung'ënya wasuu agafora itungo ërëëro ërëëro. Asëywi vëgamwendea Yesu nënaa mweeso imwenedu, vëgamuwëëya, “Gusokokë nësese gwinadaha ugëduya gënyonyinyonyi gësëë?” Yesu agavasucha, “Gusoko a uhuvëi wanyu unyui. Nene ngumwëëra tutë, nësa gutufu muteenda mwina uhuvëi mwino mbeyu a iharadali muudaha ugëkhanëa gëtanto ëkëë: ‘Hegha afaa wende afoo,’ gyeesonoo ginjë. Gutie intu mbanduvë nërëutumbëka kunë nyee. Gënyonyinyonyi në gëmwino ëkëë gëtiudaha uheywa ëgweeso gwa marombi na ufunga.”


Nënaa vëëmumuhënjo ukoo uGalilaya, Yesu agavëëra, “MwaaMuntu ugutendewa mumëkhono a antu. Vëumuuragha, ëgweeso itiku ra gatatu ugufëtya.” Asëywi vëgaona uvavi ino.

Veeso narë vafika u Kaferinauma, anya ukhombosya koti a saka a hekalu a itiku, vëgamwendea Fetero vëgahanya, “Musëyi wanyu ugurëfaa kootina?” Fetero agamusucha, “Nhaa, ugurëfaa.” Uvii, Fetero nënaawingëa mu nyumba, akëë ainarëghëtya mbesa ukhani, Yesu agamwëëya, “Simoni, veve ugoona wurë? Atemi va mu urëmi vëuhaangwëyaa usuru namba kodi ufuma kunë vaanyu? Ufuma kunë ang'ënya vawe namba ufuma gwa antu në aghenyi?” Fetero agasucha, “Ufuma gwa antu vangëja.” Yesu agamwëëra, “Arë, uvii, ang'ënya vëtifo murësëë. Uvii, gusoko gweke uvahurisya veeso, enda girambo na ghumëa ndoana, na hora somba a mwandyo nëugumëkwatya. Veve bambanua moomo winjë uhanga hela a saka a hekalu a itiku rëmwedu. Hora ësëë na vafe veeso gusoko ane na gusoko mughonjo.”

Слухаць Matayo 17