<div class="version vid3684 iso6393mgs" data-vid="3684" data-iso6393="mgs">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="p"> 1Pa lukumbi lula Herode tetrako akayufwini mbili ya Yesu, 2nakajowiti kwa wapalo wake, Uyu yuyu Yohana Wakubatisa; akasyukiti pa wakufwa; na kwa ndawa iyi fya makakala ifi fihenga pa yombe. 3Pakuya Herode akankamwili Yohana, na akankungiti, na akambikiti pa kukungika ndawa ya Herodia, mhanu wa Filipo nung&#8217;una. 4Pakuya Yohana akanjowili, Yiyitikalika lepa utame nako. 5Na pakulonda kunkoma, akayogwipi lipuga, ndawa wakambalingi ngati wakulweta. 6Leka likafiki ligono lya kuhogoleka kwake Herode, mwana ndala wa Herodia akahiniti pagati pawe, na akanganisi Herode. 7Bahalapala akalagiti ni kulapila kumpela yombe kiyi kyoha iki yaluwe. 8Nuyombe, pakalongosiki nu nyina, ajowa, Unipele apa pa kisayi mutu wa Yohana Wakubatisa. 9Ni mutwa akaniongoniki; koma ndawa ya kilapo kyake, na ndawa ya wala wakutama pa kyakulya pamonga nako, akataukili kukita upelewe; 10na pakatumiti yombe wakandumwili Yohana mutu pa kukungika. 11Nu mutu wake ukatoliki pa kisayi, ni ukapeliwi kwa mwali: nuyombe akautolili kwa nyina. 12Na wanafunsi wake wakachiti, na wakapinditi ntufi, na wakauwikiti pa manyinja; na wakawukiti kuntawalila Yesu.</div><div class="p"> 13Leka Yesu pakayufwini iki akawukiti kukulakula pa liboti, mwanja pandu pa lipululu pa mweya: na pakayufwini mapuga, wakankisiti pa ndima kuhumila pa makaya. 14Na akapititi, nakaweni lipuga likulungu, nakatoliki ni lipyana kwa wombe, nakalwasiti watamu wawe. 15Leka pakufika kimihi, wanafunsi wake wakanchilili, kujowa, Pandu apa payii pa lipululu, na saa yilutili hino; uwapele wa mapuga mwanja, nausi wabite ku mihali, na wayitasile kyakulya. 16Koma Yesu akawajowili, Wangali nyimu yakubitila; muwapele wombe mwenga walye. 17Leka wanjowela, Tiyii lepa ni kindu apa lema mikate mhano waka, ni somba siwili. 18Nakatawili yombe, Muhiche nayo kwa nenga apa. 19Na akataukili mapuga kutama pasi bahalapala pa ndindi; nakatoliti mikate mhano ni somba siwili, ni pakulola kunani, akapili kihomo, na pakametwili akawapili wanafunsi mikate yila, na wanafunsi wakawapili mapuga. 20Leka wakalili woha, na wakatupili: na wakatondwili fya kusigala fya fimenyumenyu, masenjele kumi na gawili ga kumema. 21Leka wala wakalili wakayili wagosi ngati elfu mhano, kulemuka wadala na wana.</div><div class="p"> 22Na hino apa akawakikisili wanafunsi kuyingila mu liboti, ni kundongolela ku lisi lingi, mpaka apa yawapele mapuga mwanja. 23Na pakawapili mapuga mwanja, akakweliti pa kidunda kila pa mweya kusali: leka apa kimaliti kufika kimihi, akayili kukulakula wakape. 24Koma liboti hino likayili pagati pa nyanja, ni kuhumbusika na mayiga; pakuya mbepo yikayili ya kulongolo. 25Leka pa kupokenela pa kacheche pa kilo akawahichili, kugendagenda panani pa machi. 26Na wanafunsi apa wakambweni agendagenda panani pa nyanja, wakalipwiki mioyo, kujowa, Ni kifwilifwili; na kwa woga wakakuwiti malowe. 27Leka hino apa Yesu akalongili nawo, kujowa, Muye nu mwoyo; nenga niyii; mukotoke kuyogopa. 28Leka Petro pakamhigiti akajowiti, Bambo wona uyii wenga, unitaukile nikuchile panani pa machi. 29Leka akatawili, Ichaye. Nu Petro, pakaselili kuhuma pa liboti, akagenditi panani pa machi, kumchilila Yesu. 30Koma pakulola mbepo, akayogwipi; na pakatumbwili kuyiwila, akakuwiti kujowa, Bambo, uniyokole. 31Leka hino apa Yesu pakatambalisi kiwoko kyake, akankamwili, na anjowela, Wakukepa kiyitakiso, ndawa kiki ukaganaganiti? 32Na apa wakakweliti pa liboti, mbepo yikayisiti. 33Leka wombe pa liboti wakangwilikimbo kujowa, Chakaka uyii Mwana wa Mulungu.</div><div class="p"> 34Na apa wakayombwiki, wakachiti pa ndima, ku Genesareti. 35Na wagosi wa pandu pala apa wakambalalili, wakatumiti pa ndima woha wakusyungutila wula, na wakantolili yombe woha wakulwala; 36na wakampembisi, kukita wakwafye haka lupeto lwa nguo yake: na woha wala wakamkwafiti wakalamasiki.</div>
 </div>
 </div>
</div>

First published by the British and Foreign Bible Society in 1937.

Pa lukumbi lula Herode tetrako akayufwini mbili ya Yesu, nakajowiti kwa wapalo wake, Uyu yuyu Yohana Wakubatisa; akasyukiti pa wakufwa; na kwa ndawa iyi fya makakala ifi fihenga pa yombe. Pakuya Herode akankamwili Yohana, na akankungiti, na akambikiti pa kukungika ndawa ya Herodia, mhanu wa Filipo nung’una. Pakuya Yohana akanjowili, Yiyitikalika lepa utame nako. Na pakulonda kunkoma, akayogwipi lipuga, ndawa wakambalingi ngati wakulweta. Leka likafiki ligono lya kuhogoleka kwake Herode, mwana ndala wa Herodia akahiniti pagati pawe, na akanganisi Herode. Bahalapala akalagiti ni kulapila kumpela yombe kiyi kyoha iki yaluwe. Nuyombe, pakalongosiki nu nyina, ajowa, Unipele apa pa kisayi mutu wa Yohana Wakubatisa. Ni mutwa akaniongoniki; koma ndawa ya kilapo kyake, na ndawa ya wala wakutama pa kyakulya pamonga nako, akataukili kukita upelewe; na pakatumiti yombe wakandumwili Yohana mutu pa kukungika. Nu mutu wake ukatoliki pa kisayi, ni ukapeliwi kwa mwali: nuyombe akautolili kwa nyina. Na wanafunsi wake wakachiti, na wakapinditi ntufi, na wakauwikiti pa manyinja; na wakawukiti kuntawalila Yesu.
Leka Yesu pakayufwini iki akawukiti kukulakula pa liboti, mwanja pandu pa lipululu pa mweya: na pakayufwini mapuga, wakankisiti pa ndima kuhumila pa makaya. Na akapititi, nakaweni lipuga likulungu, nakatoliki ni lipyana kwa wombe, nakalwasiti watamu wawe. Leka pakufika kimihi, wanafunsi wake wakanchilili, kujowa, Pandu apa payii pa lipululu, na saa yilutili hino; uwapele wa mapuga mwanja, nausi wabite ku mihali, na wayitasile kyakulya. Koma Yesu akawajowili, Wangali nyimu yakubitila; muwapele wombe mwenga walye. Leka wanjowela, Tiyii lepa ni kindu apa lema mikate mhano waka, ni somba siwili. Nakatawili yombe, Muhiche nayo kwa nenga apa. Na akataukili mapuga kutama pasi bahalapala pa ndindi; nakatoliti mikate mhano ni somba siwili, ni pakulola kunani, akapili kihomo, na pakametwili akawapili wanafunsi mikate yila, na wanafunsi wakawapili mapuga. Leka wakalili woha, na wakatupili: na wakatondwili fya kusigala fya fimenyumenyu, masenjele kumi na gawili ga kumema. Leka wala wakalili wakayili wagosi ngati elfu mhano, kulemuka wadala na wana.
Na hino apa akawakikisili wanafunsi kuyingila mu liboti, ni kundongolela ku lisi lingi, mpaka apa yawapele mapuga mwanja. Na pakawapili mapuga mwanja, akakweliti pa kidunda kila pa mweya kusali: leka apa kimaliti kufika kimihi, akayili kukulakula wakape. Koma liboti hino likayili pagati pa nyanja, ni kuhumbusika na mayiga; pakuya mbepo yikayili ya kulongolo. Leka pa kupokenela pa kacheche pa kilo akawahichili, kugendagenda panani pa machi. Na wanafunsi apa wakambweni agendagenda panani pa nyanja, wakalipwiki mioyo, kujowa, Ni kifwilifwili; na kwa woga wakakuwiti malowe. Leka hino apa Yesu akalongili nawo, kujowa, Muye nu mwoyo; nenga niyii; mukotoke kuyogopa. Leka Petro pakamhigiti akajowiti, Bambo wona uyii wenga, unitaukile nikuchile panani pa machi. Leka akatawili, Ichaye. Nu Petro, pakaselili kuhuma pa liboti, akagenditi panani pa machi, kumchilila Yesu. Koma pakulola mbepo, akayogwipi; na pakatumbwili kuyiwila, akakuwiti kujowa, Bambo, uniyokole. Leka hino apa Yesu pakatambalisi kiwoko kyake, akankamwili, na anjowela, Wakukepa kiyitakiso, ndawa kiki ukaganaganiti? Na apa wakakweliti pa liboti, mbepo yikayisiti. Leka wombe pa liboti wakangwilikimbo kujowa, Chakaka uyii Mwana wa Mulungu.
Na apa wakayombwiki, wakachiti pa ndima, ku Genesareti. Na wagosi wa pandu pala apa wakambalalili, wakatumiti pa ndima woha wakusyungutila wula, na wakantolili yombe woha wakulwala; na wakampembisi, kukita wakwafye haka lupeto lwa nguo yake: na woha wala wakamkwafiti wakalamasiki.

Слухаць Mattayo 14