If you have would like a copy of this version please contact info@davarpartners.org

Kinyarwanda :BIBILYA IJAMBO RY’IMANA Old Testament © 2001, Bible Society Of Rwanda (Text), The Kinyarwanda Common Language Old Testament Audio Bible ℗ 2020, Davar Partners International, Hosanna/Faith Comes by Hearing (Audio)

Kinyarwanda Common Language Old Testament

<div class="version vid395 iso6393kin" data-vid="395" data-iso6393="kin">
 <div class="book bkGEN">
 <div class="chapter ch15" data-usfm="GEN.15">
 <div class="label">15</div><div class="s">Uhoraho aha Aburamu Isezerano</div><div class="p"> 1Nyuma y'ibyo, Uhoraho abonekera Aburamu aramubwira ati: &#8220;Aburamu we, ntukagire icyo utinya, ndi ingabo igukingira kandi nzaguha ingororano ikomeye.&#8221;</div><div class="p"> 2Aburamu aramubaza ati: &#8220;Nyagasani Uhoraho, kumpa iyo ngororano bizamarira iki kandi ngiye kuzapfa bucike? Eliyezeri w'i Damasi ni we uzasigara mu byanjye, 3kandi ari umwe mu bagaragu banjye! Ni we uzanzungura kuko nta rubyaro wampaye!&#8221;</div><div class="p"> 4Uhoraho aramusubiza ati: &#8220;Ntabwo ari Eliyezeri uzakuzungura, ahubwo uzazungurwa n'umuhungu uzibyarira.&#8221; 5Nuko Uhoraho ajyana Aburamu hanze, aramubwira ati: &#8220;Itegereze ziriya nyenyeri ziri ku ijuru, urabona ushobora kuzibara se? Urubyaro rwawe ni ko ruzangana!&#8221;</div><div class="p"> 6Aburamu yizera Uhoraho, bituma Uhoraho amubara nk'intungane.</div><div class="p"> 7Uhoraho yungamo ati: &#8220;Ni jyewe Uhoraho watumye wimuka mu mujyi wa Uri mu Bukalideya, kugira ngo nguhe iki gihugu ho gakondo.&#8221;</div><div class="p"> 8Aburamu aramubaza ati: &#8220;Nyagasani Uhoraho, nzemezwa n'iki ko uzakimpa?&#8221;</div><div class="p"> 9Uhoraho aramusubiza ati: &#8220;Nzanira inyana imaze imyaka itatu ivutse, n'ihene y'imyaka itatu n'isekurume y'intama na yo y'imyaka itatu, hamwe n'inuma ebyiri.&#8221; 10Aburamu arabizana byose abisaturamo kabiri, ibisate bimwe abitondekanya iburyo ibindi ibumoso biteganye, ariko inuma ntiyazisatura.#10: Mu muhango wo guhamya isezerano, basaturaga itungo mo kabiri bakarica hagati, bakaba bemeje ko uzica isezerano azagirwa nk'iryo tungo. Reba Yer 34.18-19. 11Bigeze aho inkongoro ziza kurya izo nyama, ariko Aburamu arazirukana.</div><div class="p"> 12Izuba rigiye kurenga Aburamu afatwa n'ibitotsi byinshi, ariko aza gushigukira hejuru ubwoba buramutaha. 13Uhoraho ni ko kumubwira ati: &#8220;Dore uko bizagenda: abazagukomokaho bazasuhukira mu gihugu cy'amahanga bakimaremo imyaka magana ane yose, bazafatwa nabi bakore n'imirimo y'agahato. 14Ariko nzahana igihugu kizabakoresha agahato, hanyuma bazakivamo bafite ubutunzi bwinshi. 15Naho wowe uzisazira neza, utabaruke amahoro, bagushyingure uko bikwiye. 16Abazagukomokaho nibamara ibis&#275;kuruza bine muri icyo gihugu, bazagaruka ino. Icyo gihe ibyaha by'Abamori bizaba byararenze ihaniro.&#8221;</div><div class="p"> 17Izuba rimaze kurenga hacura umwijima, nuko haboneka icyotero gicumbeka n'ifumba igurumana binyura hagati ya bya bisate by'amatungo. 18Icyo gihe Uhoraho aha Aburamu Isezerano agira ati: &#8220;Nzaha abazagukomokaho iki gihugu cyose, guhera ku mupaka wa Misiri kugera ku ruzi runini rwa Efurati, 19ahatuwe n'Abakeni n'Abakenizi n'Abakadimoni, 20n'Abaheti n'Abaperizi n'Abarefa, 21n'Abamori n'Abanyakan&#257;ni n'Abagirigashi n'Abayebuzi.&#8221;</div>
 </div>
 </div>
</div>

Nyuma y'ibyo, Uhoraho abonekera Aburamu aramubwira ati: “Aburamu we, ntukagire icyo utinya, ndi ingabo igukingira kandi nzaguha ingororano ikomeye.”
Aburamu aramubaza ati: “Nyagasani Uhoraho, kumpa iyo ngororano bizamarira iki kandi ngiye kuzapfa bucike? Eliyezeri w'i Damasi ni we uzasigara mu byanjye, kandi ari umwe mu bagaragu banjye! Ni we uzanzungura kuko nta rubyaro wampaye!”
Uhoraho aramusubiza ati: “Ntabwo ari Eliyezeri uzakuzungura, ahubwo uzazungurwa n'umuhungu uzibyarira.” Nuko Uhoraho ajyana Aburamu hanze, aramubwira ati: “Itegereze ziriya nyenyeri ziri ku ijuru, urabona ushobora kuzibara se? Urubyaro rwawe ni ko ruzangana!”
Aburamu yizera Uhoraho, bituma Uhoraho amubara nk'intungane.
Uhoraho yungamo ati: “Ni jyewe Uhoraho watumye wimuka mu mujyi wa Uri mu Bukalideya, kugira ngo nguhe iki gihugu ho gakondo.”
Aburamu aramubaza ati: “Nyagasani Uhoraho, nzemezwa n'iki ko uzakimpa?”
Uhoraho aramusubiza ati: “Nzanira inyana imaze imyaka itatu ivutse, n'ihene y'imyaka itatu n'isekurume y'intama na yo y'imyaka itatu, hamwe n'inuma ebyiri.” Aburamu arabizana byose abisaturamo kabiri, ibisate bimwe abitondekanya iburyo ibindi ibumoso biteganye, ariko inuma ntiyazisatura. Bigeze aho inkongoro ziza kurya izo nyama, ariko Aburamu arazirukana.
Izuba rigiye kurenga Aburamu afatwa n'ibitotsi byinshi, ariko aza gushigukira hejuru ubwoba buramutaha. Uhoraho ni ko kumubwira ati: “Dore uko bizagenda: abazagukomokaho bazasuhukira mu gihugu cy'amahanga bakimaremo imyaka magana ane yose, bazafatwa nabi bakore n'imirimo y'agahato. Ariko nzahana igihugu kizabakoresha agahato, hanyuma bazakivamo bafite ubutunzi bwinshi. Naho wowe uzisazira neza, utabaruke amahoro, bagushyingure uko bikwiye. Abazagukomokaho nibamara ibisēkuruza bine muri icyo gihugu, bazagaruka ino. Icyo gihe ibyaha by'Abamori bizaba byararenze ihaniro.”
Izuba rimaze kurenga hacura umwijima, nuko haboneka icyotero gicumbeka n'ifumba igurumana binyura hagati ya bya bisate by'amatungo. Icyo gihe Uhoraho aha Aburamu Isezerano agira ati: “Nzaha abazagukomokaho iki gihugu cyose, guhera ku mupaka wa Misiri kugera ku ruzi runini rwa Efurati, ahatuwe n'Abakeni n'Abakenizi n'Abakadimoni, n'Abaheti n'Abaperizi n'Abarefa, n'Abamori n'Abanyakanāni n'Abagirigashi n'Abayebuzi.”

Слухаць Intangiriro 15