<div class="version vid4120 iso6393wls" data-vid="4120" data-iso6393="wls">
 <div class="book bkMRK">
 <div class="chapter ch3" data-usfm="MRK.3">
 <div class="label">3</div><div class="s1">Ko te fakamalolo o he tagata nima mate</div><div class="p"> 1Ko Sesu nee toe hu ia ki he sinakoka pea nee nofo ai he tagata kua mate tona nima. 2Pea nee natou haga o lamalama ia, ko tanatou fia iloi pe e ina fakamalolo anai ia, i te aho sapato, koteuhi ke natou lava o fakahalai ia. 3Pea nee folafola ia ki te tagata nima mate: &#8220;Hau o nofo i hena, i mua o te hahai.&#8221; 4Pea nee ina ui&#8208;age kia natou: &#8220;Pe e gafua, i te aho sapato, te fakamuamua te lelei pe ko te kovi, te haofaki o he mauli pe ko te tamatei o te mauli aia?&#8221; Kae nee mole fegufi natou. 5Pea nee haga kia natou fuli, o fofoga hauhau kia natou, he nee mamahi ia i te fefeka o tonatou loto, pea nee folafola ia ki te tagata: &#8220;Fafao tou nima.&#8221; Nee ina mafao tona nima pea nee toe mauli lelei. 6Pea nee olo leva ki tua te kau Faliseo o natou fai&#8208;atu aipe tonatou fono fakatahi mo te kau Helotiano o fakafehagai kia Sesu, ko tanatou faiga ke tukuga kovi ia.</div><div class="s1">Ko te hahai e mulimuli kia Sesu</div><div class="p"> 7Nee alu leva ia Sesu mo ana tisipulo i te mata tai, pea nee tokolahi te hahai mai Kalilea nee mulimuli kia te ia; pea nee tokolahi aupito natou nee omai kia te ia, mai te fenua ko Sutea, 8mo Selusalemi, mo Itumea, mo tua Soletane, he nee natou logoi te u mea fuli nee ina fai. 9Koia nee ina kole ki ana tisipulo ke natou tuku&#8208;ifo he vaka ke fakalogo kia te ia, uhi ko te tokolahi feia, ke aua naa taomia ia, ia natou. 10He nee tokolahi ia natou nee ina fakamalolo, pea koia, ko natou fuli nee natou maua i he faahiga mahaki, nee natou oho fakavilivili kia te ia, ke natou kapa kia te ia. 11Pea ko te u laumalie kovi ka e natou sio kia te ia, e natou punou&#8208;ifo i ona mua mo kalaga: &#8220;Ko koe ko te Alo o te Atua.&#8221; 12Kae nee ina fekaui malohi natou ke aua naa natou fakaha pe koai ia ia.</div><div class="s1">Ko te fakanofo o te tokohogofulu&#8208;ma&#8208;lua</div><div class="p"> 13Pea nee alu&#8208;ake ia ki te mouga, pea nee ina paui kia te ia ia natou nee finegalo ia ki ai. Nee natou omai kia te ia, 14pea nee ina fakanofo te tokohogofulu&#8208;ma&#8208;lua ke natou hoko ko ana kaumea pea koteuhi ke ina fekaui ke natou o akonaki, 15o ina tuku kia natou te pule ke natou kapu te u temonio. 16Koia, nee ina fakanofo te tokohogofulu&#8208;ma&#8208;lua, ko Simone nee ina fakahigoa ko Petelo, 17Sakopo foha o Sepeteo, pea mo Soane, tehina o Sakopo o ina fakahigoa naua ko Poanelekese, ko tona uhiga ko te u foha o te mana, 18mo Atelea, Filipo, Paletolomeo, Mateo, Tomasi, Sakopo, foha o Alefeo, Tateo, Simone loto faa fai, 19pea mo Sutasi Isekaliote, aia nee ina kakai ia.</div><div class="s1">Ko te faiga o te u kaiga o Sesu</div><div class="p"> 20Pea nee liliu ia ki te fale, pea nee toe fakatahi ki ai te hahai, o mole aupito lava ke natou mau he temi ki te taumafa. 21Pea nee logoi ona kaiga te mea aia pea nee olo&#8208;age natou o puke ia, he nee natou ui maa natou: &#8220;Kua ulu vale ia.&#8221;</div><div class="s1">Ko te u fasituu a te kau sekelipa</div><div class="p"> 22Pea ko te kau sekelipa nee olo&#8208;ifo mai Selusalemi nee natou ui: &#8220;Kua ia te ia ia Pelesepu.&#8221; Pea nee natou toe fai te kupu aeni: &#8220;E ina kapu te u temonio aki te aliki o te kau temonio.&#8221; 23Nee ina paui kia natou ke natou omai pea nee ina fai te folafola fakatata aeni kia natou: &#8220;Pe e lavai feafeai e Satana tana kapu ia Satana? 24Kapau e i ai he puleaga e mavetevete e mole feala ke malohi fualoa te puleaga aia. 25Pea kapau e i ai he fale e fefihi&#8208;aki tona hahai, e mole lava ke tuu fualoa ia. 26Pea kapau ko Satana e tuu o fakafehagai kia te ia totonu, e mole lava ke malohi ia, pea gata ai ia. 27Kae e mole he tahi e lava tana hu ki he fale o he tagata malohi ke ina maumaui ona koloa, mokapau e mole ina tomua hai te tagata malohi aia, pea hoki lava ai leva te maumaui o tona fale.</div><div class="p"> 28&#8220;E au tala mooni atu, e fakamolemole ia te u agahala fuli ki te u fanau a te u tagata, feiape mo te u lau kovi fuli e natou fai; 29kae, ko ae nee lau kovi ki te Laumalie Maonioni e mole ina mau i he temi te fakamolemole; e maua ia i he agahala hee gata.&#8221; 30He, nee natou lau: &#8220;E ia te ia he laumalie kovi.&#8221;</div><div class="s1">Ko te kutuga mooni o Sesu</div><div class="p"> 31E tau&#8208;mai tana fae pea mo ona tehina pea nee natou tutuu i tua, mo natou fekau ki he tahi ke paui ia kia Sesu. 32Nee tokolahi te hahai nee natou heheka takafolifoli kia te ia pea nee natou ui&#8208;age kia te ia: &#8220;Koena tau fae mo ou tehina pea mo ou tokolua e natou kumi kia koe.&#8221; 33Pea nee tali&#8208;age kia natou: &#8220;Koai taku fae pea mo oku tehina?&#8221; 34Pea nee fesiosioaki ia Sesu kia natou nee heheka takafolifoli kia te ia pea nee ina fai te folafola aeni: &#8220;Koeni taku fae pea mo oku tehina. 35Ko ae e ina fai te finegalo o te Atua, koiape ko toku tehina, mo toku tokolua pea mo taku fae.&#8221;</div>
 </div>
 </div>
</div>

Published by the Bible Society in New Zealand 1971

Ko Sesu nee toe hu ia ki he sinakoka pea nee nofo ai he tagata kua mate tona nima. Pea nee natou haga o lamalama ia, ko tanatou fia iloi pe e ina fakamalolo anai ia, i te aho sapato, koteuhi ke natou lava o fakahalai ia. Pea nee folafola ia ki te tagata nima mate: “Hau o nofo i hena, i mua o te hahai.” Pea nee ina ui‐age kia natou: “Pe e gafua, i te aho sapato, te fakamuamua te lelei pe ko te kovi, te haofaki o he mauli pe ko te tamatei o te mauli aia?” Kae nee mole fegufi natou. Pea nee haga kia natou fuli, o fofoga hauhau kia natou, he nee mamahi ia i te fefeka o tonatou loto, pea nee folafola ia ki te tagata: “Fafao tou nima.” Nee ina mafao tona nima pea nee toe mauli lelei. Pea nee olo leva ki tua te kau Faliseo o natou fai‐atu aipe tonatou fono fakatahi mo te kau Helotiano o fakafehagai kia Sesu, ko tanatou faiga ke tukuga kovi ia.

Nee alu leva ia Sesu mo ana tisipulo i te mata tai, pea nee tokolahi te hahai mai Kalilea nee mulimuli kia te ia; pea nee tokolahi aupito natou nee omai kia te ia, mai te fenua ko Sutea, mo Selusalemi, mo Itumea, mo tua Soletane, he nee natou logoi te u mea fuli nee ina fai. Koia nee ina kole ki ana tisipulo ke natou tuku‐ifo he vaka ke fakalogo kia te ia, uhi ko te tokolahi feia, ke aua naa taomia ia, ia natou. He nee tokolahi ia natou nee ina fakamalolo, pea koia, ko natou fuli nee natou maua i he faahiga mahaki, nee natou oho fakavilivili kia te ia, ke natou kapa kia te ia. Pea ko te u laumalie kovi ka e natou sio kia te ia, e natou punou‐ifo i ona mua mo kalaga: “Ko koe ko te Alo o te Atua.” Kae nee ina fekaui malohi natou ke aua naa natou fakaha pe koai ia ia.

Pea nee alu‐ake ia ki te mouga, pea nee ina paui kia te ia ia natou nee finegalo ia ki ai. Nee natou omai kia te ia, pea nee ina fakanofo te tokohogofulu‐ma‐lua ke natou hoko ko ana kaumea pea koteuhi ke ina fekaui ke natou o akonaki, o ina tuku kia natou te pule ke natou kapu te u temonio. Koia, nee ina fakanofo te tokohogofulu‐ma‐lua, ko Simone nee ina fakahigoa ko Petelo, Sakopo foha o Sepeteo, pea mo Soane, tehina o Sakopo o ina fakahigoa naua ko Poanelekese, ko tona uhiga ko te u foha o te mana, mo Atelea, Filipo, Paletolomeo, Mateo, Tomasi, Sakopo, foha o Alefeo, Tateo, Simone loto faa fai, pea mo Sutasi Isekaliote, aia nee ina kakai ia.

Pea nee liliu ia ki te fale, pea nee toe fakatahi ki ai te hahai, o mole aupito lava ke natou mau he temi ki te taumafa. Pea nee logoi ona kaiga te mea aia pea nee olo‐age natou o puke ia, he nee natou ui maa natou: “Kua ulu vale ia.”

Pea ko te kau sekelipa nee olo‐ifo mai Selusalemi nee natou ui: “Kua ia te ia ia Pelesepu.” Pea nee natou toe fai te kupu aeni: “E ina kapu te u temonio aki te aliki o te kau temonio.” Nee ina paui kia natou ke natou omai pea nee ina fai te folafola fakatata aeni kia natou: “Pe e lavai feafeai e Satana tana kapu ia Satana? Kapau e i ai he puleaga e mavetevete e mole feala ke malohi fualoa te puleaga aia. Pea kapau e i ai he fale e fefihi‐aki tona hahai, e mole lava ke tuu fualoa ia. Pea kapau ko Satana e tuu o fakafehagai kia te ia totonu, e mole lava ke malohi ia, pea gata ai ia. Kae e mole he tahi e lava tana hu ki he fale o he tagata malohi ke ina maumaui ona koloa, mokapau e mole ina tomua hai te tagata malohi aia, pea hoki lava ai leva te maumaui o tona fale.
“E au tala mooni atu, e fakamolemole ia te u agahala fuli ki te u fanau a te u tagata, feiape mo te u lau kovi fuli e natou fai; kae, ko ae nee lau kovi ki te Laumalie Maonioni e mole ina mau i he temi te fakamolemole; e maua ia i he agahala hee gata.” He, nee natou lau: “E ia te ia he laumalie kovi.”

E tau‐mai tana fae pea mo ona tehina pea nee natou tutuu i tua, mo natou fekau ki he tahi ke paui ia kia Sesu. Nee tokolahi te hahai nee natou heheka takafolifoli kia te ia pea nee natou ui‐age kia te ia: “Koena tau fae mo ou tehina pea mo ou tokolua e natou kumi kia koe.” Pea nee tali‐age kia natou: “Koai taku fae pea mo oku tehina?” Pea nee fesiosioaki ia Sesu kia natou nee heheka takafolifoli kia te ia pea nee ina fai te folafola aeni: “Koeni taku fae pea mo oku tehina. Ko ae e ina fai te finegalo o te Atua, koiape ko toku tehina, mo toku tokolua pea mo taku fae.”

Слухаць Maleko 3