Arabe tchadien (alphabet arabe) For more information about this text please contact: Alliance biblique du Tchad Avenue Pascal Yoadoumnadji, BP 1291 N'Djaména CHAD

La Bible en arabe tchadien © Alliance biblique du Tchad, 2019 ℗ 2022 Hosanna

الكتاب المقدس بالعربي الدارجي هنا تشاد

<div class="version vid501 iso6393shu" data-vid="501" data-iso6393="shu">
 <div class="book bkLUK">
 <div class="chapter ch7" data-usfm="LUK.7">
 <div class="label">7</div><div class="s">Iimaan hana kabiir al-askar</div><div class="p"> 1Wa ba&#700;ad Isa gaal kulla l-kalaam da le l-naas, hu macha fi hillit Kafar Naahuum. 2Wa fi naadum ajnabi hinaak wa hu kabiir askar al-Roomaaniyiin wa hu indah abid waahid mardaan gariib yumuut. Wa kabiir al-askar yiriidah le abdah bilheen. 3Wa wakit simi&#700; khabar hana Isa, hu rassal leyah naas min chuyuukh al-Yahuud achaan yatulbu minnah yaji yachfi abdah. 4Wa macho le Isa wa chahadooh bilheen wa gaalo : &#171;Al-ajnabi da, indah hagg tisawwi leyah al-cheyy al-talabah minnak. 5Achaan hu yihibb cha&#700;abna wa bana leena beet al-sala.&#187;</div><div class="p"> 6Wa Isa macha ma&#700;aahum. Wa wakit hu garrab le l-beet, al-askari rassal leyah rufgaanah achaan yihajju leyah. Wa gaalo : &#171;Ya sayyidna, anjamma ma tita&#700;&#700;ib nafsak. Ana ma indi hagg le tadkhul fi beeti. 7Achaan da bas, ana zaati khijilt wa ma macheet leek. Wa laakin guul kilme waahide bas wa khaddaami yalga al-aafe. 8Achaan ana kula indi kabiir min foog leyi al-nitabbig amrah. Wa ana kula mas&#700;uul fi naas al-tihit minni al-yitabbugu amri. Wa kan nuguul le waahid &#8249;Amchi&#8250;, hu yamchi. Wa kan nuguul le naadum aakhar &#8249;Ta&#700;aal&#8250;, hu yaji. Wa kan nuguul le abdi &#8249;Sawwi ke&#8250;, hu yisawwiih.&#187;</div><div class="p"> 9Wa wakit Isa simi&#700; kalaamah, hu al&#700;ajjab bilheen wa anlafat le l-naas al-jaayiin waraayah wa gaal : &#171;Nuguul leeku ma ligiit naadum waahid min Bani Israa&#700;iil al-indah iimaan chadiid misil iimaan al-naadum da !&#187;</div><div class="p"> 10Wa khalaas wakit al-murassaliin gabbalo fi l-beet, chaafo al-abid ligi al-aafe.</div><div class="s">Al-Masiih gawwam sabi mayyit</div><div class="p"> 11Wa ba&#700;adeen Isa macha le hille waahide usumha Naayin. Wa talaamiizah ma&#700;aayah wa naas katiiriin maachiin waraayah. 12Wa wakit garrab le baab al-hille, hu chaaf naadum mayyit wa l-naas maachiin yadfunuuh. Wa l-mayyit hu wileed waahid fi ammah wa hi mara armala. Wa naas katiiriin min al-hille maachiin ma&#700;aaha. 13Wa wakit al-Rabb Isa chaafaaha, galbah hanna leeha wa gaal : &#171;Ma tabki.&#187;</div><div class="p"> 14Wa macha le l-mayyit wa limis al-barangaal wa l-naas al-chaayliinah wagafo. Wa Isa gaal : &#171;Ya wileedi, nuguul leek gumm !&#187; 15Wa l-mayyit gamma wa hajja. Wa Isa antaah le ammah. 16Wa l-khoof dakhal le kulla l-naas wa humman majjado Allah wa gaalo : &#171;Nabi kabiir ja fi usutna ! Allah bayyan gudurtah le cha&#700;abah !&#187;</div><div class="p"> 17Wa fi kulla daar al-Yahuudiiya wa fi kulla l-buldaan al-mujaawiriin, al-naas sim&#700;o khabar hana l-cheyy al-Isa sawwaah.</div><div class="s">Su&#700;aal Yahya</div><div class="p"> 18Wa talaamiiz Yahya macho le sayyidhum wa oorooh be kulla cheyy al-Isa gaa&#700;id yisawwiih. 19Wa Yahya naada talaamiiz itneen wa rassalaahum le l-Rabb Isa achaan yuguulu leyah : &#171;Inta bas al-naadum al-yaji walla waajib narjo naadum aakhar battaan ?&#187;</div><div class="p"> 20Wa macho le Isa wa gaalo : &#171;Yahya al-Mukhattis rassalaana achaan nas&#700;alook &#8249;Inta bas al-naadum al-yaji walla waajib narjo naadum aakhar battaan ?&#8250;&#187;</div><div class="p"> 21Wa fi l-wakit da bas, Isa chafa naas katiiriin min al-mardaaniin wa l-ta&#700;baaniin wa l-muchootiniin. Wa fattah uyuun amyaaniin katiiriin. 22Wa Isa radda leehum wa gaal : &#171;Amchu wa ooru Yahya be kulla cheyy al-chiftuuh wa simi&#700;tuuh. Al-amyaaniin gaa&#700;idiin yichiifu wa l-uruj yuruukhu wa l-induhum jidaam yalgo al-aafe wa l-tarchaaniin yasma&#700;o wa l-maytiin yab&#700;aso wa l-masaakiin gaa&#700;idiin yasma&#700;o al-bichaara. 23Wa mabruuk le l-naadum al-ma yikhalli iimaanah beyi.&#187;</div><div class="s">Kalaam al-Masiih fi Yahya</div><div class="p"> 24Wa wakit murassaliin Yahya maachiin, Isa bada yihajji fi Yahya le l-naas al-gaa&#700;idiin ma&#700;aayah wa gaal : &#171;Wakit Yahya gaa&#700;id fi l-kadaade, intu maragtu leyah. Wa dawwartu tichiifu chunu ? Dawwartu tichiifu ageegaay bas al-riih tihizzaha walla ? 25Kan ma ke, dawwartu tichiifu chunu ? Naadum laabis khulgaan samhiin walla ? La. Achaan al-naas al-laabsiin khulgaan samhiin wa l-aaychiin fi bakaan halu gaa&#700;idiin fi gusuur al-muluuk. 26Zeen. Maragtu achaan tichiifu chunu ? Achaan tichiifu nabi ? Aywa, wa nuguul leeku chiftu naadum akbar min nabi. 27Da bas hu al-be sababah al-Kitaab yuguul : &lt;Daahu nirassil rasuuli giddaamak wa hu yi&#700;addil leek al-derib.&gt;#7:27 Al-kalaam da talgooh fi Malaakhi 3:1. 28Wa nuguul leeku ma fi naadum mawluud min mara akbar min Yahya al-Mukhattis. Wa laakin al-naadum al-sakhayyar fi mamlakat Allah akbar minnah.</div><div class="p"> 29&#171;Wa kulla l-naas sim&#700;o kalaam Yahya wa ma&#700;aahum naas al-jamaarik kula. Wa taabo min zunuubhum wa khallo Yahya yikhattishum wa misil da, akkado kadar fikir Allah adiil. 30Wa laakin al-Fariiziyiin wa ulama al-Tawraat abo ma khallo Yahya yikhattishum. Wa be misil da, ma khiblo al-niiye al-Allah indah leehum.</div><div class="p"> 31&#171;Wa nuguul chunu fi l-naas hana l-wakit al-haali da ? Bichaabuhu chunu ? Humman misil iyaal dugaag laammiin fi l-door wa yinaadu rufgaanhum wa yuguulu : 32&#8249;Aniina darabna leeku al-suffaara laakin intu ma li&#700;ibtu. Aniina khanneena khine hana l-moot laakin intu ma bakeetu.&#8250; 33Achaan Yahya al-Mukhattis ja leeku wa hu ma yaakul akil wa ma bachrab khamar wa gultu hu muchootin. 34Wa ba&#700;adeen ana, Ibn al-Insaan, jiit leeku wa ana naakul wa nachrab wa tuguulu : &#8249;Hu akkaal wa sakkaari wa bigi rafiig le naas al-jamaarik wa l-muznibiin.&#8250; 35Laakin hikmat Allah al-sahiihe tinchaaf fi amal kulla l-naas al-yitaabu&#700;uuha.&#187;</div><div class="s">Al-muznibe wa l-Fariizi</div><div class="p"> 36Wa naadum waahid min al-Fariiziyiin azam Isa yaakul ma&#700;aayah. Wa Isa dakhal fi beet al-Fariizi wa antaka. 37Wa fi mara waahide muznibe ma&#700;ruufa fi l-hille. Wa wakit hi sim&#700;at kadar Isa azamooh fi beet al-Fariizi, hi gammat chaalat maa&#700;uun hana hajar malaan itir wa machat leyah. 38Wa wagafat wara Isa jamb rijileenah. Wa hi gaa&#700;ide tabki wa badat tibill rijileenah be dumuu&#700;ha wa tuguchchuhum be cha&#700;arha. Wa gaa&#700;ide tihibb rijileenah wa tamsah fooghum al-itir.</div><div class="p"> 39Wa l-Fariizi al-azamah fi beetah chaaf al-cheyy al-hi gaa&#700;ide tisawwiih wa fi galbah gaal : Kan sahiih al-naadum da nabi, akiid hu ya&#700;arif al-mara al-gaa&#700;ide tilammisah di yaati wa ya&#700;arif haalha al-cheene achaan hi muznibe. 40Wa Isa radda leyah wa gaal : &#171;Ya Sim&#700;aan. Nidoor nuguul leek kalaam waahid.&#187; Wa l-Fariizi radda leyah wa gaal : &#171;Na&#700;am, ya mu&#700;allim. Alfaddal. Hajji !&#187;</div><div class="p"> 41Wa Isa gaal : &#171;Yoom min al-ayyaam, fi naadum waahid al-yidayyin al-naas wa indah deen foog naaseen. Wa l-waahid deenah 500 diinaar wa l-taani deenah 50 diinaar. 42Ma gidro yikaffuuh leyah. Wa khalaas hu saamahaahum marra waahid. Wa nas&#700;alak yaatu min al-naaseen dool yihibbah be ziyaada ?&#187; 43Wa Sim&#700;aan radda leyah wa gaal : &#171;Fi fikri ana, nuguul al-naadum al-saamaho leyah al-deen al-katiir yihibbah be ziyaada.&#187; Wa Isa gaal : &#171;Fikrak sahiih.&#187;</div><div class="p"> 44Wa Isa anlafat le l-mara wa hajja le Sim&#700;aan wa gaal : &#171;Al-mara di chiftaha walla ? Ana dakhalt fi beetak wa inta ma anteetni almi achaan nikhassil rijileeni laakin hi ballat rijileeni be dumuu&#700;ha wa gachchathum be cha&#700;arha. 45Wa inta ma sallamtini be hubb wa laakin min ana dakhalt fi beetak hi gaa&#700;ide tihibb rijileeni. 46Wa inta ma anteetni dihin achaan namsah beyah raasi laakin hi masahat itir fi rijileeni. 47Wa nuguul leek, da yiwassif kadar zunuubha al-katiiriin saamahoohum leeha. Wa achaan da, hi tihibb katiir. Laakin al-naadum al-saamaho leyah chiyya, yihibb chiyya.&#187;</div><div class="p"> 48Wa Isa gaal leeha : &#171;Akiid zunuubki ankhafaro.&#187; 49Wa l-naas al-gaa&#700;idiin yaakulu ma&#700;aayah gammo yuguulu ambeenaathum : &#171;Haay ! Da yaatu al-yisaamih al-muznibiin&#187; ? 50Wa Isa hajja le l-mara battaan wa gaal : &#171;Be sabab iimaanki nijiiti. Amchi be salaam.&#187;</div>
 </div>
 </div>
</div>

Wa baʼad Isa gaal kulla l-kalaam da le l-naas, hu macha fi hillit Kafar Naahuum. Wa fi naadum ajnabi hinaak wa hu kabiir askar al-Roomaaniyiin wa hu indah abid waahid mardaan gariib yumuut. Wa kabiir al-askar yiriidah le abdah bilheen. Wa wakit simiʼ khabar hana Isa, hu rassal leyah naas min chuyuukh al-Yahuud achaan yatulbu minnah yaji yachfi abdah. Wa macho le Isa wa chahadooh bilheen wa gaalo : «Al-ajnabi da, indah hagg tisawwi leyah al-cheyy al-talabah minnak. Achaan hu yihibb chaʼabna wa bana leena beet al-sala.»
Wa Isa macha maʼaahum. Wa wakit hu garrab le l-beet, al-askari rassal leyah rufgaanah achaan yihajju leyah. Wa gaalo : «Ya sayyidna, anjamma ma titaʼʼib nafsak. Ana ma indi hagg le tadkhul fi beeti. Achaan da bas, ana zaati khijilt wa ma macheet leek. Wa laakin guul kilme waahide bas wa khaddaami yalga al-aafe. Achaan ana kula indi kabiir min foog leyi al-nitabbig amrah. Wa ana kula masʼuul fi naas al-tihit minni al-yitabbugu amri. Wa kan nuguul le waahid ‹Amchi›, hu yamchi. Wa kan nuguul le naadum aakhar ‹Taʼaal›, hu yaji. Wa kan nuguul le abdi ‹Sawwi ke›, hu yisawwiih.»
Wa wakit Isa simiʼ kalaamah, hu alʼajjab bilheen wa anlafat le l-naas al-jaayiin waraayah wa gaal : «Nuguul leeku ma ligiit naadum waahid min Bani Israaʼiil al-indah iimaan chadiid misil iimaan al-naadum da !»
Wa khalaas wakit al-murassaliin gabbalo fi l-beet, chaafo al-abid ligi al-aafe.

Wa baʼadeen Isa macha le hille waahide usumha Naayin. Wa talaamiizah maʼaayah wa naas katiiriin maachiin waraayah. Wa wakit garrab le baab al-hille, hu chaaf naadum mayyit wa l-naas maachiin yadfunuuh. Wa l-mayyit hu wileed waahid fi ammah wa hi mara armala. Wa naas katiiriin min al-hille maachiin maʼaaha. Wa wakit al-Rabb Isa chaafaaha, galbah hanna leeha wa gaal : «Ma tabki.»
Wa macha le l-mayyit wa limis al-barangaal wa l-naas al-chaayliinah wagafo. Wa Isa gaal : «Ya wileedi, nuguul leek gumm !» Wa l-mayyit gamma wa hajja. Wa Isa antaah le ammah. Wa l-khoof dakhal le kulla l-naas wa humman majjado Allah wa gaalo : «Nabi kabiir ja fi usutna ! Allah bayyan gudurtah le chaʼabah !»
Wa fi kulla daar al-Yahuudiiya wa fi kulla l-buldaan al-mujaawiriin, al-naas simʼo khabar hana l-cheyy al-Isa sawwaah.

Wa talaamiiz Yahya macho le sayyidhum wa oorooh be kulla cheyy al-Isa gaaʼid yisawwiih. Wa Yahya naada talaamiiz itneen wa rassalaahum le l-Rabb Isa achaan yuguulu leyah : «Inta bas al-naadum al-yaji walla waajib narjo naadum aakhar battaan ?»
Wa macho le Isa wa gaalo : «Yahya al-Mukhattis rassalaana achaan nasʼalook ‹Inta bas al-naadum al-yaji walla waajib narjo naadum aakhar battaan ?›»
Wa fi l-wakit da bas, Isa chafa naas katiiriin min al-mardaaniin wa l-taʼbaaniin wa l-muchootiniin. Wa fattah uyuun amyaaniin katiiriin. Wa Isa radda leehum wa gaal : «Amchu wa ooru Yahya be kulla cheyy al-chiftuuh wa simiʼtuuh. Al-amyaaniin gaaʼidiin yichiifu wa l-uruj yuruukhu wa l-induhum jidaam yalgo al-aafe wa l-tarchaaniin yasmaʼo wa l-maytiin yabʼaso wa l-masaakiin gaaʼidiin yasmaʼo al-bichaara. Wa mabruuk le l-naadum al-ma yikhalli iimaanah beyi.»

Wa wakit murassaliin Yahya maachiin, Isa bada yihajji fi Yahya le l-naas al-gaaʼidiin maʼaayah wa gaal : «Wakit Yahya gaaʼid fi l-kadaade, intu maragtu leyah. Wa dawwartu tichiifu chunu ? Dawwartu tichiifu ageegaay bas al-riih tihizzaha walla ? Kan ma ke, dawwartu tichiifu chunu ? Naadum laabis khulgaan samhiin walla ? La. Achaan al-naas al-laabsiin khulgaan samhiin wa l-aaychiin fi bakaan halu gaaʼidiin fi gusuur al-muluuk. Zeen. Maragtu achaan tichiifu chunu ? Achaan tichiifu nabi ? Aywa, wa nuguul leeku chiftu naadum akbar min nabi. Da bas hu al-be sababah al-Kitaab yuguul : <Daahu nirassil rasuuli giddaamak wa hu yiʼaddil leek al-derib.> Wa nuguul leeku ma fi naadum mawluud min mara akbar min Yahya al-Mukhattis. Wa laakin al-naadum al-sakhayyar fi mamlakat Allah akbar minnah.
«Wa kulla l-naas simʼo kalaam Yahya wa maʼaahum naas al-jamaarik kula. Wa taabo min zunuubhum wa khallo Yahya yikhattishum wa misil da, akkado kadar fikir Allah adiil. Wa laakin al-Fariiziyiin wa ulama al-Tawraat abo ma khallo Yahya yikhattishum. Wa be misil da, ma khiblo al-niiye al-Allah indah leehum.
«Wa nuguul chunu fi l-naas hana l-wakit al-haali da ? Bichaabuhu chunu ? Humman misil iyaal dugaag laammiin fi l-door wa yinaadu rufgaanhum wa yuguulu : ‹Aniina darabna leeku al-suffaara laakin intu ma liʼibtu. Aniina khanneena khine hana l-moot laakin intu ma bakeetu.› Achaan Yahya al-Mukhattis ja leeku wa hu ma yaakul akil wa ma bachrab khamar wa gultu hu muchootin. Wa baʼadeen ana, Ibn al-Insaan, jiit leeku wa ana naakul wa nachrab wa tuguulu : ‹Hu akkaal wa sakkaari wa bigi rafiig le naas al-jamaarik wa l-muznibiin.› Laakin hikmat Allah al-sahiihe tinchaaf fi amal kulla l-naas al-yitaabuʼuuha.»

Wa naadum waahid min al-Fariiziyiin azam Isa yaakul maʼaayah. Wa Isa dakhal fi beet al-Fariizi wa antaka. Wa fi mara waahide muznibe maʼruufa fi l-hille. Wa wakit hi simʼat kadar Isa azamooh fi beet al-Fariizi, hi gammat chaalat maaʼuun hana hajar malaan itir wa machat leyah. Wa wagafat wara Isa jamb rijileenah. Wa hi gaaʼide tabki wa badat tibill rijileenah be dumuuʼha wa tuguchchuhum be chaʼarha. Wa gaaʼide tihibb rijileenah wa tamsah fooghum al-itir.
Wa l-Fariizi al-azamah fi beetah chaaf al-cheyy al-hi gaaʼide tisawwiih wa fi galbah gaal : Kan sahiih al-naadum da nabi, akiid hu yaʼarif al-mara al-gaaʼide tilammisah di yaati wa yaʼarif haalha al-cheene achaan hi muznibe. Wa Isa radda leyah wa gaal : «Ya Simʼaan. Nidoor nuguul leek kalaam waahid.» Wa l-Fariizi radda leyah wa gaal : «Naʼam, ya muʼallim. Alfaddal. Hajji !»
Wa Isa gaal : «Yoom min al-ayyaam, fi naadum waahid al-yidayyin al-naas wa indah deen foog naaseen. Wa l-waahid deenah 500 diinaar wa l-taani deenah 50 diinaar. Ma gidro yikaffuuh leyah. Wa khalaas hu saamahaahum marra waahid. Wa nasʼalak yaatu min al-naaseen dool yihibbah be ziyaada ?» Wa Simʼaan radda leyah wa gaal : «Fi fikri ana, nuguul al-naadum al-saamaho leyah al-deen al-katiir yihibbah be ziyaada.» Wa Isa gaal : «Fikrak sahiih.»
Wa Isa anlafat le l-mara wa hajja le Simʼaan wa gaal : «Al-mara di chiftaha walla ? Ana dakhalt fi beetak wa inta ma anteetni almi achaan nikhassil rijileeni laakin hi ballat rijileeni be dumuuʼha wa gachchathum be chaʼarha. Wa inta ma sallamtini be hubb wa laakin min ana dakhalt fi beetak hi gaaʼide tihibb rijileeni. Wa inta ma anteetni dihin achaan namsah beyah raasi laakin hi masahat itir fi rijileeni. Wa nuguul leek, da yiwassif kadar zunuubha al-katiiriin saamahoohum leeha. Wa achaan da, hi tihibb katiir. Laakin al-naadum al-saamaho leyah chiyya, yihibb chiyya.»
Wa Isa gaal leeha : «Akiid zunuubki ankhafaro.» Wa l-naas al-gaaʼidiin yaakulu maʼaayah gammo yuguulu ambeenaathum : «Haay ! Da yaatu al-yisaamih al-muznibiin» ? Wa Isa hajja le l-mara battaan wa gaal : «Be sabab iimaanki nijiiti. Amchi be salaam.»

Слухаць Luukha 7