Guajajara - 2007 WBT (NT) Non Drama

Guajajara - 2007 WBT (NT) Drama

<div class="version vid613 iso6393gub" data-vid="613" data-iso6393="gub">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s1">Zezuz uzuhez wemimu'e wapy a'e kury</div><div class="p"> 1Uhem etea'i a'e mai'u haw Zanera'yr Wazuka 'ym Awer her ma'e a'e kury. &#8212; Pyhewe uzypyrog putar mai'u haw iapo p&#224; a'e nehe kury, i'i teko uzeupeupe w&#224;. Uze'eg Zezuz uzeupe a'e. &#8212; Na'i&#224;rew kwaw hem&#224;no &#224;w&#224;m ihe nehe kury. Aha putar ko ywy wi heru pe ihe nehe kury. Azamutar katu tuwe heremimu'e ihe w&#224;. Napytu'u kwaw wamutar katu re nehe, i'i uzeupe. 2Na'e Zezuz umai'u w&#224; urepyr a'e kury. Zut a'e, Xim&#224;w Kario taw pe har ta'yr a'e, umai'u a'e pe urepyr a'e. Zurupari wixe Zut ipy'a pe a'e 'ar mehe a'e kury. Uze'eg izupe ipy'a pe kury. &#8212; Emume'u Zezuz iho &#224;w&#224;m eho tuwihaw wanupe nehe. A'e rupi tuwihaw umur kar putar zauxiapekwer izupe a'e w&#224; nehe. Zauxiapekwer upyhyk putar heraha tuwihaw pe w&#224;. A'e mehe tuwihaw uzuka kar putar Zezuz a'e w&#224; nehe, i'i Zurupari Zut pe, ipy'a pe. 3Tup&#224;n umur uk&#224;gaw Zezuz pe a'e. Zezuz ukwaw ik&#224;gaw uzehe heko haw kury. Ukwaw Tup&#224;n wi ur awer no. Ukwaw Tup&#224;n pe oho &#224;w&#224;m no. 4Na'e Zezuz upu'&#224;m mez wi utyryk p&#224; kury. Wenuhem ukamir puku uzewi kury. Uz&#224;pixi p&#224;n pehegwer uku'aw kury. 5Omono 'y kawaw pupe kury. Uhez urepy n&#224;n&#224;gatu iko. Uhyuhyw a'e p&#224;n pehegwer uku'aw har pupe. 6Uhem Xim&#224;w Pet huwake kury. Uze'eg Pet izupe. &#8212; Aipo erezuhez putar hepy nehe no, hezar, i'i izupe.</div><div class="p"> 7Uze'eg Zezuz izupe. &#8212; M&#224;r&#224;z&#224;we tuwe nerekwaw kwaw ko heremiapo ne. Amo 'ar mehe erekwaw putar nehe, i'i izupe.</div><div class="p"> 8&#8212; Nan kwaw pa. Nerezuhez pixik kwaw hepy nehe, i'i Pet izupe. &#8212; Aze nazuhez kwaw nepy nehe, nereiko kwaw heremimu'e romo nehe, i'i izupe.</div><div class="p"> 9&#8212; Hezar. Ezuhez hepy nehe, ezuhez hepo nehe no, ezuhez he&#224;k&#224;g nehe no, i'i izupe.</div><div class="p"> 10&#8212; Aze amo uzahak nehe, ikatu nehe. Xo ipy izipiw a'e re nehe. Nezewegatete pe no. Peiko ikatu ma'e romo paw rupi. Xo pit&#224;i xe har na'ikatu kwaw a'e, i'i Zezuz izupe. 11&#8212; Amo 'ar mehe amo xe har hezuka kar putar tuwihaw wanupe a'e nehe, i'i Zezuz upy'a pe. Ukwaw a'e ma'e iapo &#224;r&#224;m. A'e rupi &#8212; Pit&#224;i xe har zo na'ikatu kwaw a'e, i'i urewe a'e.</div><div class="p"> 12Urepy izuhez pawire umunehew wi ukamir puku kury, wenaw pe uzewyr p&#224; wapyk p&#224; kury.</div><div class="p">&#8212; Aipo pekwaw katu peme heremiapo kwer. M&#224;r&#224;z&#224;we tuwe azuhez pepy. 13-14&#8212; Purumu'e ma'e, peze peiko ihewe. &#8212; Urezar, peze peiko ihewe no. Ikatu nezewe peze haw, ta'e aiko purumu'e ma'e romo ihe xe. Aiko pezar romo ihe xe. Azuhez pepy kwez kury. Pe nehe no, aze pezuhez amogwer wapy nehe, pekatuahy putar ihewe nehe no. 15Azapo ma'e kwez penuwa rupi ihe kury. Pezapo a'e ma'e hez&#224;wegatete nehe no. 16Azeharomoete heze'eg ihe. Ni amo uma'ereko e ma'e nuiko wera'u kwaw uzar wi a'e w&#224;. Ni amo ze'eg imume'u har nuiko wera'u kwaw omono kar har wi a'e w&#224;. 17Pekwaw ko ze'eg azeharomoete har kury. Aze peruzar nehe, penurywete putar tuwe nehe.</div><div class="p"> 18Aze'eg teko peme paw rupi ihe kury. Xo pit&#224;i xe har rehe zo aze'eg teko ihe kury. Apukwaw katu pit&#224;it&#224;igatu ihe. Pit&#224;i xe har he&#224;m&#224;tyry'ymar romo hekon a'e. Akwaw a'e awa ihe. Nezewe i'i ze'eg kwehe arer a'e. &#8212; Amo awa u'u putar temi'u heremimono kwer a'e nehe. A'e re he&#224;m&#224;tyry'ymar romo uzeapo putar a'e nehe, i'i ze'eg kwehe arer hereko haw rehe a'e. Uzeapo putar ma'e a'e ze'eg rupi katete a'e nehe kury. 19Amume'u putar agwer ma'e uzeapo ma'e r&#224;m peme ihe kury, izeapo 'ym mehe we ihe kury. A'e rupi izeapo mehe nehe, pezeruzar putar Tup&#224;n romo hereko haw rehe nehe. 20Aze amo uzekaiw katu heremimono kar r&#224;m rehe a'e nehe, herehe uzekaiw katu ma'e &#224;i hekon putar a'e nehe. Aze amo herehe uzekaiw katu a'e nehe, hemur kar arer rehe uzekaiw katu ma'e &#224;i hekon putar a'e nehe.</div><div class="s1">Zezuz umume'u w&#224;m&#224;tyry'ymar a'e kury</div><div class="p"> 21A'e ma'e imume'u re uzemumikahy tuwe Zezuz kury. Umume'u tuwe um&#224;no &#224;w&#224;m urewe. &#8212; Azeharomoete ko heze'eg ihe. Amo xe har penehe we har umume'u putar heho &#224;w&#224;m oho tuwihaw wanupe a'e nehe. Tuwihaw umur kar putar zauxiapekwer a'e pe ihewe a'e w&#224; nehe, hepyhyk kar p&#224; wanupe a'e w&#224; nehe, i'i urewe.</div><div class="p"> 22Urume'e urezehezehe ure kury.</div><div class="p">&#8212; Ma'enugar xe har uzapo putar nezewe haw a'e nehe, uru'e urezeupeupe. Nurukwaw pixik kwaw ure. 23Ihe ihe, (Zezuz hemiamutar katu ihe), apyk ten&#224;'&#224;g Zezuz huwake ihe kury. 24Xim&#224;w Pet opo umuawawak ihewe a'e kury, ihewe uze'eg p&#224; a'e kury. &#8212; Epuranu hehe ty.</div><div class="p">&#8212; Mo rehe ereze'eg iko ne, ere izupe ty, i'i Pet ihewe.</div><div class="p"> 25A'e rupi atyryk Zezuz huwakea'i ihe kury, hehe hepuranu p&#224; ihe kury. &#8212; Mo rehe ereze'eg iko ne, hezar, a'e izupe.</div><div class="p"> 26&#8212; Amu&#224;kym putar ko typy'ak kwez ma'ero'o kwer tykwer inuromo ihe nehe kury. A'e re amono kar putar he&#224;m&#224;tyry'ymar pe ihe nehe kury, izupe i'u kar p&#224; ihe nehe kury, i'i Zezuz ihewe. Umu&#224;kym typy'ak iaikaw pyrer ma'e ro'o kwer tykwer inuromo kury, imono p&#224; Zut pe kury. (Xim&#224;w Kario pe har romo hekon a'e.) 27U'u typy'ak a'e kury. Na'arewahy Zurupari wixe tuwe ipy'a pe a'e kury. Uze'eg Zezuz Zut pe. &#8212; T&#224;rityka'i ezapo neremiapo r&#224;m eho nehe ty, i'i izupe.</div><div class="p"> 28Amogwer mez huwake har wenu ize'eg mehe w&#224;. &#8212; M&#224;r&#224;z&#224;we tuwe nezewe i'i izupe a'e, uru'e urezeupe. Nurukwaw kwaw. 29Zut a'e, Zezuz hemetarer rehe uzekaiw ma'e romo hekon a'e. A'e rupi amo hemimu'e nezewe uze'eg uzeupe a'e w&#224;. &#8212; Kwa, Zezuz omono kar Zut amo temi'u ime'eg kar p&#224; izupe a'e kury. A'e mehe uhyk putar zanemai'u mehe nehe, i'i uzeupe w&#224;. &#8212; Nan, i'i amogwer w&#224;. &#8212; Emono e temetarer eho ma'e hereko 'ymar wanupe nehe ty, i'i Zezuz kwez izupe kury, i'i amogwer w&#224;. Nukwaw kwaw a'e w&#224;.</div><div class="p"> 30A'e typy'ak i'u re na'arewahy Zut oho a'e wi wanuwi a'e kury. Pyhaw kury.</div><div class="s1">Zezuz umume'u ze'eg pyahu ma'e a'e kury</div><div class="p"> 31Zut iho ire Zezuz uze'eg urewe kury.</div><div class="p">&#8212; Awa ta'yr romo aiko ihe. Uhem he'ar kwez kury. Nan kwehe tete teko wexak putar hek&#224;gaw a'e w&#224; nehe. Wexak putar Tup&#224;n ik&#224;gaw a'e w&#224; nehe no, ta'e umur uk&#224;gaw ihewe a'e xe. 32Nan kwehe tete amume'u putar Tup&#224;n ik&#224;gaw ipur&#224;g eteahy haw purupe ihe nehe. Tup&#224;n umume'u putar hek&#224;gaw hepur&#224;g eteahy haw purupe a'e nehe no. 33Heremimu'e w&#224;, hepurumuz&#224;muz&#224;g &#224;i peiko ihewe. Nan kwehe tete aha putar pewi ihe nehe kury. Herekar putar zepe pe nehe. Karumehe amume'u ma'e Zutew wanupe ihe. Amume'u wi putar a'e ma'e peme ihe nehe kury. &#8212; Napepuner kwaw peho haw rehe heho &#224;w&#224;m me nehe. 34Ze'eg ipyahu ma'e amume'u putar peme kury. Peruzar tuwe ko ze'eg nehe. &#8212; Pezeamutamutar katu tuwe nehe. Apuamutar katu ihe, nezewegatete pezeamutamutar katu hez&#224;wegatete nehe no. 35A'e rupi teko paw ukwaw putar heremimu'e romo peneko haw a'e w&#224; nehe. Ta'e pezeamutamutar katu putar nehe xe.</div><div class="s1">Zezuz umume'u Pet teko wanupe ize'eg &#224;w&#224;m a'e kury</div><div class="p"> 36&#8212; Ma'e pe ereho putar nehe kury, urezar, i'i Xim&#224;w Pet izupe. &#8212; Napepuner kwaw heho &#224;w&#224;m me peho haw rehe pe. Amo 'ar mehe peho putar a'e pe heraikweromo nehe, i'i Zezuz izupe.</div><div class="p"> 37&#8212; Hezar, m&#224;r&#224;z&#224;we tuwe napuner kwaw neraikweromo heho haw rehe t&#224;rityka'i ihe nehe kury, i'i Pet izupe. &#8212; Aze hezuka w&#224; nehe, napytu'u kwaw neraikweromo heho re nehe, i'i izupe.</div><div class="p"> 38&#8212; Aipo nezezuka kar wer tuwe heremiruze'eg romo nereko haw rehe ne. Azeharomoete ko heze'eg ihe. Na'iruz haw teko upuranu putar nerehe a'e w&#224; nehe. &#8212; Aipo Zezuz hemiruze'eg romo ereiko ne, i'i putar newe w&#224; nehe. &#8212; Nakwaw kwaw Zezuz ihe ty, ere putar wanupe na'iruz haw nehe, zapukaz ize'eg 'ym mehe nehe, i'i Zezuz Pet pe.</div>
 </div>
 </div>
</div>

Uhem etea'i a'e mai'u haw Zanera'yr Wazuka 'ym Awer her ma'e a'e kury. — Pyhewe uzypyrog putar mai'u haw iapo pà a'e nehe kury, i'i teko uzeupeupe wà. Uze'eg Zezuz uzeupe a'e. — Na'iàrew kwaw hemàno àwàm ihe nehe kury. Aha putar ko ywy wi heru pe ihe nehe kury. Azamutar katu tuwe heremimu'e ihe wà. Napytu'u kwaw wamutar katu re nehe, i'i uzeupe. Na'e Zezuz umai'u wà urepyr a'e kury. Zut a'e, Ximàw Kario taw pe har ta'yr a'e, umai'u a'e pe urepyr a'e. Zurupari wixe Zut ipy'a pe a'e 'ar mehe a'e kury. Uze'eg izupe ipy'a pe kury. — Emume'u Zezuz iho àwàm eho tuwihaw wanupe nehe. A'e rupi tuwihaw umur kar putar zauxiapekwer izupe a'e wà nehe. Zauxiapekwer upyhyk putar heraha tuwihaw pe wà. A'e mehe tuwihaw uzuka kar putar Zezuz a'e wà nehe, i'i Zurupari Zut pe, ipy'a pe. Tupàn umur ukàgaw Zezuz pe a'e. Zezuz ukwaw ikàgaw uzehe heko haw kury. Ukwaw Tupàn wi ur awer no. Ukwaw Tupàn pe oho àwàm no. Na'e Zezuz upu'àm mez wi utyryk pà kury. Wenuhem ukamir puku uzewi kury. Uzàpixi pàn pehegwer uku'aw kury. Omono 'y kawaw pupe kury. Uhez urepy nànàgatu iko. Uhyuhyw a'e pàn pehegwer uku'aw har pupe. Uhem Ximàw Pet huwake kury. Uze'eg Pet izupe. — Aipo erezuhez putar hepy nehe no, hezar, i'i izupe.
Uze'eg Zezuz izupe. — Màràzàwe tuwe nerekwaw kwaw ko heremiapo ne. Amo 'ar mehe erekwaw putar nehe, i'i izupe.
— Nan kwaw pa. Nerezuhez pixik kwaw hepy nehe, i'i Pet izupe. — Aze nazuhez kwaw nepy nehe, nereiko kwaw heremimu'e romo nehe, i'i izupe.
— Hezar. Ezuhez hepy nehe, ezuhez hepo nehe no, ezuhez heàkàg nehe no, i'i izupe.
— Aze amo uzahak nehe, ikatu nehe. Xo ipy izipiw a'e re nehe. Nezewegatete pe no. Peiko ikatu ma'e romo paw rupi. Xo pitài xe har na'ikatu kwaw a'e, i'i Zezuz izupe. — Amo 'ar mehe amo xe har hezuka kar putar tuwihaw wanupe a'e nehe, i'i Zezuz upy'a pe. Ukwaw a'e ma'e iapo àràm. A'e rupi — Pitài xe har zo na'ikatu kwaw a'e, i'i urewe a'e.
Urepy izuhez pawire umunehew wi ukamir puku kury, wenaw pe uzewyr pà wapyk pà kury.
— Aipo pekwaw katu peme heremiapo kwer. Màràzàwe tuwe azuhez pepy. — Purumu'e ma'e, peze peiko ihewe. — Urezar, peze peiko ihewe no. Ikatu nezewe peze haw, ta'e aiko purumu'e ma'e romo ihe xe. Aiko pezar romo ihe xe. Azuhez pepy kwez kury. Pe nehe no, aze pezuhez amogwer wapy nehe, pekatuahy putar ihewe nehe no. Azapo ma'e kwez penuwa rupi ihe kury. Pezapo a'e ma'e hezàwegatete nehe no. Azeharomoete heze'eg ihe. Ni amo uma'ereko e ma'e nuiko wera'u kwaw uzar wi a'e wà. Ni amo ze'eg imume'u har nuiko wera'u kwaw omono kar har wi a'e wà. Pekwaw ko ze'eg azeharomoete har kury. Aze peruzar nehe, penurywete putar tuwe nehe.
Aze'eg teko peme paw rupi ihe kury. Xo pitài xe har rehe zo aze'eg teko ihe kury. Apukwaw katu pitàitàigatu ihe. Pitài xe har heàmàtyry'ymar romo hekon a'e. Akwaw a'e awa ihe. Nezewe i'i ze'eg kwehe arer a'e. — Amo awa u'u putar temi'u heremimono kwer a'e nehe. A'e re heàmàtyry'ymar romo uzeapo putar a'e nehe, i'i ze'eg kwehe arer hereko haw rehe a'e. Uzeapo putar ma'e a'e ze'eg rupi katete a'e nehe kury. Amume'u putar agwer ma'e uzeapo ma'e ràm peme ihe kury, izeapo 'ym mehe we ihe kury. A'e rupi izeapo mehe nehe, pezeruzar putar Tupàn romo hereko haw rehe nehe. Aze amo uzekaiw katu heremimono kar ràm rehe a'e nehe, herehe uzekaiw katu ma'e ài hekon putar a'e nehe. Aze amo herehe uzekaiw katu a'e nehe, hemur kar arer rehe uzekaiw katu ma'e ài hekon putar a'e nehe.

A'e ma'e imume'u re uzemumikahy tuwe Zezuz kury. Umume'u tuwe umàno àwàm urewe. — Azeharomoete ko heze'eg ihe. Amo xe har penehe we har umume'u putar heho àwàm oho tuwihaw wanupe a'e nehe. Tuwihaw umur kar putar zauxiapekwer a'e pe ihewe a'e wà nehe, hepyhyk kar pà wanupe a'e wà nehe, i'i urewe.
Urume'e urezehezehe ure kury.
— Ma'enugar xe har uzapo putar nezewe haw a'e nehe, uru'e urezeupeupe. Nurukwaw pixik kwaw ure. Ihe ihe, (Zezuz hemiamutar katu ihe), apyk tenà'àg Zezuz huwake ihe kury. Ximàw Pet opo umuawawak ihewe a'e kury, ihewe uze'eg pà a'e kury. — Epuranu hehe ty.
— Mo rehe ereze'eg iko ne, ere izupe ty, i'i Pet ihewe.
A'e rupi atyryk Zezuz huwakea'i ihe kury, hehe hepuranu pà ihe kury. — Mo rehe ereze'eg iko ne, hezar, a'e izupe.
— Amuàkym putar ko typy'ak kwez ma'ero'o kwer tykwer inuromo ihe nehe kury. A'e re amono kar putar heàmàtyry'ymar pe ihe nehe kury, izupe i'u kar pà ihe nehe kury, i'i Zezuz ihewe. Umuàkym typy'ak iaikaw pyrer ma'e ro'o kwer tykwer inuromo kury, imono pà Zut pe kury. (Ximàw Kario pe har romo hekon a'e.) U'u typy'ak a'e kury. Na'arewahy Zurupari wixe tuwe ipy'a pe a'e kury. Uze'eg Zezuz Zut pe. — Tàrityka'i ezapo neremiapo ràm eho nehe ty, i'i izupe.
Amogwer mez huwake har wenu ize'eg mehe wà. — Màràzàwe tuwe nezewe i'i izupe a'e, uru'e urezeupe. Nurukwaw kwaw. Zut a'e, Zezuz hemetarer rehe uzekaiw ma'e romo hekon a'e. A'e rupi amo hemimu'e nezewe uze'eg uzeupe a'e wà. — Kwa, Zezuz omono kar Zut amo temi'u ime'eg kar pà izupe a'e kury. A'e mehe uhyk putar zanemai'u mehe nehe, i'i uzeupe wà. — Nan, i'i amogwer wà. — Emono e temetarer eho ma'e hereko 'ymar wanupe nehe ty, i'i Zezuz kwez izupe kury, i'i amogwer wà. Nukwaw kwaw a'e wà.
A'e typy'ak i'u re na'arewahy Zut oho a'e wi wanuwi a'e kury. Pyhaw kury.

Zut iho ire Zezuz uze'eg urewe kury.
— Awa ta'yr romo aiko ihe. Uhem he'ar kwez kury. Nan kwehe tete teko wexak putar hekàgaw a'e wà nehe. Wexak putar Tupàn ikàgaw a'e wà nehe no, ta'e umur ukàgaw ihewe a'e xe. Nan kwehe tete amume'u putar Tupàn ikàgaw ipuràg eteahy haw purupe ihe nehe. Tupàn umume'u putar hekàgaw hepuràg eteahy haw purupe a'e nehe no. Heremimu'e wà, hepurumuzàmuzàg ài peiko ihewe. Nan kwehe tete aha putar pewi ihe nehe kury. Herekar putar zepe pe nehe. Karumehe amume'u ma'e Zutew wanupe ihe. Amume'u wi putar a'e ma'e peme ihe nehe kury. — Napepuner kwaw peho haw rehe heho àwàm me nehe. Ze'eg ipyahu ma'e amume'u putar peme kury. Peruzar tuwe ko ze'eg nehe. — Pezeamutamutar katu tuwe nehe. Apuamutar katu ihe, nezewegatete pezeamutamutar katu hezàwegatete nehe no. A'e rupi teko paw ukwaw putar heremimu'e romo peneko haw a'e wà nehe. Ta'e pezeamutamutar katu putar nehe xe.

— Ma'e pe ereho putar nehe kury, urezar, i'i Ximàw Pet izupe. — Napepuner kwaw heho àwàm me peho haw rehe pe. Amo 'ar mehe peho putar a'e pe heraikweromo nehe, i'i Zezuz izupe.
— Hezar, màràzàwe tuwe napuner kwaw neraikweromo heho haw rehe tàrityka'i ihe nehe kury, i'i Pet izupe. — Aze hezuka wà nehe, napytu'u kwaw neraikweromo heho re nehe, i'i izupe.
— Aipo nezezuka kar wer tuwe heremiruze'eg romo nereko haw rehe ne. Azeharomoete ko heze'eg ihe. Na'iruz haw teko upuranu putar nerehe a'e wà nehe. — Aipo Zezuz hemiruze'eg romo ereiko ne, i'i putar newe wà nehe. — Nakwaw kwaw Zezuz ihe ty, ere putar wanupe na'iruz haw nehe, zapukaz ize'eg 'ym mehe nehe, i'i Zezuz Pet pe.

Слухаць João 13