Quiche, West Central - 1997 Edition (NT)

<div class="version vid653 iso6393quc" data-vid="653" data-iso6393="quc">
 <div class="book bkMAT">
 <div class="chapter ch18" data-usfm="MAT.18">
 <div class="label">18</div><div class="s">Ri tijoxelab c&#228;quichomala quib chrij jachin chque ri nim na u banic</div><div class="p"> 1Pa ri k'ij ri' ri tijoxelab xquimulij quib ruc' ri Jes&#250;s, xquita' che: &#191;Jachin ri nim na u banic chila' jawije' ri c&#228;takan wi ri Dios? &#8212;xecha che.</div><div class="p"> 2Ri Jes&#250;s xusiq'uij apan jun alaj ac'al, xuc'amo, xutac'aba chquiw&#228;ch ru tijoxelab. 3Xubij c'u chque: Kas tzij quinbij chiwe. We ri ix man quiq'uex t&#228; ri iwanima', ri i chomanic, we man quiban iwe jas ri c&#228;ca'n ri ac'alab man c&#228;ca'n t&#228; nimal, man quixopan t&#228; ri' chila' jawije' ri c&#228;takan wi ri Dios, &#8212;xcha chque. 4Je c'u ri' quinbij chiwe chi ri nim na u banic chila' jawije' ri c&#228;takan wi ri Dios, are ri man nim t&#228; cuban che rib, cuban c'ut jas we ac'al ri'. 5Apachin ri cuc'ulaj jun ac'al jas we ac'al ri' rumal wech in, in ri' quinuc'ulaj, &#8212;xcha chque.</div><div class="s">C&#228;quirik c'&#228;x ri winak ri c&#228;ca'no chi jun winak chic curik ri be ri man utz taj</div><div class="p"> 6Apachin c'u ri cubano chi jun chque we ch'utik ri' ri quecojon chwe curik ri be ri man utz taj, are utz ri' we ta c&#228;xim jun ca' re molino chukul ri winak ri', c&#228;q'ui&#228;k ta c'u bi pa ri mar. 7&#161;Sibalaj c'&#228;x chque ri winak cho ruw&#228;chulew chi c'o jas ri cubano chi ri winak c&#228;quirik ri be ri man utz taj! Amak'el c'ut c&#228;quic'ulmaj wa'. Sibalaj c'&#228;x c'u re ri winak ri cubano chi jun winak chic curik ri be ri man utz taj.</div><div class="p"> 8Rumal ri', we ri a k'ab o ri awakan cubano chi ri at carik ri be ri man utz taj, chak'ata', chaq'ui&#228;ka apanok. Are utz na chawe we carik na ri kas c'aslemal pune at cut o at ch'oco', chuw&#228;ch ri c'o quieb a k'ab o quieb awakan cate' pa ri c'atic jawije' c'o wi ri k'ak' ri man c&#228;chuptaj taj. 9We are ri a wak'&#228;ch cubano chi carik ri be ri man utz taj, chawesaj, chaq'ui&#228;ka apanok. Are utz na chawe we carik na ri kas c'aslemal pune xa jun ra wak'&#228;ch c'olic, chuw&#228;ch ri c'o quieb a wak'&#228;ch, catq'ui&#228;k bi pa ri nimalaj k'ak', &#8212;xcha ri Jes&#250;s chque.</div><div class="s">Waral c&#228;kil wi ri c'utbal chrij ri chij ri xsachic</div><div class="p"> 10Miwetzelaj ba' qui w&#228;ch jun chque we ch'utik ri' ri quecojon chwe. Quinbij c'u chiwe chi ri e are' amak'el ronojel k'ij c'o ri qui &#225;ngeles chuw&#228;ch ri nu Tat chila' chicaj. 11Je ri', rumal chi ri in, in ri' ri Ralc'ual ri Dios ri Kas Winak, xinpe che qui to'ic ri winak ri e sachinak.</div><div class="p"> 12&#191;Jas quichomaj chrij ri quinbij na? We c'o jun achi ri c'o jun ciento u chij, c&#228;tzak c'u can jun chque, &#191;a mat queuya na can ri' ri jumuch' belejlajuj pa ri juyub, que' c'u chutzucuxic ri jun ri xtzak canok? Je', je ri'. 13We curiko, sibalaj c&#228;quicot na ruc'. Nim na ru quicotemal ruc' wa' chuw&#228;ch ru quicotemal cuc' ri jumuch' belejlajuj ri man xetzak taj. 14Je c'u ri' ri i Tat ri c'o chila' chicaj man craj taj chi c&#228;tzak jun chque we ch'utik ri' ri quecojon chwe.</div><div class="s">Ri cuban jun chusachic u mac jun winak chic</div><div class="p"> 15We ri awachalal cuban jun c'&#228;x chawe, chattzijon ruc' pa u tuquiel wi, chabij che jas ru mac. We cucoj rib chupam, xatcowin ri' chuch'aquic ra wachalal. 16We c'u ri awachalal man cucoj t&#228; rib pa ru mac aretak cattzijon ruc', chasiq'uij jun o quieb winak chic, rech ronojel ri quibij quetamax wa' cumal quieb u oxib tal tak tzij. 17We c'u man coc ri tzij pu jolom ri c&#228;bix che cumal ri niq'uiaj chic, cheasiq'uij conojel ri niq'uiaj kachalal. We c'u man cuto jas ri c&#228;quibij conojel ri kachalal, chabana che chi je' jas jun winak ri man c&#228;cojon t&#228; che ri Dios o jun tok'il alcabal.</div><div class="p"> 18Kas tzij quinbij chiwe chi jachique ri quik'alajisaj chi man utz t&#228; u banic cumal ri winak cho ruw&#228;chulew, man utz t&#228; u banic ri' chila' chicaj. Jachique c'u ri quik'alajisaj chi utz u banic cumal ri winak waral cho ruw&#228;chulew, utz u banic ri' chila' chicaj.</div><div class="p"> 19Xukuje' quinbij chiwe chi we c'o quieb chixol waral cho we uw&#228;chulew ri curik rib qui chomanic puwi' jun rajwaxic, c&#228;ca'n c'u orar chuta'ic wa', ri ka Tat ri c'o chila' chicaj cuya na wa' chque. 20Je ri', rumal chi jawije' ri qui mulim wi quib quieb oxib winak rumal chi quecojon chwe, cuc' ri' in c'o wi, &#8212;xcha ri Jes&#250;s chque ru tijoxelab.</div><div class="p"> 21Xpe ri tat Pedro, xuta' c'u che ri Jes&#250;s: Kajaw, we ri wachalal q'uia mul cuban c'&#228;x chwe, &#191;janipa' mul rajwaxic quinsach u mac? &#191;A craj ne wukub mul ri'? &#8212;xcha che.</div><div class="p"> 22Xch'aw c'u ri Jes&#250;s, xubij che: Man quinbij t&#228; chawe chi xa wukub mul casach u mac, xane rajwaxic casach u mac wukub mul chic, wukub mul chic, c'&#228; copan na pa job ciento, &#8212;xcha che.</div><div class="s">Ri c'utbal chrij ri pat&#228;ninel ri man xraj taj xusach u mac ri rachi'l</div><div class="p"> 23Je ri', rumal chi ru takanic ri Dios pa qui wi' ri winak, are je' jas jun k'inom achi ri xeumulij ri rajchaquib, xuchap c'u u ta'ic we c'o ri qui c'as, o we ne c'o u c'as ri are' cuc'. 24Aretak tajin cuchaplej rajilaxic ri qui cuenta chquijujunal, xc'am lok jun ajchac ri u c'as q'uia mil quetzales. 25Are c'u ri jun ajchac ri' man c'o t&#228; cutojbej re ru c'as. Ri patr&#243;n xtakanic chi c&#228;q'uiyix ri ajchac ri' pu k'ab jun winak chic rech c&#228;pat&#228;nin che, rachi'l ri rixokil, ri ralc'ual, xukuje' conojel ri jastak re, rech c&#228;tojtaj ru c'as. 26Are c'u ri ajchac xxuqui chuw&#228;ch ru patr&#243;n, xbochi'nic, xuta' tok'ob, xubij che: &#8220;Tat, chajij la paciencia wuc', quintoj na ronojel ri nu c'as,&#8221; &#8212;xcha che. 27Ri patr&#243;n xutok'obisaj u w&#228;ch ri rajchac, xusach u mac, xubij che chi man cutoj t&#228; chi ru c'as, xutzokopij c'u bic. 28Te ri' ri ajchac ri xtzokopitaj bic, xurik jun rach ajchac ri u c'as quieb oxib quetzal ruc'. Xuchap ri rach ajchac chukul, xuchap u jitz'axic, xubij che: &#8220;&#161;Chatojo ra c'as wuc'!&#8221; &#8212;xcha che. 29Ri rach ajchac xxuqui chuw&#228;ch, xbochi'nic, xuta' tok'ob che, xubij: &#8220;Chachajij paciencia wuc', quintoj na ronojel ri nu c'as,&#8221; &#8212;xcha che. 30Ri are' c'ut man xusach t&#228; u mac ri rach ajchac, xane xucoj pa che', xubij che chi rajwaxic cutoj na ru c'as. 31Aretak xquil wa' ri niq'uiaj ajchaquib chic, sibalaj xebisonic. Xebe' c'ut, xequibij che ri qui patr&#243;n ronojel ri xbantajic. 32Xpe c'u ri qui patr&#243;n, xtakan chusiq'uixic ri ajchac ri', xubij che: &#8220;&#161;Itzel ajchac! Ri in xincuy ra c'as rumal chi xata' tok'ob chwe. 33Ri at xukuje' rajwaxic xatok'obisaj ta u w&#228;ch ri awach ajchac, jas ri xinban in chawe xintok'obisaj a w&#228;ch,&#8221; &#8212;xcha che. 34&#161;Ru patr&#243;n c'ut, sibalaj xpe royowal! Xtakanic chi c&#228;c'&#228;jisax u w&#228;ch ri rajchac c'&#228; cutoj na ru c'as.</div><div class="p"> 35Ri Jes&#250;s xuq'uisbej re ru tzij, xubij: Jas ri xuban ri patr&#243;n che ri rajchac, are je' cuban na ri nu Tat ri c'o chila' chicaj chiwe, we man kas quisach qui mac ri iwachalal, &#8212;xcha ri Jes&#250;s chque.</div>
 </div>
 </div>
</div>

Pa ri k'ij ri' ri tijoxelab xquimulij quib ruc' ri Jesús, xquita' che: ¿Jachin ri nim na u banic chila' jawije' ri cätakan wi ri Dios? —xecha che.
Ri Jesús xusiq'uij apan jun alaj ac'al, xuc'amo, xutac'aba chquiwäch ru tijoxelab. Xubij c'u chque: Kas tzij quinbij chiwe. We ri ix man quiq'uex tä ri iwanima', ri i chomanic, we man quiban iwe jas ri cäca'n ri ac'alab man cäca'n tä nimal, man quixopan tä ri' chila' jawije' ri cätakan wi ri Dios, —xcha chque. Je c'u ri' quinbij chiwe chi ri nim na u banic chila' jawije' ri cätakan wi ri Dios, are ri man nim tä cuban che rib, cuban c'ut jas we ac'al ri'. Apachin ri cuc'ulaj jun ac'al jas we ac'al ri' rumal wech in, in ri' quinuc'ulaj, —xcha chque.

Apachin c'u ri cubano chi jun chque we ch'utik ri' ri quecojon chwe curik ri be ri man utz taj, are utz ri' we ta cäxim jun ca' re molino chukul ri winak ri', cäq'uiäk ta c'u bi pa ri mar. ¡Sibalaj c'äx chque ri winak cho ruwächulew chi c'o jas ri cubano chi ri winak cäquirik ri be ri man utz taj! Amak'el c'ut cäquic'ulmaj wa'. Sibalaj c'äx c'u re ri winak ri cubano chi jun winak chic curik ri be ri man utz taj.
Rumal ri', we ri a k'ab o ri awakan cubano chi ri at carik ri be ri man utz taj, chak'ata', chaq'uiäka apanok. Are utz na chawe we carik na ri kas c'aslemal pune at cut o at ch'oco', chuwäch ri c'o quieb a k'ab o quieb awakan cate' pa ri c'atic jawije' c'o wi ri k'ak' ri man cächuptaj taj. We are ri a wak'äch cubano chi carik ri be ri man utz taj, chawesaj, chaq'uiäka apanok. Are utz na chawe we carik na ri kas c'aslemal pune xa jun ra wak'äch c'olic, chuwäch ri c'o quieb a wak'äch, catq'uiäk bi pa ri nimalaj k'ak', —xcha ri Jesús chque.

Miwetzelaj ba' qui wäch jun chque we ch'utik ri' ri quecojon chwe. Quinbij c'u chiwe chi ri e are' amak'el ronojel k'ij c'o ri qui ángeles chuwäch ri nu Tat chila' chicaj. Je ri', rumal chi ri in, in ri' ri Ralc'ual ri Dios ri Kas Winak, xinpe che qui to'ic ri winak ri e sachinak.
¿Jas quichomaj chrij ri quinbij na? We c'o jun achi ri c'o jun ciento u chij, cätzak c'u can jun chque, ¿a mat queuya na can ri' ri jumuch' belejlajuj pa ri juyub, que' c'u chutzucuxic ri jun ri xtzak canok? Je', je ri'. We curiko, sibalaj cäquicot na ruc'. Nim na ru quicotemal ruc' wa' chuwäch ru quicotemal cuc' ri jumuch' belejlajuj ri man xetzak taj. Je c'u ri' ri i Tat ri c'o chila' chicaj man craj taj chi cätzak jun chque we ch'utik ri' ri quecojon chwe.

We ri awachalal cuban jun c'äx chawe, chattzijon ruc' pa u tuquiel wi, chabij che jas ru mac. We cucoj rib chupam, xatcowin ri' chuch'aquic ra wachalal. We c'u ri awachalal man cucoj tä rib pa ru mac aretak cattzijon ruc', chasiq'uij jun o quieb winak chic, rech ronojel ri quibij quetamax wa' cumal quieb u oxib tal tak tzij. We c'u man coc ri tzij pu jolom ri cäbix che cumal ri niq'uiaj chic, cheasiq'uij conojel ri niq'uiaj kachalal. We c'u man cuto jas ri cäquibij conojel ri kachalal, chabana che chi je' jas jun winak ri man cäcojon tä che ri Dios o jun tok'il alcabal.
Kas tzij quinbij chiwe chi jachique ri quik'alajisaj chi man utz tä u banic cumal ri winak cho ruwächulew, man utz tä u banic ri' chila' chicaj. Jachique c'u ri quik'alajisaj chi utz u banic cumal ri winak waral cho ruwächulew, utz u banic ri' chila' chicaj.
Xukuje' quinbij chiwe chi we c'o quieb chixol waral cho we uwächulew ri curik rib qui chomanic puwi' jun rajwaxic, cäca'n c'u orar chuta'ic wa', ri ka Tat ri c'o chila' chicaj cuya na wa' chque. Je ri', rumal chi jawije' ri qui mulim wi quib quieb oxib winak rumal chi quecojon chwe, cuc' ri' in c'o wi, —xcha ri Jesús chque ru tijoxelab.
Xpe ri tat Pedro, xuta' c'u che ri Jesús: Kajaw, we ri wachalal q'uia mul cuban c'äx chwe, ¿janipa' mul rajwaxic quinsach u mac? ¿A craj ne wukub mul ri'? —xcha che.
Xch'aw c'u ri Jesús, xubij che: Man quinbij tä chawe chi xa wukub mul casach u mac, xane rajwaxic casach u mac wukub mul chic, wukub mul chic, c'ä copan na pa job ciento, —xcha che.

Je ri', rumal chi ru takanic ri Dios pa qui wi' ri winak, are je' jas jun k'inom achi ri xeumulij ri rajchaquib, xuchap c'u u ta'ic we c'o ri qui c'as, o we ne c'o u c'as ri are' cuc'. Aretak tajin cuchaplej rajilaxic ri qui cuenta chquijujunal, xc'am lok jun ajchac ri u c'as q'uia mil quetzales. Are c'u ri jun ajchac ri' man c'o tä cutojbej re ru c'as. Ri patrón xtakanic chi cäq'uiyix ri ajchac ri' pu k'ab jun winak chic rech cäpatänin che, rachi'l ri rixokil, ri ralc'ual, xukuje' conojel ri jastak re, rech cätojtaj ru c'as. Are c'u ri ajchac xxuqui chuwäch ru patrón, xbochi'nic, xuta' tok'ob, xubij che: “Tat, chajij la paciencia wuc', quintoj na ronojel ri nu c'as,” —xcha che. Ri patrón xutok'obisaj u wäch ri rajchac, xusach u mac, xubij che chi man cutoj tä chi ru c'as, xutzokopij c'u bic. Te ri' ri ajchac ri xtzokopitaj bic, xurik jun rach ajchac ri u c'as quieb oxib quetzal ruc'. Xuchap ri rach ajchac chukul, xuchap u jitz'axic, xubij che: “¡Chatojo ra c'as wuc'!” —xcha che. Ri rach ajchac xxuqui chuwäch, xbochi'nic, xuta' tok'ob che, xubij: “Chachajij paciencia wuc', quintoj na ronojel ri nu c'as,” —xcha che. Ri are' c'ut man xusach tä u mac ri rach ajchac, xane xucoj pa che', xubij che chi rajwaxic cutoj na ru c'as. Aretak xquil wa' ri niq'uiaj ajchaquib chic, sibalaj xebisonic. Xebe' c'ut, xequibij che ri qui patrón ronojel ri xbantajic. Xpe c'u ri qui patrón, xtakan chusiq'uixic ri ajchac ri', xubij che: “¡Itzel ajchac! Ri in xincuy ra c'as rumal chi xata' tok'ob chwe. Ri at xukuje' rajwaxic xatok'obisaj ta u wäch ri awach ajchac, jas ri xinban in chawe xintok'obisaj a wäch,” —xcha che. ¡Ru patrón c'ut, sibalaj xpe royowal! Xtakanic chi cäc'äjisax u wäch ri rajchac c'ä cutoj na ru c'as.
Ri Jesús xuq'uisbej re ru tzij, xubij: Jas ri xuban ri patrón che ri rajchac, are je' cuban na ri nu Tat ri c'o chila' chicaj chiwe, we man kas quisach qui mac ri iwachalal, —xcha ri Jesús chque.

Слухаць San Mateo 18