Tzutujil, Eastern - 1992 Edition (NT) Non-Drama

Tzutujil, Eastern - 1992 Edition (NT)

<div class="version vid690 iso6393tzj" data-vid="690" data-iso6393="tzj">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s">&#8226; &#8226; &#8226; &#8226; &#8226;</div><div class="p"> 1Ja' Jes&#250;s remjon binem tak xutz'et jun acha ch'it moy prelxic. 2J-e' rdisc&#237;pulo cawra xecc'axaj tzra: &#8212;Maestro &#191;nak tzer c'ara' ch'it moy xalexa jala' acha? &#191;Nak c'ola ril, lja' o redta' rute'? 3Jes&#250;s cawra xbij: &#8212;Mcara' ta, mril ta ja' next ril redta' rute'. Jala' acha rebnon cala' ch-utz c'ara' c'ola jun nimlaj samaj rxin Dios nk'aljina tak xtjaktaja rk'arwech. 4Tak wenc'o na wawe' chwech ruch'lew nc'atzina quenban rsamaj jtakyon pa wxin. Tak xtoca k'ejku'm mesquier chic ncatecwina ncatesmaja. 5Ajru' tiemp xtenc'je'a wawe' chwech ruch'lew, anen en luz rxin. 6Tak xec'choja tzij rmal xchubaj kaja rec'xaj chwech ruch'lew y xumaj rbanic ch'bak tzra rec'xaj, y xuc'om xuya' chuchi' rk'arwech moy. 7Y cawra xbij tzra: &#8212;Jat ach'ja' ak'awech pya' rubi' Silo&#233;. (Silo&#233; nbij tzij tkon ta.) Y cara' xuban jara' acha. Tak xekaja xuch'aj rk'arwech. Tak xch'ajtaja rmal xemloj ta y nca'y chic. 8Je rebcin y jle' chic wnak jquetz'ton jawra moy cawra xecbij: &#8212;&#191;Mja' tc'ala' acha netz'be'a ptak bey y nc'utuj pak? 9Ec'ola nic'aj cawra xecbij: &#8212;Ja' nc'a. Y jle' chic cawra xecbij: &#8212;Mja' ta, ncala' nca'ya per mja' ta. Per ja' acha cawra xbij chca: &#8212;Anen nc'a. 10&#8212;&#191;Per nak xaban, ncatca'y xtakwan? 11&#8212;C'o jun acha Jes&#250;s rubi', arja' xchumij jle' ch'bak y tak xchumtaja rmal xuya' chi' nk'anwech y cawra xbij chwa: &#8212;Jat ach'ja' ak'awech pya' Silo&#233;. Y cara' xenban anen xenba. Tak xnekaja xench'aj nk'anwech y cara' xenban xjaktaja. 12&#8212;&#191;Abar tzra' c'o wa' Jes&#250;s camic? &#8212;Jara' majo'n wutkin ta abar le tzra' c'o wa'. 13C'jara' xec'mar ela ja' acha je xjaktaja rk'arwech, q'ue chquewech aj fariseo xc'ax wa'. 14Ja' Jes&#250;s tak xchumij ch'bak y xujak rk'arwech jara' acha, chpam jun xlanbal k'ij xuban wa'. 15J-e' aj fariseo xecc'axaj chic tzra acha: &#8212;&#191;Nak xaban tak xjaktaja ak'awech? &#8212;Ja' acha xchumij jle' ch'bak y tak xchumtaja rmal xuya' chi' nk'anwech, c'jara' xench'aj nk'anwech y xjaktaja. 16Ec'ola nic'aj aj fariseo cawra xecbij: &#8212;Ja acha rbin-an Jes&#250;s, me Dios ta takyon pa rxin com ja' mtuya' ruk'ij xlanbal k'ij com xnesmaja chpam. Per jle' chic cawra xecbij: &#8212;&#191;Nak tzer c'ara' jun acha we xril rumac nuban y nuban jun milagro ajni' nkatz'et camic? Y cara' xqueban, mjunam ta xquech'ob tzrij Jes&#250;s. 17Y cawra xecbij chic tzra acha je xjaktaja rk'arwech: &#8212;Atet &#191;nak nabij tzra Jes&#250;s? Com arja' xujak ak'awech. &#191;Nak rbanic nach'ob atet? &#8212;Arja' jun profeta rxin Dios. Cara' xbij ja' acha chca. 18Per j-e' aj Israel majo'n xecnimaj ta chmoy ja' acha nabey. Majo'n necnimaj ta che c'ja' xjaktaja rk'arwech rmal c'ara' xecsiq'uij na redta' y rute' acha. 19Tak xe'ekaja redta' y rute' cawra xecc'axaj chca. &#8212;&#191;Ewlec'wal jawra acha? &#191;Le ktzij c'ara' moy tak xalexa? &#191;Nak tzer c'ara' nca'y chic camic? 20&#8212;Ajoj kutkin che klec'wal, y kutkin chka' tak xalexa majo'n nca'y ta. 21Per majo'n kutkin ta nak tzra tak nca'y chic camic, y majo'n kutkin ta chka' nak xejkowa rk'arwech. &#191;Nak tzer c'a mtewc'axaj tzra ja' com c'o chic rjuna' y ri'j chic chka'? Ja' c'a ra' nbina chewa nak xuban. 22Cara' xecbij chca aj Israel com j-e' congan necxibej qui' chquewech aj Israel com j-e' aj Israel quech'bon chic nak wnak xtbina che Jes&#250;s jara' Cristo majo'n nc'u'l xta chpam jay abar nquemol wa' qui', abar ncho'l wa' rtzojbal Dios, per junlic nch'akix ela. 23Rmal c'ara' tak xecbij: &#8212;Tzra ja' tewc'axaj wa' com c'o chic rjuna' y ri'j chic chka'. 24C'jara' xec'mar chic jmul ja' acha jmoy ojer y cawra xecbij tzra: &#8212;Chwech Dios tbij wa' kas mer rbeyal com ajoj kutkin ja acha rbin-an Jes&#250;s x-il mac nuban. 25&#8212;We x-il mac nuban jara' majo'n wutkin ta tzra anen, xerwara' xjara' wutkin che anen en moy nabey per camic quenca'y chic. 26&#8212;Per &#191;nak xuban chawa? &#191;Nak xuban tak xujak ak'awech? 27&#8212;Per jara' nbin chic chewa per ixix majo'n egan newc'axaj. &#191;Nak tzer c'a newc'axaj chic jmul chwa? &#191;Mex newajo' ixix chka' nquixoca rdisc&#237;pulo? 28J-e' congan xpeta cyiwal y cawra xecbij tzra: &#8212;Atet at k'alaj che at rdisc&#237;pulo, per ajoj ok rdisc&#237;pulo Mois&#233;s. 29Ajoj kutkin che xtzijona Dios ruq'uin Mois&#233;s per ja acha rbin-an Jes&#250;s abar le tzra' penak wa' y nak la takyon pa rxin. 30&#8212;Per &#191;nak tzer c'ara' mesquier nch'obtaja ewmal nak takyon pa rxin per xujak c'a nk'anwech? 31Ajoj kutkin che Dios majo'n nc'axaj ta nak nc'utux tzra rmal jun bnoy il mac. Per jun wnak wnuya' ruk'ij Dios y nnimaj nak nrajo' ranm ja', jara' nc'axaxa y nyataja tzra je nc'utuj tzra. 32Ajru' la tiemp wankernak ta rwech ruch'lew per majo'n c'axan ta chc'ola jun acha xujak ta rk'arwech jun moy prelxic. 33Ja' Jes&#250;s wext mquita ruq'uin Dios penak wa' majo'n ta achnak necwina nuban ra', cara' xbij ja' acha. 34Xquemaj chic ryok'ic acha y cawra xecbij chic tzra: &#8212;Atet xe rmal il mac at moy xatalexa. &#191;Lnawajo' c'a atet nokatijoj? C'jara' xquelsaj ela chquecjol rxin junlic y majo'n xquec'ul xta. 35Ja' Jes&#250;s tak xc'axaj che xelsas ta acha y majo'n nc'u'l xta, xba y xerla' acha y cawra xc'axaj tzra: &#8212;&#191;Le ykul chic ac'u'x ruq'uin Rlec'wal Dios? 36&#8212;Anen quenwajo' neyke'a nuc'u'x ruq'uin per tec'tu' chenwech nak acha c'ara' Rlec'wal Dios. 37Jes&#250;s cawra xbij chic tzra: &#8212;Per jara' acha atz'ton chic, anen c'ara' en Rlec'wal Dios jnemjon tzij awq'uin. 38C'jara' ja' acha cawra xbij: &#8212;Wajaw, anen camic neyke'a nuc'u'x awq'uin, cara' xbij tzra Jes&#250;s. Xexque'a chwech y xumaj rya'ic ruk'ij. Ja' Jes&#250;s cawra xbij tzra. 39&#8212;Anen enpenak wawe' chwech ruch'lew ch-utz c'ara' nk'aljina nak cbanic je' wnak. Enpenak ch-utz c'ara' je' moya' njaktaja je' ck'awech, y chka' je' wnak je nquebina che nqueca'ya nk'aljina che j-e' xe e moya'. 40Ec'ola nic'aj fariseo chenkaj ruq'uin Jes&#250;s, tak xecc'axaj je xbixa congan xpeta cyiwal tzrij Jes&#250;s y cawra xecbij tzra: &#8212;&#191;L-ok moya' ajoj chka' tak nabij cara' chka? 41&#8212;Wext xeya' chewij che chpam k'ejku'm ixc'ol wa' jara' majo'n nquixchapbexa, per com nebij che ewutkin chic rubey Dios jara' c'a nquixchapbexa. Cara' xbij Jes&#250;s chca.</div>
 </div>
 </div>
</div>

Ja' Jesús remjon binem tak xutz'et jun acha ch'it moy prelxic. J-e' rdiscípulo cawra xecc'axaj tzra: —Maestro ¿nak tzer c'ara' ch'it moy xalexa jala' acha? ¿Nak c'ola ril, lja' o redta' rute'? Jesús cawra xbij: —Mcara' ta, mril ta ja' next ril redta' rute'. Jala' acha rebnon cala' ch-utz c'ara' c'ola jun nimlaj samaj rxin Dios nk'aljina tak xtjaktaja rk'arwech. Tak wenc'o na wawe' chwech ruch'lew nc'atzina quenban rsamaj jtakyon pa wxin. Tak xtoca k'ejku'm mesquier chic ncatecwina ncatesmaja. Ajru' tiemp xtenc'je'a wawe' chwech ruch'lew, anen en luz rxin. Tak xec'choja tzij rmal xchubaj kaja rec'xaj chwech ruch'lew y xumaj rbanic ch'bak tzra rec'xaj, y xuc'om xuya' chuchi' rk'arwech moy. Y cawra xbij tzra: —Jat ach'ja' ak'awech pya' rubi' Siloé. (Siloé nbij tzij tkon ta.) Y cara' xuban jara' acha. Tak xekaja xuch'aj rk'arwech. Tak xch'ajtaja rmal xemloj ta y nca'y chic. Je rebcin y jle' chic wnak jquetz'ton jawra moy cawra xecbij: —¿Mja' tc'ala' acha netz'be'a ptak bey y nc'utuj pak? Ec'ola nic'aj cawra xecbij: —Ja' nc'a. Y jle' chic cawra xecbij: —Mja' ta, ncala' nca'ya per mja' ta. Per ja' acha cawra xbij chca: —Anen nc'a. —¿Per nak xaban, ncatca'y xtakwan? —C'o jun acha Jesús rubi', arja' xchumij jle' ch'bak y tak xchumtaja rmal xuya' chi' nk'anwech y cawra xbij chwa: —Jat ach'ja' ak'awech pya' Siloé. Y cara' xenban anen xenba. Tak xnekaja xench'aj nk'anwech y cara' xenban xjaktaja. —¿Abar tzra' c'o wa' Jesús camic? —Jara' majo'n wutkin ta abar le tzra' c'o wa'. C'jara' xec'mar ela ja' acha je xjaktaja rk'arwech, q'ue chquewech aj fariseo xc'ax wa'. Ja' Jesús tak xchumij ch'bak y xujak rk'arwech jara' acha, chpam jun xlanbal k'ij xuban wa'. J-e' aj fariseo xecc'axaj chic tzra acha: —¿Nak xaban tak xjaktaja ak'awech? —Ja' acha xchumij jle' ch'bak y tak xchumtaja rmal xuya' chi' nk'anwech, c'jara' xench'aj nk'anwech y xjaktaja. Ec'ola nic'aj aj fariseo cawra xecbij: —Ja acha rbin-an Jesús, me Dios ta takyon pa rxin com ja' mtuya' ruk'ij xlanbal k'ij com xnesmaja chpam. Per jle' chic cawra xecbij: —¿Nak tzer c'ara' jun acha we xril rumac nuban y nuban jun milagro ajni' nkatz'et camic? Y cara' xqueban, mjunam ta xquech'ob tzrij Jesús. Y cawra xecbij chic tzra acha je xjaktaja rk'arwech: —Atet ¿nak nabij tzra Jesús? Com arja' xujak ak'awech. ¿Nak rbanic nach'ob atet? —Arja' jun profeta rxin Dios. Cara' xbij ja' acha chca. Per j-e' aj Israel majo'n xecnimaj ta chmoy ja' acha nabey. Majo'n necnimaj ta che c'ja' xjaktaja rk'arwech rmal c'ara' xecsiq'uij na redta' y rute' acha. Tak xe'ekaja redta' y rute' cawra xecc'axaj chca. —¿Ewlec'wal jawra acha? ¿Le ktzij c'ara' moy tak xalexa? ¿Nak tzer c'ara' nca'y chic camic? —Ajoj kutkin che klec'wal, y kutkin chka' tak xalexa majo'n nca'y ta. Per majo'n kutkin ta nak tzra tak nca'y chic camic, y majo'n kutkin ta chka' nak xejkowa rk'arwech. ¿Nak tzer c'a mtewc'axaj tzra ja' com c'o chic rjuna' y ri'j chic chka'? Ja' c'a ra' nbina chewa nak xuban. Cara' xecbij chca aj Israel com j-e' congan necxibej qui' chquewech aj Israel com j-e' aj Israel quech'bon chic nak wnak xtbina che Jesús jara' Cristo majo'n nc'u'l xta chpam jay abar nquemol wa' qui', abar ncho'l wa' rtzojbal Dios, per junlic nch'akix ela. Rmal c'ara' tak xecbij: —Tzra ja' tewc'axaj wa' com c'o chic rjuna' y ri'j chic chka'. C'jara' xec'mar chic jmul ja' acha jmoy ojer y cawra xecbij tzra: —Chwech Dios tbij wa' kas mer rbeyal com ajoj kutkin ja acha rbin-an Jesús x-il mac nuban. —We x-il mac nuban jara' majo'n wutkin ta tzra anen, xerwara' xjara' wutkin che anen en moy nabey per camic quenca'y chic. —Per ¿nak xuban chawa? ¿Nak xuban tak xujak ak'awech? —Per jara' nbin chic chewa per ixix majo'n egan newc'axaj. ¿Nak tzer c'a newc'axaj chic jmul chwa? ¿Mex newajo' ixix chka' nquixoca rdiscípulo? J-e' congan xpeta cyiwal y cawra xecbij tzra: —Atet at k'alaj che at rdiscípulo, per ajoj ok rdiscípulo Moisés. Ajoj kutkin che xtzijona Dios ruq'uin Moisés per ja acha rbin-an Jesús abar le tzra' penak wa' y nak la takyon pa rxin. —Per ¿nak tzer c'ara' mesquier nch'obtaja ewmal nak takyon pa rxin per xujak c'a nk'anwech? Ajoj kutkin che Dios majo'n nc'axaj ta nak nc'utux tzra rmal jun bnoy il mac. Per jun wnak wnuya' ruk'ij Dios y nnimaj nak nrajo' ranm ja', jara' nc'axaxa y nyataja tzra je nc'utuj tzra. Ajru' la tiemp wankernak ta rwech ruch'lew per majo'n c'axan ta chc'ola jun acha xujak ta rk'arwech jun moy prelxic. Ja' Jesús wext mquita ruq'uin Dios penak wa' majo'n ta achnak necwina nuban ra', cara' xbij ja' acha. Xquemaj chic ryok'ic acha y cawra xecbij chic tzra: —Atet xe rmal il mac at moy xatalexa. ¿Lnawajo' c'a atet nokatijoj? C'jara' xquelsaj ela chquecjol rxin junlic y majo'n xquec'ul xta. Ja' Jesús tak xc'axaj che xelsas ta acha y majo'n nc'u'l xta, xba y xerla' acha y cawra xc'axaj tzra: —¿Le ykul chic ac'u'x ruq'uin Rlec'wal Dios? —Anen quenwajo' neyke'a nuc'u'x ruq'uin per tec'tu' chenwech nak acha c'ara' Rlec'wal Dios. Jesús cawra xbij chic tzra: —Per jara' acha atz'ton chic, anen c'ara' en Rlec'wal Dios jnemjon tzij awq'uin. C'jara' ja' acha cawra xbij: —Wajaw, anen camic neyke'a nuc'u'x awq'uin, cara' xbij tzra Jesús. Xexque'a chwech y xumaj rya'ic ruk'ij. Ja' Jesús cawra xbij tzra. —Anen enpenak wawe' chwech ruch'lew ch-utz c'ara' nk'aljina nak cbanic je' wnak. Enpenak ch-utz c'ara' je' moya' njaktaja je' ck'awech, y chka' je' wnak je nquebina che nqueca'ya nk'aljina che j-e' xe e moya'. Ec'ola nic'aj fariseo chenkaj ruq'uin Jesús, tak xecc'axaj je xbixa congan xpeta cyiwal tzrij Jesús y cawra xecbij tzra: —¿L-ok moya' ajoj chka' tak nabij cara' chka? —Wext xeya' chewij che chpam k'ejku'm ixc'ol wa' jara' majo'n nquixchapbexa, per com nebij che ewutkin chic rubey Dios jara' c'a nquixchapbexa. Cara' xbij Jesús chca.

Слухаць San Juan 9