Папулярныя біблейскія вершы з Joni 8

Падзяліцца

Jesu kú'o ijá 'iama Na mwe'a kehuni hanaji'ina. 'Ena'omo ea irara Na 'ararihi'amajaho hu nututa niho'o areri paohuna. 'Enakaivo hu ira ka'ene majama hihunijaho apehuna 'iamana.

Ijihuni hahi ja nimaa nimaiji he'avajaho nimaa nimaa kajara veje ja sisea huni harura hara pahihuna 'iamana.

'Ejume Jesura Jua ka'ene Hu nimaa rojajija ijá 'iama Nuni Ira ka'ene joni oja vaji namuji ja venapene va'avajaho ja nimaa nimaa Nuni tisaiporua.

'Ena'omo Harihijara veje ja sisea huni harura hara pahi'avajaho ja nimaa nimaa sisea huni harura hara pahiju.

'E'eme pu ijá namine apoma pasonananavume Hu ahasirima 'uriji'i ijá 'iama Ja namijuri vajaki ea pini sisea niho'o pavenuna vwi'amajara marako'a muna apene hu 'ana'amana 'iamana.

'Ejume Jesu eha vene pu ijá 'iama Na nimaa nimai ja 'waravu. Ea ka'ene sisea vejujaho sisea kajihuni pwea rejura.

'Ejume Jesu 'uriji'i napara kajaho ijá 'wama Napare ea ka'ene a namahujija ichihune? 'Ú ea pina pahine a namahane? 'wamana. Hu ijá 'wama Natohwe ea pina pana 'wamana. 'Ejume Jesu ijá 'wama Na 'u'o a panamahunakúne va'a. 'Enakaivo iviamaa rene kú'o sisea pave'amana 'wamana.