Папулярныя біблейскія вершы з Cenisihs 9

Падзяліцца

Miitahsh kaa‑ani ihkitotc Kishemanitoo, “Miitahsh o'o keshi kihkinawaacihtooyaan i'i kaashi ahshotamaawinakook, iki kaye kahkina aya'aawihshak kaa⁠wiiciiwihkwaa, iki kaye kahkina keni ayaanihke pimaatisiwaatc. Ninka onahtoon hsa kiisihsweyaap wahkwiink, miitahsh i'i e⁠kihkinawaacihtooyaan o'o kaashi ahshotamawakwaa o'omaa ahkiink eyaawaatc.

Ahpii tahsh iko naakwahk kiisihsweyaap wahkwiink, waapantamaan itahsh, ninka maamihkaw nehpic iko kaashi ahshotamaawinakook kahkina kaa⁠pimaatahk o'omaa ahkiink.”

Awenen hsa piko nihsaatc awiyan, ininiinaank hsa kewiin ta⁠onci nihsaakaniwi, aaniihsh Kishemanitoo otishinaakosiwinink okii ishi'aan ininiwan.”

Kishemanitoo tahsh okii ishi shawenimaan Noowawan (Noah) ci⁠minohsenitc okosihsini kaye ekii'inaatc, “Nihtaawikinaawahsok cini paahtiinoyek, misiwe ahkiink cini ayaayek.

Kahkina kekoon wehkawiimakahk pemaatahk kimiinininim ci⁠omiicimimiyek kaakii ishi miininakookipan kekoonan nehtaawikinkin ci⁠omiicimimiyek.

Kahkina hsa aya'aawihshak o'omaa ahkiink eyaawaatc, kahkina kaye pinehshiinshak pemihsewaatc ishpimink; kahkina kaye kaa⁠pimootewaatc mihtahkamik, kahkina kaye kinooshek anaamiintim eyaawaatc, ninka ishi'aak ci⁠kohtaaneniminekwaa, ci⁠kakwaanihsakeniminekwaa kaye; kahkina hsa kiinawaa kimiinikoowisim ci⁠tipenimekwaa.

“Kiinawaa tahsh wiin nihtaawikinaawahsok cini paahtiinoyek, mooshkineshkamok o'o misiwe ahki.”