Папулярныя біблейскія вершы з A Zã Sõng 10

Падзяліцца

Wagdr yẽ watame bala n na n zu, n na n kodg la a kʋ. La mam yẽ waame n na n kõ vɩɩm la m kõ-a tɩ gale.

Maam la pe-kɩɩm sõngo, pe-kɩɩm sõng rɩkda a meng vɩɩm n kõ a pe-yãanse.

M pe-yãansa wʋmda m koɛɛga, mam mi-b lame la b tũuda maam.

Mam kõt-b la vɩɩm sẽn kõn sɛ la b kõn ki abada la ned me kõn tõog n fãag-b mam nugẽ ye.

Maam la bãgr noore, sẽn tũud-a maam n kẽ, a na n paama fãagre; a na n kẽedame la a yita, n paamd yamdo.

La maam la Pe-kɩɩm sõngo, mam mii m pe-yãanse, tɩ bãmb me mi maam

Ba sẽn kõ maam bãmba n yɩɩd fãa. Ned ka tõe n fãag fɩ Ba nugẽ ye. Maam ne m Ba, tõnd yaa a ye.»

wa m Ba sẽn mi maam tɩ m me mi m Ba, la m kõta m meng vɩɩm pe-yãansa yĩnga.

Ka ned n yãkd m yõor ye, yaa mam meng m toore n kõt-a. M tõe n kõ m vɩɩm la m tõe n le reeg-a lame; la m paama rẽ m Ba nengẽ.»

T'a Zezi na n le yeel-ba: «Sɩd-sɩda, mam yeta yãmba, yaa maam la bãgr noore.

La sẽn ka-a pe-kɩɩma, tɩ b yaood-a t'a kɩɩmd piisã la a yaool n ka piisa soaala, yẽ sã n yãe digd-n-yĩid t'a wata, a zoetame n bas pe-yãansã tɩ we-rũnga yõgd-b la a sẽegd-b.

Sɩd-sɩda mam yeta yãmba, sẽn pa tũud-a noor n kẽ piisa bãgr la sẽn gãndgd-a zĩig a to n kẽ, a soab yaa wagdre la fãada.