Папулярныя біблейскія вершы з Sioné 13

Падзяліцца

Ko e tu‘utu‘uni fo‘ou ‘oku ou tuku kiate kimoutolu, Ke mou fe‘ofa‘aki: hangē ā ko ‘eku ‘ofa‘i kimoutolu, ke pehē foki ho‘omou fe‘ofa‘aki. Ko e me‘a ko ē ‘e ‘ilo ai ‘e he kakai kotoa pē ko e kau ako kimoutolu ‘a‘aku, ‘o kapau ‘e ai ha‘amou fe‘ofa‘aki.

Pea kapau ā kuo u fufulu homou va‘e, ‘a au ko e ‘Eiki mo e Lāpai; pea ‘oku totonu ke fai ‘e kimoutolu foki, ‘o fefufulu‘aki homou va‘e ‘omoutolu. He kuo u tuku hamou fa‘ifa‘itaki‘anga, koe‘uhi ke mou fai foki, ‘o hangē ko ‘eku fai kiate kimoutolu.

Pea tali ‘e Sīsū ‘o pehē kiate ia, Ko e me‘a ‘oku ou fai ‘oku ‘ikai te ke ‘ilo ‘e koe ‘i he taimi ni; ka ‘e faifai pea mahino ‘amui.

Ko au ē, ko au ē, ‘oku ou tala atu, ‘Oku ‘ikai ha tamaio‘eiki ‘e lahi ‘i he‘ene ‘eiki, pe ha talafekau ‘iate ia na‘a ne fekau‘i ia.

Kapau ‘oku mou ‘ilo ‘a e ngaahi me‘a ko ia, pea ko e toki kakai monū‘ia kimoutolu, ‘o kapau te mou fai ia.

ko ia na‘a ne tu‘u mei he kai, ‘o ne tuku hono ngaahi kofu tu‘a; ‘o ne to‘o ha tauveli, ‘o ne no‘o. Pea ne toki lilingi ha vai ki he kumete, ‘o ne hanga ‘o fufulu ‘a e va‘e ‘o e kau ako, mo ne holoholo ‘aki ‘a e tauveli kuo ne no‘o ‘aki.