Папулярныя біблейскія вершы з Sioné 6

Падзяліцца

Pea folofola ‘a Sīsū kiate kinautolu, Ko au pē ko e Mā ‘o e Mo‘ui: ko ia ‘oku ha‘u kiate au ‘e ‘ikai ‘aupito te ne fiekaia; pea ko ia ‘oku tui pīkitai kiate au, ‘e ‘ikai ‘aupito te ne fie inua ha taimi.

Ko e laumālie pē ‘oku ne ngaohi ke mo‘ui; ko e me‘a ki he kakano ‘oku ‘ikai momo‘i ‘aonga ia: ko e ngaahi lea kuo u fai ‘e au kiate kimoutolu, ko e koto laumālie ia, pea ko e koto mo‘ui.

Mou ngāue, kae ‘ikai ki he kai ‘oku mole, ka ki he kai ‘oku tolonga, ‘o iku ki he mo‘ui ta‘engata, ‘a ia ‘e ‘atu kiate kimoutolu ‘e he Fanautama ‘a Tangata: he ko e toko taha ko ia kuo sila‘i ‘e he Tamai, ‘e he ‘Otua.

He ko eni ia ‘a e finangalo ‘a ‘eku Tamai, ke ‘ilonga ‘a ia ‘oku ne siofia ‘a e ‘Alo, mo tui pīkitai kiate ia, ke ne ma‘u ‘a e mo‘ui ta‘engata; ka u fokotu‘u ia ‘e au ‘i he ‘aho fakamui.

Pea tali ‘e Sīsū ‘o ne pehē kiate kinautolu, Ko eni ia ‘a e ngāue mei he ‘Otua, ke mou tui pīkitai kiate ia ne fekau mai ‘e he ‘Ene ‘Afio.

Ko e koto me‘a kātoa ‘oku foaki ‘e he Tamai kiate au ‘e ha‘u kiate au; pea ko ia ‘oku fotu mai kiate au, ‘e ‘ikai ‘aupito te u kapusi.

Pea tali ki ai ‘e Saimone Pita, ‘Eiki, te mau ‘alu kia hai? ‘oku ‘iate koe ‘a e ngaahi lea ‘o e mo‘ui ta‘engata.

Ko au pē ko e Mā ‘oku Mo‘ui, ‘a ia ne ‘alu hifo mei he langi: kapau ‘e kai ‘e ha taha mei he mā ko eni te ne mo‘ui pē ‘o ta‘engata: pea ko e mā foki te u ‘atu ko hoku kakano ia, koe‘uhiā ko e mo‘ui ‘a māmani.

‘Oku ‘ikai lava ‘e ha taha ke ha‘u kiate au, ka ‘i he tohoaki ia ‘e he Tamai na‘a ne fekau mai au: pea ko au te u fokotu‘u ‘a e toko taha ko ia ‘i he ‘aho fakamui.

He ko e mā ‘a e ‘Otua, ko ia ia ‘oku ‘alu hifo mei he langi, ‘o ne foaki mo‘ui ki māmani.

Ko au pē ko e mā ‘o e mo‘ui.

Pea to‘o ai ‘e Sīsū ‘a e ngaahi fo‘i mā; pea ne fai ha fakafeta‘i, ‘o ne toki tufa kiate kinautolu ‘oku tākoto; pea pehē foki mo ‘ene ‘atu mei he ongo ika, ‘o fai pē ki he‘enau tangi. Pea kuo nau fu‘u mākona, pea ne pehē ki he‘ene kau ako, Mou tānaki ‘a e ngaahi mapakipaki‘i mā ‘oku toe, ke ‘oua na‘a maumau ha me‘a.

Pea kuo nau ‘a‘alo ‘i he maile ‘e tolu pē fā, pea nau vakai ‘a Sīsū ‘oku ne hā‘ele ‘i he fukahi tahi, pea ‘oku ne fakaofiofi mai ki he vaka: pea nau manavahē. Ka ka lea ia kiate kinautolu, ‘o ne pehē, Ko au pē: ‘oua ‘e manavahē.