Папулярныя біблейскія вершы з Aluki 14

Падзяліцца

«Nẽra sãn yetɩ a doose mam dee ka nõŋɛ mam gãnna a sɔ, la a ma, la a pɔga, la a kɔma, la a sɔbiisi, la a tãpa, bɩɩ a sãn ka nõŋɛ mam gãnna a mẽŋa vɔm, a kãn tã'agɛ dɛna mam karẽnbia.

La sɛka woo n ka sakɛ nãmsgɔ wʋ nẽra n zɛɛrɩ a kũm dɔ-puurŋa dɔla mam, a kãn tã'agɛ dɛna mam karẽnbia.

Nẽr-sɛka woo n zẽkrɩ a mẽŋa, Nawẽnnɛ wʋn sike ẽ, la nẽr-sɛka n sikri a mẽŋa, Nawẽnnɛ wʋn zẽkɛ ẽ.»

Bɛla mẽ, yãma nẽr-sɛka woo n ka basrɩ bõn-sɛba wuu tɩ a tarɩ la, ka tã wʋn dɛna mam karẽnbia.

Ya mi tɩ nẽra sãn bɔna ya pʋam bɔɔra tɩ a mẽ de-tʋgma, a wʋn dẽŋɛ zĩ'ire mɛ geele bɩsɛ, ẽn tarɩ se'em na wʋn seke tɩ a yãŋɛ mẽ ba'asɛ, bɩɩ la kãn seke? La sãn dagna bɛla, a sãn ẽebɛ ẽbrɛ dee ka yãŋɛ mẽ ba'asɛ, sɛba wuu n yẽ bɛla la wʋn la ẽ mɛ yetɩ: ‹Nẽr-ẽna ẽebɛ la deego, dee ka yãŋɛ mẽ ba'asɛ.›

Fʋ sãn yetɩ fʋ ẽŋɛ dia wi nẽrba tɩ ba wa'am di, wi nasdõma, la kɔɔrnɔ, la wɔbsɩ, la fɔɔsɩ. Fʋ sãn ẽŋɛ bɛla, fʋ wʋn tara zu-yẽlga, se'ere n soe la, ba kãn yãŋɛ ẽŋɛ lebse fo. Bɛla, wakat-sɛka tɩ Nawẽnnɛ wʋn botɩ nẽr-sɛba n ẽŋɛ sɛla n masɛ a yɛm na vo'oge la, fʋ wʋn yẽ yɔɔrɔ.»

Yaarʋm ãn sõŋa mɛ, la a sãn sabgɛ, ba wʋn ẽŋɛ la wãne botɩ a le ãna yẽlʋm? A ka le tara yõorɔ la tẽŋa, la a ka tã wʋn dɛna bugulgo mẽ, ba lobrɩ ẽ basra mɛ. Sɛka n wõm yetɔga wã, a selse sõŋa sõŋa.»