Папулярныя біблейскія вершы з Amatie 7

Падзяліцца

«Sose-ya Nawẽnnɛ, tɩ a wʋn bɔ ya. Ɛ-ya, tɩ ya wʋn yẽ. Wẽ-ya kʋlɩŋa, tɩ a wʋn yo'oge bɔ ya.

Se'ere n soe la, nẽr-sɛka woo n sosrɩ Nawẽnnɛ, a wʋn bɔ ẽ. La nẽr-sɛka woo n eerɩ, wʋn yẽ. La nẽr-sɛka n wẽ'erɩ kʋlɩŋa, ba wʋn yo'oge bɔ ẽ.

«Nẽr-sɛka woo n wõm mam yetɔga wã, dee ẽŋɛ wʋ yetɔga la n yele se'em na, a dãana ãn wʋ yɛm dãana n mẽ a yire tãmpĩa zuo.

Yãma n boorɩ tɩ nẽrba ɩta se'em bɔ'ɔra ya la, yãma mẽ ɩta bɛla bɔ'ɔra ba. Ẽna de la Nawẽnnɛ lɔɔ, la a nõtɔ'ɔsrɩba n gʋlsɛ se'em n bɛla.»

La zanõ-mika, la so-bãalga we'esɩ la vɔm zẽ'am. La de la nẽrba fẽe n dolɩ ẽ.»

«Doose-ya zanõrɛ n ãn mika kẽ, se'ere n soe la, zanõ-yalŋa, la so-kãtɛ la we'esɩ la sã'aŋɔ zẽ'am, la nẽrba zozo'e dolɩ la bilam.

Yãma nẽrsaalba n de tõon-be'ero dõma la sãn mina tɩ ya bɔ ya kɔma bõn-sõma, ya Sɔ Nawẽnnɛ n boe saazuum kãn bɔ yãma sɛba n sosrɩ ẽ na bõn-sõma n gãnnɩ bɛla?

«Da zɛrgra-ya taaba, tɩ Nawẽnnɛ mẽ da zɛrgɛ ya. Se'ere n soe la, yan wʋn zɛrgɛ nẽrba se'em na, Nawẽnnɛ mẽ wʋn zɛrgɛ ya la bɛla. La sɛla tɩ ya dɩkɛ makɛ bɔ nẽrba la, ẽŋa tɩ Nawẽnnɛ wʋn dɩkɛ makɛ bɔ ya.

La nẽr-sɛka woo n wõm mam yetɔga wã, dee ka sakɛ ɩta yetɔga la n yele se'em na, a ãn wʋ yalma n mẽ a yire tẽntõnbĩ'isgo zuo.

Bẽm tɩ fʋ bɩsra sɔkɔ n boe fʋ sɔbia nifum, dee ka bɩsra dɔɔgɔ n boe fʋ mẽŋa nifum na? Fõn ẽŋɛ la wãne yɛta fʋ sɔbia yetɩ, a basɛ tɩ fʋ yese sɔkɔ a nifum, dee tɩ dɔɔgɔ bɔna fõn mẽŋa nifum?

«Guuse ya mẽŋa la nẽr-sɛba n parnɩ tɩ bãma de la Nawẽnnɛ nõtɔ'ɔsrɩba la. Ba wʋn ẽŋɛ ba mẽŋa wʋ saasaadõma n dɩkɛ piisi gãna fʋrɛ ba mẽŋa wa'am ya zẽ'am wʋ ba de la piisi la, dee tɩ ba pʋam ba sã'ana wʋ saasaadõma la. Ba tõoma pʋam tɩ ya wʋn bãŋɛ ba. Bẽm ĩyã, zãaŋa ka tã wʋn wɔm tã'ama, la kẽkɔ ka tã wʋn wɔm kẽnkãma.

Tɩ-sõŋɔ woo wɔnnɩ na biɛ sõma, la tɩ-be'ego woo wɔnnɩ na biɛ be'ero.

Tɩ-sõŋɔ ka tã wʋn wɔm biɛ be'ero, la tɩ-be'ego mẽ ka tã wʋn wɔm biɛ sõma.

Tɩ-sɛka woo n ka wɔnnɩ biɛ sõma, ba wʋn lʋbɛ ẽ mɛ yõ la bugum.