Папулярныя біблейскія вершы з Jenasis 4

Падзяліцца

If yu bina dum gudbala ting, wal yu bina jidan gudbinji. Bat yu nomo bin dum gudbala ting. Yubin dum nogudbala ting. En det nogudbala ting im wandi teikoba langa yu. Bat yu lafta nomo teiknodis langa det nogudbalawei. Yu wandi bidim im en win.” Lagijat na God bin tok langa Kein.

Bambai na wen Seth bin gro, imbin abum lilboi, en imbin gulum im neim Inash. Wal det taim na ola pipul bin stat yusumbat det neim blanga YAWEI wen deibin oldei weship langa im.

Bambai na YAWEI bin askim Kein, “Wujei yu braja Eibul?” En Kein bin tok, “Mi nomo sabi. Ai kaan lukaftumbat main braja.”

Wal YAWEI bin tok, “Wotfo yubin dum dijan nogudbala ting? Det blad blanga yu braja im jinginatbat langa mi brom det graun. Im jinginat langa mi blanga peibek blanga im.

Wal YAWEI bin tok, “Nobodi kaan kilim yu ded. If enibodi kilim yu ded, wal sebenbala pipul garra dai blanga peibek blanga yu.” Afta na YAWEI bin pudum mak langa Kein, en det mak bin jidan woning blanga enibodi wen dei midim Kein, en det mak bin dalim olabat nomo blanga kilim im.