Папулярныя біблейскія вершы з Matthieu 6

Падзяліцца

Mɛgi, pen mɔ fɛt, ɛnɛ ki mɛ dung hio wi mɔ *Kongakandɔ pɛ Sɔ, nɛ ɛnɛ de mɔ ka dung nzeng ha li wa, nɛ Sɔ beha ɛnɛ olo mɔ fɛt.

Ka ɛnɛ adung nɛ nɔzang hazu swe bhisiri na, hazu bhisiri nɛ tɛ wa bedung nɛ nɔzang hazu mɔ pɛa. Swe ndang ndang fɛt lɛma nɛ yeksamɔ pɛ mbwa.»

«Hazu ɛngi, mi gba tazu ɛnɛ nde, ka ɛnɛ adung nɛ nɔzang hazu mɔ ka ɛnɛ beyɔng nɛ nɔ, nɛ la ka ɛnɛ beyol na. Tunɔ pɛ wi nɛ gasaa pen wen yɔngamɔ, nɛ tɛ wi nɛ gasaa pen wen latɛ, na nde?

Ma, pɛ mɛ, ka mɛ ngoy gɔ Sɔ, mɛ le ha zang gdɔku nɛ mɛ gdɔki nua. Mɛgi, mɛ gɔ Bafa mɛ haki ha bhandi wuso. Nɛ Bafa mɛ ka zɔk mɔ ka dung ha wuso fɛt, bekɛ mɛ.

Dea nde, ɛnɛ agɔ Sɔ mɛgɛ: ‹Bafa ɔ ka dung ha zang ngɔn, ling mɛ adung nɛ nzɔya, kongakandɔ pɛ mɛ atɛ, Ɛ ade mɔ ka mɛ ngoya ha nu, tuka ɛ de ha zang ngɔn.

Ha ɔ mɛsɛ yɔngamɔ ka lɛma swe ɛngɛ.

Ha ɔ *tiso hazu gdangamɔ pɛ ɔ, tuka ɔ haa tiso ha wi ndɔng, ka de gdangamɔ ha tɛ ɔ.

Lesisi ɔ ha *sɛbhalamɔ na, ma, kpasisi ɔ gbo ha gdangamɔ. [Hazu kongakandɔ, nɛ ziomɔ, nɛ *lɛkɛ-lɛkɛmɔ dung ha kɔ mɛ kpoo. Amen.]›

«Kpasawen, ka ɛnɛ ha tiso ha hio wi hazu gdangamɔ pɛ mbwa, Bafa ɛnɛ ka dung ha zang ngɔn beha fin tiso ha ɛnɛ.

Ɛnɛ ambari hio nɔy ha liswe: Mbwa pɛ nɛ bhi kpalmɔ na, nɛ mbwa wesiri yo ha zang gulo na. Ngase ɛngi Bafa ɛnɛ ka dung ha zang ngɔn ha daya mbwa. Bo nɛ ɛnɛ nɛ zioa pen nɔy ndɔng pentɛ pet, na nde?

«Ka ɛnɛ awesiri kpaamɔ pɛ ɛnɛ hakɛ ha nzan na, hazu hakɛ dudu nɛ ngongele ha gdangsa mɔ, nɛ wanzu ha gbaa nutwa mɛ zu mɔ. Mɛgi, ɛnɛ wesiri kpaamɔ pɛ ɛnɛ gde ha zang ngɔn, haki dudu nɛ ngongele lɛm gdangsi mɔ na, nɛ wanzu lɛm gba nutwa nɛ zu mɔ na. Hazu yo nê ha bhandi ka kpaamɔ pɛ mɛ ang, ka sila mɛ dung ang fin.»

«Bala ndang lɛm dung nɛ wan bwa na. Hazu, a bengoy ma ndang nɛ sɛn mbinga, mana a beze nu ma ndang nɛ de kpandele sungiri nɛ mbinga. Ɛnɛ lɛm de tom ha kɔ Sɔ nɛ ha kɔ mbɔli na.»

Sɔ bhɔngara la ha do bɛlɛ, ka dung ha fɔ swe mɛsɛ, nɛ ka ɛ bepi ha we bhisiri. Mɛgi, Sɔ beyol la ha tɛ ɛnɛ pentɛ pet, na nde? Hazu ge ɛnɛ mɛkiri Sɔ tikiring sɔna?

Ma, ka mɛ dea ngay, dea nde, gare mɛ aing mɔ ka wekɔ mɛ dea na, tuka nde ngay pɛ mɛ adung nɛ wuso. Mɛgi Bafa mɛ, ka zɔk mɔ ka dung ha wuso, bekɛ mɛ.»

«Pangay, ka ɛnɛ ade nzengmɔ hazu peali na, yu nde, Bafa ɛnɛ ka dung ha zang ngɔn betɛ kafi kɛa ɛnɛ.

«Ka ɛnɛ zim yɔngamɔ hazu gɔ Sɔ, ɛnɛ dung tuka wan-ngɔtɛ na. Hazu yo nê hio wan-dambari ka de mɔ mɛgi. Mbwa kay sɔngsi mbwa hazu osi ha hio wi nde, mbwa ha zimɔ yɔngamɔ. Kpasawen, mi tɔ ha ɛnɛ nde, mbwa kpaa mɔ kɛ mbwa kari. Ma, pɛ mɛ, ka mɛ ha zimɔ yɔngamɔ, dea nde, mɛ afal li mɛ, nɛ sal zu mɛ nɛdedea. Mɛgi hio wi ing nde, mɛ ha zimɔ yɔngamɔ, na, kanɛ Bafa mɛ ka ing mɔ wuso. Nɛ Bafa mɛ ka zɔk mɔ ka dung ha wuso fɛt, bekɛ mɛ.»