Папулярныя біблейскія вершы з Tutu Xuva 2

Падзяліцца

Ña'a kùu ma ndatu nunuu ña jāna'a Jesuu nuu ma ñivi. Ta takan jā'a ra ñuu Caná, ña kàndii kuenda ñu'u' Galilea. Chi'in yakan jāna'a ra ña iin ra ya'a ka'nu kùu ra. Ta ikan kùu nuu kīcha'a chīnuni ma ndra jàkua'a chi'in ra tu'un ra ndia.

Ta ma Jesuu te'en nāka'an ra: ―Ma'á, ¿ta naja kà'un takan chi'i̱n? Ta juuni takä'an chaa ma ora ña koto ma ñivi nda ra kùi ―kàti ra.

Tajan te'en nāka'an ndio ma Jesuu: ―Na jakutu ndo ma kii chiña chi'in takuii. Tajan jākutu ndio ndra yi. Ta te'en nāka'an ndio ma Jesuu chi'in ndra: ―Ta vitin na tava ndo ita'vi ma takuii, ta kundaka ndo ra' nuu ma ra ndiso tiñu cha'a' ma viko i'ya ―kàti ra. Ta takan jā'a ndra.

Tajan Jesuu te'en nāka'an ra chi'in na: ―Na janatani ndi'i ndo ma veñu'u i'ya, ta tichi uni kivi, cha kūtaa ndikoi yi ―kàti Jesuu.

Ta ora ndē'e Jesuu ña jà'a na, tajan nānduku ra iin yo'o, ta jā'a ra iin kuata, ta jākunu ra ndisaa na chi'in yi, kutu chi'in jundiki xìko na chi'in ma mvechala ndia. Ta ma ndian sàma ma xu'un' chāta ra yi ma nuu ñu'u', ta jānduva ra ma mesa nuu nàndi na ndia. Ta nuu ma ndian xìko ma livi, va te'en nāka'an ra: ―Na tavani'i ndo tandi'i ña xìko ndo i'ya, ti ma ve'e Tatái, yöve nuu kuya'vi kùu yi ―kàti Jesuu.