Папулярныя біблейскія вершы з Zhuwawu 6

Падзяліцца

Yesu ahawaaddelaga, wiira: <<Miyo gili yooja enavaha egumi. Muthu oli aatene onadha wa miyo, kadha akanna dala. Aatene enagiroromela, kidha ekanna nthona.

Muneba wa Mulugu bunavaha egumi, mwiili wa emuthu kunapuriha yego. Madhu guwaaddeliimini, bili muneba ni egumi.

Kamwihiddege mabasa wi mfwanye yooja enanoongeya, mbwenye mulabege mabasa wi mfwanye yooja yoologela, eli yoovaha egumi yoohumala. Vowi miyo, Mwaana a Muthu, dinoovaheni yooja ele, Mulugu Baabi ahigirumeedhiha wi guuvaheni>>.

Ela teto soofuna ya aBaba wi muthu oli aatene onamusugwa Mwaana, amuroromela, akalena egumi yoohumala, vano miyo ginoodha gimvenyihe muukwani nlabo noomariha>>.

Yesu ahawaakulaga, wiira: <<Mulugu mabasa enaafuniiye baala: Mmuroromele ole omurumiliiye>>.

Aatene Baabi enagivahiiye, enoodha wa miyo. Teto athu aatene enagidheela, kagidha gaakoodda.

Simawu Peduru ahaakulaga, wiira: <<Nabwiya, nnadhowe waani? Nyo dinna madhu oovaha egumi yoohumala.

Miyo gili yooja yeegumi ekitile okumela odhulu. Muthu aja yooja ela, onoodha akalena egumi yoohumala. Yooja ela bu mwiili waaga, onaveleeliimi wa athu a elabo yaatene ya vati wi ekalena egumi>>.

Kalivo muthu onaadhe wa miyo, Baabi ogirumile ahimudhiilena; vano miyo ginoodha gimvenyihe muukwani nlabo noomariha.

Vowi yooja Mulugu enaveleeliiye si eyene ekitile okumela odhulu, enavaha egumi yoohumala wa athu a elabo ya vati>>.

Miyo gili yooja enavaha egumi.

Vano Yesu ahithukulaga mikaathe nde, omutamaala Mulugu, waagawela athu yakaraatilege vevale. Ahiiragana emodha-modhave ni somba nde, waagawela wona mwemo athu mwafuneliiwa. Athu aatene egajile, yahirubalaga, Yesu ahawaaddelaga anamasuuza aaye, wiira: <<Ddoddelani dhoohala dhiwa wi vihithathiliwe yego>>.

Egacapile mwanddeya makilomeeturu owaakwana matanu, naari matanu ni nimohi yahimoonaga Yesu eeddaga vadhulu va mahinje, aaddamelaga mwanddeya weewa, vano aliwa yowoovaga. Mbwenye Yesu ahiiraga: <<Kamoove. Di miyo>>.