Папулярныя біблейскія вершы з Yoane 6

Падзяліцца

Buna Yesu tubaka kwa bau: Mono ikele mampa ya moyo. Konsomuntu ya kwiza kwa mono takufwa nzala ve ta mbala mosi; ye ya kwikila mono, tamona kiwini ve ta mbala mosi.

Mpeve ikele kupesa moyo, nsuni ikele na mfunu ve. Mambu ya mono tubaka kwa beno ikele mpeve ye moyo.

Sala ve sambu na madia ya vila, kansi sambu na madia ya vanda ku moyo mvu ya mvu, yina ya Mwana ya muntu tapesa beno, kadi Tata Nzambi tulaka kidimbu mu yandi.

Kadi yai ikele luzolo ya Tata, konsomuntu ya mona Mwana ye kwikila yandi, tavanda na moyo mvu ya mvu.

Yesu vutulaka ye tubaka kwa bau: Yai ikele kisalu ya Nzambi: Na beno kwikila yandi ya yandi fidisaka.

Yonso ya Tata pesaka mono takwiza kwa mono, ye yandi ya kwiza kwa mono, mono takula yandi ta mbala mosi ve

Buna Simoni Petelo vutulaka: Mfumu, kwa nani beto takwenda ? Nge ikele na ndinga ya moyo ya mvu ya mvu.

Mono ikele mampa ya ikele na moyo ya kulumuka tuka zulu. Kana muntu kudia mampa yai, yandi tavanda na moyo mvu ya mvu; mampa ya mono pesa ikele nsuni ya mono, ya mono tapesa sambu na moyo ya nsi.

Muntu lenda ve kwiza kwa mono, kana Tata ya fidisaka mono imene kubenda yandi ve, ye mono tafulukisa yandi mu kilumbu ya nsuka.

Kadi mampa ya Nzambi ikele yo ya kulumukaka tuka zulu, ye pesaka moyo kwa bantu ya nsi.

Mono ikele mampa ya moyo.

Buna Yesu bakaka mampa ye yandi pesaka matondo, buna yandi pesaka kwa bau ya vandaka, mpilayai mpe mbizi ya masa na kitezo ya bau zolaka. Bu bau imene kuyukuta, yandi tubaka kwa banlonguki ya yandi: Beno kutikisa bitini ya madia ya bika, ye kima mosi vila ve.

Mpilayai, bu bau luaka bota kilometre iya keti tanu, bau monaka Yesu kutambula va mbu, yandi finamaka ku bota, bau vandaka na boma. Kansi yandi tubaka kwa bau: Yai ikele mono, vanda na boma ve.