Папулярныя біблейскія вершы з Эге дөс 6

Падзяліцца

Дээрги-Чаяакчы чер кырынга кижини чаяап каанынга хараадап, сеткилиниң ханызындан хомудаан.

Кижилерден үнүп турар каржы-бак чүүлдүң чер кырында хөйүн Дээрги-Чаяакчы көрүп каан. Оларның бүгү бодалдары үргүлчү-ле каржы-бак чүүлче угланган болган.

А Нойже Дээрги-Чаяакчы ээ көрнүр болган.

Нойнуң болгаш ооң үре-салгалының дугайында чугаа бо-дур. Ной ол үениң салгалында актыг, чөптүг-шынныг кижи болгаш, Бурганга бүзүрелдиг, дыңнангыр чораан.

Дээрги-Чаяакчы: «Чер кырында чаяап кааным кижилерниң шуптузун, олар-биле кады мал-маганны, аң-меңни, дээрниң куштарын узуткап каар мен; оларны бодарадып каанымга хараадап тур мен» – дээн.

Кижилер чер кырынга көвүдеп, олардан кыс уруглар төрүттүнүп турган. Кижилерниң кыстарының чаражын көргеш, Бурганның оолдары кымга кандыызы тааржырыл, оларны боттарынга кадайлар кылдыр шилип ап турганнар. Ынчан Дээрги-Чаяакчы мынча дээн: «Мээң тынгарган Сүлдем кижиге кезээде турбас; кижи анаа-ла эът-бот-тур. Ынчангаш ооң амыдыралының хуусаазы 120 чыл болзун». Бурганның оолдары кижилерниң кыстарын кадайланып аарга, олардан ажы-төл төрүттүнүп турар апарган үеден бээр, чер кырынга кончуг улуг-шыырак кижилер турган. Олар бурунгу дүп шагның күштүг болгаш алдарлыг кижилери турган чүве-дир.

Бурган канчаар айытканыл, Ной шуптузун шак-ла ынчаар күүсеткен.

Ынчангаш Бурган Нойга чугаалаан: «Черде чурттап турар кижилерниң амыдыралын үзүп каар мен, чүге дээрге оларның каржы-бак үүлгедиглери чер кырын долган-дыр. Оларны узуткап каар мен, олар-биле кады – бүгү черни база.

А сен быжыг кипарис ыяш-биле бажың-хемеден кылып ал. Аңаа аңгы-аңгы кезектерден үзүктеп кылгаш, ишти-даштын чук-биле чаап аар сен.

Чер кырының бужартаанын, шупту улустуң бузуттуг оруктар-биле чоруп орарын Бурган көрүп каан.

Бодуңга бүгү-ле дириг амытаннарны эр-кыс эжеш кылдыр алгылап алыр сен. Олар сээң-биле кады дириг артар ужурлуг.