Папулярныя біблейскія вершы з Иоанн 19

Падзяліцца

Иисус, арағаны сорып, чоохтанған: – Полҷаң ниме пол парды! Анаң, пазын тӱзірібізіп, ӱреп парған.

Аның соонаң Иисус, прай нименің тол парғанын, кӧріп, Худай Пічиинде пазылғаны тол парзын тіп: – Сухсапчам, – тіп чоохтанған.

Иисус, іҷезін паза аннаң хости турчатхан Позының хынған ӱгренҷізін кӧр салып, іҷезіне теен: – Ипчі кізі. Пу синін оолғың. Анаң ӱгренҷізіне теен: – Пу синің іҷең! Аннаң сығара ол ӱгренҷі Иисустың іҷезін позынзар алып алған.

Иисуссар пас киліп, Аның ӱреп парғанын кӧріп, чодаларын сыы саппааннар. Че чааҷыларның пірсі Аның хабырғазын чыданаң сазыбысхан, андартын ханнаң суғ ах сыххан.

Худай Пічиинде «Аның сӧӧгі сыы сабылбас» тіп пазылғаны тол парар ӱчӱн, пу ниме полған. Худай Пічиинде хоза піди пазылған: «Чыданаң састырған кізіні кӧрерлер».

Иисус, Позының кірезін апарып, «Хуу Пас» алай еврей тілінде «Голгофа» тіп орынзар сыххан.

Ханны чіли тонандыраачых полып, чааҷылар, хазалҷых харағанны іскітті ӱріп алып, Аның пазына кизірт салып, узун хызыл кӧгенек кизіртібіскеннер: