Папулярныя біблейскія вершы з Yauhas 17

Падзяліцца

Koj txojlus yog lus tseeb; thov muab koj txojlus tseeb ntxuav kom lawv huv.

Txojsia ntev dhawv mus ibtxhis ntawd yog qhov uas lawv paub koj thiab paub hais tias koj tib leeg thiaj yog Vajtswv thiab paub Yexus Khetos tus uas koj txib los.

“Tsis yog kuv thov koj pab cov neeg no xwb, tiamsis kuv thov koj pab cov neeg uas hnov tej lus uas lawv qhia thiab los ntseeg kuv kom lawv koom ib lub siab. Txiv, thov cia lawv nyob hauv wb, ib yam li koj nyob hauv kuv thiab kuv nyob hauv koj; thov koj pab kom lawv ua tau ib lub siab, ntiajteb thiaj paub hais tias koj txib kuv los.

Kuv tsis tau thov kom koj coj lawv tawm hauv lub ntiajteb no mus, tiamsis kuv thov koj tsomkwm lawv kom lawv tsis txhob raug dab Ntxwgnyoog dag ntxias.

Kuv ua rau lawv tau koob meej ib yam li koj ua rau kuv tau koob meej; kuv ua li ntawd kom lawv koom tau ib lub siab ib yam li wb koom tau ib lub siab. Kuv nyob hauv lawv thiab koj nyob hauv kuv, kuv ua li ntawd kom lawv thiaj koom tau ib lub siab, ntiajteb thiaj paub hais tias koj txib kuv los thiab paub hais tias koj hlub lawv ib yam li koj hlub kuv.