Папулярныя біблейскія вершы з 1 КАРЫНЬЦЯНАЎ 12

Падзяліцца

А кожнаму даецца выяўленьне Духа дзеля карысьці.

Вы ж — Цела Хрыстовае, а паасобна — члены.

І калі церпіць адзін член, церпяць з ім усе члены; калі славіцца адзін член, радуюцца з ім усе члены.

Бо аднаму даецца праз Духа слова мудрасьці, а другому — слова веданьня праз таго самага Духа; а іншаму — вера ў тым самым Духу; а іншаму — дары аздараўленьня ў тым самым Духу; іншаму — рабіць цуды, іншаму — прароцтва, іншаму — распазнаваньне духаў, іншаму — разнастайныя мовы, а іншаму — тлумачэньне моваў.

А ўсё гэтае робіць адзін і той самы Дух, надзяляючы кожнага асобна, як Ён хоча.

каб не было падзелу ў целе, але члены адзін пра аднаго клапаціліся.

Ёсьць адрозьненьні ў дарах, але Дух той самы; і ёсьць адрозьненьні ў служэньнях, але Госпад той самы; і ёсьць адрозьненьні ў дзеяньнях, але Бог той самы, Які ўсё ў-ва ўсіх робіць.

І адных Бог паставіў у царкве, па-першае, апосталамі, па-другое, прарокамі, па-трэцяе, настаўнікамі; пасьля — [тых, хто мае] сілы, пасьля — дары аздараўленьня, дапамаганьня, гаспадараваньня, разнастайныя мовы.

Бо і цела — гэта не адзін член, але шмат.

Але члены цела, якія лічацца слабейшымі, нашмат больш патрэбныя.

Калі ўсё цела — вока, дзе слых? Калі ўсё — слых, дзе нюх? Але цяпер Бог разьмясьціў члены, кожны з іх асобна, у целе, як Сам хацеў. А калі б усе былі адзін член, дзе цела?