Папулярныя біблейскія вершы з ПСАЛЬМЫ 119

Падзяліцца

Слова Тваё — сьветач для ног маіх і сьвятло на сьцежцы маёй.

У сэрцы маім я хаваю слова Тваё, каб не зграшыць супраць Цябе.

Якім чынам юнак захавае ў чыстасьці сьцежку сваю? [Калі] будзе захоўваць [яе] паводле слова Твайго.

Шчасьлівыя тыя, што захоўваюць сьведчаньні Ягоныя, якія ўсім сэрцам шукаюць Яго

Ты — заслона мая і шчыт мой, на слова Тваё спадзяюся.

Дай мне разуменьне, і буду пільнавацца Закону Твайго і захоўваць яго ўсім сэрцам.

Нахіляй сэрца маё да сьведчаньняў Тваіх, а не да прыбытку.

Добра мне, што я быў упакораны, каб навучыўся пастановам Тваім.

Гэта пацяшэньне маё ў нядолі маёй, бо слова Тваё ажыўляе мяне.

Вядзі мяне па сьцежцы прыказаньняў Тваіх, бо ў гэтым упадабаньне маё.

Навучы мяне, ГОСПАДЗЕ, шляху пастановаў Тваіх, і я буду пільнавацца яго аж да канца.

Сьлёзы ліе душа мая ад смутку, узьнімі мяне паводле слова Твайго!

Як я люблю Закон Твой! Увесь дзень ён у думках маіх!