Папулярныя біблейскія вершы з Ibeb 7

Падзяліцца

Okumugwem onenitumu inyi Nuwa ibe, “Owu melek otutuuk ebi ototun̄ ukan̄ kwun̄, ìna ìninin̄ emen uji ya, mije, îre owu gaalek ke emi mweek imun̄ ibe ke îre ogwu ata irọrọ me etete otutuuk ebi ìluk me linyọn̄ me ukot keyi.

Mun̄ ile ya ìmemeen̄ linyọn̄ ibia ikeya efit usen mè akọp go.

Me òso akọp mè usen jaaba, me emen onyan̄ iba me acha Nuwa osobe efit acha gweregwen, otutuuk ikpele ogbuuruk geelek òkup me irak ijọn̄ ogwugwuku ibook, mè ibene ikisook mun̄ isibi. Otutuuk otu nruruk òkup me akpa isinyọn̄ ochichili ibook, ibot obebene ikida igwook me linyọn̄.

Okumugwem ochechep otutuuk inu geelek òluk me linyọn̄ isan̄a dìp dìp, bene me lek ebilene re lek anam mè inu geelek òkinyinyọnọ me ijọn̄, mè unọn òwulu me inyọn̄. Îtata Nuwa mè ebi melek kan̄ ekupbe me emen uji ọfọ ya gaalek esik me ugwem.

Ibot ya îrep me linyọn̄ abayaage akọp egwe ini mè akọp eririeen̄ ini, ìkafieek.