Папулярныя біблейскія вершы з Susumo 3

Падзяліцца

Hwā mo a di nèy cɔgɔt o na sé nerat yaga re, na to sé pyɛ̂ bɛrɛng, ko na sé pyɛ̂ cwey o arɔng, yaga ne nɔngɔs netsitsɛng. A vo yi e ji nèy o, a re, ko a nɔ̂ng rwas mɛ, yɛ arɔng a re.

Ko gwɔ̄m wa dal ngyāma mwa de Dagwi Darwey a yong na netsitsɛng. Wa yâng hwā mo, “A sé mwin de Dagwi a ye, yin kwon re yi e mwa yére nèy cɔ́gɔt de ya sé e ji bwi wɛt arɛt?”

Ko mê tɛ̀ repugu e tē mō na hwā mó, e tê yere mō na yere mɛ arɔng. Yɛ̀ e bunut to mō, ko hwô rɔt tô bwol mɛ.”

Dagwi a doyo vɔk na hwā mó, a yang ɛ, “Mê gwɛ̌ a hwo yɔ̂m jeng vɔ̂k jim, na jeng tɔ arɔng. Ko mwa ano, hwà rɔda simo rwas mō sizɔng, ko yɛ e vɔk reto e ra hwo.”

Hwô tɛrɛ long e de how cap, na hwo sɛ̀ mɛ pyɛ́ de hwô re. Hwô ra ano vɔk e jeng de hwô to toyo hwo fongol, yaga yi e fongol de ba yong o. Hwà sé fongol, ko e fongol de hwô toyo hwo ɛ̀.”

Dagwi a to doyo vɔk na rwas o, a yang ɛ, “Hwà wet betong na hâ hwā mō, ko hwà re yi e ji nèy cɔgɔt de ma kana nɔng o redu, hwo re wɛt. Yaga pyɛ de hwà ra, ma ga kyini vwel. Hê tabas serɔgɔ na shik, ko hwô fes o e fwom mwa neyɛnɛ̂ neshey mō, na hwo sɛ̀ pyɛ̂ re de yê vey a hwo.

Dagwi a yang ɛ, “Wa a yang o, hwà sé warap arɛt? Hwà ga re yi e ji nèy cɔgɔt de ma ga yang o, a sé kyiri, na hwo re arɛt?”

A gas ɛ na gwɛ, ko a tɛ̀ pyɛ́ cen yi e lagwi, na ye gyeng bwi mo na wal de wo lolo, ko wo nàra doysa. A tɛ̀ pyɛ́ mo e rwa rak bwi mo.

Mwat o a vo a hwā mɛ rezâ, Hawa, yaga yɛ wɛ a rɔda tɛ́ ɛ dê bemasi mwa.