Папулярныя біблейскія вершы з 1 КАРЫНФЯНАЎ 15

Падзяліцца

Дык вось, браты любасныя, будзьце цьвёрдыя, непахісныя, заўсёды майце посьпех у справе Гасподняй, ведаючы, што праца вашая не змарнее перад Госпадам.

Дзякаваць Богу, Які даў нам перамогу Госпадам нашым Ісусам Хрыстом.

Не давайцеся ў зман; дрэнныя суполькі псуюць добрыя норавы.

Але зь мілаты Божае я ёсьць тое, што ёсьць; і мілата Ягоная ўва мне ня была марная, але я болей за іх усіх папрацаваў; ня я, зрэшты, а мілата Божая, якая са мною.

Сьмерць! дзе тваё джала? пекла! дзе твая перамога?». А джала сьмерці - грэх; а сіла грэху - закон.

Я кажу вам тайну, ня ўсе мы памрэм, але ўсе пераменімся; раптам, у імгненьне вока, пры апошняй трубе; бо затрубіць, і мёртвыя ўваскрэснуць нятленьнымі, а мы пераменімся

Бо як сьмерць праз чалавека, так праз чалавека і ўваскрэсеньне зь мёртвых. Як у Адаме ўсе паміраюць, так у Хрысьце ўсе ажывуць.

бо тленнае гэтае мае апрануцца ў нятленнае, і сьмяротнае гэтае - апрануцца ў несьмяротнасьць.

бо Яму належыць валадарыць, пакуль «пакладзе ўсіх ворагаў пад ногі Свае», а як апошні вораг зьнішчыцца - сьмерць